បណ្តា​ប្រទេស​ក្រីក្រ​ប្រឈម​ការរង់ចាំ​យូរ​សម្រាប់​វ៉ាក់សាំង​កូវី​ដ​១៩

ប្រែ​សម្រួល : កញ្ញា​ដា​លី​ស ៖ ខណៈ​ជនជាតិ​អាម៉េរិក អង់គ្លេស​និង​កាណាដា​បាន​លាត់​ដៃ​អាវ​ឱ្យ​គេ​ចាក់​វ៉ាក់សាំង​ការពារកូ​វីដ​១៩​ឥឡូវនេះ​ផ្លូវ​ចេញ​ពី​ជំងឺ​រាតត្បាត​ហាក់​មើលឃើញ​ច្បាស់​ហើយ​សម្រាប់​មនុស្ស​​ភាគច្រើន​នៅ​លោកខាងលិច ទោះ​ត្រូវ​ចំណាយពេល​ច្រើន​ខែ​ដើម្បី​ចាក់​វ៉ាក់សាំង​ក៏ដោយ​។ ប៉ុន្តែ​សម្រាប់​ប្រទេស​ក្រីក្រ ផ្លូវ​ចេញ​នឹង​ស្ថិត​នៅ​វែងឆ្ងាយ​និង​រលាក់​ខ្លាំងណាស់​។​

​គំនិត​ផ្តួចផ្តើម​ឈ្មោះថា COVAX ដែល​បង្កើតឡើង​ដើម្បី​ធានាថា​ពិភពលោក​ទាំងមូល​អាច​ទទួលបាន​វ៉ាក់សាំង​ការពារកូ​វីដ​១៩ បាន​ទទួល​ត្រឹមតែ​មួយ​ភាគ​តូច​នៃ​វ៉ាក់សាំង ២​ពាន់​លាន​ដូ​សដែលខ្លួន​​សង្ឃឹម​ទិញ​បាន​នៅ​ឆ្នាំក្រោយ​ប៉ុណ្ណោះ ដោយ​មិន​ទាន់​បាន​បញ្ជាក់​ពី​កិច្ចព្រមព្រៀង​ជាក់ស្តែង​ណាមួយ​ដើម្បី​ទិញ​បាន​វ៉ាក់សាំង និង កំពុង​ខ្វះ​សាច់ប្រាក់​ថែមទៀត​។​

​វីរុស ដែល​បាន​សម្លាប់​មនុស្ស​ជាង ១,៦ លាន​នាក់​បាន​លាតត្រដាង​ឱ្យ​ឃើញ​ច្បាស់​នូវ​វិសមភាព​រវាង​ប្រទេស​នានា​ដោយសារ​ប្រព័ន្ធ​សុខាភិបាល​ផុយស្រួយ​និង​សេដ្ឋកិច្ច​តូចៗ​កាន់តែ​ច្រើន​កំពុង​ទទួល​​រង​ផលប៉ះពាល់​ខ្លាំង​។ COVAX ត្រូវបាន​បង្កើតឡើង​ដោយ​អង្គការ​សុខភាព​ពិភពលោក (WHO) សម្ពន្ធមិត្ត​វ៉ាក់សាំង GAVI និង CEPI ដែល​ជា​សម្ពន្ធ​សកល​ដើម្បី​ប្រយុទ្ធប្រឆាំង​នឹង​ជំងឺ​រាតត្បាត ដើម្បី​បញ្ចៀស​ការ​ជាន់​ជើង​គ្នា​ចង្អៀត​ប៉ែស​ជា​អន្តរជាតិ​សម្រាប់​វ៉ាក់សាំង​។​

