Home ព័ត៌មានជាតិ សន្តិសុខ វ៉ៃ​យក​ម៉ូតូ​...

វ៉ៃ​យក​ម៉ូតូ​ពី​សៀមរាប រត់គេចខ្លួន​ទៅ​បាត់ដំបង ត្រូវ​ប៉េអឹម​ចាប់វាយ​ខ្នោះ​

ដោយ​: អង្គរតូច / សៀមរាប​: កម្លាំង​កងរាជអាវុធហត្ថ​ខេត្តសៀមរាប កាលពី​រសៀល​ថ្ងៃទី​១៤​ខែធ្នូ​នេះ បាន​សហការ​ជាមួយ​អាវុធហត្ថ​ខេត្តបាត់ដំបង ចាប់​វាយខ្នោះ​ជនសង្ស័យ​ម្នាក់ ដែល​វាយ​ប្លន់​យក​ម៉ូតូ​ពី​ជនរងគ្រោះ​នៅ​ខេត្តសៀមរាប​។​

​របាយ​ការណ៍ដែល​ផ្តល់អោយ​ដោយ​មន្ត្រី​កង​រាជ អាវុធហត្ថ​ខេត្តសៀមរាប បង្ហាញថា ជនសង្ស័យ​ដែល​ឃាត់ខ្លួន​ឈ្មោះ​ហុន វិជាតិ ភេទ​ប្រុស​អាយុ​៤៣​ឆ្នាំ គ្មាន​មុខរបរ ទីលំនៅ​បច្ចុប្បន្ន ភូមិ​បឹង​ដូ​ប​ប៉ា សង្កាត់​ស្លក្រាម ក្រុង​សៀមរាប ខេត្តសៀមរាប​។ ឃាត់ខ្លួន​បាន​នៅ​ចំណុច ភូមិ​ដូង ឃុំ​បឹងរាំង ស្រុក​កំរៀង ខេត្តបាត់ដំបង ក្នុងខណៈ​ពេលដែល​ជនសង្ស័យ​ខាង លើ ជិះ​ម៉ូតូ​ដែល​វ៉ៃ​យកបាន​ពី​ជនរងគ្រោះ ពី​ខេត្ត សៀមរាប ហើយ​គេចខ្លួន​មកដល់​ស្រុក​កំរៀង​។ ចំណែក​ជនរងគ្រោះ សមត្ថកិច្ច​ពុំ​បង្ហាញ​ឈ្មោះ​នោះទេ​។​

​របាយការណ៍ បង្ហាញ​ទៀតថា ជនសង្ស័យ​បាន​ប្រព្រឹត្ត វ៉ៃ​ជនរងគ្រោះ​យក​ម៉ូតូ កាលពី​វេលា​ម៉ោង ១៤​និង​៣០ នាទី ថ្ងៃទី​១៣ ខែធ្នូ ឆ្នាំ​២០២០ នៅ​ចំណុច ភូមិ​អញ្ចាញ សង្កាត់​នគរធំ ក្រុង​សៀមរាប ខេត្តសៀមរាប ។ ក្រោយពី​ទទួល​ពាក្យបណ្តឹង កម្លាំង​ជំនាញ​ការិយាល័យ​ព្រហ្មទណ្ឌ ចុះ​ស្រាវជ្រាវ​ស៊ើប អង្កេត​បទល្មើស​ជាក់ស្តែង ។ លុះ​នៅវេលា​ម៉ោង ១១​និង​៣០ នាទី ថ្ងៃទី​១៤ ខែធ្នូ ឆ្នាំ​២០២០ កម្លាំង​ការិយាល័យ​ព្រហ្មទណ្ឌ​ដឹកនាំ​ដោយ​លោក អនុ​សេនី យ៍​ទោ សៀក សោភា នាយការិយាល័យ​ព្រហ្មទណ្ឌ បានធ្វើ​ការសហការ​ជាមួយ​កម្លាំង​ជំនាញ មូលដ្ឋាន​កងរាជអាវុធហត្ថ​ស្រុក​កំរៀង ខេត្តបាត់ដំបង បានធ្វើ ការឃាត់ខ្លួន​ជនសង្ស័យ​តែម្តង​។ ក្នុងពេល​សាកសួរ ជនសង្ស័យ​ខាងលើ​បាន​សារភាពថា ខ្លួន​ពិតជា​បាន​វ៉ៃ​ជនរងគ្រោះ​យក​ម៉ូតូ​ពិតប្រាកដ​មែន ។​

​របាយការណ៍​បញ្ជាក់ថា វត្ថុតាង​ដកហូត​រួមមាន ម៉ូតូ ១​គ្រឿង ម៉ាក​ហុងដា​ឌ្រី​ម សេ​១២៥ ស៊េរី​ឆ្នាំ​២០០៧ ពណ៌​ខ្មៅ លេខ​តួ​+​លេខ​ម៉ាស៊ីន ៨១៩៦៨៧៦ ពាក់​ស្លាក​លេខ សៀមរាប ១B-៨៧៧៧ (​ម៉ូតូ​ដែល​ជនសង្ស័យ​វ៉ៃ​យក​ពី​ជនរងគ្រោះ​) ។​

​ក្រោយ​ប្រគល់​ម៉ូតូ​អោយ​ម្ចាស់​វិញ ជនសង្ស័យ បានរៀបចំ​សំណុំរឿង​បញ្ជូនទៅ​តុលាការ នៅ​រសៀល​ថ្ងៃទី​១៥​ខែធ្នូ​នេះ ដោយ​ចោទប្រកាន់​ពីបទ លួច​មាន​ស្ថាន​ទំងន់ទោស​៕​

ទីតាំងផ្សាយពាណិជ្ជកម្ម

- Advertisment -

Most Popular