Home ព័ត៌មានជាតិ សេដ្ឋកិច្ច ​លើក​ស្លាក​គំ...

​លើក​ស្លាក​គំនូស​ប្លង់ នៃ​ការរៀបចំ​តំបន់​អភិវឌ្ឍន៍ លើ​ដីធ្លី​ដោះស្រាយ​ទំនាស់ នៅ​ចំណុច​បឹង​ជង្រុក និង​ចំណុច​៦៧១

ដោយៈ ភ្នំ​ស្វាយ / បន្ទាយ​មាន​ជ័​យៈ មន្ត្រី​ថ្នាក់ដឹកនាំ និង​ក្រុមការងារ​ចម្រុះ​ខេត្ត អាជ្ញាធរ​មូលដ្ឋាន កងកម្លាំង និង​ប្រជាពលរដ្ឋ កាលពី​ថ្ងៃទី​១៤ ខែធ្នូ ឆ្នាំ​២០២០ បាន​ចូលរួម​លើក​ស្លាក គំនូស​ប្លង់ នៃ​ការរៀបចំ​តំបន់​អភិវឌ្ឍន៍ លើ​ដីធ្លី​ដោះស្រាយ​ទំនាស់ នៅ​ចំណុច​បឹង​ជង្រុក និង​ចំណុច ៦៧១ អតីត​តំបន់​ខ្មែរក្រហម ម៉ាឡៃ ហើយក៏​បាន​ចុះ​ពិនិត្យមើល ដំណើរការ​សាងសង់ រៀបចំ​ហេដ្ឋារចនាសម្ព័ន្ធ​ថ្មី ផងដែរ នៅ​ទីតាំង​ខាងលើ នា​ឃុំ​ទួល​ពង្រ នៃ​ស្រុក​ម៉ាឡៃ ។​

​សូម​រំលឹកថា ការឈាន​ដល់​លើក​ស្លាក​នេះ គឺ​ក្រោយពី​បាន​សម្របសម្រួល ដោះស្រាយ​តាម​គោលនយោបាយ​ឈ្នះ​ឈ្នះ របស់​ប្រមុខ​រាជរដ្ឋាភិបាល ដោយ​ក្រុមការងារ ខុទ្ទកាល័យ​សម្ដេច​តេ​ជោ និង​ក្រុម​ការងាររដ្ឋបាល ខេត្តបន្ទាយមានជ័យ មន្ទីរ​រៀបចំ​ដែនដី រដ្ឋបាល​ស្រុក​ម៉ាឡៃ និង​កងកម្លាំង​ពាក់ព័ន្ធ អស់​រយៈពេល​ជាង ១ ខែ កន្លងទៅនេះ​។

​ដី​នេះ ត្រូវបាន​ប្រែក្លាយ ទឹកដី​ដែល​រង​ផលប៉ះពាល់ ដោយសារ​គ្រាប់មីន និង​យុទ្ធ​ភ័​ណ្ឌ​មិនទាន់​ផ្ទុះ ពិសេស​ទំនាស់​រុំ​ា​រ៉ៃ ជាង ១០ ឆ្នាំ អោយទៅជា​តំបន់​អភិវឌ្ឍន៍​ថ្មី លើ​ផ្ទៃដី ៣០៤ ហិកតា​នោះ ។ ដី​នេះ នឹង​ប្រគល់ជូន​តាម​ទំហំ ដែល​បានកំណត់​ផ្ទៃក្នុង​មួយ ដល់​ប្រជាពលរដ្ឋ ចំនួន ១.២៧១ គ្រួសារ មកពី​ក្នុងចំណោម ក្រុម​ទំនាស់ ៨ ដែលមាន​មេខ្លោង​ទីទៃ​ពីគ្នា ។ ទោះជា​យ៉ាងណា មកទល់ពេលនេះ ក្រុមការងារ នៅតែ​បន្ត​ចុះ​ពិនិត្យ និង​ផ្ទៀងផ្ទាត់ ការ​ស្រង់​អត្តសញ្ញាណ​កម្ម ជូន​ប្រជាពលរដ្ឋ ដែលថា​ទទួលរង​គ្រោះ នៅ​ភាពអយុត្តិធម៌ ពី​ទំនាស់​ដីធ្លី និង​ពលរដ្ឋ ដែល​ទៅតាម​មេខ្យល់ ដើម្បី​ចាប់ដី រួមទាំង​ក្រុម ” ឈ្នះ​បាន​ដី ចាញ់​បាន​លុយ ” ។​