​ប៉ុន្តែ​ឥឡូវនេះ​អ្នកជំនាញ​មួយចំនួន​និយាយថា ឱកាស​ដែល​ថា​វ៉ាក់សាំង​នឹងត្រូវ​ចែករំលែក​ស្មើភាព​គ្នា​រវាង​ប្រទេស​អ្នកមាន​និង​ប្រទេស​អ្នកក្រ​គឺ​រសាត់​បាត់​លឿន​ខ្លាំងណាស់​។​ខណៈ​ការផ្គត់ផ្គង់​វ៉ាក់សាំង​​មាន​កម្រិត បច្ចុប្បន្ន​ប្រទេស​អភិវឌ្ឍន៍​មួយចំនួន​ដែល​បាន​ជួយ​ផ្តល់​ថវិកា​ដល់​ការស្រាវជ្រាវ​ដោយ​លុយ​របស់​អ្នក​ជាប់ពន្ធ កំពុង​រង​សម្ពាធ​យ៉ាងខ្លាំង​ដើម្បី​ការពារ​ប្រជាជន​របស់​ខ្លួន​ហើយ​កំពុង​ទិញ​វ៉ាក់សាំង​​ច្រើន​ឡើង​ដើម្បី​ស្តុក​ទុក​ផ្ទាល់ខ្លួន​។ ទន្ទឹមនឹងនេះ​ដែរ ប្រទេស​ក្រីក្រ​មួយចំនួន​ដែល​បាន​ចុះហត្ថលេខា​លើ​គំនិត​ផ្តួចផ្តើម​នេះ កំពុង​ស្វែងរក​ជម្រើស​ផ្សេង ដោយសារ​តែ​បារម្ភ​ថា​នឹង​មិន​បាន​ទទួល​វ៉ាក់សាំង​។​

​លោក​អាណូដ បឺ​ណាត ប្រធាន​ផ្នែក​សុខភាព​ពិភពលោក​នៅ​វេទិកា​សេដ្ឋកិច្ចពិភពលោក និយាយថា “​វា​ជា​គណិតវិទ្យា​សាមញ្ញ​”​។ ក្នុងចំណោម​វ៉ាក់សាំង​ប្រមាណ ១២​ពាន់​លាន​ដូសដែល​ឧស្សាហកម្មឱ​សថ​​រំពឹង​ផលិត​បាន​នៅ​ឆ្នាំក្រោយ វ៉ាក់សាំង​ប្រហែល ៩ ពាន់​លាន​ដូស​ត្រូវ​បានប​ម្រុង​ទុក​ដោយ​ប្រទេស​អ្នក​មាន​រួចទៅហើយ​។ លោក​បន្តថា “COVAX មិន​បាន​ធានា​នូវ​កម្រិត​វ៉ាក់សាំង​គ្រប់គ្រាន់​ទេ​ហើយ​​ស្ថានការណ៍​ជាក់ស្តែង​មើលឃើញ​ច្បាស់​គឺ​ថា ពួកគេ​ប្រហែល​ជា​ទទួលបាន​នូវ​កម្រិត​វ៉ាក់សាំង​គ្រប់គ្រាន់​យឺត​ជាងគេ​”​។​

​អ្នកនាំពាក្យ GAVI លោក ជេ​មស៍ ហ្វាល់​កឺ និយាយថា រហូតមកទល់​ពេលនេះ កិច្ចព្រមព្រៀង ដែល​បាន​បញ្ជាក់​និង​ត្រឹមត្រូវ​តាមច្បាប់​របស់ COVAX គឺ​មាន​ត្រឹម ២០០ លាន​ដូ​ស​ប៉ុន្តែ​នេះ​រួមបញ្ចូល​​ទាំង​ជម្រើស​ក្នុង​ការបញ្ជា​ទិញ​ថែម​ច្រើនដង​នៃ​ចំនួនដូស​បន្ថែម​។ COVAX មាន​កិច្ចព្រមព្រៀង​សម្រាប់​វ៉ាក់សាំង​ចំនួន ៥០០ លាន​ផ្សេងទៀត ប៉ុន្តែ​វ៉ាក់សាំង​ទាំងនោះ​មិន​ត្រូវបាន​ចង​ដោយ​ច្បាប់​​ដែល​តំរូវ​អោយ​អ្នក​ផលិត​ត្រូវតែ​អនុវត្ត​ទេ​៕

ប្រទេស​ក្រីក្រ​រំពឹង​ទទួលបាន​វ៉ាក់សាំង​កូវី​ដ​១៩​យឺត​ នៅពេលអង់គ្លេស អាម៉េរិក​និងកាណាដាចាប់ផ្តើមចាក់

ទីតាំងផ្សាយពាណិជ្ជកម្ម

- Advertisment -

Most Popular