Home ព័ត៌មានជាតិ សន្តិសុខ ឃាត់ខ្លួន​ជនស...

ឃាត់ខ្លួន​ជនសង្ស័យ​បីនាក់ ក្នុងការ​បង្ក្រាប​គ្រឿងញៀន​ចម្រុះ ជាង ១០ គ​.​ក្រ

ដោយៈ ប​.​ជ័យ/បន្ទាយ​មាន​ជ័​យៈ កាលពី​វេលា​ម៉ោង ៨​និង​៣០​នាទី យប់​ថ្ងៃទី​១៥ ខែធ្នូ ឆ្នាំ​២០២០ កម្លាំង​នគរបាល ផ្នែក​ប្រឆាំង​គ្រឿងញៀន ក្រុង​ប៉ោយប៉ែត ដឹកនាំ​ដោយ លោក​វរសេនីយ៍ឯក សៅ សារឿន អធិការ នៃ​អធិការដ្ឋាន​នគរបាល ក្រុង​ប៉ោយប៉ែត សហការ​ជាមួយ​កំលាំង​ការិយាល័យ​ផ្សព្វផ្សាយ​អប់រំ (​ក​៩) ដឹកនាំ​ដោយ​លោក ឧ​ត្ត​ម​សេនីយ៍​ត្រី យិន បញ្ញា​រិ​ទ្ធ នាយករង នៃ​មន្ទីរ​ប្រឆាំង​គ្រឿងញៀន ក្រសួងមហាផ្ទៃ និង​ដោយមាន​ការដឹកនាំ សម្របសម្រួល​ពី​លោក មាស ច័ន្ទ​ពិសិដ្ឋ ព្រះរាជអាជ្ញា នៃ​អយ្យការ អម​សាលាដំបូង ខេត្តបន្ទាយមានជ័យ បង្ក្រាប​ករណី​ជួញដូរ​គ្រឿងញៀន ខុសច្បាប់ ក្នុងភូមិ​សាស្ត្រ ក្រុង​ប៉ោយប៉ែត ជា​លទ្ធផល​ឃាត់ខ្លួន​ជនសង្ស័យ បីនាក់ (​ស្រី​១​នាក់​) ។​

​ទាំង​លោក​វរសេនីយ៍ ធិ​ន ស៊ីន​ដេ​ត ស្នងការរង​ទទួល​ផែន​គ្រឿងញៀន និង​លោក​ឧ​ត្ត​ម សេនីយ៍​ទោ សិទ្ធិ ឡោះ ស្នងការ​នគរបាល​បាល ខេត្តបន្ទាយមានជ័យ បាន​ប្រាប់​កាសែត រស្មី​កម្ពុជា នៅ​ថ្ងៃទី​១៦ ខែធ្នូ​ថាៈ ការបង្ក្រាប​មុខសញ្ញា​គ្រឿងញៀន និង​វត្ថុតាង​ទ្រង់ទ្រាយ ធំ​នេះ បានធ្វើ​ឡើង ក្រោម​វិធាន​បច្ចេកទេស និង​ធ្វើ​នៅ ២ ទីតាំង ។ សមត្ថកិច្ច​បាន​កំពុង បន្ត​ឆែក ពិនិត្យ រាប់​និង​ថ្លឹង តែ​មិនទាន់​បញ្ជាក់ បរិមាណ​ជាក់លាក់ បាន​នៅឡើយ ៕PC

ទីតាំងផ្សាយពាណិជ្ជកម្ម

- Advertisment -

Most Popular