Home ព័ត៌មានជាតិ នយោបាយ ប្រសាសន៍​សំខា...

ប្រសាសន៍​សំខាន់ៗ​សម្តេច​តេ​ជោ ហ៊ុន សែន ក្នុងឱកាស​ថ្លែង​សារ​ពិសេស​ផ្ញើ​ជនរួមជាតិ​ពាក់ព័ន្ធ​ជំងឺ​កូ​វីដ​១៩​និង​ការទិញ​វ៉ាក់សាំង

​​ដោយៈ​តារា​រិ​ទ្ធ​/​ភ្នំពេញ​៖ នៅ​ព្រឹក​ថ្ងៃទី​១៥ ខែធ្នូ ឆ្នាំ២០២០ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ថ្លែង​សារ​ពិសេស​ផ្ញើជូនជនរួមជាតិ​ពាក់ព័ន្ធ​ស្ថានភាព​ជំងឺ​កូ​វីដ​១៩ និង​ការទិញ​វ៉ាក់សាំង​ប្រឆាំង​ជំងឺ​កូ​វីដ​១៩ ដោយមាន​ការផ្សាយ​ផ្ទាល់​តាម​ទូរទស្សន៍​ជាតិ​កម្ពុជា ។​

​ខាងក្រោម​ជា​ខ្លឹមសារ​សំខាន់ៗ​របស់​សម្តេច​តេ​ជោ ហ៊ុន សែន​៖​

ខ្ញុំ​ព្រះ​ករុណ​សូម​ក្រាបថ្វាយបង្គំ​ព្រះសង្ឃ​ជាទីគោរព​សការៈ និង ជនរួមជាតិ​ជាទី​ស្រឡាញ់ ។ ថ្ងៃនេះ​ខ្ញុំ​មាន បំណង​ថ្លែង​ទៅកាន់​ព្រះសង្ឃ​និង​ជនរួមជាតិ​ទាំងអស់​ទៅលើ​បញ្ហា​មួយចំនួន​បន្ទាប់​ពីថ្ងៃ​ដែល​ខ្ញុំព្រះករុណា​បានប្រកាស​ពីថ្ងៃ​៣០​ខែវិច្ឆិកា​២០២០​នៅ​ទីក្រុង​សៀមរាប​ពាក់ ព័ន្ធ​ជាមួយនឹង​ស្ថានភាព​នៃ​ព្រឹត្តិការណ៍​សហគមន៍ ២៨ វិច្ឆិកា​។ ពិតមែន​ហើយ​ថា​ប៉ុន្មាន​ថ្ងៃនេះ​ខ្ញុំ​នៅ​ស្ងៀមស្ងាត់​ហើយ​គេ​បានឃើញ​ខ្ញុំព្រះករុណា​ធ្វើការ​ដឹកនាំ​កិច្ចប្រជុំ​ក្នុងក្របខណ្ឌ​ជា​ប្រធាន ACMECS ក្នុង​កិច្ចប្រជុំ​តាមរយៈ​វីដេអូ ,​ក្នុង​ក្របខ័ណ្ឌ​សហប្រតិបត្តិការ clmv និងការអភិវឌ្ឍន៍​ត្រីកោណ​កម្ពុជា​ឡាវ​និង​វៀតណាម​ដែល​ធ្វើ​នៅ​គេហ ដ្ឋា​ន​របស់ខ្ញុំ​។​បន្ថែម​លើក​នេះ​ក៏មាន​ការ​ថ្លែង​សុន្ទរកថា​ទៅកាន់​កិច្ចប្រជុំ​អង្គការសហប្រជាជាតិ​តាមរយៈ​វីដេអូ​បូក​និង​ការចូល​រួមជាមួយ​ពិព័រណ៍​អាស៊ាន​ចិន​ផងដែរ​។​ខ្ញុំ​ក៏បាន បង្ហោះ​សារ​មួយចំនួន​ពាក់ព័ន្ធ​ជាមួយនឹង​កូ​វី ១៩ រួមទាំង​សារ​សំឡេង​មួយចំនួន​ផងដែរ​ដែល​បាន​បញ្ជូន​ទៅកាន់​ជនរួមជាតិ​របស់​យើង​ក៏​ដូច​អាជ្ញាធរ ។

​អនុញ្ញាត​ឲ្យ​ខ្ញុំព្រះករុណា​បានធ្វើការ​រំលឹក​បន្តិច​ទាក់ទិន​ជាមួយនឹង​ការដែល​ខ្ញុំព្រះករុណាខ្ញុំ​បានលើកឡើង​នៅ​ខេត្តសៀមរាប​ចំ​ថ្ងៃទី​៣0 ខែវិច្ឆិកា​ឆ្នាំ​២០២០…​។​ពេលនោះ ខ្ញុំ​បាន​និយាយថា​យើង​គ្រប់គ្រង​បាន​ឬ​មិនបាន​គឺ​ស្ថិតនៅក្នុង​រយៈពេល ១៥ ថ្ងៃនេះ​ហើយ​វា​ចំណុះ​ទៅលើ​ការខិតខំ​របស់​យើង​ទាំងស្រុង​ទាំង​រដ្ឋ​និង​ប្រជាជន​។​ពេលនោះ​ខ្ញុំ ក៏បាន​បញ្ជាក់ថា​វិធី​យកឈ្នះ​លើ​កូ​វីដ​១៩ ត្រូវ​តាំងខ្លួន​ជា​អ្នកចាញ់ អ្នកខ្លាច តែ​មិន​តក់ស្លុត​និង​ភ័យ​ស្លន់ស្លោ ក្រៅ ពីនោះ​ក៏​នៅមាន​ការបញ្ជាក់​ទាក់ទិន​ជាមួយនឹង​ការ​ត្រូវធ្វើសកម្មភាព​ក្នុង​ល្បឿន​លឿន​និង​ទ្រង់ទ្រាយ​ធំ ពេលនោះ​យើង​ទើបតែ​ធ្វើ​លើ​សំណាក​ចំនួន​៣៣៣២ សំណាក​ដែល​យកមក​ពី ៧ ខេត្តហើយ​នៅពេលនោះ​យើង​ទើប​រកឃើញ ១៥​ករណី​,​ហើយ​ពេលនោះ​ក៏មាន​ការណែនាំ​ផងដែរ​អំពី​ការធ្វើ​ច​ត្តា​ឡី​ស័កការរៀបចំ​ឡើងវិញ​នៅ​មណ្ឌល​ច​ត្តា​ឡី​ស័កដែល​អាចមាន​លទ្ធភាព​យក​សំណាក​សម្រាប់ បញ្ជូនទៅ​ធ្វើតេស្ត​នៅ​ក្រុង​,​អា​ចរក​សណ្ឋាគារ​ដោយ​រដ្ឋ​ចេញ​ប្រាក់​,​ពេលនោះ​គាប់​ជួន​នឹង​ថ្ងៃ​បើក​បិទ​ប​វេ​សន​ការ​ឆ្នាំ​២០១៩-២០២០​ហើយក៏​ជា​ថ្ងៃ​ប្រលង​មធ្យមសិក្សា​បឋម ភូមិ​នៅតាម​សាលារៀន​នានា​ទូទាំងប្រទេស​;​យើង​ក៏បាន​អំពាវនាវ​ឲ្យ​ប្រជាពលរដ្ឋ​ដើម្បី​ចូលរួម​ដោយ​ស្ម័គ្រចិត្ត​យក​សំណាក់​និង​ធ្វើ​ច​ត្តា​ឡី​ស័ក​ដោយ​ខ្លួនឯង​និង​អំពាវនាវ​ឲ្យ​ប្រជាពលរដ្ឋ​ពាក់​ម៉ាស់ លាងដៃ និង កុំ​ចាក​ចេញពីផ្ទះ​ទៅខាង​ក្រៅ​ប្រសិន​មិនមាន​ការចាំបាច់​,​ហើយ​ក៏បាន​អំពាវនាវ​បងប្អូន​ដែល​ធ្វើ​ច​ត្តា​ឡី​ស័ក​នៅតាម​ផ្ទះ ត្រូវ​ធ្វើបាន​ត្រឹម ត្រូវ​និង​គ្រប់​១៤ ថ្ងៃ និង​សូម​ឲ្យ​មូលដ្ឋាន​ជួយ​ពិនិត្យ​តាមដាននិង​ជួយ​ផ្គត់ផ្គង់​ស្បៀង​ចំពោះ​គ្រួសារ​ក្រីក្រ ។ បន្ទាប់​ទៅ​នៅ​ថ្ងៃ​ដដែល​ខ្ញុំ​ក៏បាន​បញ្ជា​ឲ្យ​បញ្ចេញ​ប្រាក់​ទៅតាម បណ្តា​ខេត្ត​សម្រាប់​ផ្គត់ផ្គង់​ឲ្យ​គ្រួសារ​ក្រីក្រ​ដែល​ធ្វើ​ច​ត្តា​ឡី​ស័ក ក្នុង​១​គ្រួសារ ២ ម៉ឺន​រៀល ។​

​ឥឡូវ​ក្នុង​រយៈពេល ១៥ ថ្ងៃក្រោយ​នេះ​តើ​យើង​វាយតម្លៃ​របៀប​ម៉េច​ថ្ងៃនេះ ?​ខ្ញុំ​ចាំបាច់​ត្រូវ​និយាយ​បញ្ហា​គ្រាន់តែ​ទាក់ទង​ជាមួយ​កូ​វីដ​១៩ ជាមួយនឹង​ព្រឹត្តិការណ៍ ២៨ វិច្ឆិកា នោះទេ​ប៉ុន្តែ​អាចមាន​ប្រធានបទ​ដែល​ធំ​ទូលាយ​ជាង​នឹង​ពាក់ព័ន្ធ​ជាមួយនឹង​ការដោះស្រាយ​បញ្ហា​កូ​វីដ​នឹង​ស្ដារ​សេដ្ឋកិច្ច​ឡើងវិញ​ផង​ដែល ។ ពេលនេះ​យើង​បាន​ឆ្លងកាត់ នូវ​វិញ្ញាសា​មួយ​ដែល​ជាការ​ឆ្លងតាម​សហគមន៍​ជា​លើកដំបូង​ប៉ុន្តែ​បើ​និយាយ​អំពី​ការកើត​ការចម្លង​នៅក្នុង​សហគមន៍​របស់​យើង​នេះ​តាម​សេណា​រី​យ៉ូ​ដែល​ចែង​នៅក្នុង​សេនា​យក​ផែនការមេ​ប្រយុទ្ធ​នឹង​ជំងឺ​កូ​វីដ​១៩​របស់​កម្ពុជា​ហេតុការណ៍​នេះ​គឺជា​ការចម្លង​ក្នុង​សហគមន៍​បែប​ចង្កោមនិង​តាម​ទីកន្លែង​មួយៗ​តែ​ឋិត​នៅក្នុង​ទ្រង់ទ្រាយ ​កំណត់​មួយ មិនមែនជា​ទ្រុងទ្រាយ​ធំ​ពេក​នោះទេ​។​បើតាម​របាយការណ៍រ​បស់​អង្គការ​សុខភាព​ពិភពលោក​គេ​ដាក់​កម្ពុជា​ក្នុងចំណោម​ចំណាត់ថ្នាក់​ជា​ករណី​ឆ្លង​បែប​កើតមាន​ម្ដងៗ​មួយកន្លែងៗ​ដោយ​មិនមាន​បណ្ដុំ​ការ​ច្រើន​ឆ្លង​ច្រើនពេក​ហើយក៏​មិនទាន់​ដាក់ចូល​ទៅក្នុង​របៀប​នៃ​ការ​ការឆ្លង​សហគមន៍​ធំ​ផងដែរ​។​តាម​ការរៀបចំ​របស់​អង្គ ការ​សុខភាព​ពិភព​លោ ក​ចំណាត់ថ្នាក់​នៅ​កាល​ឆ្លង​នេះ​សម្រាប់​ប្រទេស​នៅលើ​ពិភពលោក មកដល់ពេលនេះ​មាន​ប្រទេស​មិនមាន​ករណី​ឆ្លង​មាន​១៩​ប្រទេស​,​ករណី​ឆ្លង​ជា​ចង្កោម​មាន ៥៣​ប្រ​ទេ ស​,​ករណី​ឆ្លង​ម្តងៗ​ដោយ​កន្លែងៗ​មិនមាន​បណ្តុំ​ច្រើន​មាន ៣៣ ប្រទេស​ក្នុងនោះ​មាន​កម្ពុ​ជាមួយ​ផងដែរនិងប្រទេស​ដែលមាន​ករណី​ឆ្លង​ទ្រង់ ទ្រាយ​ធំ​មាន​ចំនួន​១២៧ ប្រទេស​និង​នៅ​រងចាំ​ការវាយតម្លៃ​ពី​ប្រទេស​២​ជ្សេ​ង​ទៀត ។​

​សម្រាប់​ប្រទេស​កម្ពុជា​របស់​យើង​មកដល់ពេលនេះ​កូ​វីដ​បាន​ចម្លង​ចូលក្នុង​ប្រទេស​របស់​យើង​មាន​ចំនួន​៣៦២​ករណី​ក្នុងនោះ​មាន​ករណី​ឆ្លង​សហគមន៍​មាន ៤១​ករណី​ក្រៅ ពី​នោះ​គឺជា​សុទ្ធតែជា​ការនាំ​ចូល​ពី​ខាងក្រៅ ។ យើង​ពិនិត្យមើល​ចំនួន ៣៦២ ករណីនេះ​ក្នុងនោះ​មានតែ ៤១ករណី​ទេ​ដែលជា​ការឆ្លង​សហគមន៍។ ម្សិលមិញ​ជា​អកុសល មាន​ទារ​កបាន​ឆ្លង​កូ​វីដ​១៩មួយ​ដែល​ឆ្លង​ពី​ម្ដាយ ហើយ​ម្ដាយ​ដែល​បានជា​ពី​ជំងឺ​នេះ​ក៏ត្រូវ​នៅ​មើល​ថែកូន​។​មកដល់​ បច្ចុប្បន្ន​យើង​បាន​ព្យាបាល​ជាសះស្បើយ​ជំនួញ ៣១២ នាក់​និង​កំពុង​សម្រាប់​ព្យាបាល ៥១ នាក់​ដែល​ក្នុងនោះ​មាន​អ្នក​នៅតាម​មន្ទីរពេទ្យ​ចំនួន​៣,​មន្ទីរពេទ្យ​មិត្តភាព​ខ្មែរ​សូ​វៀត ៣៨ នាក់​,​មន្ទីរពេទ្យ​ចាក់អង្រែ​៦​នាក់​និង​មន្ទីរពេទ្យរបេង​៧​នាក់ ។ ហើយ​បើ​និយាយ​ពី​ការយក​សំណាក​មក​ធ្វើតេស្ត​ចាប់ពី​ខែមករា​រហូតមកដល់​ពេលនេះ​គឺមាន​ចំនួន​ជិត ២៥ ម៉ឺន​សំណាក​ជា​ចំនួន​មួយ​ដ៏​ខ្ពស់​ក្នុងចំណោម ប្រទេស​ដែល​ធ្វើតេស្ត​កូ​វីដ​19 ។​

