Home ព័ត៌មានជាតិ សង្គម អភិបាលខេត្ត​ព...

អភិបាលខេត្ត​ពោធិសាត់​ប្តេជ្ញា​អភិវឌ្ឍ​គម្រោង​សាងសង់​រដ្ឋបាល​ប្រមូលផ្ដុំ​ស្រុក​តា​លោ​សែន និង​ស្រុក​ភ្នំក្រវាញ​

ដោយ​: ឫទ្ធិ​សែន / ខេត្តពោធិ៍សាត់​: អភិបាល​នាំ​គណៈ​អភិបាលខេត្ត​ពោធិសាត់​ប្តេជ្ញា​អភិវឌ្ឍ​គម្រោង​សាងសង់​រដ្ឋបាល​ប្រមូលផ្ដុំ​ស្រុក​តា​លោ​សែន និង​ស្រុក​ភ្នំក្រវាញ នៅ​ខេត្តពោធិ៍សាត់ ឲ្យ​ក្លាយទៅជា​រដ្ឋបាល​គំរូ។

​លោក​អភិបាលខេត្ត​ពោធិសាត់​មានប្រសាសន៍​បែបនេះ​នៅក្នុង​ឱកាស​ដឹកនាំ​មន្ទីរជំនាញ និង​អាជ្ញាធរ​ស្រុក ឃុំ ចុះ​ពិនិត្យ​ទីតាំង​គ្រោង​សាងសង់​រដ្ឋបាល​ប្រមូលផ្តុំ ស្រុក​តា​លោ​សែន​ជ័យ លើ​ផ្ទៃដី​ដី​បម្រុង​ទុក​របស់​រដ្ឋ ប្រមាណ​ជាង​៧០​ហិកតា ក្នុងភូមិ​សាស្ត្រ​ឃុំ​ផ្ទះ​រុង ស្រុក​តា​លោ​សែន​ជ័យ និង​ស្រុក​ភ្នំក្រវាញ លើ​ផ្ទៃដី​ប្រមាណ​ជិត​២០​ហិកតា ជាប់​ផ្លូវជាតិ​លេខ​៥៥ ស្ថិតក្នុង​ភូមិ​ព្រែក​១ ឃុំ​សំរោង ស្រុក​ភ្នំក្រវាញ ខេត្តពោធិ៍សាត់​នៅ​ថ្ងៃទី​១៥​ធ្នូ​២០២០​។​

​អភិបាល​នៃ​គណៈ​អភិបាលខេត្ត​ខេត្តពោធិ៍សាត់ លោក ម៉ៅ ធនិន បានឱ្យដឹងថា ការរៀបចំ​រដ្ឋបាល​ប្រមូលផ្តុំ របស់​សាលាស្រុក​តា​លោ​សែន​ជ័យ និង​សាលាស្រុក​ភ្នំក្រវាញ​នេះ​ឡើង គឺ​ដើ​ម្បី​ធ្វើជា​គំរូ​មួយ​ដ៏​ល្អ សម្រាប់​បណ្តា​ស្រុក​ដទៃទៀត ក្នុងការ​បម្រើសេវា​សាធារណៈ​ជូន​ដល់​ប្រជាពលរដ្ឋ ឱ្យមាន​ភាពងាយស្រួល និង​កាត់បន្ថយ​នូវ​ពេលវេលា ក្នុងការ​មក​ទំនាក់ទំនង ជាពិសេស​ក៏​ជា​កន្លែង​ប្រមូលផ្តុំ​គ្រប់​ស្ថាប័ន​អង្គភាព ចំណុះឱ្យ​រដ្ឋបាល​ស្រុក​ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular