Home ព័ត៌មានអន្តរជាតិ ក្រោយ​មាន​ការ...

ក្រោយ​មាន​ការជ្រៀតជ្រែក​មកពី​ក្រៅ ចិន​អះអាងថា​ចិន​និង​បណ្តា​ប្រទេស​តាម​ដង​ទន្លេមេគង្គ មាន​កិច្ចសហការ​គ្នា​ល្អ​អំពី​ប្រភព​ធនធាន​ទឹក​

​ប្រែ​សម្រួលៈ​វាសនា​/​ប៉េកាំង​៖ ​រដ្ឋាភិបាល​ចិន​ប៉េកាំង បាន​ច្រាន​ចោល​ការសិក្សា​ស្រាវជ្រាវ​របស់​អាម៉េរិក​មួយ​ដែលថា បណ្តា​ទំនប់ទឹក​ចិន​បាន​រក្សា​ទឹក​ទុក ជាហេតុ​នាំ​អោយ​ខូច​ប្រយោជន៍​របស់​បណ្តា​ប្រទេស​​នៅ​ខ្សែទឹក​ខាងក្រោម ដែល​មនុស្ស​ប្រមាណ​៦០​លាន​នាក់​រស់​អាស្រ័យ​លើ​ទន្លេមេគង្គ​តាមរយៈ​ការនេសាទ​និង​ធ្វើ​កសិកម្ម​។​

​អ្នកនាំពាក្យ​ក្រសួងការបរទេស​ចិន​បាន​និយាយ​កាលពី​ថ្ងៃ​ចន្ទ​ថា ចិន​និង​បណ្តា​ប្រទេស​តាម​ដង​ទន្លេមេគង្គ​នៅ​ប៉ុន្មាន​ឆ្នាំ​មកនេះ​បាន​ជំរុញ​កិច្ចសហការ​មេគង្គ​-​ឡាន​ឆាង​អំពី​ប្រភព​ធនធាន​ទឹក​ទោះ​​ជា​មាន​សម្លេង​រុកគួ​ន​និង​ការជ្រៀតជ្រែក​មក​ពី​ខាង​ក្រៅ ហើយ​បាន​ធ្វើអោយ​មាន​ការរីក​ចំរើន​ជា​ដុំកំភួន​។​

​អ្នកនាំពាក្យ​ក្រសួងការបរទេស​លោក វ៉ាង វេន​ប៊ិន បាន​ប្រាប់​សន្និសីទកាសែត​ប្រចាំ​ថ្ងៃ​ថា « ចិន​ស្វាគមន៍​ការលើកឡើង​បែប​ស្ថាបនា​មកពី​បណ្តា​ប្រទេស​នៅ​ក្រៅ​តំបន់​ស្តីពី​ការអភិវឌ្ឍ​និង​ប្រើប្រាស់​ប្រ​​ភព​ធនធានទឹក ដោយ​បណ្តា​ប្រទេស​ជា​សមាជិក​មេគង្គ​-​ឡាន​ឆាង តែ​សូម​ប្រឆាំង​ដាច់ខាត​ចំណាត់ការ​បែប​ព្យាបាទ​ក្នុង​បំណង​ធ្វើអោយ​ពួក​យើង​បែកបាក់​គ្នា​។​

​វ៉ាង បាន​ចេញ​ក​ប្រតិកម្ម​យ៉ាង​ដូចនេះ ក្រោយ​ពី​គំរោង​ផ្តល់​មូលនិធិ​ដោយ​អាម៉េរិក​មួយ ដែល​ប្រើ​ផ្កាយរណប​ជាច្រើន ធ្វើ​ការតាមដាន​កំរិត​ទឹក​នៅ​តាម​ទំ​បន់​ទឹក​ចិន​នៅ​តាម​ទន្លេ​ឡាន​ឆាង និង​បន្ទាប់​​មក​ជូន​ដំណឹង​ជា​សា​ធាណៈ​។​

​ទីភ្នាក់ងារ​សារព័ត៌មាន​ស៊ីន​ហួរ បាន​ស្រង់​សម្តី​លោក​វ៉ាង​ដែល​បាន​និយាយថា​ចាប់តាំងពី​ខែ​មុន​មក​ចិន​បាន​ចាប់ផ្តើម​ផ្តល់​ទិន្នន័យ​វា​រី​អគ្គិសនី​របស់​ទន្លេ​ឡាន​ឆាង​សំរាប់​រយៈពេល​ពេញ​មួយឆ្នាំ​ជាមួយ​​បណ្តា​ប្រទេស​តាម​ទន្លេមេគង្គ និង​ចែ​ល​រំលែក​ព័ត៌មាន​ស្តីពី​កិច្ចសហការ​ប្រើប្រាស់​ប្រភព​ធនធាន​ទឹក​ក្រោម​កិច្ចសហការ​មេគង្គ​-​ឡាន​ឆាង​។​ប្រទេស​នៅ​ខ្សែទឹក​ខាងក្រោម ក៏​ចែករំលែក​ព័ត៌មាន​និង​ទិន្ន​​ន័យ​របស់​ខ្លួន​ផង​ដែរ ដើម្បី​បង្កើន​តម្លាភាព​ព័ត៌មាន​ស្តីពី​កិច្ច​សហការ​មេគង្គ​-​ឡាន​ឆាង​។​