​ទាំង​លោក ប៉ាន់ ខែម​ប៊ុនថន នាយករង​ខុទ្ទកាល័យ​សម្តេច​តេ​ជោ លោក អ៊ុំ រាត្រី អភិបាលខេត្ត ក៏​ដូច​លោក លី សារី អភិបាលរង ខេត្តបន្ទាយមានជ័យ លោក ស្វាយ ជា អភិបាលរង​ស្រុក​ម៉ាឡៃ បានអោយដឹងថាៈ អនុវត្តតាម​អនុសាសន៍​របស់ សម្តេចនាយក​រដ្ឋមន្ត្រី ហ៊ុន សែន ក្រុមការងារ សម្របសម្រួល ដោះស្រាយ និង​អនុវត្ត​លើ​ការអភិវឌ្ឍ​តំបន់​ថ្មី ជូន​ប្រជាពលរដ្ឋ នៅក្នុង​ចំណុច​បឹង​ជង្រុក និង​ចំណុច ៦៧១ (​អតីត​ដី​របប​គោល នយោបាយ នៃ​យោធិន​វរ​សេនា​តូច​លេខ​៦៧១ នៃ​កងពលធំ​លេខ​២១ របស់​អតីត​រណសិរ្ស​ខ្មែរក្រហម លេខ​៥៤០ ម៉ាឡៃ ) នៅ​ឃុំ​ទួល​ពង្រ​ស្រុក​ម៉ាឡៃ ពោលគឺ​ទាំង​ដំណោះស្រាយ និង​គម្រោង​អភិវឌ្ឍន៍ គឺជា​ចំណងដៃ ឬ​ជា​អំណោយ​ដ៏​ថ្លៃថ្លា​បំផុត របស់​សម្តេច​តេ​ជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត​ប៊ុន រ៉ានី ហ៊ុនសែន ជូន​បងប្អូន​ប្រជាពលរដ្ឋ ដែល​ទៅ​រស់នៅ តំបន់​នោះ ។​

​ការអភិវឌ្ឍ​តំបន់​នោះ រួមមាន បោសសម្អាត​មីន និង​យុទ្ធ​ភ័​ណ្ឌ​មិនទាន់​ផ្ទុះ វាស់វែង ចុះបញ្ជី​ដីធ្លី បែងចែក​ដី​លំនៅឋាន ដី​បង្កបង្កើនផល ស្ថាបនា​ផ្លូវ ភ្ជាប់​ប្រព័ន្ធ​ភ្លើង កសាង​សាលារៀន មណ្ឌល​សុខភាព ជីក​ស្រះ អណ្តូង ប៉ុស្តិ​សន្តិសុខ ជាដើម​៕/V

លើក​ស្លាក​គំនូស​ប្លង់ នៃ​ការរៀបចំ​តំបន់​អភិវឌ្ឍន៍ លើ​ដីធ្លី​ដោះស្រាយ​ទំនាស់ នៅ​ចំណុច​បឹង​ជង្រុក និង​ចំណុច​៦៧១

លើក​ស្លាក​គំនូស​ប្លង់ នៃ​ការរៀបចំ​តំបន់​អភិវឌ្ឍន៍ លើ​ដីធ្លី​ដោះស្រាយ​ទំនាស់ នៅ​ចំណុច​បឹង​ជង្រុក និង​ចំណុច​៦៧១

លើក​ស្លាក​គំនូស​ប្លង់ នៃ​ការរៀបចំ​តំបន់​អភិវឌ្ឍន៍ លើ​ដីធ្លី​ដោះស្រាយ​ទំនាស់ នៅ​ចំណុច​បឹង​ជង្រុក និង​ចំណុច​៦៧១

លើក​ស្លាក​គំនូស​ប្លង់ នៃ​ការរៀបចំ​តំបន់​អភិវឌ្ឍន៍ លើ​ដីធ្លី​ដោះស្រាយ​ទំនាស់ នៅ​ចំណុច​បឹង​ជង្រុក និង​ចំណុច​៦៧១

លើក​ស្លាក​គំនូស​ប្លង់ នៃ​ការរៀបចំ​តំបន់​អភិវឌ្ឍន៍ លើ​ដីធ្លី​ដោះស្រាយ​ទំនាស់ នៅ​ចំណុច​បឹង​ជង្រុក និង​ចំណុច​៦៧១

ទីតាំងផ្សាយពាណិជ្ជកម្ម

- Advertisment -

Most Popular