Home ព័ត៌មានជាតិ សេដ្ឋកិច្ច ក្រសួង​ការងារ...

ក្រសួង​ការងារ​បន្ត​ផ្អាក​ដំណើរការ​បណ្តុះបណ្តាល​នៅតាម​គ្រឹះស្ថាន​អប់រំ​បណ្តុះបណ្តាល​បច្ចេកទេស​និង​វិជ្ជាជីវៈ​

ដោយ​:​ដេប៉ូ​/​ភ្នំពេញ​:​ក្រសួង​ការងារ​និង​បណ្តុះបណ្តាល​វិជ្ជាជីវៈ​កាលពី​ថ្ងៃទី​១៥​ខែធ្នូ​ម្សិលមិញ​បានសម្រេច​បន្ត​ផ្អាក​ដំណើរការ​បណ្តុះបណ្តាល​នៅតាម​គ្រឹះស្ថាន​អប់រំ​បណ្តុះបណ្តាល​បច្ចេកទេស​និង​វិជ្ជាជីវៈ​ដោយសារតែ​បញ្ហា​ជំងឺ​កូ​វីដ​១៩​ដែល​កំពុង​គំរាមកំហែង​ក្នុងប្រទេស​កម្ពុជា​ក៏ដូចជា​សាកលលោក​ផងដែរ​។​
​ ​ក្នុង​សេចក្តីជូនដំណឹង​របស់​ក្រសួង​ការងារ​បាន​បញ្ជាក់ថា​ដើម្បី​ចូលរួមចំណែក​ក្នុងការ​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩​ក្នុង​សហគមន៍​ជាពិសេស​ក្នុង​គ្រឹះស្ថាន​អប់រំ​បណ្តុះបណ្តាល​បច្ចេកទេស​និង​វិជ្ជាជីវៈ​នោះ​ក្រសួង​ការងារ​សម្តេច​បន្ត​ផ្អាក​ដំណើរការ​បណ្តុះបណ្តាល​ប​ច្ចេកទេស​ទាំងអស់​ចាប់​ពីថ្ងៃ​ជូនដំណឹង​នេះ​តទៅ​រហូតដល់​មានការ​ជូនដំណឹង​ជាថ្មី​។​គ្រប់​គ្រឹះស្ថាន​អាច​បន្តដំណើរ​ការបណ្តុះ​បណ្តាល​តាម​ប្រព័ន្ធ​បណ្តុះបណ្តាល​ពី​ចម្ងាយ​ឬ​អន​ឡាញ​(ONLINE)​។​
​ ​ជាមួយគ្នានេះ​ក្រសួង​ការងារ​បាន​អំពាវនាវ​ឱ្យ​សាធារណៈ​ជនក​ដូចជា​ផ្នែក​ពាក់ព័ន្ធ​ទាំងអស់​ត្រូវ​ចូលរួម​សហការ​ដោយ​ស្មារតី​ទទួលខុសត្រូវ​ខ្ពស់បំផុត​៕

ទីតាំងផ្សាយពាណិជ្ជកម្ម

- Advertisment -



Most Popular