​បើ​តាម​លោក​វ៉ាង បណ្តា​ទំនប់​វា​រី​អគ្គិសនី​នៅ​ខ្សែទឹក​ខាងលើ​បាន​បំពេញ​តួនាទី​របស់​គេ​ពេញលេញ​នៅក្នុង​ការបន្ថយ​លំហូរ​ទឹក​ក្នុង​រដូវវស្សា និង​បង្កើន​វា​ក្នុង​រដូវប្រាំង ។​ចាប់តាំងពី​មាន​សំណង់​ស្ថានីយ​វា​រី​អគ្គិសនី​តាម​ទន្លេ​ឡាន​ឆាង​-​មេគង្គ បណ្តា​អាង​ស្តុក​ទឹក​នៅ​រដូវភ្លៀង​សំរាប់​ការប្រើប្រាស់​នៅពេល​ក្រោយមក​បាន​ជួយ​ទប់​លំហូរ​ទឹក​យ៉ាង​គំហ៊ុក​មកកាន់​បណ្តា​ប្រទេស​នៅ​ខាងក្រោម ហើយ​«​សហគមន៍​​អន្តរជាតិ​និង​គណៈកម្មាធិការ​ទន្លេមេគង្គ ជឿថា ស្ថានីយ​វា​រី​អគ្គិសនី​ឡាន​ឆាង​នឹង​ជួយ​រក្សា​លំហូរ​ទឹក​នៅ​ទន្លេមេគង្គ​អោយមាន​លំនឹង​និង​ផ្តល់​ប្រយោជន៍​ដល់​ការគ្រប់គ្រង​ទឹកជំនន់ ហើយ​ជួយ​សម្រាល​​ភាព​រាំង​ស្រួត​នៅ​តាម​ប្រទេស​ជា​សមាជិក​មេគង្គ​»​។​

​លោក​វ៉ាង​បាន​បន្ថែមថា ចាប់តាំងពី​បង្កើត​កិច្ចសហការ​មេគង្គ​-​ឡាន​ឆាង​មក ចិន​បាន​ជួយ​កម្ពុជា ឡាវ និង​មី​យ៉ាន់​ម៉ា អោយ​ត្រៀម​ផែនការ​ទី​ជម្រាល​ទឹក​និង​ផែនការ​ធារាសាស្ត្រ​ដ៏​ល្អិតល្អន់​។​ចិន​ក៏​បាន​ជួ​​យ​បណ្តា​ប្រទេស​នៅ​ខ្សែទឹក​ខាងក្រោម​អោយ​បង្កើត​ផែនការ​បង្ការ​និង​កាត់បន្ថយ​គ្រោះទឹកជំនន់ ព្រមទាំង​បញ្ជូន​ថាមពល​វា​រី​អគ្គិសនី​ពី​ទន្លេ​ឡាន​ឆាង​ទៅកាន់​ប្រទេស​ខាងក្រោម​ដូចជា​ឡាវ និង​មី​យ៉ាន់​​ម៉ា​។​

​សូមបញ្ជាក់​ថា គំរោង​ផ្តល់មូនិ​ធិ​ដោយ​អាម៉េរិ​ក​ឈ្មោះថា «​អ្នកឃ្លាំមើល​ទំនប់​ទឹក​ទន្លេមេគង្គ​» ជា​ផ្នែក​មួយ​នៃ​ផែនការ​របស់​ក្រសួងការបរទេស​អាម៉េរិក​។​វា​ប្រើ​ផ្កាយរណប​ជាច្រើន​ដើម្បី​តាមដាន​និង​ចេញ​​ផ្សាយ​កំរិត​កំពស់​ទឹក​នៅ​តាម​ទំ​បន់​ចិន​នៅ​តាម​ទន្លេ​ឡាន​ឆាង​-​មេគង្គ​។​គំរោង​នេះ​ទើប​ចាប់ផ្តើម​កាលពី​ថ្ងៃ​ចន្ទ​ទី​១៤​ធ្នូ ដែលនាំអោយ​មហាអំណាច​ទាំង​ពីរ​កាន់តែ​ប្រជែង​គ្នា​ខ្លាំង​ឡើង​នៅ​អាស៊ីអាគ្នេយ៍​៕

ទិដ្ឋភាពរួមនៃទំនប់វារីអគ្គិសនី ជ្រោះបីនៅទន្លេយ៉ាងសេ ក្នុងខេត្តហ៊ូប៉ី របស់ចិន

 

ទីតាំងផ្សាយពាណិជ្ជកម្ម

- Advertisment -

Most Popular