​សូម​អនុញ្ញាត​ឲ្យ​ខ្ញុំ​សូម​ការ​អធ្យាស្រ័យ​ចំពោះ​បងប្អូន​ជនរួមជាតិ​ទាំង​ក្នុង​និង​ក្រៅប្រទេស​ដែល​ត្រូវ​និយាយ​ទាក់ទង​នឹង​សុខភាព​សាធារណៈ​និង​បញ្ហា​កូ​វីដ​១៩ ។ ជូ​ញ​ការ អាចមាន​ការ​ពេក​ជ្រាយ​ថា​ខ្ញុំ​ចេះ​គ្រប់​រឿង ស្អី​ក៏​ចេះ​ស្អី​ក៏​ដឹង ។ ប៉ុន្តែ​ខ្ញុំព្រះករុណាខ្ញុំ​ក្នុងនាម​ជា​មេដឹកនាំ​នយោបាយ ខ្ញុំ​ពិតជា​មិនអាច​ដឹងបាន​ទាំង​អស់ពី​បញ្ហា​បច្ចេកទេស​ទេ ។​រហូត​អាយ​ដល់​មាន​អ្នកខ្លះ​បង្រៀន​គេឯង​ថា​ដើម្បី​កុំ​ឲ្យ​ឆ្លង​ជំងឺ​សូម​ឲ្យ​ដកដង្ហើម​អោយបាន​វែង​ដកដង្ហើម​ចេះដឹង​ហើយ​ចុះ​ខ្ញុំ​ចេះ​មិន​ដល់​ទេ​។​ប៉ុន្តែ​ក្នុង​ស្សនៈ​ជា​មេដឹកនាំ​នយោបាយ​យើង​ត្រូវតែ​ដឹង​និង​ត្រូវតែ​ចេះ​ចង្អុល​ការ​ដើម្បី​ឲ្យ​អ្នកបច្ចេកទេស​អនុវត្ត​តែប៉ុណ្ណោះ​ក្នុង​គ្រប់​វិស័យ​…​។​

​ខ្ញុំព្រះករុណា​ពិតជា​មាន​មោទនភាព​ចំពោះ​ជាមួយនឹង​មន្ត្រី​ផ្នែក​សុខាភិបាល កងកម្លាំងប្រដាប់អាវុធ​គ្រប់​ប្រភេទ ដែល​ខ្ញុំ​បានលើកឡើង​ថា​យើង​អាច​ទប់ទល់​បាន​ឬ​មិនបាន ក្នុង​រយៈពេល​១៥ ថ្ងៃ​។​ឥឡូវ​ក្នុង​រយៈពេល ១៥ ថ្ងៃនេះ​យើង​ត្រួតត្រា​បាន​សភាពការណ៍​ហើយ ក៏ប៉ុន្តែ​យើង​មិនទាន់​អាច​បញ្ចប់​នូវ​ព្រឹត្តិការណ៍​២៨ វិច្ឆិកា​នោះទេ ។ វា​មិន​ដូច ព្រឹត្តិការណ៍​៣ វិច្ឆិកា​នោះទេ​ដែលមាន​មូលហេតុ​មួយចំនួន​។ ព្រឹត្តិការណ៍​២៨ វិច្ឆិកា​នេះ​គឺជា​ព្រឹត្តិការណ៍​ធ្ងន់ធ្ងរ​សម្រាប់​ខ្ញុំ​ធ្លាប់​ប្រឡូក​អស់ហើយ​ជាមួយ​សមរភូមិ​យោធា​តាំង ពី​នៅ​ជា​យុទ្ធជន​រហូត​កាន់​កងទ័ព ៣០ នាក់ ,១០០ នាក់ ដល់​រាប់រយ​នាក់​,​រាប់ពាន់នាក់ រហូត​គ្រប់គ្រង​ប្រទេស​ទាំងមូល ដែល​ចូលប្រឡូក​ស្ទើរតែ​គ្រប់​សភាពការណ៍​ការ ប្រយុទ្ធ​១០៥ លើក របួស ៥ ដង​ការចរចា​ខាង​នយោបាយ​រាប់មិនអស់​ទាំង​ទ្វេរ​ភាគី និ​ពហុភាគី ក្នុង​ក្របខណ្ឌ អ ស ប​,​អាស៊ាន អាស៊ី​បូ​ពា៍​…​ការចចារ​ជ្សេ​ងៗ​ទៀត ជាមួយ ប្រមុខរដ្ឋ ប្រមុខ​រដ្ឋាភិបាល​រាប់មិនអស់ ,​ការដោះស្រាយ​បញ្ហា​ជួយសង្គ្រោះ​ប្រជាពលរដ្ឋ ទឹកជំនន់ គ្រោះរាំងស្ងួត ភ្លើង​ឆេះ​ព្រៃ រំលំ​អគារ គឺ​បាន​ប្រឡូក​អស់ហើយ ។ ក៏ប៉ុន្តែ ការដឹកនាំ​បញ្ជា​នៅក្នុង​សមរភូមិ​កូ​វី​១៩ នេះ​គឺជា​រឿង​មិន​សាមញ្ញ​ឲ្យ​ក៏​មិនធម្មតា​។ យើង​តែង​កាន់​ជាប់​នូវ​ទូរ​សព្ទ​នៅក្នុង​ដៃ​មុន​ម៉ោង ១២ យប់​វិទ្យាស្ថាន​ជាតិ​ប៉ាស្ទ័រ​ក៏ដូចជា មជ្ឈមណ្ឌល​ជាតិ​សុខភាព​សាធារណ​បិទ​បញ្ចប់​នៃ​ម៉ាស៊ីន កាន់​ទូរស័ព្ទ​ដូចជា​ចង់​ញ័រ​ដៃ ព្រោះ​ពេលនោះ​គឺជា​ពេលវេលា​នៃ​ការបង្ហាញ​របាយការណ៍​ពាក់ព័ន្ធ​នឹង​ការឆ្លង covid 19 ក្នុង​សហគមន៍ ពី​ថ្ងៃមុន​កន្លងទៅ​មិនមាន​ការឆ្លង​ទេ ប៉ុន្តែ​ម្សិលមិញ​នេះ​ស្ថានភាព​ស្ទើរតែ​បញ្ចប់​ទៅហើយ​នៅ​យប់មិញ​នេះ គឺមាន​ការឆ្លង​មួយ​ករណី​គឺ​ក្មេង​អាយុ ក្រោម​១ ខួប​ឆ្លង​សហគមន៍ ។​

​ក្បែរ​ភ្លឺ​ទោះបីជា​ពេលវេលា​ត្រូវ​សម្រាក​ក៏ដោយ​ក៏ត្រូវ​ងើបឡើង​ដើម្បី​តប​សារ​ជាមួយ​លោក ម៉ម ប៊ុនហេង ព្រោះ​មុន​ការផ្សាយ​នេះ​គឺ​រដ្ឋមន្ត្រី​សុំ​ឆ្លង​យោបល់​ចំពោះ​នាយក​រដ្ឋ មន្ត្រី​ឥឡូវនេះ​ទើបនឹង​ពីរ​យប់​នេះ​ទេ​ដែល​ខ្ញុំ​បានប្រគល់​សិទ្ធិ​ទៅ​ឲ្យ​រដ្ឋមន្ត្រី​ធ្វើការ​ផ្សព្វផ្សាយ​មុន​ទៅ​ចុះ​ហើយ​ផ្ញើ​មកឱ្យ​ខ្ញុំ​គ្រាន់តែ​ជា​របាយការណ៍​តែប៉ុណ្ណោះ ។​ប៉ុន្តែ​ម្សិលមិញ​ក៏ត្រូវ​មានការ​សុំ​យោបល់​បន្ថែមទៀត​អំពី​ករណី​អ្នក​ដែល​ឆ្លង​ក្នុង​សហគមន៍ ៣ នាក់​ត្រូវបាន​ជាសះស្បើយ​ដោយ សារ​ទាក់ទង លោក ឆែម សាវុធ ។​លោក​ឆែម សាវុធ បាន​អវិជ្ជមាន ២ដង ។ ប៉ុន្តែ​ពេលនោះ​ក្រសួងសុខាភិបាល​បានស្នើ​សុំ​យោបល់​ថា​ពី​ពេលវេលា​ដែល​គាត់​មើលឃើញ​វិជ្ជមាន​នឹង​ទៅដល់​ពេលដែល​គាត់​អវិជ្ជមាន​ពីរដង​គឺ មិនទាន់​គ្រប់​ដប់​ប្រាំ​ថ្ងៃ​ទេ ។ ខ្ញុំ​ក៏បាន​ផ្ដល់យោបល់​ថា​គួរតែ​ត្រូវ​រក្សាទុក​ឲ្យ​នៅត្រឹម​កម្រិត ១៤ថ្ងៃ​ឥឡូវ​លោក​ឆែម​សាវុធ​ថ្ងៃនេះ​ត្រូវបាន​ចេញពី​មន្ទីរពេទ្យ ។​ហើយ​ករណី លោក​ឆែម​សាវុធ​នេះ​ទៀត​ខ្ញុំ​សូម​យក​ឱកាស​នេះ​ដើម្បី​សូម​អធ្យា ស្រ័យ​ពី​ប្រជាពលរដ្ឋ​របស់​យើង​ដែល​មានការ​លើកឡើងថា​លោក​ឆែម​សាវុធ​គួរតែ​ត្រូវ​ចូលនិវត្តន៍​ដោយសារតែ​គាត់​បានធ្វើ​ឲ្យ​មានការ​ភ័យខ្លាច​ទូទាំងប្រទេស​ខ្ញុំ​ក៏បាន​តប​សារ​ជូន​ចំពោះ​ទីប្រឹក្សា​របស់ខ្ញុំ​ដែល​ផ្ដល់ព័ត៌មាន​នេះ​បញ្ជា ក់​ប្រាប់ថា​លោក ឆែម សាវុធ និង​ភរិយា​របស់គាត់ គឺជា​ជនរងគ្រោះ គួរតែ​នាំគ្នា​ទៅ​ប្រឆាំង​កូ​វីដ​19,​មិនគួរ​មក​ប្រឆាំងនឹង​លោក ឆែម សាវុធ ,​ភរិយា​និង​ក្រុមគ្រួសារ​គាត់​នោះទេ ។ ជា​សំណាង​ហើយ​ដែល​យើង​ត្រូវ​អរគុណ លោក​ឆែម​សាវុធ​និង​ភរិយា​ដែល​មេ​ពេល​មាន​អា​ការៈមិន​ស្រួល​គាត់​បាន​រត់ទៅរក​គ្រូពេទ្យ យើង​បានទទួល​ព័ត៌មាន​ពិតប្រាកដ​ពី​ភរិយា​របស់លោក​ឆែម​សាវុធ​ដូច្នេះ​គួរតែ អរគុណ​គាត់ ។ គាត់​មិនមែនជា​អ្នក​ក៏​សាង​កំហុស​ទេ​គឺ covid-19​ជា​អ្នក​វាយប្រហារ​គាត់​ហើយ​បើសិនជា​យើង​ទម្លាក់កំហុស​ទៅលើ​គាត់​ទៀត​គឺ​យើង​ធ្វើ​ទង្វើ​មួយ​អគុណ​ធម៌ ការ​ខ្ញុំ​សូម​ការយល់​ពី​សំណាក់​ប្រជាពលរដ្ឋ​របស់​យើង​ដែល​ពាក់ព័ន្ធ​ជាមួយ​បញ្ហា​នេះ​។​

​ឥឡូវ​យើង​និយាយ​អំពី​ព្រឹត្តិការណ៍​នេះ​តើ​ចំនួន​មនុស្ស​ឆ្លង​ប៉ុន្មាន​ទៅ​ចំនួន​មនុស្ស​ឆ្លង​ចំនួន ៤១ នាក់​ហើយ​ដែល​ត្រូវបាន​ព្យាបាល​ឱ្យ​ជាសះស្បើយ​មាន​ចំនួន​បីនាក់​រួច​ទៅ ហើយ​និង​អាច​ព្យាបាល​ជា​ជា​បន្តបន្ទាប់​។​ប៉ុន្តែ​ចំនួន​មនុស្ស​ដែលមាន​ការពាក់ព័ន្ធ​ដោយផ្ទាល់​និង​ដោយ​ប្រយោល​មាន​រហូត ១៨៨២៨​នាក់ ចែក​ចេញទៅ​រាជធានី​ខេត្ត​ទាំង ២៥ រាជធានី​ភ្នំពេញ​ចំនួន ១៤៦៨១ នាក់ ,​កណ្តាល​មាន ១២១៣ នាក់​, ក្រចេះ ១០១០ នាក់ ,​ខេត្តសៀមរាប ៥១២​នាក់ បន្ទាយមានជ័យ ៤២៨​នាក់​, បាត់ដំបង ៣៣២​នាក់​, ព្រៃវែង ៣00​នាក់​,​កំពង់ធំ ២៤៨ នាក់​,​កំពង់ ចាម ១៦៧​នាក់​,​មណ្ឌល​គី​រី១៣១នាក់​,​តាកែវ១២៣ នាក់​,​ស្ទឹងត្រែង ១១៨នាក់​,​ត្បូងឃ្មុំ១១២​នាក់​,​ខេត្ត​ព្រះ សីហនុ ៧២​នាក់​, ខេត្តពោធិ៍សាត់ ៥៩ នាក់​, ខេត្តកំពង់ឆ្នាំង​៤៩​នាក់​, ខេត្ត​ឧ​ត្ត​ម​មានជ័យ ៤៤ នាក់​,​ខេត្តកំពត ៣៨ នាក់​,​ខេត្តរតនគិរី ៣៣ នាក់​,​ខេត្តកោះកុង ២១ នាក់ ,​ខេត្ត​កែប ១៣ នាក់​,​ខេត្តកំពង់ស្ពឺ ៩ នាក់​,​ខេត្ត​ប៉ៃលិន​៨ នាក់​,​ខេត្តព្រះវិហារ ៧​នាក់ និង​ខេត្តស្វាយរៀង ៦ នាក់ ។ នេះ​ជា​តួលេខ​បណ្ដោះអាសន្ន​ប្រសិនបើ​សំណាក​ដែល នៅសល់​នេះ​ត្រូវបាន​រកឃើញ​នៅ​វិជ្ជមាន​សម្រាប់​អ្នកណា​ទៀត​នោះ​វា​នឹង​អាចធ្វើ​ឲ្យ​ទូ​លេខ​នេះ​ប្រែប្រួល​ដែល​យើង​ត្រូវធ្វើ​ការស្រាវជ្រាវ​។​

