Home ព័ត៌មានអន្តរជាតិ ការសិក្សា​៖ ​...

ការសិក្សា​៖ ​មួយ​ភាគ​ធំ​នៃ​ពិភពលោក​អាច​មិន​ទទួលបាន​វ៉ាក់សាំង​កូវី​ដ​១៩​នៅ​មុន​ឆ្នាំ​២០២២​ទេ​

​ប្រែ​សម្រួលៈ​វាសនា​៖​នៅ​ពេល​ប្រទេស​អ្នកមាន​បាន​បញ្ជា​ទិញ​វ៉ាក់សាំង​ជាមុន​សំរាប់​ប្រជាពលរដ្ឋ​របស់​គេ មាន​ការយល់ឃើញ​ជាទូទៅ​ថា​បណ្តា​ប្រទេស​ក្រីក្រ​អាច​នឹង​ទុក​អោយ​ទទួល​ថ្នាំ​ការពារ​ទល់នឹង​​វីរុស​ឆ្លង​នេះ​ក្រោយ​គេ​។​

​យោងតាម​ការសិក្សា​មួយ​ចេញផ្សាយ​កាលពី​ថ្ងៃ​ពុធ​ទី​១៦​ធ្នូ យ៉ាងហោចណាស់​១​ភាគ​៥ នៃ​ប្រជាជន​លើ​ពិភពលោក​អាច​នឹង​មិន​ទទួលបាន​ការចាក់​វ៉ាក់សាំង​កូវី​ដ​១៩​ទេ រហូតដល់​ឆ្នាំ​២០២២ ដោយសារតែ​​បណ្តា​ប្រទេស​មាន​ទ្រព្យធន​ទិញ​ប្រមូលយក​វ៉ាក់សាំង​ដែល​ផលិត​បាន​អស់​ជាង​ពាក់កណ្តាល​បាត់​ទៅ​ហើយ​នៅ​ឆ្នាំក្រោយ​។​

​ជាមួយនឹង​ក្តីសង្ឃឹម​ថា វ៉ាក់សាំង​នឹង​អាច​បញ្ចប់​ជំងឺឆ្លង​ដែល​បាន​សម្លាប់​មនុស្ស​១,៦​លាន​នាក់​នៅលើ​ពិភពលោក ប្រទេស​ជាច្រើន​រួម​មាន​អាម៉េរិក អង់គ្លេស និង​អារ៉ាប់​រួម អេ​មី​រ៉ាត បានចាប់ផ្តើម​កម្ម​​វិធី​ចាក់​វ៉ាក់សាំង​រួច​បាត់​ទៅ​ហើយ ខណៈ​ប្រទេស​ជាច្រើន​ទៀត​កំពុង​ប្រវេប្រវា​បញ្ជា​ទិញ​មក​ពី​ក្រុមហ៊ុន​ឳ​សថ​ផ្សេងៗ​។​

​បណ្តា​ប្រទេស​អ្នកមាន ដែល​មាន​ប្រជាជន​តែ​១៤​ភាគរយ​ក្នុងចំណោម​ប្រជាជន​លើ​ពិភពលោក តែ​បាន​បញ្ជា​ទិញ​វ៉ាក់សាំង​ដល់​ទៅ​ជាង​ពាក់កណ្តាល​ពី​ក្រុមហ៊ុន​នាំមុខ​គេ​ចំនួន​១៣​នៅ​ឆ្នាំក្រោយ នេះ​បើ​តាម​​ការសិក្សា​របស់​សាលា​ពេទ្យ​នៃ​សកល​វិទ្យាល័យ​Johns Hopkins​។​

​ការសិក្សា​បាន​បន្ថែមថា ទោះជា​ក្រុមហ៊ុន​ឳ​សថ​ទាំងនេះ​នឹង​ផលិត​បាន​វ៉ាក់សាំង​មាន​ប្រសិទ្ធភាព និង​បំពេញ​តាម​គោលដៅ​ផលិតកម្ម​អតិបរមា​របស់គេ «​ក៏​មនុស្ស​យ៉ាងតិច​១​ភាគ​៥​នៃ​ប្រជាជន​លើ​លោក​​នឹង​មិន​ទទួលបាន​វ៉ាក់សាំង​ចាក់​ឡើយ​រហូតដល់​ឆ្នាំ​២០២២»៕

​ប្រទេស​មាន​ទ្រព្យធន​មាន​ប្រជាជន​ប្រមាណ​១៤​ភាគរយ​នៃ​ប្រជាជន​ក្នុង​លោក​តែ ទិញ​ប្រមូលយក​វ៉ាក់សាំង​ជាង​ពាក់កណ្តាល​នៅ​ឆ្នាំក្រោយ​

ទីតាំងផ្សាយពាណិជ្ជកម្ម

- Advertisment -

Most Popular