Home កីឡា លី​ក​អឺរ៉ុប​ព...

លី​ក​អឺរ៉ុប​ពាក់កណ្តាល​សប្តាហ៍ ៖ Liverpool ស្វាគមន៍ Tottenham, Barcelona រំពឹង​ផ្តួល​ក្រុម​កំពូល​តារាង Sociedad

​ប្រែ​សម្រួល : កញ្ញា​ដា​លី​ស​/​បាល់ទាត់ ៖ ការប្រកួត​ពាក់កណ្តាល​សប្តាហ៍​នៅ​តំបន់​អឺរ៉ុប​មាន​ច្រើន​លី​ក​ថ្ងៃនេះ ដោយ​មាន​ក្រុម​ខ្លាំងៗ​ប្រកួត​គ្នា​មក​ពី​អង់គ្លេស អេ​ស្ប៉ាញ អាល្លឺម៉ង់ បារាំង និង​អ៊ីតាលី​។

​ថ្ងៃនេះ​មាន​ជំនួប​ធំ​មួយ​នៅ​អង់គ្លេស គឺ​រវាង​លេខ​២ Liverpool និង លេខ​១ Spurs ដែល​ជា​ការប្រកួត​ធំជាងគេ​ប្រចាំ​ពាក់កណ្តាល​សប្តាហ៍​នេះ​។ ខណៈ​នៅអេ​ស្ប៉ាញ​ឯណោះ​វិញ ក្រុម​អ្នក​មាន​បុណ្យ Barcelona រំពឹង​ផ្តួល​ក្រុម​កំពុង​ឡើង​ជើង Sociedad ដែល​សព្វថ្ងៃ​កំពុង​ឈរ​លើ​កំពូល​តារាង La Liga​។​

– EPL : Liverpool vs Tottenham ៖ នេះ​ប្រហែលជា​ជំនួប​ធំជាងគេ​ប្រចាំ​រដូវ​កាល​និង​ប្រហែល​ជា​ការប្រកួត​សម្រេច​សេចក្តី​ថា​តើ​នរណា​ជា​អ្នក​គ្រង​តំណែង​ជើងឯក Premier League​។ ក្រុម​ទាំង​ពីរ​ឈរ​នៅ​កំពូល​តារាង​ដូចគ្នា និង មាន​ពិន្ទុ​ស្មើគ្នា​។ មុន​ឈានចូល​ការប្រកួត​នេះ ក្រុម​ទាំង​ពីរ​របូត​ម្នាក់​២​ពិន្ទុ​ដូចគ្នា​កាលពី​ចុង​សប្តាហ៍ ហើយ​បើ​មាន​អ្នកឈ្នះ​ថ្ងៃនេះ ពួកគេ​នឹង​វ៉ា​ដាច់​៣​ពិន្ទុ​លើ​កំពូល​តារាង​។

​ហង្ស​ក្រហម​ជា​ក្រុម​ជើងឯក​រដូវ​កាល​មុន ប៉ុន្តែ​រដូវ​កាល​នេះ​ហាក់​មិនសូវ​ខ្លាំង​ដូច​រដូវ​កាល​មុន​ទេ ណាមួយ​ទៀត​ក្រុម​នេះ​ឥឡូវ​កំពុង​ជួប​បញ្ហា​របួស​កីឡាករ​សំខាន់ៗ​ច្រើន ហើយ​នេះ​ជា​ហេតុផល​ដែល​មាន់​ខ្នាយ​មាស​រំពឹង​កេងចំណេញ​ពី​ការប្រកួត​ថ្ងៃនេះ​។

​តាំងពី​ដើម​រដូវ​កាល​ថ្មី​នេះ​មក លោក​ចូសេ​ម៉ូរី​ញ៉ូ​បាន​ផ្តួល​គ្រូបង្វឹ​កមក​ពី​ក្រុម​កំពូល​តារាង​ទាំងអស់​នៅ​រដូវ​កាល​នេះ លើកលែង​តែ​លោក​កា​ឡូ​ស អាន់​សេ​ឡូ​ទី​ម្នាក់​គត់​។ ក្រុម​របស់​លោក​ម៉ូ​រី​ញ៉ូ​រដូវ​កាល​នេះ​បង្ហាញ​ទម្រង់​ប្រយុទ្ធ​មុត​ស្រួច​ខ្លាំង និង​ការពារ​រឹងមាំ​ជាងគេ​។​

​ក្រុម​ហង្ស​ក្រហម​រដូវ​កាល​មុន​បំបាក់​ក្រុម​មាន់​ខ្នាយ​មាស​ទាំង​ពីរ​ជើង ប៉ុន្តែ​ថ្ងៃនេះ​ជា​រឿង​ផ្សេង ព្រោះ​ខាង Liverpool របួស​សុទ្ធតែ​កីឡាករ​សំខាន់ៗ​ដូចជា​វ៉ាន់​ដែក​, ហ្គោ​ម៉េស​, ឌី​ហ្គោ ចូ​តា និង ធី​អា​ហ្គា​ន់ អា​កាន់​ដ្រា ។​ល​។ ហើយ​ខាង Spurs ពុំមាន​បញ្ហា​នោះ​ទេ​។ យើង​រំពឹង Spurs ឈ្នះ​ការប្រកួត​ធំ​នេះ​។​

– Li Liga : Barcelona vs Sociedad ៖ ក្រុម​អ្នក​មាន​បុណ្យ Barcelona ប្រមូលបាន ១៧ ពិន្ទុ​ពី​ការប្រកួត ១១ ជុំ​នៅក្នុង​លី​ក និង​ឈរ​នៅ​លេខ​៨ ។ ក្នុងចំណោម​៥​ប្រកួត​ចុងក្រោយ អ្នក​មាន​បុណ្យ​ចាញ់​២​ដង​ទៅ​ហើយ និង​ចុងក្រោយ​ឈ្នះ​ក្រុម​អន់ Levante ១-០ ក្នុង​ទឹកដី​។

Sociedad ជា​ក្រុម​នាំមុខ​លើ​កំពូល​តារាង La Liga ហើយ​ក្រោយ​ទាត់​បាន ១៣ ជុំ​មុនគេ ក្រុម​នេះ​ប្រមូលបាន ២៦ ពិន្ទុ ស្មើ​គ្នា​ជាមួយ Atl. Madrid​។

​ត្បិត Sociedad កំពុង​ឡើង​ជើង​ក៏ពិតមែន ប៉ុន្តែ​ក្រុម​អ្នក​មាន​បុណ្យ​មិន​ដែល​ចាញ់​ម្តងណា​ឡើយ​ពេល​ទទួល Sociedad ១០ ប្រកួត​ចុងក្រោយ ពោលគឺ​ឈ្នះ​ទាំង ១០ លើក​។ Sociedad ឈ្នះ​ម្តងគត់​នៅ​ទឹកដី​របស់ Barcelona គឺ​ក្នុង​ឆ្នាំ ១៩៩១ ពោលគឺ ៣០ ប្រកួត ទើប​តែ​ឈ្នះ​មួយ​ប្រកួត​នេះឯង​។ យើង​រំពឹង Barcelona ទទួលបាន​៣​ពិន្ទុ​ពេញ​៕

​តារាង​កម្មវិធី​ប្រកួត​បាល់ទាត់​អឺរ៉ុប​ពាក់កណ្តាល​សប្តាហ៍ ៖

ទីតាំងផ្សាយពាណិជ្ជកម្ម

- Advertisment -

Most Popular