​ដូច​ច្នេះ​ខ្ញុំ​សុំ​យក​ឱកាស​នេះ​ជម្រាបជូន​ថា​ព្រឹត្តិការណ៍ ២៨ វិច្ឆិកា​យើង​គ្រប់គ្រង​បាន​ហើយ​ប៉ុន្តែ​មិនទាន់​អាច​បញ្ចប់​បានទេ​ដោយ​មូលហេតុ ៥ យ៉ាង​ដូចតទៅ​៖​ទី​១.​យើង នៅ​មិនទាន់​បានដឹង​អស់​នៅឡើយ​ទេ​ថា តើ​នៅមាន​កន្លែង​ណាខ្លះ​ទៀត​ដែល​អ្នកជំងឺ​កូ​វីដ​១៩ បាន​ទៅដល់​ដែល​យើង​រក​មិនឃើញ​គាត់​មិន​ព្រម​ប្រាប់​ឬ​ភ្លេច​កន្លែង​ដែល​គាត់ បាន​ទៅដល់​រយៈពេល ១៤​ថ្ងៃមុន​ថ្ងៃ​ដែល​គាត់​រកឃើញ​វិជ្ជមាន ។ នេះ​ជា​ចំណុច​សំខាន់​ណាស់​កន្លងទៅ​យើង​ឃើញ​វិលវល់​តែ​ក្នុង​រាជធានី​ភ្នំពេញ ហើយ​យ​លង​ឃើញតែ ហាង​ពីរ​តែប៉ុណ្ណោះ​ដែលមាន​ចម្លង​ច្រើន​និង​ជុំវិញ​ក្រុមគ្រួសារ​លោក​ឆែម​សាវុធ​និង​អ្នកពាក់ព័ន្ធ​ជាមួយ​លោក​ឆែម​សាវុធ​។​ក៏ប៉ុន្តែ​យើង​មិន​ភ្លេច​ថា​ក្រែងលោ​វា​កើត​នៅ​កន្លែង​ដែល​យើង​រក​មិនទាន់​ឃើញ ហើយ​ខ្ញុំព្រះករុណាខ្ញុំ​នៅតែ​បន្ត​អំពាវនាវ​ឲ្យ​ក្រសួងសុខាភិបាល​បន្តរ​យៈ​ពេល​នៃ​ការ​ស៊ើប​សួររក​រយៈពេល ១៤ ថ្ងៃ​ទៅក្រោយ​។​មាន​ករណី​មួយ …​នៅពេលដែល​រកឃើញ​អ្នកណា​មួយ​មាន​ជំងឺ covid 19 ពេលនោះ​យើង​នឹងត្រូវ​សួរនាំ​ថា​ក្នុង​រយៈពេល ១៤ ថ្ងៃ​កន្លងទៅ​លោក​ឬ​លោកស្រី​ពាក់ព័ន្ធ​ជាមួយ​អ្នកណាខ្លះ​ជួប អ្នកណាខ្លះ ទៅដល់​កន្លែង​ណាខ្លះ ។ ប៉ុន្តែ​ថ្មីៗ​នេះ​វា​មាន​មិត្ត​ភ័ក្ត្រ​បរទេស​ដែល​បាន​មកជួយ​យើង​ស្នើសុំ​ឲ្យ​យើង​ស្វះ​ស្វែងរក​ត្រឹមតែ ២ ថ្ងៃមុន​ពេលដែល​គាត់​ចេញ​រោគ សញ្ញា​។​អញ្ចឹង​ខ្ញុំ​បានដឹងថា​ដោយសារ​ក្រុម​ស្រាវជ្រាវ​នេះ​មាន​ទាំង​កងទ័ព​មាន​ទាំង​នគរបាល​មាន​ទាំង​ផ្នែក​សុខាភិបាល​ផ្នែក​ផ្សេងៗ រាប់ទាំង​ផ្នែក​ព័ត៌មាន​វិជ្ជា ព្រោះ​យើង ត្រូវតែ​ដឹងបាន​អំពី​ទំនាក់ទំនង​លេខ​ទូរ​សព្ទ​របស់គាត់​ទៅកាន់​ខេត្ត​ណា​កន្លែង​ណា​មិនមែន​ស្ដាប់​ទូរស័ព្ទ​គេ​ទេ​។​គឺ​ទូរ​សព្ទ​វា​មាន​ទិន្នន័យ​របស់គេ​ដែល​គេ​អាចយ​កបាន​តើ​លេខ​ទូរ​សព្ទ​នេះ​ទាក់ទង​ជាមួយ​លេខ​ទូរស័ព្ទ​ដទៃទៀត​ប៉ុន្មាន​កន្លែង ដែល​គាត់​បាន​ទៅដល់​ឬ​អត់ ដែល​យើង​ត្រូវតែ​ស្វែងរក​អញ្ចឹងទេ​មាន​គ្រូ​ប​មួយ​នៅពេលដែល​ខាង​ផ្នែក​ចារ កម្ម​ឬ​អ្នក​ដែល​ធ្វើ​កិច្ចការងារ​ហ្នឹង​បាន​សួរ​សំណួរ​ហ្នឹង​ថា​មួយ​មិត្ត​ភ័ក្ត្រ​បរទេសមួយ​បានស្នើ​ឱ្យ​យើង​បញ្ចប់​ការស្រាវជ្រាវ ១៤​កន្លងផុត​មុនពេល​ឃើញ​រោគសញ្ញា​,​ឯកឧត្តម ម៉ម ប៊ុនហេង មិនទាន់បាន​ឆ្លើយ​ទេ​,​ក៏ប៉ុន្តែ​បែរជា​មាន​មន្ត្រី​យោធា​របស់​យើង​ម្នាក់​បានមក​ឆ្លើយថា​ដោយសារតែ​មិត្ត​ភ​ក្កិ​បរទេស​ទាំងនោះ​ចេះតែ​ប្តូរ​សំណួរ​បែបនេះ​ទើប​ធ្វើ ឲ្យ​ប្រទេស​របស់ខ្លួន​ងាប់​កជើង ដែល​នេះ​គឺជា​រឿង​ពិត​រោគសញ្ញា​ជួនកាល​ក្នុង​រយៈពេល​នៃ​ការធ្វើ​ច​ត្តា​ឡី​ស័ក​ដែល​ខ្ញុំ​គួរ​ឲ្យ​អាណិត​មកពី​ក្រៅប្រទេស​ធ្វើ​ច​ត្តា​ឡី​ស័ក​១៤​ថ្ងៃ ត្រូវយក​សំណាក​បែរជា​ក្នុង​រយៈពេល​ទៅយក​សំណាក​លើកទីមួយ​អវិជ្ជមាន​ដល់​ធ្វើ​ច​ត្តា​ឡី​ស័ក​ចុងក្រោយ​រយៈពេល​១៣​ថ្ងៃ​រួចមកហើយ​ចេញ​វិជ្ជមាន ។ អញ្ចឹង​ទាំង​ខ្លួន គាត់​ក៏ត្រូវ​ជាប់​នៅ​កន្លែង​នោះ ១៤​ថ្ងៃ​តទៅទៀត​ត្រូវ​ចូលមក​ព្យាបាល​,​ហើយ​អ្នក​នៅ​ជាមួយ​គាត់​ទាំង​ប៉ុន្មាន​ត្រូវ​បន្ត ១៤​ថ្ងៃ​ថែមទៀត ។ យើង​ធ្វើ​ម៉ត់ចត់​យ៉ាង​ដូច្នេះ​ទើប ប្រទេស​របស់​យើង​មាន​ឆ្លង​ក្នុង​អត្រា​មួយ​ទាប​ហើយក៏​មិនទាន់មាន​មនុស្ស​ស្លាប់ ។ ប៉ុន្តែ​ការស្រាវជ្រាវ​ត្រឹមតែ ២ ថ្ងៃមុន​វិជ្ជមាន​គឺ​មិន​ប្រាកដ​ទេ​នេះ​បើ​យោងតាម​បទ​ពិ​សោ ធន៍​របស់​កម្ពុជា​គឺ​ការធ្វើ​ច​ត្តា​ឡី​ស័​យ​ត្រឹមត្រូវ​១៤​ថ្ងៃ​ដែលជា​ហេតុផល​មួយ​ក្នុងចំណោម​ហេតុផល​ដែល​កម្ពុជា​គ្រប់គ្រង​បាន​សុខចិត្ត​ឲ្យ​មានការ​លំបាក​បន្តិច​ក៏ប៉ុន្តែ​យើង អាច​សង្គ្រោះ​ប្រជាជន​របស់​យើង​រួច​ពី​សេចក្តីស្លាប់​។​ឃើញ​ទេ​ប្រទេសមួយ​ចំនួន​ស្លា​ប់គរ​ជើង​ដែលជា​រឿង​គួរ​ឲ្យ​សោកស្ដាយ​ដែល​យើង​ចូលរួម​មរណៈទុក្ខ​ជាមួយ​ប្រទេស​ទាំងនោះ​ដែលមាន​មនុស្ស​ស្លាប់​ច្រើន​ហើយ​ឆ្លង​មួយថ្ងៃៗ​រាប់ម៉ឺន​នាក់​,​ស្លាប់​មួយថ្ងៃៗ​រាប់រយ​រាប់ពាន់នាក់​។​

​ខ្ញុំ​សុំ​ស្នើ​ដោយ​ទទូច​ចំពោះ​ក្រសួងសុខាភិបាល​បើទោះបីជា​មានការ​ផ្ដល់យោបល់​ពី​មិត្ត​ភ័​ក្កិ ,​តែ​មិត្ត​ភ​ក្កិ​គ្រាន់តែ​ជា​អ្នក​អាច​ផ្ដល់យោបល់​ទេ​ដូច្នេះ​ការសម្រេចចិត្ត​នៅលើ​យើង ហើយ​អ្នកបច្ចេកទេស​ទេ ខ្ញុំ​មិនមែន​អ្នកបច្ចេកទេស​ទេ ,​ក្រសួងសុខាភិបាល​គឺជា​អ្នកបច្ចេកទេស​អញ្ចឹង​យោបល់​របស់ខ្ញុំ​សុំ​ឲ្យ​បន្ត​នូវ​ការរុករក​១៤​ថ្ងៃ​ទឹក​ខាងក្រោយ​នៅពេល ឃើញ​មាន​ភ្លាម​ស្រាវជ្រាវ​រក​អ្នកណាខ្លះ​ដែលជា​ប់​ពាក់ព័ន្ធ​ក្នុង​រយៈពេល ១៤ ថ្ងៃ​ទៅដល់​កន្លែង​ណាខ្លះ ១៤​ថ្ងៃនេះ​នៅពេលដែល​យើង​ដឹង យើង​ធ្វើ​ប្រតិបត្តិការ​បន្ទាន់​ទៅ កាន់​កន្លែង​នោះ​អញ្ចឹង​ចំណុច​នេះហើយ​គឺជា​ចំណុច​ដែល​យើង​សុខចិត្ត​ថា​ទ្រាំ​ឲ្យ​មានការ​លំបាក​បន្តិច​ប្រើ​កម្លាំង​ច្រើន​បន្តិច​ក្នុង​ល្បឿន​មួយ​លឿន​ហើយ​មិន​ខ្ជីខ្ជា​។​ជោគជ័យ​ជិត​មួយឆ្នាំ​កន្លងទៅនេះ​គឺ​វា​ស្ថិតនៅ​កន្លែង​នេះឯង ដែល​យើង​ខិតខំ​រុករក​ផ្ដាច់​ចង្កោម​ដោយ​គ្មាន​ការធ្វេសប្រហែស​តែ​យើង​នៅតែ​ដាក់​បញ្ហា​ក្រែងលោ​រយៈពេល ១៤​ថ្ងៃនេះ គាត់​ប្រាប់​យើង​ម្ដង​ឬ​គាត់​ភ្លេច​គ្មាន​អ្នកណា​មាន​សៀវភៅ​កត់​ត្រាទុក​សកម្មភាពរ​បស់​ខ្លួន​រាល់ថ្ងៃ​នោះទេ​។​

