Home កីឡា លី​ក​អឺរ៉ុប​ព...

លី​ក​អឺរ៉ុប​ពាក់កណ្តាល​សប្តាហ៍ ៖ Chelsea, Man City, Real Madrid, Lazio រំពឹង​ទទួលបាន​៣​ពិន្ទុ​ពេញ

​ប្រែ​សម្រួល : កញ្ញា​ដា​លី​ស​/​បាល់ទាត់ ៖ កាលវិភាគ​ប្រកួត​ដ៏​មមាញឹក​របស់​អឺរ៉ុប​បាន​ចូល​មក​ដល់​ហើយ​អំឡុង​ខែ​ធ្នូ​នេះ ដោយ​ថ្ងៃ​មាន​ការប្រកួត​លី​ក​កំពូល​អឺរ៉ុប​ជាច្រើន​រួម​ទាំង​លី​កនៅ​អង់គ្លេស អ៊ីតាលី អេ​ស្ប៉ាញ និង​អាល្លឺម៉ង់​។ ក្រុម​រំពឹង​ឈ្នះ​លើ​គូប្រកួត​ដើម្បី​សន្សំ​ពិន្ទុ​គឺ Chelsea, Man City, Real Madrid និង Lazio​។

– EPL : Wolves vs Chelsea ៖ តោ​ខៀវ Chelsea ទើប​ចាញ់​ក្រុម​ស្ករ​គ្រាប់ Everton ១-០ កាលពី​ចុង​សប្តាហ៍ ថ្ងៃនេះ​ទៅ​ទឹកដី​របស់​ចចក​ព្រៃ Wolves ពួក​គេ​រំពឹង​ស្តារ​ជ័យជម្នះ​មកវិញ ដោយហេតុថា​មាន​ប្រវត្តិ​ល្អ​ជាមួយ​ក្រុម​នេះ​ស្រាប់​។ ជួប​គ្នា​ចុងក្រោយ​បំផុត​កាលពី​៤​ខែ​មុន តោ​ខៀវ​ឈ្នះ Wolves ២-០ ហើយ​ទៅ​ទឹកដី​របស់​ចចក​ព្រៃ​ចុងក្រោយ​បំផុត​គឺ​ឈ្នះ​រហូត​ដល់​ទៅ ៥-២​។ ថ្ងៃនេះ​យើង​រំពឹង​តោ​ខៀវ​ឈ្នះ ដោយ​យោង​លើ​ប្រវត្តិ​ជួបគ្នា ១៣ លើកចុងក្រោយ Chelsea ឈ្នះ​រហូត​១១​ដង​ទៅ​ហើយ​។​

– EPL : Manchester City vs West Brom ៖ Man City ជា​ក្រុម​រំពឹង​ប្រជែង​ពាន​ជាមួយ Liverpool ឆ្នាំនេះ ប៉ុន្តែ​បើក​រដូវ​កាល​លើក​នេះ​ហាក់​ត្រដាបត្រដួស ដោយ​ឥឡូវ​ឈរ​នៅ​លេខ ៧ ហេតុ​ដូច្នេះ​ពួកគេ​ត្រូវ​ឈ្នះ​ថ្ងៃនេះ​ឱ្យបាន ដើម្បី​រក្សា​ក្តីសង្ឃឹម​ប្រជែង​ពាន​។ West Brom គឺជា​ក្រុម​អន់​ជាង​គេ​បំផុត​នៅ​ក្រៅ​ទឹក​ដី​ហើយ​ក៏​របូត​គ្រាប់​បាល់​ច្រើន​ជាង​គេ​បំផុត​ផងដែរ​។ យើង​រំពឹង Man City ឈ្នះ​ច្រើន​គ្រាប់ ព្រោះ​ប្រវត្តិ​ជួប​គ្នា​កន្លងមក​ភាគច្រើន មេឃ​ខៀវ​ឈ្នះ West Brom ច្រើនៗ​គ្រាប់​ណាស់​។

– La Liga : Real Madrid vs Bilbao ៖ ស្តេច​ស Real Madrid កំពុង​ងាក​មក​វិថី​ឈ្នះៗ​វិញ ក្រោយ​ផ្តួល​ក្រុម​មិនដែល​ចាញ់ Atl. Madrid ២-០ កាលពី​ចុង​សប្តាហ៍​។ Bilbao ជា​ក្រុម​ងាយ​ដណ្តើមយក​ពិន្ទុ​បំផុត ព្រោះ​ប្រកួត​កន្លងមក ១១ លើក ចាញ់​រហូត ៦ ប្រកួត​ទៅហើយ​។ ជាមួយ​ទម្រង់​លេង​មិន​សង់​តង់​គ្នា អន់​នៅក្រៅ​ទឹកដី និង​ប្រវត្តិ​អន់​នៅ​ទឹកដី​របស់​ស្តេច​ស យើង​រំពឹង Real ឈ្នះ​យ៉ាងតិច ២​គ្រាប់​។

– Serie A : Benevento vs Lazio ៖ Benevento លេង​គ្រាន់បើ​ជាង​រដូវ​កាល​មុន​ធៀប​នឹង​ក្រុម​គីឡូ​ថ្មី​ទើប​ឡើង​ពី Serie B ដទៃទៀត ដោយ​ឥឡូវ​មាន ១១ ពិន្ទុ ឈរ​នៅ​លេខ​១៣​។ Lazio ទើបតែ​ឡើង​មក​វគ្គ​១៦​ក្រុម​ចុងក្រោយ​នៃ CL ហើយ​ចាប់ឆ្នោត​ម្សិលមិញ​ប៉ះចំ Bayern Munich​។ ក្រុម​ភ្ញៀវ​កំពុង​ឡើង​ជើង​ទាំង​នៅក្នុង​ស្រុក​និង​អឺរ៉ុប ហើយ​ប្រកួត​៥​លើកចុងក្រោយ​ឈ្នះ​៤ ចាញ់​តែ​១​ទេ​។ ក្រុម​ទាំង​ពីរ​ធ្លាប់​ជួប​គ្នា ៣ លើក តែ Lazio ឈ្នះ​រហូត ហើយ​ឈ្នះ​ច្រើនៗ​គ្រាប់​ទៀត ដោយ​ជួប​គ្នា​ចុងក្រោយ Lazio ឈ្នះ​ក្នុង​ទឹកដី ៦-២​។ ថ្ងៃនេះ Lazio នឹង​បន្ត​ឈ្នះ​ទៀត​។​

​តារាង​កម្មវិធី​ប្រកួត​លី​ក​កំពូល​អឺរ៉ុប​សម្រាប់​ពាក់កណ្តាល​សប្តាហ៍ ៖

ទីតាំងផ្សាយពាណិជ្ជកម្ម

- Advertisment -

Most Popular