Home ព័ត៌មានអន្តរជាតិ នាវា​ដឹក​ប្រេ...

នាវា​ដឹក​ប្រេង​មួយ​រង​ការវាយប្រហារ​ភេរវកម្ម​នៅ​អា​រ៉ាប៊ីសាអូឌីត​

​ប្រែ​សម្រួលៈ​វាសនា​៖ នាវា​ដឹក​ប្រេង​មួយ​ដែល​បាន​ចត​នៅ​អា​រ៉ាប៊ីសាអូឌីត ត្រូវបាន​ទូក​តូច​មួយ​ដែល​ផ្ទុក​គ្រាប់បែក​បើ​កបំ​បុក​នៅក្នុង​ការវាយប្រហារ​ភេរវកម្ម​មួយ​កាលពី​ថ្ងៃ​ចន្ទ នេះ​បើ​យោង​តាម​សារ​​ព័ត៌មាន​។​

​នាវា​ដោយ​ទង់​សិង្ហ​បុរី​BW Rhine បាន​កក្រើក​រញ្ជួយ​ដោយ​ការផ្ទុះ​ក្នុងពេល​ចត​នៅ​ស្ថានីយ​ឥន្ធនៈ​មួយ​ក្នុង​ក្រុង​ចេតដា​កាលពី​ព្រឹក​ថ្ងៃច​ន្ទ​។​មន្ត្រី​អា​រ៉ាប៊ីសាអូឌីត មិន​បាន​និយាយថា​នរណា​នៅ​ពីក្រោយ​​ការវាយប្រហារ​នេះ​ទេ តែ​គេ​ជឿ​ថា​វា​ពាក់ព័ន្ធ​នឹង​សង្គ្រាម​នៅយែ​ម៉ែន និង​ជា​ការវាយប្រហារ​ទី​៤ ដែល​ផ្តោត​លើ​ហេដ្ឋារចនាសម្ពន្ធ​រប​ស់​អារ៉ាប៊ី​សា​អូឌីត​នៅ​ប៉ុន្មាន​សប្តាហ៍​មក​នេះ​។​

​វា​ក៏​កើតឡើង​ចំពេល​ក្រុម​ឧទ្ទាម​ហូ​ទី ដែល​គាំទ្រ​ដោយ​អ៊ីរ៉ង់ បង្កើន​ការវាយប្រហារ​កាត់​ព្រំដែន​ប្រឆាំងនឹង​គោលដៅ​របស់​អា​រ៉ាប៊ីសាអូឌីត នៅក្នុង​ការ​សងសឹក​ចំពោះ​យុទ្ធនាការ​យោធា​៥​ឆ្នាំ ដឹកនាំ​ដោយ​​រដ្ឋាភិបាល​ក្រុង​រី​យ៉ាត​(​អា​រ៉ាប៊ីសាអូឌីត​)​។​

​នាវា​ដឹក​ប្រេង​BW Rhine រង​ការបំ​ផ្ទុះ​គ្រាប់បែក​កាលពីដើមថ្ងៃ​ចន្ទ ក្រោយ​រង​ការបុក​ដោយ​វត្ថុ​មកពី​ក្រៅ នេះ​បើ​មាន​ការបញ្ជាក់​របស់​ក្រុមហ៊ុន​។​ការផ្ទុះ​បាន​បង្ក​ជា​អគ្គិភ័យ​លើ​នាវា​តែ​មនុស្ស​២២​នៅ​​ក្នុង​នាវា​មិន​រងគ្រោះថ្នាក់​ទេ រីឯ​អគ្គិភ័យ​ត្រូវ​បាន​ពន្លត់​នៅពេល​ក្រោយមក​។​

​អាច​មាន​ការ​កំពប់​ធ្លាយ​ប្រេង​ខ្លះ និង​ក្រុមហ៊ុន​បាន​និយាយថា​ខ្លួន​កំពុង​វាយ​តំលៃ​ការខូចខាត​។​

​អាជ្ញាធរ​អា​រ៉ាប៊ីសាអូឌីត កាលពី​ពេល​ថ្មីៗ​បាន​ចោទប្រកាន់​ក្រុម​ហូ​ទី​ថា បាន​ទម្លាក់​គ្រាប់មីន​អណ្តែត​ចូល​ក្នុង​សមុទ្រ​ក្រហម​ខាងត្បូង ដែល​វា​អាច​អណ្តែត​មក​កាន់​ក្រុង​ចេតដា​។​

​ការផ្ទុះ​នេះ​បង្ក​ការព្រួយបារម្ភ​អំពី​សុវត្ថិភាព​នាវា​ក្នុង​សមុទ្រ​ក្រហម ដែល​ជា​តំបន់​ឆ្លងកាត់​ដ៏​សំខាន់​មួយ​សំរាប់​ការដឹកជញ្ជូន​តា​ម​ផ្លូវទឹក​នៅលើ​ពិភពលោក​៕

​នាវា​BW Rhine បាន​ចត​នៅ​ក្រុង​ចេតដា​កាល​ពី​ថ្ងៃសៅរ៍ ដោយ​ផ្ទុក​ប្រេង​សាំង​ជាង​៦​ម៉ឺន​តោន​មកពី​រោងចក្រ​ចម្រាញ់​មួយ​

ទីតាំងផ្សាយពាណិជ្ជកម្ម

- Advertisment -

Most Popular