​ហេតុផល​ទី​២.​តើ​នៅមាន​អ្នក​ដែល​ប៉ះពាល់​ផ្ទាល់​និង​ប្រយោល​នៅ​សេសសល់​ដែល​ពួកគាត់​មិន​ហ៊ាន​បង្ហាញមុខ​ហើយ​មិន​ហ៊ាន​មក​ធ្វើតេស្ត​ដោយ​ខ្លាច​គេ​ឃុំខ្លួន​ធ្វើ​ច​ត្តា​ឡី​ស័ក ១៤ ថ្ងៃ​ដែលជា​ហានិភ័យ​នៃ​ការចម្លង​ក្នុង​សហគមន៍​។ ប្រសិនបើ​ពួកគាត់​មិន​ធ្វើ​ច​ត្តា​លី​ស័ក​ខ្លួនឯង​នៅផ្ទះ​ហើយ​គ្រប់​ឱ្យ​គ្រប់​ចំនួន​ថ្ងៃ​ហើយ​អ្នក​ដែល​ធ្លាប់​ត្រូវធ្វើ​ច​ត្តា ឡី​ស័ក​នៅតាម​ផ្ទះ​នោះ​តើ​ពួកគាត់​ប្រាកដជា​គោរព​តាម​ការណែនាំ​ដែរឬទេ​ព្រោះ​មាន​អ្នក​បាន​រាយការណ៍​មក​ថា​គាត់​ខ្លាច​គេ​ឱ្យធ្វើ​ច​ត្តា​ឡី​ស័ក​ខ្លះ​ថា​ឃើញ​អ្នកធ្វើ​ច​ត្តា​ឡី​ស័ក​នៅផ្ទះ​ដើរចេញ​ក្រៅ​ទីនេះ​ទីនោះ​ជាដើម​។​ចំណុច​នេះ​គឺជា​ចំណុច​ដែល​កន្លងទៅ​មានការ​រិះគន់​ខ្លះៗ​សម្រាប់​យើង​ហើយ​រឿងនេះ​មិនចាំបាច់​ទៅ​បន្ទោស​អ្នកណា​ទេ​គឺ​បន្ទោស​ខ្ញុំ​ទាក់ទិន​នឹង​ការបង្ហាញ​អត្ដ​សញ្ញាណ​របស់​មនុស្ស​ទាំង​រូបថត​ពេលនោះ​ងងឹត​ខ្លាំងណាស់​អញ្ចឹង​ដើម្បី​ឱ្យដឹងថា​តើ​មនុស្ស​ដែល​ខ្លួន​បាន​ពាក់ព័ន្ធ​នោះ​ជា​អ្នកណា​ដើម្បី​អ្នកមាន​ការពាក់ព័ន្ធរ​ត់​ទៅរក​គ្រូពេទ្យ​ដើម្បី​យក​សំណាង ខ្ញុំ​ក៏​សម្រេច​ឲ្យ​ផ្សព្វផ្សាយ​ក្នុង​រយៈពេល​មួយ​ខ្លី​ទាំង​រូបថត​និង​ទាំង​ឈ្មោះ ។ ឥឡូវ​យើង​បាន​ឲ្យ​ដកចេញ​ហើយ​ដក​ទាំង រូបថត​ដក​ទាំង​ឈ្មោះ​ថែម​ទៀតផង​ដើម្បី​បញ្ជា​ស​និង​ការរើសអើង​ទាក់ទង​ជាមួយនឹង​សិទ្ធិ​បុគ្គល​ផងដែរ​។​ក៏ប៉ុន្តែ​ពេលខ្លះ​យើង​ត្រូវយក​ការសម្រេចចិត្ត​សុខចិត្ត​ទទួល​និង​ការ​ទិះ​ទាន​ប៉ុន្តែ​យើង​អាច​សង្គ្រោះ​ជីវិត​ប្រជាជន​យើង​បាន​យើង​អាច​បញ្ជា​នៅ​ស្ថានភាព​គ្រោះថ្នាក់​នៅក្នុង​ចំណោម​ប្រជាជន​។​សង្ឃឹមថា​បងប្អូន​យើង​មានការ​យោគយល់​ហើយ ប្រធានបទ​ទាក់ទង​នឹង​បញ្ហា​បង្ហាញមុខ​ឬ​មិន​បង្ហាញមុខ​ខ្ញុំ​ក៏​សុំ​យកការណ៍​នេះ​អរគុណ​ចំពោះ​អ្នក​ដែល​ហ៊ាន​បង្ហាញមុខ​អ្នកខ្លះ​បងប្អូន​ខ្លះ​ដែលមាន​វិជ្ជមាន​គឺ​គាត់​ទៅ​ហាង zando នឹង ប៉េ​ត្រូ​គាត់​ឃើញ​គេ​បញ្ចាំង​រូបភាព​នៅ​ហាង​នោះ​គាត់​សុខចិត្ត​តែ​ធ្វើ​សំណាក​ដោយ​ខ្លួនឯង អ្នកខ្លះ​សុខចិត្ត​ទៅធ្វើ​ច​ត្តា​ឡី​ស័ក​ដោយ​ខ្លួនឯង​សូម​អរគុណ​ជាមួយ នឹង​សេចក្តីក្លាហាន​ដើម្បី​បញ្ចៀស​គ្រោះថ្នាក់​ខ្លួនឯង​ផង​និង​ក៏​ដើម្បី​បញ្ជៀ​ស​និង​ការឆ្លង​សម្រាប់​អ្នកដទៃ​ផង​ក្នុងពេល​ជាមួយគ្នា​ក៏​យើង​អាច​យល់បាន​ថា​មនុស្ស​មួយចំនួន​មិន​ហ៊ាន​បង្ហាញខ្លួន​ទេ​ដោយសារ​ការធ្វើ​ច​ត្តា​ឡី​ស័ក​គឺ​តម្រូវឱ្យ​នៅផ្ទះ ១៤ ថ្ងៃ​ទោះបីជា​រាជរដ្ឋាភិបាល​បានប្រកាស​ឧបត្ថម្ភ​ប្រាក់ ២ ម៉ឺន​រៀល​ក្នុង​មួយថ្ងៃ​សម្រាប់​អ្នកក្រីក្រ​… ។

​ហេតុផល​ទី​៣.​អ្នក​ដែល​ប៉ះពាល់​មួយចំនួន​នៅ​មិនទាន់​ដល់​ថ្ងៃ​ធ្វើតេស្ដ​លើក​ទី ២​លើក​ទី​បី​នៅឡើយ​ទេ​ដោយ​ពួកគាត់​គឺជា​អ្នក​ប៉ះពាល់​ជាមួយ​អ្នកជំងឺ​កូ​វីដ​១៩​ហើយ​ទើប តែ​ធ្វើ​តែ​បាន​មួយដង​ឬ​ពីរដង​តែប៉ុណ្ណោះ​អញ្ចឹង​ឥឡូវនេះ​នៅមាន​ប្រក្រតីទិន​សម្រាប់ធ្វើ​តេស្ត​ព្រោះ​អ្នកធ្វើ​តេស្ត​គឺ​មិន​ស្មើគ្នា​ទេ​…​អញ្ចឹង​បានជា​ជា​ព្រឹត្តិការណ៍​នេះ​មាន​ប្រ​ក្រ​តិ ទិន​សម្រាប់​ខេត្ត​និ​មួយៗ​ដែលមាន​ការពាក់ព័ន្ធ​អញ្ចឹង​ឥឡូវនេះ​គឺ​យើង​អត់​ទាន់​ធ្វើតេស្ត​សម្រាប់​អ្នក​ដែល​ត្រូវធ្វើ​និង​លើក​ទី ២ និង​លើក​ទី ៣ ។ ហើយ​បើសិនជា​រកឃើញថា មាន covid-19 គឺ​ត្រូវតែ​ស្រាវជ្រាវ​រក​បន្ត ១៤​ថ្ងៃ​ត​ទៅមុខទៀត ។

​មូលហេតុ​ទី​៤.​អ្នក​ដែល​ត្រូវធ្វើ​ចិត្ត​ដើរលេង​សាក់​ជា​បន្ត​បន្ទាប់ពី​ថ្ងៃទី ២៩ មកដល់​ថ្ងៃ​ដែល​យើង​រកឃើញ​វិជ្ជមាន​ចុងក្រោយ​គឺ​នៅ​ថ្ងៃទី​១៤​ម្សិលមិញ​នេះ​,​មួយចំនួន​មិនដឹង ថា​គាត់​បានធ្វើ​ចិ​ត្តា​ឡី​ស័ក​គ្រប់​បី​ដង​ដែរឬទេ​,​អ្នក​វិជ្ជមាន​ចុងក្រោយ​គឺ​នៅ​ថ្ងៃទី ១៤ ថ្ងៃ​ម្សិលមិញ​នេះ​។ យើង​មិនមាន​ការឆ្លង​ពីថ្ងៃ​ទី ១១ ,១២ ,១៣​ប៉ុន្តែ​ម្សិលមិញ​មាន​ក្មេង ម្នាក់​តែម្ដង​។

​ហេតុផល​ទី​៥.​នៅ​ខេត្ត​មួយចំនួន​អ្នកជំងឺ​ទៅដល់​មុន​គាត់​ដឹងថា​គាត់​មាន​កូ​វីដ​១៩​តើ​យើង​អាច​រកឃើញ​អស់​ដែរឬទេ​,​ដែល​ជួនកាល​យើង​រក​មិនឃើញ​អស់​ទេ​ប្រសិនបើ​មានការ​លាក់លាម​នោះ​។​

​អញ្ចឹង​ចំណុច​ទាំង ៥ នេះហើយ​ជា​ចំណុច​ដែល​យើង​មិនអាច​ប្រកាស​បញ្ចប់​នូវ​ព្រឹត្តិការណ៍​២៨ វិច្ឆិកា​នេះ​បានទេ ដែល​ខ្ញុំ​ក្នុង​ពេលនេះ​ក្នុងនាម​រាជរដ្ឋាភិបាល​សូម​ការ​យោគ យល់​ពី​ព្រះសង្ឃ​ប្រជាពលរដ្ឋ​ដើម្បី​សុំ​រក្សា​ស្ថានភាព​ដូច​សព្វ​ថ្ងៃមួយ​រយៈពេល​ទៀត ដើម្បី​ធានា​ឲ្យ​ប្រាកដថា​កូ​វីដ​១៩ ដែល​បាន​ឆ្លង​ចូលក្នុង​សហគមន៍ ២៨ វិច្ឆិកា​បាន​ផុត រលត់​ពិត​ប្រាក​ដ៏​ដើម្បី​ជា​ប្រយោជន៍​ដល់​ប្រជាពលរដ្ឋ​គ្រប់គ្នា​។

​ពេលនេះ​យើង​បានជ្រើសរើស​ហើយ​រវាង​ការឆ្លង​លើ​ខ្លួន​យើង​ការស្លាប់​ការរីក​រាលដាល​ក្នុង​សហគមន៍​ជាមួយនឹង​ការកំសាន្ត​សប្បាយ​បុណ្យ​ណូអែល​និង​បុណ្យចូលឆ្នាំ​យើង​ដឹង​ច្បាស់​អំពី​ផលប៉ះពាល់​ដែល​ផលប៉ះពាល់​នោះ​ធំជាងគេ​ទៅលើ​វិស័យ​អប់រំ​តែម្ដង ។​ក្រៅពីនោះ​នៅមាន​ផលប៉ះពាល់​ផ្នែក​សេវា​មួយចំនួន​ប៉ុន្តែ​ផ្នែក​សេដ្ឋកិច្ច​ដែល​ទាក់ ទង​ជាមួយនឹង​វិស័យ​កសិកម្ម​វិស័យ​ឧស្សាហកម្ម​គឺ​មិនមាន​ផលប៉ះពាល់​ធំធេង​នោះទេ​ប្រជាពលរដ្ឋ​នៅ​បង្កើន​ផល​ធម្មតា​។​ផលប៉ះពាល់​ទៅលើ​ផ្នែក​សេវា​ដូចជា​ភោជនីយដ្ឋាន​ធំៗ​តម្រូវ​ឲ្យ​មិន​ឲ្យ​ជួបជុំ​លើសពី ២០​នាក់ ប៉ះពាល់​ដល់​ការរៀប​អាពាហ៍ពិពាហ៍ ប៉ះពាល់​ទៅដល់​ការជួបជុំ​បុណ្យ​ណូអែល​ខាងមុខ ទៅដល់​ការឆ្លង​ឆ្នាំ …​។​

​អញ្ចឹងទេ​យើង​ត្រូវ​បន្តដំណើរ​របៀបនេះ​បន្តិចទៀត​ដើម្បី​កម្ពុជា​ជា​ផុតពី​ជំងឺ​ដ៏​កាច​សាហាវ​ពី​ឃាតករ​លាក់​មុខ​ដែល​យើង​មិនទាន់​កម្ចាត់​បាន​ខ្ញុំ​នៅតែ​បន្ត​ការលើក​ដដែល​ដើម្បី​យកឈ្នះ​កូ​វីដ​១៩​បាន​វិធី​ដែល​ល្អ​ជាងគេ​គឺ​ធ្វើ​អ្នក​ចុះចាញ់​ធ្វើជា​អ្នកខ្លាច​តែ​មិនមែនជា​អ្នក​តក់ស្លុត​ភ័យ​ស្លន់ស្លោរ​នោះទេ តែ​យក​ល្អ​ធ្វើជា​អ្នកខ្លាច​កន្លែង​មនុស្ស​ច្រើន​មិន ហ៊ាន​ទៅ រក្សា​គម្លាត​មិន​ហ៊ាន​ចាប់ដៃ​ខ្លាច​ឆ្លង​យើង​ខ្លាច​ឆ្លងទៅ​គេ ឬ​គេ​ឆ្លង​មក​យើង​ដូចដែល​ខ្ញុំ​ពាក់​ស្រោមដៃ​នៅ​សៀមរាប មិនមែន​ខ្ញុំ​ខ្លាច​ប្រជាជន​ទេ​។​ក៏​ប៉ុ​ន្ត​សូមកុំ​ទុក ចិត្ត​ខ្ញុំ​ពេក​។

​បញ្ហា​ដែល​ប៉ះពាល់​ធំជាងគេ​គឺ​វិស័យ​អប់រំ​ដែល​ខ្ញុំ​សុំ​យក​ឪ​កាស​នេះ​ជម្រាប​ជូនទៅ​រដ្ឋមន្ត្រី​អប់រំ​ឲ្យ​ធ្វើការ​ពិចារណា​ថែមទៀត ដែល​ថ្ងៃមុន​ខ្ញុំ​បាន​ចារ​អក្សរ​ក្រហម រដ្ឋមន្ត្រី​អប់រំ បានស្នើ​កាលពី​ថ្ងៃទី​៧​ខែធ្នូ​កន្លងទៅ​លោក ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង កីឡា បានស្នើ​ទៅលើ​ជម្រើស​ចំនួន​៣ រួមមាន​៖​ទី ១- បើ​ការឆ្លង​នៅ​បន្ត​នោះ​ការប្រឡង​សញ្ញាបត្រ​មធ្យមសិក្សា​ទុតិយភូមិ​ដែល​គ្រោង​រៀបចំ​ដែល​គ្រោង​រៀបចំ​នៅ​ថ្ងៃទី​២១-២២ ខែធ្នូ​ឆ្នាំ​២០២០​ទៅ​ពាក់កណ្ដាល​ខែមករា​ឆ្នាំ​២០២១​វិញ ។​ទី​២-​ករណី​រង់ចាំ​ដល់​ពាក់កណ្តាល​ខែមករា​ឆ្នាំ ២០២១ នៅ​មិនមាន​លទ្ធភាព​ដំណើរការ​ប្រលង​បាន​ក្រសួង​នឹង​រៀបចំ​ប្រឡង​បាក់​ឌុប​នៅតាម​វិទ្យាល័យ​រៀងៗ​ខ្លួន​និង ទី​៣.​ករណី​រីក​រាលដាល​ក្នុងស្ថានភាព​ធ្ងន់ធ្ងរ​ក្រសួង​នឹង​ផ្អាក​ប្រឡង​បាក់​ឌុប ២០១៩-២០២០ ដោយ​ជំនួស​វិញ​វាយតម្លៃ​ការប្រឡង​ឆមាស​ដើម្បី​កំណត់​ការជាប់​ឬ​ធ្លាក់ ។​

