Home ព័ត៌មានអន្តរជាតិ ពូ​ទីន អបអ​រប...

ពូ​ទីន អបអ​របៃ​ដិន​ចំពោះ​ការ​ឈ្នះ​តំណែង​ប្រធានាធិបតី​អាម៉េរិក​

​ប្រែ​សម្រួលៈ​វាសនា​/​មូ​ស្គូ​៖​ក្រោយ​ពី​អត់ធ្មត់​អស់​ពេល​ជាច្រើន​សប្តាហ៍ នៅ​ទីបំផុត​ប្រធានាធិបតី​រុស្ស៊ី លោក​វ្ល៉ា​ឌី​មៀ ពូ​ទីន កាលពី​ថ្ងៃ​អង្គារ​បាន​អបអរសាទរ​លោកចូ បៃដិនកា​រដែល​លោក​បាន​ឈ្នះ​ការ​​បោះឆ្នោត​ប្រធានាធិបតី​អាម៉េរិក​។​

​ការផ្ញើ​សារ​អបអរ​របស់​លោក​ពូ​ទីន​ចំពោះបៃ​ដិន បាន​កើត​ឡើង​មួយ​ថ្ងៃ​ក្រោយពី​គណៈកម្មាធិការ​អង្គ​បោះឆ្នោត​អាម៉េរិក​បានបញ្ជាក់​ថា​លោកបៃ​ដិន ជា​ប្រធានាធិបតី​អាម៉េរិក​បន្ទាប់ ដោយ​ផាត់​ចោល​​ការចោទប្រកាន់​របស់​ប្រធានាធិបតី​ក្នុង​តំណែង ដូ​ណា​ល់ ត្រា ដែល​ថា​ការបោះឆ្នោត​កាលពី​ខែ​វិច្ឆិការ​មាន​ការលួចបន្លំ​ជាទូទៅ និង​លោក​ជា​អ្នកឈ្នះឆ្នោត​។​

​វិមាន​ក្រឹម​ឡាំង​បាន​និយាយ​កាលពី​មុន​ថា ប្រធានាធិបតី​រុស្ស៊ី​នឹង​មិន​ទាន់​ចេញ​ការស្វាគមន៍​លោកបៃ​ដិន​នៅឡើយ​ទេ ដរាបណា​នៅ​មិនទាន់​មាន​ការប្រកាស​ផ្លូវការ​។​

​ដោយ​ចង់​សំដៅ​ការប្រឆាំង​លទ្ធផល​ឆ្នោត​ពី​ពួក​សាធារណរដ្ឋ លោកពូ​ទីន​កាលពី​ខែ​មុន​បាន​និយាយថា​« យើង​គ្រាន់តែ​ចង់​រង់ចាំ​អោយ​ការប្រឈមមុខ​នយោបាយ​ផ្ទៃក្នុង​ចប់​សិន​»​។​

​នៅក្នុង​សារ លោកពូ​ទីន​បាន​ជូនពរ​លោកបៃ​ដិន អោយ​«​ជោគជ័យ​ខ្លាំង​»​និង​សម្តែង​ជំនឿ​ថា «​រុស្ស៊ី​និង​អាម៉េរិក ទោះជា​មាន​ការខ្វែងគំនិត​គ្នា​ខ្លះ​ពិតជា​ចូលរួមចំណែក​ដោះស្រាយ​បញ្ហា​ជាច្រើន​និង​​ការ​ប្រឈម​របស់​ពិភពលោក​សព្វថ្ងៃ​»​។​

​លោក​បាន​បន្តថា កិច្ចសហការ​រវាង​រុស្ស៊ី​និង​អាម៉េរិក​ដែល​ឈរ​លើ​គោលការណ៍​ស្មើភាព និង​ចេះ​គោរព​គ្នា​ទៅវិញទៅមក នឹង​បំពេញ​នូវ​ផលប្រយោជន៍​របស់​ប្រជាជន​នៃ​ប្រទេស​ទាំង​២ និង​សហគមន៍​អន្តរ​​ជាតិ​ទាំងមូល​៕

​ពូ​ទីន ក្នុង​សន្និសីទ​មួយ​កាលពី​ថ្ងៃ​១០​ធ្នូ​

ទីតាំងផ្សាយពាណិជ្ជកម្ម

- Advertisment -



Most Popular