Home ព័ត៌មានជាតិ នយោបាយ ​ពិតជា​ដំណឹង​...

​ពិតជា​ដំណឹង​ល្អ​សម្រាប់​សិស្ស​ថ្នាក់​ទី​១២៖ ប្រមុខ​រាជរដ្ឋាភិបាល​កម្ពុជា​ប្រកាស​ឲ្យ​សិស្ស​ថ្នាក់​ទី​១២​ជាប់​បាក់​ឌុប​ទាំងអស់​ដោយ​មិនបាច់​ប្រឡង​

ដោយៈ​តារា​រិ​ទ្ធ​/​ភ្នំពេញ​៖​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានសម្រេច​ឲ្យ​សិស្ស​ថ្នាក់​ទី១២​ឆ្នាំ​សិក្សា ​២០១៩-២០២០ ជាប់​សញ្ញាបត្រ​បាក់​ឌុ​ត​ទាំងអស់​តែម្តង​ដោយ​មិនចាំបាច់​ប្រឡង និង ការវិនិច្ឆ័យ​ទៅលើ​លទ្ធផល​នៃ​ការប្រឡង​ឆមាស​នោះទេ ។​

​សម្តេច​តេ​ជោ​នាយករដ្ឋមន្ត្រី​បានប្រកាស​បែបនេះ​នៅ​ចុងបញ្ចប់​នៃ​សារ​ជូន​ជនរួមជាតិ​នា​ព្រឹក​ថ្ងៃទី ១៥ ខែ ធ្នូ​ឆ្នាំ ២០២០ នេះ ដោយ​សម្តេច​បញ្ជាក់ថា​៖​ក្នុងនាម​ជា​អ្នក​ដឹក នាំ​នយោបាយ​របស់​ប្រទេសមួយ​សម្តេច​មាន​សិទ្ធិ​ក្នុងការ​កំណត់​និង​សម្រេច​រាល់​បញ្ហា​ទាំងឡាយ​ដែលជា​បញ្ហា​ជាតិ ។​

​សម្ដេច​តេ​ជោ​បន្តថា​៖​សម្តេច​មិន​អនុញ្ញាត​ឲ្យ​ប្រឡង​បាក់​ឌុប​នៅ​ថ្ងៃទី ១១ ខែមករា ២០២១​ខាងមុខនេះ​ទេ ។ តាម​សំណើរ​របស់​ក្រសួង​អប់រំ​សម្ដេច​ថា​នៅសល់តែ​ជម្រើស ទី ៣ ដោយ​ជំនួស​វិញ​នូវ​ការវាយតម្លៃ​លើ​លទ្ធផល​នៃ​ការប្រឡង​ឆមាស​របស់​បេក្ខជន​ម្នាក់ៗ​ដើម្បី​កំណត់​ការជាប់​ឬ​ធ្លាក់ ។ តែ​ចំណុច​នេះ​សម្ដេច​តេ​ជោ ហ៊ុន សែន​បាន​បន្ត ថា​ប្រហែលជា​អស់លោក​ត្រូវបង្កើត​បញ្ហា​ហើយ​ថា​តើ​អ្នករងគ្រោះ​គឺ​អ្នកណា​? អ្នករងគ្រោះ​គឺ​គ្រូបង្រៀន​ដែលជា​អ្នក​ដាក់ពិន្ទុ​ឱ្យ​នោះ​។​សម្ដេច​តេ​ជោ ហ៊ុន សែន បន្តថា​ឆ្នាំ សិក្សា ២០១៩-២០២០ បាក់​ឌុប (Bac II) ឱ្យ​ជាប់​ទាំងអស់​គឺ​ឆាប់​ចប់​ហើយ​ក្មេងៗ​គឺ​ប្រឹងរៀន​ដើម្បី​ចាប់ផ្ដើម​ទៅរក​ការចុះឈ្មោះ​ចូលរៀន​មហាវិទ្យាល័យ ៕​

ទីតាំងផ្សាយពាណិជ្ជកម្ម

- Advertisment -



Most Popular