​ពេលនោះ​ខ្ញុំ​បាន​ចារ​អក្សរ​ក្រហម​ទី​១.​ពេលនេះ​សភាពការណ៍​នៅ​មិនទាន់​ច្បាស់លាស់​យក​ជម្រើស​ទី​២​។ ក្នុងករណី​ជម្រើស​ទី​២​មិនអាច​អនុវត្តបាន​សុំ​យក​ជម្រើស​ទី ៣ ។ ប៉ុន្តែ​លទ្ធភាព​នៃ​ការប្រកាស​បិទ​ព្រឹត្តិការណ៍​សហគមន៍​២៨ វិច្ឆិកា​មិនអាច​កើតមាន​នៅមុន​ថ្ងៃទី​១១ មករា​ឆ្នាំ​២០២១​បានទេ ។​ព្រោះ​លទ្ធភាព​នៃ​ការប្រកាស​បិទ​ព្រឹត្តិការណ៍ មុន​ថ្ងៃ​១១ មករា បានទេ​។ តាម​ការព្យាករណ៍​រប​ស់​ខ្ញុំ​ការបិទ​បញ្ចប់​ព្រឹត្តិការណ៍​សហគមន៍ ២៨ វិច្ឆិកា​អាច​នឹង​កើតឡើង​ក្រោយ​ថ្ងៃទី ២០ មករា ២០២១​ឯណោះ ។​អញ្ចឹង វា​នៅសល់​៣៥​ថ្ងៃ​ទៀត​អញ្ចឹងទេ​សូម​ឲ្យ​ក្រសួង​ពិចារណា​ទៅលើ​លទ្ធភាព​ទី​បី​នៃ​ការវាយតម្លៃ​ជំនួស​ឲ្យ​ការប្រឡង​ដោយ​យក​លទ្ធផល​ប្រលង​ឆមាស​របស់​បេក្ខជន​ម្នាក់ៗ​មក​វាយតំ​លៃ​ថា​ជាប់​ធ្លាក់​ការធ្វើ​បែបនេះ​គឺជា​ការខាតបង់​ធំ​រប​ស់​ប្រទេស​និង​ប្រជា​ជា​ជន​នៅលើ​ពិភពលោក​ដោយសារតែ​សិស្ស​រាប់លាន​នាក់​មិនបាន​រៀនសូត្រ​ទេ​។​យើង​ត្រូវ​ទទួលយក​នូវ​ហេតុការណ៍​ពិតប្រាកដ​ហើយ​បើ​យើង​ចាត់តាំង​ឲ្យ​ទៅ​ប្រឡង​គ្រូ​ក៏​គ្មាន​វ៉ាក់សាំង​ការពារ​,​កូនសិស្ស​ក៏​គ្មាន​វ៉ាក់សាំង​ការពារ​មិនទាន់មាន​មនុស្ស​ស្លាប់​ផង​គេ​ថា​យើង​មាន​មនុស្ស​ស្លាប់​ដោយ​លួចលាក់​បើ​មាន​មនុស្ស​ស្លាប់​ច្បាស់​ជាមាន​ឪពុកម្ដាយ​កូន​របស់គេ​នៅ​មិន​សុខ​ទេ​កុំ​ឆ្ងល់​ពេក​បើ​ភ​គេ​ភ​ឱ្យ​សម​ហេតុផល​…​។​ខ្ញុំ​សម្រេច​ធ្វើតាម​របៀប​ហ្នឹង​គួរ​មិនចាំបាច់​រងចាំ​រហូតដល់​ថ្ងៃ ១១ មករា​ទេ​ចាប់ផ្ដើម​រៀបចំ​ធ្វើទៅ​បី​ឲ្យ​ក្មេង​អាច​ដឹងថា​ជាប់​ឬ​ធ្លាក់​តាមរយៈ​នៃ​ការវាយតម្លៃ​ពិន្ទុ​ប្រឡង​ឆមាស​ដើម្បី​កុំ​ឲ្យ​អូស​ពេល វេលា​នៃ​ភាពមិនច្បាស់លាស់​របស់​ក្មេង​របស់​សិស្ស​ដែល​ពេលនោះ​មានឱកាស​ដើម្បី​នឹង​ទៅ​ទៅយក​ចូលទៅ​មហាវិទ្យាល័យ​ព្រោះ​បាក់​ឌុប​នេះ​គឺ​គេ​ត្រូវ​បន្ត​ជំហាន​អញ្ចឹង​គេ​អាចមាន​លទ្ធភាព​ឥឡូវ​ដើម្បី​ឈានទៅ​ចាប់យក​ការ​មហាវិទ្យាល័យ​ណា​ឬ​សាកលវិទ្យាល័យ​ណា​នេះ​មិនមែន​ជាការ ។​

​ប៉ុន្មាន​ថ្ងៃមុន​នេះ​មានការ​លើកឡើង​របស់​ប្រព័ន្ធ​ផ្សព្វផ្សាយ​ខ្លះ​ដែលថា​លោក​ឧបនាយករដ្ឋមន្ត្រី​អូន​ព័ន្ធ មុនី​រ័ត្ន រដ្ឋមន្ត្រីក្រសួង​ហិរញ្ញវត្ថុ​ជា​បេក្ខជន​នាយករដ្ឋមន្ត្រី​ដ៏​មាន​សក្តា នុព​ល​គឺជា​រឿង​ត្រឹមត្រូវ​។​កាលពី​ខែវិច្ឆិកា​កន្លងទៅនេះ​លោក អូន​ព័ន្ធ មុនី​រ័ត្ន ត្រូវបាន​ចាត់​ឲ្យ​ធ្វើជា​តំណាង​របស់​នាយករដ្ឋមន្ត្រី​ក្នុងការ​ចូលរួម​នៅក្នុង​កិច្ចប្រជុំ​កំពូល​អាស៊ាន តាម​ប្រព័ន្ធ​អន​ឡាញ … ។​

​ពាក់ព័ន្ធ​ការទិញ​វ៉ាក់សាំង​កូ​វីដ​១៩​សម្តេច​បាន​លើកឡើងថា​នៅពេលដែល​ខ្ញុំ​និយាយ​ដល់​បញ្ហា​វ៉ាក់សាំង​កូ​វីដ ១៩ ខ្ញុំ​ព្រឺរោម​ភ្លាម​ខ្ញុំ​អត់​នឹកស្មានថា​បញ្ហា​វ៉ាក់សាំង​បានក្លាយ ទៅជា​ចលនា​ជាតិ​ដ៏​ធំ​ហើយ​វា​បាន​ក្លាយទៅជា​ខឿន​ការ ពារ​សុខភាព​របស់​ប្រជាជន​ដែលជា​យុទ្ធសាស្ត្រ​ដ៏​លំ​ទូលាយ​និង​ស៊ីជម្រៅ​នៅក្នុង​ជាតិ​សាសន៍​របស់​យើង​ច្រើនយ៉ាង ណាស់​ជាពិសេស​គឺ​ស្មារតី​សាមគ្គីភាព ឯកភាព​ជាតិ​សាសន៍​ក្នុង​ចំនួន​ដ៏​ច្រើន​លើសលុប​។ ខ្ញុំ​សូមបញ្ជាក់ថា​នៅពេលដែល​ខ្ញុំ​បង្ហោះ​Facebook​ចេញ​ខ្ញុំ​អត់​បានគិត​ទៅលើ​ការ ចូលរួម​វិភាគទាន​ពី​សំណាក់​ប្រជាពលរដ្ឋ​នោះទេ​ហើយ​នៅក្នុង​សារ​នោះ​ខ្ញុំ​ក៏​មិនបាន​អំពាវនាវ​ឱ្យមាន​ការចូលរួម​រប​ស់​ប្រជាជន​ទេ​ដែល​ខុសពី​មនុស្ស​ខ្លះ​និយាយថាលោក ហ៊ុន សែន រ៉ៃ​អង្គាស​និង​រហូតដល់​ប្រើពាក្យ​ថា​រ៉ៃ​អង្គាស​យកមក​បើក​ប្រាក់ខែ​ដោយសារតែ​អត់​មាន​លុយ​បើក​ប្រាក់ខែ​(​ជូន​មន្ត្រីរាជការ​)​តែ​ខ្ញុំ​សូមបញ្ជាក់ថា​ទឹកប្រាក់​ដែល ទទួលបាន​ពី​ការបរិច្ចាគ​ពី​សំណាក់​ប្រជាពលរដ្ឋ​និង​សប្បុរស ជន​មិនបាន ១​ភាគ​៤ នៃ​ប្រាក់ខែ​ដែល​ត្រូវ​ចំណាយ​ដែល​ក្នុង​១​ខែ​ជាង​២០០​លាន​ដុល្លារ​នោះទេ​។​

​សម្តេច​ហ៊ុនសែន​បញ្ជាក់ថា​៖​សូមកុំ​មានការ​ភាន់ច្រឡំ​ឱ្យសោះ​និង​ជាពិសេស​សូមកុំ​មើលស្រាល​ទឹកចិត្ត​របស់​ប្រជាពលរដ្ឋ​កម្ពុជា​ឱ្យសោះ​។​ខ្ញុំ​មិន​នឹកស្មានថា​ប្រជាជន​កម្ពុ ជា​និង​មហាជន​គ្រប់​ស្រទាប់វណ្ណៈ​បាន​បរិច្ចាគ​នូវ​ថវិកា​ផ្ទាល់​មកឱ្យ​រាជរដ្ឋាភិបាល​ក្នុង​គ្រា​ជួប​វិបត្តិ​រាតត្បាត​ជំងឺ​កូ​វីដ ១៩​នេះនោះ​ដែរ ។ ខ្ញុំ​បានចាត់ទុក​ការបរិច្ចាគ​ថវិកា​ពី​សំ ណាក់​ប្រជាជន​កម្ពុជា​និង​សប្បុរសជន​នានា​គឺជា​ចលនា​ជាតិ​ដ៏​ធំ​ទូលំទូលាយ​ដែល​ខ្ញុំ​ប្រសិទ្ធ​នាម​ថា «​ជា​ខឿន​ការពារ​សុខភាព​របស់​ប្រជាជន​» ហើយ​ដែល​ខ្ញុំ​ប្រៀបធៀប​វា ទៅ​ហ្នឹង​ចលនា​ជាតិ​ដែលជា​ខឿន​ការពារជាតិ​របស់​ប្រជាជន​ឆ្នាំ​២០០៨, ២០១១ និង​មាន​រហូតមកដល់​សព្វ​ថ្ងៃជា​ខឿន​ការពារជាតិ​របស់​ប្រជាជន​។​

​សម្តេច​តេ​ជោ​នាយករដ្ឋមន្ត្រី​នៃ​កម្ពុជា​បាន​គូសបញ្ជាក់ថា​មាន​ប្រជាជន​កម្ពុជា ព្រះសង្ឃ ជនពិការ និង កុមារ ជាដើម​បន្ថែម​ពីនេះ​មាន​ធនាគារ​មួយចំនួន​ដាក់​លេខ​គណនី របស់ខ្លួន​ដើម្បីឱ្យ​ប្រជាជន​និង​សប្បុរសជន​នានា​អាច​បាញ់​ថវិកា​ដែល​ខ្លួន​មានបំណង​បរិច្ចាគ​មក​រាជរដ្ឋាភិបាល​ដោយ​ងាយស្រួល​ជាដើម​តាមរយៈ​សកម្មភាព​យ៉ាង​ផុសផុល នេះ​សម្តេច​បាន​ហូរ​ទឹកភ្នែក​ពេល​ឃើញ​មហាជន​ចូលរួម​បរិច្ចាគ​ថវិកា​ទិញ​វ៉ាក់សាំង​កូ​វីដ​១៩​និង​ជាការ​ចូលរួម​នេះ​គឺ​មហាសាល​និង​ធំធេង​ណាស់​។ មាន​អ្នក​តិះ​ទៀន​រឿង​ការ ចូលរួម​ថវិកា​ដើម្បី​ទិញ​វ៉ាក់សាំង​កូ​វីដ​-១៩ គឺជា​ការប្រមាថ​ទឹក​ព្រះទ័យ​ព្រះមហាក្សត្រ ព្រះមហាក្សត្រី ខណៈ​ព្រះមហាក្សត្រ​បាន​ប្រោស​ព្រះរាជទាន ព្រះរាជ​ទ្រព្យ​ចំនួន​៥០ ម៉ឺន​ដុល្លារ និង​សម្តេចម៉ែ​ចំនួន​៥០​ម៉ឺន​ដុល្លារ ព្រមទាំង​ទឹក​ព្រះទ័យ​ព្រះសង្ឃ​និង​ទឹកចិត្ត​របស់​ប្រជាពលរដ្ឋ​ខ្មែរ​ទាំងមូល​ដែល​បាន​បរិច្ចាគ​ព្រះរាជ​ទ្រព្យ​បច្ច័យ​និង​ថវិកា​ជាមួយ រាជរដ្ឋាភិបាល​។​តាមរយៈ​ចលនា​បរិច្ចាគ​ថវិកា​ពី​សំណាក់​សប្បុរសជន​នានា​គឺ​ដោយសារតែ​ប្រជាពលរដ្ឋ​កម្ពុជា​ជឿជាក់​លើ​រាជរដ្ឋាភិបាល​ប្រសិនបើ​ប្រជាពលរដ្ឋ​មិនមាន​ការ ជឿជាក់​លើ​រាជរដ្ឋាភិបាល​កម្ពុជា​នោះទេ​ច្បាស់​ណាស់​នឹង​មិនមាន​ចលនា​ចូលរួម​បរិច្ចាគ​ថវិកា​ដើម្បី​ទិញ​វ៉ាក់សាំង​កូ​វីដ​-១៩ ជាដាច់ខាត​។​

​គិត​ត្រឹម​ថ្ងៃទី​១៤ ខែធ្នូ​ម្សិលមិញ រាជរដ្ឋាភិបាល​ទទួល​បាន​ថវិកា​ពី​ការបរិច្ចាគ​សម្រាប់​ទិញ​វ៉ាក់សាំង ចំនួន​៤៨,០៩៣,៩០៥.១៣​ដុល្លារ និង ៣,៩០០​លាន​រៀល​ដែល​រហូត មកដល់ពេលនេះ មាន​សប្បុរសជន​ចំនួន​៣៨,៤១១​នាក់​ហើយ ដែល​បាន​ចូលរួម​បរិច្ចាគ​ថវិកា​ជូន​រាជរដ្ឋាភិបាល ។​

