Home ព័ត៌មានអន្តរជាតិ អតីត​ភរិយា​រប...

អតីត​ភរិយា​របស់​មហាសេដ្ឋី​Amazon ផ្តល់​ថវិកា ៤,២ ពាន់​លាន​ដុល្លារ​ដល់​អ្នក​ងាយ​រងគ្រោះ​

ប្រែ​សម្រួល : កញ្ញា​ដា​លី​ស ៖ លោកស្រី ម៉ាក​ខេន​ហ្ស៊ី ស្កុត អតីត​ភរិយា​របស់​ស្ថាបនិក​ក្រុមហ៊ុន Amazon លោក ជេ​ហ្វ បេ​ហ្សូ​ស បាន​និយាយ​កាលពី​ថ្ងៃ​អង្គារ​ថា លោកស្រី​បាន​ផ្តល់​ថវិកា​ចំនួន ៤,២ ពាន់​លាន​ដុល្លារ​ដល់​អង្គការ​នានា ដែល​ជួយ​ដល់​ជន​ងាយ​រងគ្រោះ ខណៈ​ដែល​ជំងឺ​រាតត្បាត​កំពុង​វាយប្រហារ​ជីវិត​មនុស្ស​ប្រៀប​បី​ដូច “​គ្រាប់​បាល់​ដែក​កម្ទេច​ជញ្ជាំង​”​។​

​លោកស្រី​ស្កុត ដែល​មានឈ្មោះ​ថា ម៉ាក​ខេន​ហ្ស៊ី បេ​ហ្សូ​ស កាលពី​ឆ្នាំមុន​នោះ បាន​ចុះហត្ថលេខា​លើ “​ការសន្យា​” ដើម្បី​បរិច្ចាគ​ទ្រព្យសម្បត្តិ​មួយ​ផ្នែក​ធំ​របស់​លោកស្រី​ឱ្យទៅ​អង្គការ​សប្បុរសធម៌​។​

​នៅក្នុង​ការបរិច្ចាគ​ជុំ​ដំបូង​នៅ​ដើមឆ្នាំ​នេះ លោកស្រី​ស្កុត​បាន​ផ្តល់​ថវិកាជិត ១,៧​ពាន់​លាន​ដុល្លារ​ដល់​អង្គការ​នានា​ដែល​បូជ្ញា​សម្រាប់​សមភាព​យេនឌ័​រនិង​សមភាព​សេដ្ឋកិច្ច​ក៏ដូចជា​បុព្វហេតុ​សង្គម​​ផ្សេងទៀត​។​

​លោកស្រី​ស្កុត​និយាយ​នៅក្នុង​ការប្រកាស​លម្អិត​អំពី​ការបរិច្ចាគ​ជុំ​ទី​២​របស់​លោកស្រី​នៅ​ឆ្នាំ​នេះ​ថា​”​ជំងឺ​រាតត្បាត​នេះ​គឺជា​គ្រាប់​បាល់​ដែក​វាយកម្ទេច​ជីវិត​របស់​ប្រជាជន​អាម៉េរិក​ដែល​កំពុង​ជួប​ការលំបាក​រួចទៅហើយ​។ ការខាតបង់​ខាង​សេដ្ឋកិច្ច​និង​លទ្ធផល​សុខភាព​គឺ​កាន់តែ​អាក្រក់​សម្រាប់​ស្ត្រី មនុស្ស​គ្រប់​ពណ៌​សម្បុរ និង​សម្រាប់​ប្រជាជន​ដែល​រស់នៅ​ក្នុង​ភាពក្រីក្រ​”​។​

​ជាមួយគ្នានេះដែរ លោកស្រី​បាន​កត់សម្គាល់​ថា ទ្រព្យសម្បត្តិ​របស់​មហា​សេដ្ឋី​បាន​កើនឡើង​គួរ​ឱ្យ​កត់សម្គាល់​។​

​មហាសេដ្ឋី​ដែល​កើន​លុយ​ច្រើន​ទាំង​នោះ​គឺ​រាប់បញ្ចូល​ទាំង​អតីត​ស្វាមី​របស់​លោកស្រី​ផងដែរ ត្បិត​លោកស្រី​ស្កុត​មិន​និយាយ​ចំ​ឈ្មោះ​របស់​គាត់​ក៏ដោយ​។ ទ្រព្យសម្បត្តិ​របស់​លោកបេ​ហ្សូ​ស​បាន​កើនឡើង​ជិត ៨០ ភាគរយ​ក្នុងអំឡុងពេល​មាន​ជំងឺ​រាតត្បាត គឺ​ខ្ទង់ ១៨៥ ពាន់​លាន​ដុល្លារ​៕

លោកស្រី ម៉ាក​ខេន​ហ្ស៊ី ស្កុត

ទីតាំងផ្សាយពាណិជ្ជកម្ម

- Advertisment -

Most Popular