Home ព័ត៌មានអន្តរជាតិ បុរស​វៀតណាម​ស...

បុរស​វៀតណាម​សក់​៥​ម៉ែត្រ​ទទួលបាន​ការទទួល​ស្គាល់​ចំពោះ​ភាព​ចម្លែក​របស់គាត់​

​ប្រែ​សម្រួល : កញ្ញា​ដា​លី​ស ៖ ទីភ្នាក់ងារ​សារព័ត៌មាន​រ៉​យ​ទ័របាន​ជ្រើសរើស​យក​រូបភាព​របស់បុរស​ជនជាតិ​វៀតណាម​អាយុ ៩២ ឆ្នាំ​ដែល​មាន​សក់​ប្រវែង ៥ ម៉ែត្រ​ធ្វើ​ជា​ពេលវេលា​ដ៏​ចម្លែក​បំផុត​មួយ​ក្នុង​ឆ្នាំ ២០២០ ។​

​នៅក្នុង​រូបថត​សម្រិត​សម្រាំង​មួយ​ក្នុងចំណោម​រូប​សម្រាំង​ទាំង​៥៥ ប្រចាំឆ្នាំ លោក​ង្វៀន វ៉ាន់​ឈៀន មកពី​ខេត្ត​តៀង​យ៉ាង​ភាគខាងត្បូង អង្គុយ​ជាមួយ​សក់វែង​៥​ម៉ែត្រ​ដែល​គាត់​និយាយថា​មិន​បាន​​កាត់​ជិត ៨០ ឆ្នាំ​។​

​លោក​ង្វៀន វ៉ាន់​ឈៀន បាន​ប្រាប់​វេបសាយ VnExpress ថា គាត់​ជឿ​សក់​គាត់​ជា​របស់​ឪពុក​ម្តាយ ហើយ​ទុក​វា​ឱ្យ​វែង​ដើម្បី​បង្ហាញ​ការដឹងគុណ​ដល់​ពួកគាត់​។​

​គាត់​ក៏​និយាយ​ដែរ​ថា “​ខ្ញុំ​ជឿថា​ប្រសិនបើ​ខ្ញុំ​កាត់សក់ ខ្ញុំ​នឹង​ស្លាប់​”​។ លោក​ឈៀន​ជឿ​តាម​ជំនឿ Tu An Hieu Nghia (​លំ​អាន​នៃ​បំណុល​គុណ​ទាំង​បួន​) ដែល​ជា​ជំនឿ​សាសនា​ប្រជាប្រិយ​មួយ​របស់​វៀតណាម ដែល​ពេញនិយម​នៅតាម​តំបន់​ដីសណ្ដ​ទន្លេមេគង្គ​។​

​គាត់​រុំ​សក់​របស់​គាត់​ជាមួយ​មួក​ក្រណាត់​ពីរ ហើយ​លាង​វា​ម្តង​ក្នុង​មួយ​សប្តាហ៍​ដោយ​មាន​ការជួយ​ពី​កូនប្រុស​ស្រី​របស់​គាត់​៕

​លោក​ង្វៀន វ៉ាន់​ឈៀន ជាប់​ជា​បុរស​ចម្លែក​បំផុត​មួយ​ប្រចាំឆ្នាំ​២០២០​របស់​ទីភ្នាក់ងារ​សារព័ត៌មាន​រ៉​យ​ទ័រ

ទីតាំងផ្សាយពាណិជ្ជកម្ម

- Advertisment -



Most Popular