​ពាក់ព័ន្ធ​ការទិញ​កូ​វីដ​១៩ រហូតមកដល់​ពេលនេះ​ប្រទេសមួយ​ចំនួន​បាន​ផលិត​និង​បានដាក់​ឲ្យ​ប្រើប្រាស់​រួចហើយ​នូវ​វ៉ាក់សាំង​ប្រឆាំង​កូ​វីដ​១៩ ប៉ុន្តែ​មិនទាន់​ទទួលស្គាល់​ពី​អង្គការ​សុខភាព​ពិភពលោក​នៅឡើយ​ទេ ។ អាមេរិក អាល្លឺម៉ង់ អង់គ្លេស ចិន​បាន​ប្រើប្រាស់​ហើយ​ប៉ុន្តែ​មិនទាន់មាន​ការទទួលស្គាល់​ពី​អង្ក​ការ​សុខភាព​ពិភពលោក​(WHO) នោះទេ ។​ចំពោះ​បញ្ហា​ទិញ​វ៉ាក់សាំង​ប្រឆាំង​ជំងឺ​កូ​វីដ​១៩​សូមបញ្ជាក់ថា​កម្ពុជា​នឹង​បញ្ជា​ទិញ​វ៉ាក់សាំង​ណា​ដែលមាន​ការទទួលស្គាល់​ពី​អង្គការ​សុខភាព​ពិភពលោក​ហើយ កម្ពុជា​នឹងមិន​យក​ពលរដ្ឋ​ខ្លួន​ធ្វើតេស្ត​វ៉ាក់សាំង​សម្រាប់​ក្រុមហ៊ុន​និង​ប្រទេស​ណា​ឡើយ​នេះ​ជា​គោលជំហរ​ដាច់ខាត​រប​ស់​ហ៊ុន សែន ។ ដោយសារតែ​កម្ពុជា​ជា​សមាជិក​នៃ ម​ជ្ឈ មណ្ឌល​កូ​វ៉ា​ក់​ជាមួយគ្នានេះ​មជ្ឈមណ្ឌល COVAX នឹង​ផ្តល់​វ៉ាក់សាំង ២០% នៃ​ចំនួន​ប្រជាជន​កម្ពុជា​សរុប​ឬ​ស្មើ​សម្រាប់​ប្រជាជន​៣​លាន​២​សែន​នាក់​ដល់​កម្ពុជា​តែ កម្ពុជា​ត្រូវ​បង់​ថវិកាបដិភាគ​៥%​នៃ​តម្លៃ​សរុប​។​ប៉ុន្តែ​ការបារម្ភ​របស់​កម្ពុជា​គឺថា​មជ្ឈមណ្ឌល​នេះ​ផ្តល់​បានតែ ៣% ប៉ុណ្ណោះ​សម្រាប់​ជំហាន​ដំបូង ។​ដូច្នេះហើយ​ទើប​កម្ពុជា ត្រៀម​ថវិកា​ពី​១០០​ទៅ ២០០ លាន​ដុល្លារ​អាមេរិក​សម្រាប់​បញ្ជា​ទិញ​វ៉ាក់សាំង​បូករួម​នឹង​ថវិកា​សប្ប​រសធម៌​ជាង​៤៨​លាន​ដុល្លារ​ទៀត​។​មកដល់ពេលនេះ​កម្ពុជា​បាន​បញ្ជា ទិញ​វ៉ាក់សាំង​កូ​វីដ​១៩​ចំនួន​១​លាន​ដូ​ស​រួចហើយ តាមរយៈ COVAX ។ តែ​សួរថា​មកដល់​ពេលណា​ខ្ញុំ​មិនទាន់​អាច​ឆ្លើយ​បានទេ ។

​សម្តេច​បាន​ឲ្យ​ដឹងថា​អ្នក​ដែលមាន​អាទិភាព​ទទួលបាន​វ៉ាក់សាំង​មុនគេ​មាន​ចំនួន ៤១ ម៉ឺន​នាក់​ដែល​ត្រូវ​បានទទួល​មុនគេ​ក្នុងនោះ​មាន​តាំងពី​អ្នកប្រមូល​សំរាម , អ្នក​ដឹក ជញ្ជូន មាន​ទាំង​អ្នករត់​តាក់ស៊ី , កង់​បី , បុព្វ​ជិត​សាសនា , កីឡាករ​កីឡាការិនី ,​កងទ័ព នគរបាល មន្ត្រី​អប់រំ មន្ត្រី​សុខាភិបាល មន្ត្រី​ផ្នែក​ពន្ធដារ មន្ត្រី​គយ​រដ្ឋាករ មន្ត្រី​នៅ តុលាការ​កំពូល និង​រាជធានី​ខេត្ត ,​មាន​មេធាវី មាន​មន្ត្រី​ពន្ធនាគារ មាន​មន្ត្រី​ឧទ្យាន​នុ​រក្ស រដ្ឋបាល​ព្រៃឈើ រដ្ឋបាល​ជលផល មន្ត្រី​អគ្គនាយកដ្ឋាន​ការពារ​អ្នកប្រើប្រាស់​និង ការប្រកួតប្រជែង ការ​ក្លែងបន្លំ , មន្ត្រី​អគ្គិសនី , បុគ្គលិក​រដ្ឋាករទឹក , ក្រុមប្រឹក្សា​រាជធានី​ខេត្ត ,​គណៈ​អភិបាល​រាជធានី ខេត្ត ,​ក្រុមប្រឹក្សា​ក្រុង ស្រុក ខណ្ឌ , មន្ត្រីឃុំ សង្កាត់ ស្មៀនឃុំ​សង្កាត់ សមាជិក​ភូមិ , ប្រធាន​អនុប្រធាន​ភូមិ , វិទ្យាស្ថាន​នៅ​មជ្ឈមណ្ឌល​បណ្ដុះបណ្ដាល​វិជ្ជាជីវៈ​, គ្រឹះស្ថាន​ឧ​ត្ត​មសិ​ក្សា ។ យើង​នឹង​បន្ត​អាទិភាព​រើស​ទៀត​អ្នក ដែល​នៅ​ជួរមុខ​ប៉ះពាល់​មនុស្ស​ជួប​មនុស្ស​…​។​

​សម្តេច​បានបញ្ជាក់​ថា​កូ​វ៉ា​ក់​ផ្ដល់ឱ្យ​យើង​ត្រឹមតែ​២០% តែ​ផ្តល់​ដំបូង​បានតែ ៣ ភាគរយ​ទេ​។​ប៉ុន្តែ​យើង​មាន​តម្រូវការ​ជាក់លាក់​ប្រជាជន ៨០%​ឡើងទៅ​ទើប​មាន​ភាពស៊ាំ​បើ ៨០ ភាគរយ​គឺ​យើង​ត្រូវ​ចាក់ឱ្យ​ប្រជាពលរដ្ឋ​របស់​យើង​មាន​ចំនួន​១២​លាន​៨​សែន​នាក់​និយាយ​លេខ​មូល​អាច​ថា​១៣ លាន​នាក់ ។​មិន​ដូចដែល​ខ្ញុំ​បាន​បង្ហោះ​តាម​ហ្វេ​ស​បុក ថា​អ្នក​ចក់​ប្រមាណ ១០ លាន​នាក់​ទេនោះ​គឺជា​ការបញ្ចេញ​ទិន្នន័យ​មុន​ពេលដែល​គណៈកម្មការ​ដឹកនាំ​ដោយ​ឯកឧត្តម​អូន​ព័ន្ធមុន្នីរ័ត្ន​មិនទាន់បាន​ប្រជុំ ។​ដូច្នេះ​យើង​ត្រូវការ ចាក់​មនុស្ស​ចាប់ពី ៨0 ភាគរយ​ឡើងទៅ អញ្ចឹង​វា​ស្មើ​មនុស្ស ១៣ លាន​នាក់​អញ្ចឹង​នៅសល់តែ​កុមារ​ទេ​ដែល​មិនបាន​វ៉ាក់សាំង​ហើយ​មនុស្ស​ពី​១៥ ឆ្នាំ​ឡើង​ទទួលបាន​វ៉ា​ក់ សាំង​យើង​មាន​ប្រជាជន​តែ ១៦ លាន​នាក់ ។ ដូចនេះ​យើង​ត្រូវការ​វ៉ាក់សាំង​ចំនួន ២៦ លាន​ដូ​ស យើង​បានរៀបចំ​ឃ្លាំង​រូ​ច​ហើយ , តែ​យើង​ត្រូវ​គិតគូរ​អំពី​រថយន្ត​សម្រាប់ ដឹកជញ្ជូន​វា់ក់​សាំង​ទៅកាន់​កន្លែង​ដែល​ត្រូវ​ចាក់​វ៉ាក់សាំង​,​ដូចនេះ​សិក្សា​ឲ្យ​វាច​ប់​រួច​ធ្វើ​វា​ទៅ​អ្វីដែល​ត្រូវ​ទិញ ។

​ឥឡូវនេះ​ក្រៅពី​ទុន​របស់​រដ្ឋ​ដែល​យើង​ត្រៀម ១០០​ទៅ​២០០​លាន​ដុល្លារ​សម្រាប់​ទិញ​វ៉ាក់សាំង និង ការចូលរួម​របស់​ស​ប្បុរ​សជន​ជាង ៤៨ លាន​ដុល្លារ​យើង​បានទទួល​រួច មកហើយ​នៅ​ថវិកា​រដែ​លអាច​ប្រើប្រាស់​បាន​ក្នុង​ក្របខណ្ឌ​ប្រយុទ្ធប្រឆាំង​និង​កូ​វីដ​១៩ និង ការ​ស្ថា​រ​ឡើងវិញ​នូវ​សេដ្ឋកិច្ច​នោះ​មាន​ធនាគារអភិវឌ្ឍន៍អាស៊ី​មាន​ចំនួន ២៥០ ដុល្លារ​អាមេរិក​បា​នប​ញ្ចូ​ល​ទៅក្នុង​ធនាគារជាតិ​រួចហើយ​។ អង្គការ​JICA របស់​ជប៉ុន​មាន​ចំនួន​ប្រមាណ ២៣៨ លាន​ដុល្លារ​អាមេរិក​កំពុង​រៀបចំ​ដក​សាច់ប្រាក់​មក​រក្សាទុក នៅ​ធន​គារ​ជាតិ​កម្ពុជា និង​ទី​៣​ពី EDCS កូរ៉េខាងត្បូង​ទឹកប្រាក់​ប្រមាណ​៥០​លាន​ដុល្លារ​អាមេរិក​បាន​ដក​សាច់ប្រាក់​មក​រក្សាទុក​ក្នុង​ធនាគារជាតិ​រួចហើយ ។ ដូចនេះ​យើង មាន​សាច់ប្រាក់​ចំនួន​៥៣៨​លាន​ដុល្លារ​នៅក្នុង​ដៃ​រួចហើយ​នេះ​មិនទាន់​រាប់បញ្ចូល​ថវិកា​ត្រៀម​បម្រុង​របស់​រាជរដ្ឋាភិបាល​នោះទេ ។

​ឥឡូវនេះ​វិធាន​ការដែល​ត្រូវប្រកាន់យក​តើ​ត្រូវធ្វើ​អ្វីខ្លះ ? ខ្ញុំ​សូម​ផ្ដល់​អនុសាសន៍​ចំនួន​៤​ចំណុច​ទៅកាន់​ស្ថាប័ន​ពាក់ព័ន្ធ​ដើម្បី​រួមគ្នា​ទប់ស្កាត់​ការឆ្លង​រីក​រាលដាល​ជំងឺ​កូ​វីដ​-១៩ ចូលទៅក្នុង​សហគមន៍​សាជាថ្មី​បន្ទាប់ពី​ព្រឹត្តិការណ៍ «​សហគមន៍​២៨​វិច្ឆិកា​»៖

​ទី​១. ត្រូវ​តាមដាន​អ្នក​នៅ​សេសសល់​មិនទាន់​ធ្វើតេស្ត​គ្រប់​ចំនួន​ឬ​ធ្វើ​ច​ត្តា​ឡី​ស័ក​មិនទាន់​គ្រប់​ថ្ងៃ​ឱ្យបាន​ម៉ឺងម៉ាត់ ។ អាជ្ញាធរ​ថ្នាក់ក្រោម​ជាតិ​ត្រូវ​ពិនិត្យ​កុំ​ពឹង​ផ្អែកលើ​គ្រូពេទ្យ គ្រូពេទ្យ​ហត់​ណាស់​ហើយ ។​ត្រង់ចំណុច​នេះ​ត្រូវ​យកចិត្តទុកដាក់​ចំពោះ​អ្នក​ដែល​ត្រូវធ្វើ​ច​ត្តា​ឡី​ស័ក​ពិសេស​ចំពោះ​គ្រូ​សារ​ក្រីក្រ​ហើយ​ប្រសិនបើ​អ្នក​មក​ធ្វើ​ច​ត្តា​ឡី​ស័ក​នោះ ជា​មេ​គ្រួសារ​ទៀត​នោះ​ត្រូវ​បើកប្រាក់​ឧបត្ថម្ភ​ទៅមុន​រយៈពេល​១៥​ថ្ងៃ​ក្នុង​មួយថ្ងៃ​២​ម៉ឺន​រៀល​កុំ​ចាំ​បើក​ម្ដង​មួយថ្ងៃៗ ។​

២.​ត្រូវអនុវត្ត​៣​ការពារ​រួមមាន​៖១.​ពាក់​ម៉ាស់​, ២.​លាងដៃ​, ៣.​គម្លាត​សុវត្ថិភាព​សង្គម​និង​គម្លាត​សុវត្ថិភាព​បុគ្គល​ដោយ​ចាប់ពី​១​ម៉ែត្រ​កន្លះ​ឡើងទៅ​ឱ្យបាន​គ្រប់គ្នា​នៅ​គ្រប់​ទី កន្លែង​និង​អនុវត្ត​ឱ្យបាន​គ្រប់គ្នា ។ ចំណុច​៣​ការពារ​នេះ​សំខាន់​ខ្លាំងណាស់​ដូច្នេះ​ទើប​អាច​យកឈ្នះ​លើ​ជំងឺ​កូ​វីដ​-១៩​បាន​ដោយ​ជោគជ័យ​។​

