Home ព័ត៌មានអន្តរជាតិ គណបក្ស​ប្រឆាំ...

គណបក្ស​ប្រឆាំង​របស់​ថៃ ប្រឈម​ការរំលាយចោល​បើសិនជា​ត្រូវ​រកឃើញថា​នៅ​ក្រោម​ឥទ្ធិពល​របស់​ថាក់ស៊ីន​

​ប្រែ​សម្រួលៈ​វាសនា​/​បាងកក​៖​គណបក្ស​ភឿ​ថៃ ដែល​ជា​បក្សប្រឆាំង​ធំ​បំផុត​បាន​បដិសេធថា អតីត​នាយករដ្ឋមន្ត្រី ថាក់ស៊ីន ស៊ីណា​វ៉ាត មិនបាន​ប្រើ​ឥទ្ធិពល​មក​លើ​គណបក្ស​ទេ នៅពេល​សកម្មជន ​ស្រ៊ី​ស៊ូ​វ៉ាន ហ្សា​ន់​យ៉ា គ្រោង​នឹង​ស្នើសុំ​គណៈកម្មាធិការ​រៀបចំ​កា​រ​បោះឆ្នោត​អោយ​ពិនិត្យមើល​បញ្ហា​នេះ​។​

​បើសិនជា​ត្រូវ​បាន​បញ្ជាក់ថា​ជា​ការពិត គណបក្ស​នេះ​ប្រឈម​នឹង​ការ​ការរំលាយចោល​ដោយសារ​វា​រំលោភ​ច្បាប់​គណបក្សនយោបាយ​។​

​ចំណាត់ការ​នេះ​កើត​ឡើង​បន្ទាប់ពី​លោក​ថាក់ស៊ីន​ដែល​កំពុង​រស់នៅ​ដោយ​ការ​និរទេស​ខ្លួន​នៅ​បរទេស បាន​សរសេរ​លិខិត​ស្នើ​សុំ​អោយ​អ្នកបោះឆ្នោត​នៅ​ឈៀង​ម៉ៃ គាំទ្រ បេក្ខជន​បក្ស​ភឿ​ថៃ លោក​ភី​ឆៃ​​លឺ​ត​ពង់​ហ្កាឌី​សន ក្នុង​ការបោះឆ្នោត​រើស​ប្រធាន​ក្រុមប្រឹក្សា​ខេត្ត​កាលពី​ថ្ងៃ​២០​ធ្នូ​។​

​លោក ស្រ៊ី​ស៊ូ​វ៉ាន អគ្គលេខា​នៃ​សមាគម​គាំពារ​រដ្ឋធម្មនុញ្ញ​ថៃ បាន​និយាយ​កាលពី​ថ្ងៃ​អង្គារ​ថា នៅ​ថ្ងៃ​ពុធ​ទី​១៦​ធ្នូ​លោក​នឹង​ស្នើ​អោយ​គណៈកម្មាធិការ​រៀប​ចំ​ការបោះឆ្នោត​ស៊ើបអង្កេត​ថា​តើ​ភឿ​ថៃ​បាន​​អនុញ្ញាត​អោយ​ថាក់ស៊ីន ដែល​មិន​ជា​សមាជិក​បក្ស​ធ្វើ​ដូច្នេះ​ឬ​អត់ ។​

​បើសិនជា​អង្គការ​បោះឆ្នោត​នេះ​រកឃើញ​ដូច​ការចោទប្រកាន់ ករណី​នេះ​នឹង​ត្រូវ​បញ្ជូន​ទៅ​តុលាការ​ធម្មនុញ្ញ ដើម្បី​សំរេច​ថា​ត្រូវ​រំលាយ​បក្សប្រឆាំង​ថៃ​នេះ​ឬ​អត់​។​

​ទោះជា​យ៉ាងណា អនុប្រធាន​បក្ស​លោក ជូ​សាក់ ស៊ី​រី​នី​ល បាន​ច្រានចោល​ការអះអាង​ដែលថា គណបក្ស​នៅ​ក្រោយ​ឥទ្ធិពល​របស់​ថាក់ស៊ីន​។​លោក​ថា ច្បាប់​ស្តីពី​ក្រុមប្រឹក្សា​ខេត្ត​អនុញ្ញាត​អោយ​អោយ​អ្នក​ខាង​​ក្រៅ​ជួយ​យុទ្ធនាការ​បោះឆ្នោត​៕

​ពួក​អ្នកគាំទ្រ​ក្រុម​អាវ​ក្រហម​ថៃ ធ្វើ​ពិធី​ខួបកំណើត​ជូន​លោក​ថាក់ស៊ីន នៅ​ផ្សារ​មួយ​ក្រុង​ក្រុង​បាងកក​កាលពី​ឆ្នាំ​២០១៦

 

ទីតាំងផ្សាយពាណិជ្ជកម្ម

- Advertisment -



Most Popular