Home ព័ត៌មានអន្តរជាតិ ចិន​នឹង​បើក​ឱ...

ចិន​នឹង​បើក​ឱ្យ​អ្នកវិទ្យាសាស្ត្រ​អន្តរជាតិ​ប្រើប្រាស់​កែវយឹត​យក្ស​របស់ខ្លួន​

​ប្រែ​សម្រួល : កញ្ញា​ដា​លី​ស ៖ សង់​នៅ​កណ្តាល​ជួរ​ភ្នំ​នៅ​ភាគ​និរតី​នៃ​ប្រទេស​ចិន ប្រព័ន្ធ​កែវយឹត​រលក​វិទ្យុ​ធំ​បំផុត​របស់​ពិភពលោក​បាន​បង្ហាញ​ពី​មហិច្ឆតា​របស់​រដ្ឋាភិបាល​ក្រុង​ប៉េកាំង​ដើម្បី​ក្លាយជា​មជ្ឈមណ្ឌល​សកល​សម្រាប់​ការស្រាវជ្រាវ​វិទ្យាសាស្ត្រ​។​

​កែវ​យឹត Aperture Spherical Telescope (FAST) ដែល​មាន​ប្រវែង ៥០០ ម៉ែត្រ​គ្រោង​នឹង​បើកទ្វារ​ឱ្យ​តារាវិទូ​បរទេស​ប្រើប្រាស់​ដោយ​សង្ឃឹមថា​នឹង​ទាក់ទាញ​អ្នកវិទ្យាសាស្ត្រ​មាន​ទេពកោសល្យ​កំពូលៗ​ពី​ជុំ​ពិភពលោក​។​

​កាលពី​ពេល​ថ្មីៗ​នេះ កែវយឹត​រលក​វិទ្យុ​ធំជាងគេ​ទី​២ លើ​ពិភពលោក​នៅ​មណ្ឌល Arecibo Observatory នៅ​ព័រ​តូ​រីកូ ត្រូវបាន​បំផ្លាញ នៅពេល​ដែល​ដង​បង្គោល​ទទួល​រលកសញ្ញា​ទម្ងន់ ៩០០ តោន​របស់​វា​រលុង​ធ្លាក់ចុះ​មក​ក្រោម​នៅ​កម្ពស់ ១៤០ ម៉ែត្រ​បណ្តាលឱ្យ​ខូច​ថា​សរលក​វិទ្យុ​នៅ​ខាងក្រោម​។​

​លោក វ៉ាង ឈី​មីង ប្រធាន​អធិការកិច្ច​នៃ​មជ្ឈមណ្ឌល​ប្រតិបត្តិការ​និង​មជ្ឈមណ្ឌល​អភិវឌ្ឍន៍រ​បស់​កែវយឹត FAST បាន​ប្រាប់​ទីភ្នាក់ងារ​សារព័ត៌មាន AFP ក្នុងអំឡុង​ដំណើរ​ទស្សនកិច្ច​ដ៏​កម្រ​របស់​សារព័ត៌មាន​បរទេស​កាល​ពី​សប្តាហ៍​មុន​ថា លោក​ធ្លាប់បាន​ទៅ​មើល​មណ្ឌល Arecibo Observatory​។​

​លោក​បន្តថា “​យើង​បាន​ទទួល​ការ​បំផុសគំនិត​ជាច្រើន​ពី​រចនា​សម្ពន្ធ​របស់​វា ដែល​ទីបំផុត​យើង​បាន​ធ្វើឱ្យ​ប្រសើរឡើង​ជា​លំដាប់​ដើម្បី​បង្កើត​កែវយឹត​របស់​យើង​”​។​

​កែវយឹត​របស់​ចិន​នៅ​តំបន់​ពីង​តាំង​ខេត្ត​គួ​យ​ចូ​វ​គឺ​ស្រូប​ខ្លាំង​ជាង​កែវយឹត​របស់​អាម៉េរិក ៣ ដង ហើយ​ត្រូវបាន​ព័ទ្ធជុំវិញ​ដោយ​តំបន់ “​ស្ងាត់​រលក​វិទ្យុ​” ជុំវិញ​ចម្ងាយ ៥ គីឡូម៉ែត្រ​កន្លែង​ដែល​ទូរស័ព្ទ​ចល័ត​​និង​កុំព្យូទ័រ​មិន​ត្រូវបាន​អនុញ្ញាត​។​

​ការងារ​សាងសង់​កែវយឹត FAST បាន​ចាប់ផ្តើម​ក្នុង​ឆ្នាំ ២០១១ ហើយ​វា​បានចាប់ផ្តើម​ប្រតិបត្តិការ​ពេញលេញ​នៅ​ខែ​មករា​ឆ្នាំ​នេះ​ដោយ​ធ្វើការ​យ៉ាង​សំខាន់​ដើម្បី​ចាប់​យក​រលកសញ្ញា​វិទ្យុ​ដែល​បញ្ចេញ​​ដោយ​ខ្មោច​ផ្កាយ ជាពិសេស​ពន្លឺ​កាំរស្មី បញ្ចេញ​ពី​ផ្កាយ​ងាប់​។​

​បន្ទះ​ផ្កាយរណប​យក្ស​ប្រវែង ៥០០ ម៉ែត្រ​នេះ​គឺជា​បន្ទះ​ធំជាងគេ​បំផុត​នៅលើ​ពិភពលោក ដែល​គ្របដណ្ដប់​លើ​ផ្ទៃដី​ស្មើ​នឹង​ទីលាន​បាល់ទាត់​ចំនួន ៣០ និង​ចំណាយ​ថវិកា ១,១ ពាន់​លាន​យ័ន (១៧៥ លាន​ដុល្លារ​) ដើម្បី​សាងសង់​ក៏​ដូចជា​ការផ្លាស់​ទីលំនៅ​របស់​អ្នកភូមិ​រាប់ពាន់នាក់​ដើម្បី​ទុក​កន្លែង​សាងសង់​ផងដែរ​។​

​ចិន​បាន​និង​កំពុង​បង្កើន​សក្តានុពល​វិទ្យាសាស្ត្រ​របស់​ខ្លួន​យ៉ាង​ឆាប់រហ័ស​ដើម្បី​កាត់បន្ថយ​ការពឹងផ្អែក​លើ​បច្ចេកវិជ្ជា​បរទេស​៕

​កែវ​យឹត FAST នៅ​តំបន់​ពីង​តាំង​ខេត្ត​គួ​យ​ចូ​វ​នឹង​បើក​ឱ្យ​អ្នកវិទ្យាសាស្ត្រ​អន្តរជាតិ​ចូល​មើល

ទីតាំងផ្សាយពាណិជ្ជកម្ម

- Advertisment -

Most Popular