៣.​ត្រូវ​បន្ដ​អនុវត្ត​៣​កុំ​រួមមាន​៖១.​កុំ​ចូលទៅ​កន្លែង​បិទ​ជិត​គ្មាន​ខ្យល់​ចេញចូល​និង​ប្រើ​ម៉ាស៊ីនត្រជាក់​ច្រើនពេក​រក​កន្លែង​មាន​ខ្យល់​ចេញចូល​, ២.​កុំទៅ​កន្លែង​មនុស្ស​ច្រើន​កុះ ករ​,៣.​កុំ​ប៉ះពាល់​គ្នា កុំ​ចាប់ដៃគ្នា កុំ​កៀក​ស្មា​គ្នា កុំ​ឱប​គ្នា​ជាដើម​ពេល​ជួបគ្នា អ្នកមាន​ផ្តាសាយ ឬ សង្ស័យ​មាន​ជំងឺ​កូ​វីដ​-១៩ កុំ​ចេញ​ក្រៅ​ឬ​កុំមក​កន្លែងធ្វើការ​ហើយ​ត្រូវ​ទាក់ ទង​ទៅ​គ្រូពេទ្យ ។​

៤.​នៅតាម​កន្លែង​លក់ដូរ​ភោជនីយដ្ឋាន អាហា​រដ្ឋា​ន ផ្សារ​ទំនើប​និង​ធនាគារ​ត្រូវ​ចាត់​ឲ្យ​មាន​អ្នក​នៅចាំ​ត្រួតពិនិត្យ​កម្ដៅ​បើ​មិនមាន​ម៉ាស់​មិនឱ្យ​ចូល​និង​មាន​អាល់កុល​ឬ​ជែ​ល លាងដៃ​ព្រមទាំង​រៀបចំ​ឲ្យ​មានការ​រក្សា​គម្លាត​សុវត្ថិភាព​បុគ្គល​លើសពី​១​ម៉ែត្រ​កន្លះ​ឡើងទៅ​ជា​ចាំបាច់​។​កុំ​ឲ្យ​មានការ​អង្គុយ​ប្រជ្រៀត​គ្នា​និង​ត្រូវមាន​ការសម្អាត​រក្សា​អនាម័យ ល្អ នៅពេល​អតិថិជន​ចេញពី​តុ ចេញពី​កន្លែង​ខ្លួន​។​

​ចំណុច​នេះ​សូម​រំលឹក​អភិបាល​រាជធានី​-​ខេត្ត​ទាំងអស់​ត្រូវ​តាមមើល​កន្លែង​លក់ដូរ ភោជនីយដ្ឋាន អាហា​រដ្ឋា​ន ធនាគារ ផ្សារ​ទំនើប​ជាដើម​បើ​មិនត្រូវ​តាម​ស្ដង់ដារ​និង​ការ​ណែ នាំ​របស់​ក្រសួង​ទេ​គឺ​អភិបាល​រាជធានី​-​ខេត្ត មាន​សិទ្ធិ​បិទ​អាជីវកម្ម​បណ្ដោះអាសន្ន​តែម្ដង​ដោយ​មិនចាំបាច់​សួរ​យោបល់​មក​នាយករដ្ឋមន្ដ្រី​ឡើយ​ខ្ញុំ​បានផ្តល់​អំណាច​ឲ្យ​អស់ លោក​ហើយ ។ វិធានការណ៍​ដែល​ត្រូវប្រកាន់យក​៤​យ៉ាងនេះ​ជា​ប្រធានបទ​គន្លឹះ​ដើម្បី​ទប់ទល់​ជាមួយ​ជំងឺ​កូ​វីដ​-១៩ ដោយ​ត្រូវ​ចាត់ទុក​ខ្លួន​យើង​ជា​អ្នកខ្លាច​ព្រោះ​យើង​ខ្លាច​ទើប​យើង​ឈ្នះ​កូ​វីដ ហើយ​ប្រសិនបើ​យើង​ធ្វើជា​អ្នកខ្លាំង ច្បាស់​ជា​ចាញ់​ជាក់​ជាមិនខាន​ឡើយ​។​

​ការត្រៀម​លក្ខណៈ​ទុកជាមុន​សម្រាប់​ឆ្នាំ​២០២១​ខ្ញុំ​សូម​ដាក់ចេញ​អនុសាសន៍​និង​បទបញ្ជា​ចំនួន​១៤​ចំណុច​ដើម្បីឱ្យ​ក្រសួងសុខាភិបាល​និង​អាជ្ញាធរ​ពាក់ព័ន្ធ​ត្រៀមលក្ខណៈ សម្បត្តិ​ឆ្លើយតប​ក្នុងការ​ករណី​មាន​ការរីក​រាលដាល​ធ្ងន់ធ្ងរ​ព្រោះ​យើង​មាន​ការឆ្លង​ជា​សហគមន៍​ហើយ​ដូចនេះ​វា​អាចមាន​ការឆ្លង​ជា​សហគមន៍​ទ្រង់ទ្រាយ​ធំ​គឺ​ត្រូវ​សុខចិត្ត​គិត ថា «​មាន​»​ប្រសើរ​ជាង​ការ​គិតថា «​មិនមាន​» ដើម្បី​បាន​ត្រៀមលក្ខណៈ​សម្បត្តិ​ក្នុងការ​ដោះស្រាយ​ជាមួយ​វា​។​អនុសាសន៍​និង វិធានការ​ទាំង​១៤​ចំណុច​នោះ​រួមមាន​៖

១.​ត្រូវ​ចេះ​រស់នៅ​ធម្មតា​តាម​គន្លង​ថ្មី​ដោយ​ប្រកាន់យក​ការកែប្រែ​ឥរិយាបថ​អនាម័យ​ស្អាត​ជានិច្ច​និង​ប្រកាន់​វិធានការណ៍​ទាំង​៤ (​ក​.​តាមដាន​អ្នក​នៅ​សេសសល់​មិនទាន់​ធ្វើ តេស្ត​គ្រប់​ចំនួន​ឬ​ធ្វើ​ច​ត្តា​ឡី​ស័ក​មិនទាន់​គ្រប់​ថ្ងៃ​ឱ្យបាន​ម៉ឺងម៉ាត់​។​ខ​.​ត្រូវអនុវត្ត​៣​ការពារ​(១៖​ពាក់​ម៉ាស់​,២៖​លាងដៃ​,៣៖ គម្លាត​សុវត្ថិ ភាព​សង្គម​និង​គម្លាត​សុវត្ថិភាព​បុគ្គល ដោយ​ចាប់ពី​១​ម៉ែត្រ​កន្លះ​ឡើងទៅ​ឱ្យបាន​គ្រប់គ្នា​នៅ​គ្រប់​ទីកន្លែង​)​។​គ​.​ត្រូវអនុវត្ត​៣​កុំ​(១៖​កុំ​ចូលទៅ​កន្លែង​បិទ​ជិត​គ្មាន​ខ្យល់​ចេញចូល​និង​ប្រើ​ម៉ាស៊ីនត្រជាក់​ច្រើនពេក​រក កន្លែង​មាន​ខ្យល់​ចេញចូល​, ២៖ កុំទៅ​កន្លែង​មនុស្ស​ច្រើន​កុះករ​,៣៖​កុំ​ប៉ះពាល់​គ្នា កុំ​ចាប់ដៃគ្នា កុំ​កៀក​ស្មា​គ្នា កុំ​ឱប​គ្នា​ជាដើម ពេល​ជួបគ្នា​អ្នកមាន​ផ្តាសាយ​ឬ​សង្ស័យ​មាន ជំងឺ​កូ​វីដ​១៩​កុំ​ចេញ​ក្រៅ​ហើ​ត្រូវ​ទាក់ទង​ទៅ​គ្រូពេទ្យ​)​។​ឃ​៖​នៅតាម​កន្លែង​លក់ដូរ​ភោជនីយដ្ឋាន​អាហារ​ដ្ឋា​ន​ផ្សារ​ទំនើប​និង​ធនាគារ​ត្រូវ​ត្រួតពិនិត្យ​បើ​គ្មាន​ម៉ាស់​មិន​ឱ្យចូល​វ៉ាស់​កម្តៅ និង​រៀបចំ​កន្លែង​អង្គុយ​រក្សា​គម្លាត​តាម​បន្ទប់ទឹក​ត្រូវមាន​សាប៊ូ​លាងដៃ​)​។​

២.​ត្រូវ​ត្រៀមលក្ខណៈ​ដោយ​ពង្រឹង​សេវា​សុខាភិបាល​នៅតាម​មូលដ្ឋាន ជា​ពិ​សេ​ត្រូវ​ត្រូវ​ត្រៀម​ឲ្យ​មាន​ទីកន្លែង​សម្រាប់​អ្នក​អ្នកជំងឺ​កូ​វីដ​១៩ ចៀសវាង​ការចម្លង​រោគ​បន្ត​គ្នា​និង បំពាក់​សម្ភារៈ​បរិក្ខា​ជាពិសេស​នៅ​កន្លែង​សង្គ្រោះបន្ទាន់​ជា​ចាំបាច់ ។ ខ្ញុំ​បាន​ឲ្យ​បញ្ចេញ​ឧបករណ៍​ជំនួយ​ផ្លូវដង្ហើម និង តាមដាន​សញ្ញា​ជីវិត គ្រាន់តែ​មន្ទីរពេទ្យ​រុស្ស៊ី​បន្ថែម ឧបករណ៍​ជំនួយ​ផ្លូវដង្ហើម​ន​៣០ គ្រឿង និង ម៉ាស៊ីន​តាមដាន​សញ្ញា​ជីវិត ៥០ គ្រឿង និង​ចែក​ទៅតាម​ខេត្ត​និង​មន្ទីរពេទ្យ​នានា ដូចនេះ​ក្រសួងសុខាភិបាល​ត្រូវ​បញ្ជា​ទិញ​មក ទៀត លុយ​យើង​មាន​ចំណាយ​យ​លុយ​វា​មិនអាក្រក់​ជាការ​ចំណាយ​ជីវិត​ទេ​។ បញ្ជា​ទិញ​១០០ ឬ ២០០ គ្រឿង​មកទៀត ។​

៣.​ពង្រឹង​ការតាមដាន​រុករក​អ្នកជំងឺ​កូ​វីដ​១៩ ដោយ​ប្រើប្រាស់​ប្រព័ន្ធ​សុខាភិបាល​នៅតាម​សហគមន៍​ដូចជា​មណ្ឌល​សុខភាព​ដែលមាន​ប្រជាពលរដ្ឋ​ប្រហែល​លើសពី​៧០% ទៅប្រើ​ប្រាស់​សេវា​នៅ​ទីនោះ​ដើម្បី​ទប់ស្កាត់​ការចម្លង​ចូលក្នុង​សហគមន៍​ដោយ​យើង​មិន​បានដឹង​ដែលជា​បច្ច័យ​អាក្រក់​សម្រាប់​ប្រទេសជាតិ​ដោយសារ​ការ​រាតត្បាត​ធំធេង និង​បង្ក​មហន្តរាយ​ដល់​សេដ្ឋកិច្ច​ហើយក៏​ត្រូវ​សហការ​ជាមួយ​គ្លីនិក​និង​មន្ទីរពេទ្យ​ឯកជន​ផងដែរ ។ ព្រោះ​ប្រជាពលរដ្ឋ​ខ្លះ​គាត់​មាន​លុយ​គាត់​ស្វែងរក​សេវា​ឯកជន ដូចនេះ​បើ មើលឃើញ​អាកា​រៈ​អ្នកជំងឺ​បែបនេះ​ត្រូវ​ណែនាំ​ឬ​សុំ​កិច្ចសហការ​បញ្ជូនមក​មន្ទីរពេទ្យ​រដ្ឋ ។​

៤.​បណ្តុះបណ្ដាល​សមត្ថភាព​ក្រុមគ្រូពេទ្យ​បន្ថែមទៀត​ដើម្បី​ពង្រឹងសមត្ថភាព​លើ​ការពិនិត្យ​និង​ការព្យាបាល ។ ផ្តល់​លទ្ធភាព​ឲ្យ​ផ្តល់​ក្របខណ្ឌ​ឲ្យ​ពេទ្យ​បន្ថែមទៀត​សម្រាប់ ប្រយុទ្ធប្រឆាំង​កូ​វីដ ។ ដូចនេះ​សូម​ពិភាក្សាគ្នា​ផ្តល់​ក្របខណ្ឌ​គ្រូពេទ្យ​បន្ថែម តាមរយៈ​ការប្រឡង ឬ ក្រុមគ្រូពេទ្យ​ដែល​កំពុង​ជាប់កិច្ចសន្យា ឬ ក៏​ក្រុមគ្រូពេទ្យ​ដែល​កំពុង ប្រយុទ្ធប្រឆាំង​កូ​វីដ​១៩ យកមក​សម្រាប់​មុខសញ្ញា​នេះ​តែម្តង និង ខិតខំ​បណ្តុះបណ្តាល​គ្រូពេទ្យ​ដែលមាន​ស្រាប់​ក្នុងការ​ប្រយុទ្ធប្រឆាំង​កូ​វីដ​១៩ ។ ដូចនេះ​លក្ខខណ្ឌ​នៃ​ការ ជ្រើសរើស​គ្រូពេទ្យ​គឺ​ដើម្បី​បំរើ​ឲ្យ​មុខសញ្ញា​ប្រឆាំង​កូ​វីដ​១៩ មិនមែន​ជ្រើសរើស​ដើម្បី​តែមាន​ក្របខណ្ឌ​នោះទេ ។

៥.​ពិនិត្យ​លទ្ធភាព​ពង្រីក​មន្ទីរពិសោធន៍​ទាំង​នៅ​ភ្នំពេញ សៀមរាប ព្រះសីហនុ បាត់ដំបង ព្រោះ​បើ​ពឹងពាក់​តែ​វិទ្យាស្ថាន​ប៉ាស្ទ័រ​មួយគត់​គឺអាច​ជួប​ការលំបាក​ព្រោះ​វា​ហួស កម្លាំង​ក្នុងការ​ធ្វើតេស្ត​ដែល​អាចធ្វើឱ្យ​យឺតយ៉ាវ​ក្នុង​ការធ្វើអន្តរាគមន៍​ឲ្យ​បាន​លឿន ។ ខ្ញុំ​សូម​កោតសរសើរ​និង​អរគុណ​ជាពិសេស​វិទ្យាស្ថាន​ប៉ាស្ទ័រ​ដែល​បាន​ខិតខំ​ធ្វើ​ការងារ ទាំងអស់ ជា​ដៃគូ​ដ៏​ល្អ​កំពុង​រួម​ដៃ​ជាមួយ​កម្ពុជា​ប្រយុទ្ធប្រឆាំង​ជំងឺ​ដ៏​កាច​សាហាវ​នេះ​ទាំង CDC​របស់​សហរដ្ឋអាមេរិក អង្គការ​យូ​ណេ​សេស ,​អង្គការ​សុខភាព​ពិភពលោក ។ សៀមរាប​បាន​ដើរ​ហើយ បាត់ដំបង និង ព្រះសីហនុ កំពុងដំណើរការ​សាងសង់ នៅតែ​រាជធានី​ភ្នំពេញ​ដែល​ត្រូវ​ពង្រីក​បន្ថែម​ដើម្បី​ជួយ​ដល់​វិទ្យាស្ថាន​ប៉ាស្ទ័រ ។ នៅ​ភ្នំពេញ មិន​ខ្វះ​អគារ​ទេ ។

