Home ព័ត៌មានជាតិ សេដ្ឋកិច្ច ទំហំ​ពាណិជ្ជ​...

ទំហំ​ពាណិជ្ជ​រវាង​កម្ពុជា​-​ជប៉ុន មាន​ទឹកប្រាក់​សរុប​១,៧​ពាន់​លាន​ដុល្លារ រយៈពេល​១០​ខែ​ឆ្នាំនេះ​

ដោយ​: ពៅ​និមល​/​ភ្នំពេញ​: យោងតាម​ទិន្នន័យ​របស់​អង្គការ​ពាណិជ្ជកម្ម​ក្រៅប្រទេស​ជប៉ុន ហៅ​កាត់​ថា JETRO ទំហំ​ពាណិជ្ជកម្ម​ទ្វេភាគី​រវាង​ប្រទេស​កម្ពុជា និង​ប្រទេស​ជប៉ុន គិត​ត្រឹម​រយះពេល​១០​ខែ ឆ្នាំ​២០២០​នេះ សម្រេចបាន​ប្រមាណ​១,៧ ពាន់​លាន​ដុល្លារ​។​

តាម​ការលើកឡើង​រប​ស់​ប្រភព​ដដែល​នេះ បានឱ្យដឹង​ទៀត តួលេខ​ខាងលើ​មានការ​ធ្លាក់ចុះ ៨​ភាគយ បើ​ប្រៀបធៀប​នឹង​រយៈពេល​ដូចគ្នា​កាលពី​ឆ្នាំ​២០១៩​កន្លងទៅ​។ ក្នុងនោះ គិត​ចាប់ពី​ខែមករា ដល់​ខែតុលា កម្ពុជា បាន​នាំចេញ​ទំនិញ​ទៅកាន់​ប្រទេស​ជប៉ុន​មាន​ទំហំ​ទឹកប្រាក់​សរុប ១.៣៤៥​លាន​ដុល្លារ ថយចុះ​៦,៨​ភាគរយ ធៀប​នឹង​រយៈពេល​ដូចគ្នា កាលពី​ឆ្នាំ​២០១៩​។ ដោយឡែក ការ​នាំចូល​ទំនិញ​ពី​ជប៉ុន​មក​កម្ពុជា​វិញ មាន​ទំហំ​ទឹកប្រាក់ សរុប​ប្រមាណ​៣៩០​លាន​ដុល្លារ ថយចុះ​១២​ភាគរយ​។

​យោងតាម​ក្រសួងពាណិជ្ជកម្ម ផលិត​សក្តានុពល​ដែល​កម្ពុជា​នាំចេញ​ទៅ​ប្រទេស​ជប៉ុន មានដូចជា ផលិត​សំលៀកបំពាក់ កង់ គ្រឿង​បង្គំ​អេឡិចត្រូនិក និង​ផលិត​កសិកម្ម​។​កាលពី​ឆ្នាំ​២០១៩ ការដោះដូរ​ពាណិជ្ជកម្ម​ទ្វេភាគី រវាង​ប្រទេស​ទាំងពីរ មាន​ទឹកប្រាក់​សរុប​២,២​ពាន់​លាន​ដុល្លារ កើនឡើង​១៣​ភាគរយ ធៀប​នឹង​ឆ្នាំ​២០១៨៕​

ទីតាំងផ្សាយពាណិជ្ជកម្ម

- Advertisment -

Most Popular