Home ព័ត៌មានជាតិ សង្គម យក​មន្ទីរពេទ្...

យក​មន្ទីរពេទ្យបង្អែក​ជ្រោយចង្វារ​ធ្វើជា​កន្លែង​ច​ត្តា​ឡី​ស័ក​និង​ព្យាបាល​ជំងឺ​កូ​វី​-១៩

​ដោយៈ​រ៉ា​ម៉ន​/​ភ្នំពេញៈ អាជ្ញាធរ​រាជធានី​ភ្នំពេញ និង​ក្រសួងសុខាភិបាល​បានសម្រេច​ជ្រើស​រើសយក​ទីតាំង​មន្ទីរពេទ្យបង្អែក​ខណ្ឌ​ជ្រោយចង្វារ ធ្វើជា​កន្លែង​ធ្វើជា​កន្លែង​ច​ត្តា​ឡី​ស័ក និង​ព្យាបាល​ជំងឺ​កូ​វី​-១៩ ខណៈដែល ជំងឺ​នេះ​បាន និង​កំពុង​រីក​រាលដាល​នៅឡើយ​។​

​ការសម្រេច​ជ្រើស​រើសយក​ទីតាំង​ខាងលើនេះ បានធ្វើ​ឡើង​ព្រឹក​ថ្ងៃ​នៅ​ទី​១៦ ខែធ្នូ ឆ្នាំ​២០២០​នេះ ខណៈដែល​លោក​ឃួ​ង ស្រេង អ​អភិបាល​រាជធានី​ភ្នំពេញ និង​លោក​ម៉ម ប៊ុនហេង រដ្ឋមន្ត្រីក្រសួង​សុខាភិបាល​ចុះ​ពិនិត្យ​ទីតាំង​មន្ទីរពេទ្យបង្អែក​ខណ្ឌ​ចំនួន​ពីរ នោះ​គឺ មន្ទីរពេទ្យបង្អែក​ខណ្ឌ​ដូនពេញ និង​មន្ទីរពេទ្យបង្អែក​ខណ្ឌ​ជ្រោយចង្វារ ក្រុមការងារ​ក៏បាន​សម្រេច​ជាគោលការណ៍ ដោយ​ជ្រើស​រើសយក​ទីតាំង​មន្ទីរពេទ្យបង្អែក​ខណ្ឌ​ជ្រោយចង្វារ ធ្វើជា​កន្លែង​សាងសង់​អាគារ​សម្រាប់​ការធ្វើ​ច​ត្តា​ឡី​ស័ក និង​ជា​កន្លែង​សំរាប់​ព្យាបាល​អ្នកជំងឺ​កូ​វីដ​-១៩ ដោយហេតុថា​ទីតាំង មន្ទីរពេទ្យបង្អែក​ជ្រោយចង្វារ មាន​ទីធ្លា​ធំ​ទូលាយ ដែល​អាច​សាងសង់​ជា​អាគារ​សម្រាប់ធ្វើ​ច​ត្តា​ឡី​ស័ក និង​សាងសង់​អគារ​ព្យាបាល​អ្នកជំងឺ​កូ​វីដ​-១៩​បាន ហើយ​អ្វីដែល​សំខាន់​ជាង​នេះ​ថែមទៀត​នោះ មណ្ឌល​សុខភាព​បង្អែក​ខណ្ឌ​ជ្រោយចង្វា ស្ថិតក្នុង​សង្កាត់​ជ្រោយចង្វា​នេះ មិនសូវមាន​ប្រជាពលរដ្ឋ​មក​ទទួល​សេវា​ព្យាបាល​ជំងឺ​ច្រើន​ដូច នៅតាម​បណ្ដា​មន្ទីរពេទ្យបង្អែក​ខណ្ឌ​ផ្សេង​ទៀតឡើយ ។​

​គួរបញ្ជាក់​ផងដែរ​ថា​ការជ្រើសរើស​យក​ទីតាំង​មន្ទីរពេទ្យបង្អែក ដើម្បី​កសាង​ជា​អាគារ​ធ្វើ​ច​ត្តា​ឡឺ​ស័ក​និង​ព្យាបាល​ជំងឺ -១៩​នេះ ធ្វើឡើង​ក្រោយពី​សម្ដេច​អគ្គមហាសេនាបតី​តេ​ជោ​ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​មានប្រសាសន៍​ណែនាំ ដល់​អាជ្ញាធរ រាជធានី ខេត្ត និង​ក្រសួងសុខាភិបាល ដើម្បី​ជ្រើសរើស​រក​ទីតាំង​ណាមួយ ធ្វើជា​កន្លែង​សម្រាប់ធ្វើ​ច​ត្តា​ឡី​ស័ក និង​ព្យាបាល​ជំងឺ​កូ​វីដ​-១៩ ដោយ​សម្តេច​បានបញ្ជាក់​ថា​ព្រឹត្តិការណ៍​សហគមន៍​២៨​វិច្ឆិកា មិនទាន់បាន​បញ្ចប់​នៅឡើយ​ទេ​គឺអាច​អូសបន្លាយ​រហូតដល់​ថ្ងៃទី​២៨ មករា​ក៏​ថា​បាន​៕​

ទីតាំងផ្សាយពាណិជ្ជកម្ម

- Advertisment -

Most Popular