៦.​ផ្គត់ផ្គង់​សំភារៈ​បរិក្ខា​ពេទ្យ ឲ្យ​បាន​គ្រប់គ្រាន់​ជាពិសេស​ម៉ាស និង ខោអាវ​ការពារ ស្បែកជើង ឲ្យ​បាន​ទៅគ្រប់​មន្ទីរពេទ្យ​ដែល​បាន​ជួយ​រុករក​អ្នកជំងឺ​កូ​វីដ​១៩​ដែល​ពួកគាត់ មាន​ហា​និ ភ័យ​ខ្ពស់​ដោយសារ​ជួប​អ្នកជំងឺ​រាល់ថ្ងៃ មុននឹង​ដឹងថា អ្នកជំងឺ​មាន​កូ​វីដ​១៩ ឬ​មិនមាន​នោះ ។ ដាច់ខាត​មិន​ឲ្យ​មាន​ការខ្វះ​ឧបករណ៍​សម្ភារៈ​ពេទ្យ​សម្រាប់​គ្រូពេទ្យ នោះទេ​។ ខោអាវ​ពេទ្យ​យើង​ផលិត​នៅក្នុង​ស្រុក​របស់​យើង ទើប​យើង​មានលទ្ធភាព​ផ្តល់ជូន​មិត្តភក្តិ​របស់ ។​

៧.​ប្រព័ន្ធ​បញ្ជូន​ជំងឺ​ត្រូវ​ចាត់ចែង​និង​មាន​សុវត្ថិភាព​ហើយ​ត្រូវតែមាន​រថយន្ត​សង្គ្រោះ​សមរម្យ​សម្រាប់​ដឹក​អ្នកជំងឺ និង​មាន​ក្រុមគ្រូពេទ្យ ជាពិសេស​ត្រូវ​ដឹងថា​ការបញ្ជូន​ចេញ​- ចូល​នោះ​ត្រូវធ្វើ​យ៉ាងណា​កុំ​ឲ្យ​មានការ​ចម្លង​បន្ត​គ្នា ។ នៅក្នុង​ជំនួយ​របស់​ជប៉ុន​ក៏​មានការ​រាប់បញ្ចូល​ការទិញ​សម្ភារៈ​ពេទ្យ​នេះ​ផងដែរ​ដូចនេះ​ត្រូវ​ទិញ​រថយន្ត​សង្គ្រោះបន្ទាន់ បន្ថែមទៀត​។

៨.​ត្រូវ​ពង្រីក​ក្រុមការងារ​ឆ្លើយតប​បន្ទាន់​បន្ថែមទៀត ។ ក្រុម​នេះ​ត្រូវតែ​ពង្រីក​បន្ថែម​កន្លងមក​យើង​បាន​ចាត់ទុកថា​គ្រប់ ក៏ប៉ុន្តែ​នៅពេល​សភាពការណ៍​កើតឡើង​យើង​ឃើញ ថា​មិន​គ្រប់ ដោយ​យក​ចេញពី​ក្នុងចំណោម​គ្រូពេទ្យ​ឬក៏​បង្កើន​ក្របខណ្ឌ​បន្ថែម ។​ព្រោះ​យើង​ត្រូវតែមាន​គ្រូពេទ្យ​ដើម្បី​ជំនួស មិនអាច​ប្រើតែ​គ្រូពេទ្យ​ដដែល​រាល់ថ្ងៃ​ដែល​អាច ឲ្យ​ពួកគាត់​អាច​ដួល​ដោយ​មិនដឹង​ខ្លួន ។​

៩.​ត្រូវមាន​ក្រុមគ្រូពេទ្យ​ព្យាបាល​ដោយ​ចែកចេញជា​ក្រុមៗ​នៅតាម​មន្ទីរពេទ្យ​នីមួយៗ​ហើយ​ត្រៀមលក្ខណៈ​ផ្តល់​សេវា​ព្យាបាល​នៅ​កន្លែង​ផង ។ បើ​មានការ​ចាំបាច់​ត្រូវ​ចល័ត ទៅ​កន្លែង​ណា​ដែល​មានការ​រាតត្បាត​ច្រើន ។ អញ្ចឹងទេ​ដោយមាន​បទពិសោធន៍រ​បស់​មន្ទីរពេទ្យ​រុស្ស៊ី​យើង​គួរ​បន្ថែម​ក្របខណ្ឌ​ឲ្យ​មន្ទីរពេទ្យ​រុស្ស៊ី ។ ប៉ុន្តែ​រដ្ឋមន្ត្រី​ត្រូវ​មានការ
​ត្រូវមាន​ការទទួលខុសត្រូវ​ចំពោះមុខ​នាយករដ្ឋមន្ត្រី និង មុខ​សភា ។

១០.​ត្រៀម​កន្លែង​ធ្វើ​ច័​ត្តា​ឡី​ស័ក​និង​អ្នកគ្រប់គ្រង​អ្នកធ្វើ​ច​ត្តា​ឡី​ស័ក ឲ្យ​បាន​ហ្មត់ចត់ តាំងពី​កន្លែង​ហូប​អាហារ​និង​របស់របរ​ប្រើប្រាស់​ចាំបាច់​ផ្ទាល់ខ្លួន​និង​ត្រូវមាន​អ្នកយាម ឲ្យ​ត្រឹមត្រូវ​បំផុត​។ បើ​គាត់​ជា​មេ​គ្រួសារ​ត្រូវ​ចិញ្ចឹម​គាត់​នៅ​កន្លែង​ច​ត្តា​ឡី​ស័ក និង ត្រូវ​ច​ញ្ចឹ​ញ​គ្រួសារ​គាត់​ផងដែរ​លុយ​បានផ្តល់​ឲ្យ​ហើយ​វា​សំខាន់​នៅលើ​អស់លោក​ជា​ចៅ ហ្វា​យ​ខេត្ត​ត្រូវធ្វើ​តែប៉ុណ្ណោះ ។​

១១.​ជំរុញ​ការចូលរួម​របស់​សហ​គម​ន៍​ជាពិសេស​ស្ត្រី​នៅតាម​ផ្ទះ​ឲ្យ​ចេះ​ការពារ​សុខភាព​គ្រួសារ​ផ្ទាល់ខ្លួន​ជួយផ្ដល់​ព័ត៌មាន​ប្រសិនបើ​មាន​អ្នក​ចំណូល​ថ្មី​មិនបាន​ធ្វើ​ច​ត្តា​ឡី​ស័ក ។​អញ្ចឹង​ស្ត្រី​របស់​យើង​ដើរតួ​ជា​មេ​គ្រួសារ មើលថែទាំ​គ្រួសារ​កុំ​ឲ្យ​ឆ្លង​កូ​វីដ ,​ក្នុងនោះ​នៅតាម​មូលដ្ឋាន​ក៏មាន​ប្រជា​ការពារ ដែល​ជួយ​ផ្តល់ព័ត៌មាន​ពាក់ព័ន្ធ​អ្នក​ចំណូល​ថ្មី​មក ដោយ មិនបាន​ធ្វើ​ច​ត្តា​ឡិ​ស័ក ។​

១២.​អាជ្ញាធរ​មូលដ្ឋាន​ភូមិ​-​ឃុំ​ត្រូវ​ចូលរួមចំណែក​ក្នុងការ​អប់រំ​សុខភាព​ប្រជាជន​នៅតាម​តំបន់​កាន់កាប់​របស់ខ្លួន​ឲ្យ​បាន​ជាប់​ជាប្រចាំ​ដើម្បី​ការចូលរួម​ទប់ស្កាត់​ការចម្លង​ក្នុង សហគមន៍​របស់ខ្លួន ។ ត្រូវយក​បទពិសោធន៍​ខែមេសា​ដែលជា​បទពិសោធន៍​ជោគជ័យ​ព្រោះ​ប្រជាជន​យើង​ឆាប់​ខ្លាច​តែ​ក៏​ឆាប់​បាត់​ខ្លាច​ដែរ ។ ពេលនោះ​មាន​ទាំង​ម៉ូតូ កង់ រឺ​ម៉ក ដាក់​មេក្រូ​តាម​ភូមិ​ផ្ស​ព្ធ​ផ្សាយ​អំពី​កូ​វីដ​១៩ ។​

១៣.​បង្កើត​ឬ​ពង្រឹង​ប្រព័ន្ធ​តាមដាន​អ្នក​ប៉ះពាល់​និង​ប្រព័ន្ធ​រាយការណ៍​ជំងឺ​ឲ្យ​បាន​ទូលំទូលាយ​បន្ថែមទៀត​ដែលជា​ជំនួយ​ក្នុងការ​ផ្ដល់ព័ត៌មាន​ឲ្យ​បាន​លឿន និង ឆាប់រហ័ស ដោយ​ប្រើប្រាស់​បច្ចេកវិទ្យា​ឌីជីថល ។ ខ្ញុំ​នៅតែ​រក្សា​ជំហ ១៤ ថ្ងៃ​មិន​អាចមក​២ ថ្ងៃ​នោះទេ ។

១៤.​លើកទឹកចិត្ត​ឲ្យ​មាន​តម្លាភាព​និង​ភាពស្មោះត្រង់ ក្នុងការ​បង្ហាញខ្លួន​ដើម្បី​ចាត់វិធានការ​បន្ទាន់​ក្នុងការ​ទប់ស្កាត់​ជំងឺ​កូ​វីដ​១៩ បាន​លឿន​។​អំពាវនាវ​ប្រជាពលរដ្ឋ​ទាំងអស់ មាន​ភាពស្មោះត្រង់ និង បង្ហាញខ្លួន ។ សូម​អំពាវនាវ​ប្រជាព​ល​រដ្ឋ​កុំ​មានការ​រើសអើង​ចំពោះ​អ្នក​ដែលមាន​វិជ្ជមាន​កូ​វីដ​១៩ ។

បញ្ហាពាក់ទាក់ទិននឹងជាមួយនូវកម្មវិធីផ្ដល់សាច់ប្រាក់ជួយដល់គ្រួសារក្រីក្រដែលជាបញ្ហាដ៏សំខាន់សម្តេចតេជោហ៊ុនសែនបានឲ្យដឹងថា៖កម្មវិធីផ្ដល់សាច់ប្រាក់ជូនគ្រួសារ ក្រីក្រនៅជុំទី ៣ នឹងត្រូវបញ្ចប់នៅថ្ងៃទី៣១ធ្នូ ២០២០ ។ ដូច្នេះដោយមើលឃើញថាសភាពការណ៍មិនទាន់ធូរស្រាលទេក្នុងនាមរាជរដ្ឋាភិបាលសម្រេចប្រកាសចេញដោយ ផ្ដល់ជំនួយជាសាច់ប្រាក់ជូនប្រជាជនក្រីក្រនៅជុំទី ៤ សម្រាប់រយៈពេលបីខែទៅទៀតគឺខែមករាខែកុម្ភៈនិងខែមីនាឆ្នាំ ២០២១ ។ សម្តេចបានឲ្យដឹងថាសរុបពីការចំណាយ ជួយដល់ជនក្រីក្រតាំងពីចាប់ផ្តើមរហូតមកដល់ជុំទី៣ នេះគឺចំណាយអស់ ៦៧៤ ពាន់លានរៀលស្មើនិងប្រមាណ ១៦០លានដុល្លារអាមេរិក។ ហើយរាជរដ្ឋាភិបាលក៏បាន ត្រៀមបំរុងថវិកាប្រមាណ ២០០ លានដុល្លារសម្រាប់បើកផ្តល់ជូនជនក្រីក្រ ។

សម្តេច​អគ្គមហាសេនាបតីតេ​ជោ ហ៊ុន សែន នាយក​រដ្ឋមន្ត្រី​នៃព្រះរាជាណាចក្រកម្ពុជាបានសម្រេចឲ្យសិស្សថ្នាក់ទី ១២ឆ្នាំសិក្សា២០១៩-២០២០ ជាប់សញ្ញាបត្របាក់ឌុតទាំងអស់តែម្តងដោយមិនចាំបាច់ប្រឡង និង ការវិនិច្ឆ័យទៅ លើលទ្ធផលនៃការប្រឡងឆមាសនោះទេ ។

សម្ដេចតេជោបន្តថា៖សម្តេចមិនអនុញ្ញាតឲ្យប្រឡងបាក់ឌុបនៅថ្ងៃទី ១១ ខែមករា ២០២១ខាងមុខនេះទេ ។ តាមសំណើររបស់ក្រសួងអប់រំសម្ដេចថានៅសល់តែជម្រើសទី៣ ដោយជំនួសវិញនូវការវាយតម្លៃលើលទ្ធផលនៃការប្រឡង ឆមាសរបស់បេក្ខជនម្នាក់ៗដើម្បីកំណត់ការជាប់ឬធ្លាក់ ។តែចំណុចនេះសម្ដេចតេជោ ហ៊ុន សែន បានបន្ត ថាប្រ រហែលជាអស់លោកត្រូវបង្កើតបញ្ហាហើយថាតើអ្នករងគ្រោះគឺអ្នកណា? អ្នករងគ្រោះគឺគ្រូបង្រៀនដែលជាអ្នកដាក់ពិន្ទុឱ្យនោះ។សម្ដេចតេជោ ហ៊ុន សែន បន្តថាឆ្នាំសិក្សា២០១៩-២០២០ បាក់ឌុប (Bac II) ឱ្យជាប់ទាំងអស់គឺឆាប់ ចប់ហើយក្មេងៗគឺប្រឹងរៀនដើម្បីចាប់ផ្ដើមទៅរកការចុះឈ្មោះចូលរៀនមហាវិទ្យាល័យ ៕

 

 

ទីតាំងផ្សាយពាណិជ្ជកម្ម

- Advertisment -

Most Popular