Home ព័ត៌មានអន្តរជាតិ នៅ​សហរដ្ឋ​អាម...

នៅ​សហរដ្ឋ​អាម៉េរិក​មាន​តែ​ទីក្រុង​មួយគត់​មិន​ជឿ​លើកូ​វីដ​១៩ ហើយ​បារ​និង​ភោជនីយដ្ឋាន​នៅ​តែ​បើក​អោយ​មនុស្ស​ចូល​ពេញៗ

​ប្រែ​សម្រួល : កញ្ញា​ដា​លី​ស ៖ មនុស្ស​រាប់រយ​នាក់​បាន​ចូលរួម​ក្នុង​កម្មវិធី “​បាតុកម្ម​ដើម្បី​សេរីភាព​” នៅ​ទីក្រុង​តូច​មួយ​ក្នុង​រដ្ឋ​វ៉ាស៊ីនតោន​កាលពី​ថ្ងៃ​សៅរ៍​សប្តាហ៍​មុន​បន្ទាប់ពី​ចៅហ្វាយក្រុង​របស់​​ខ្លួន​បាន​បដិសេធ​មិន​អនុវត្ត​ការ​រឹតត្បិត​ទប់ស្កាត់​កូវី​ដ​១៩​របស់​រដ្ឋ ដែល​គ្របដណ្តប់​លើ​អាជីវកម្ម​នានា ដោយ​លើកឡើង​ពី “​សិទ្ធិ​រដ្ឋធម្មនុញ្ញ​នៃ​ទីក្រុង​តូច​របស់​អាម៉េរិក​”​។​

​ហ្វូង​មនុស្ស​បាន​ចូលរួម​បាតុកម្ម​ដែល​មានឈ្មោះ​ថា “​អ្នក​បន់ស្រន់​ស្នេហា​ជាតិ​” ក្នុង​ទីប្រជុំជន​ម៉ូ​ស​ស៊ី​រ៉ក់​ដែល​ជា​សហគមន៍​ជនបទ​តូច​មួយ​នៅ​តំបន់​ល្វីស​ខោ​នធី​នៅ​ចន្លោះ​ទីក្រុង​ស៊ី​អាថ​ល​​និង​ទីក្រុង​ផ​តលែ​ន ដោយ​ក្រុម​បាតុករ​ដែល​គ្មាន​ម៉ាស់ បាន​គ្រវី​ទង់​និង​ស្រែក​ប្រឆាំងនឹង “​ការគៀបសង្កត់​របស់​រដ្ឋាភិបាល​”​។​

​អ្នកចូលរួម ដែល​ភាគច្រើន​មកពី​ក្រៅ​ទីក្រុង ត្រូវបាន​លើកទឹកចិត្ត​ឱ្យ​ចំណាយ​ប្រាក់​នៅ​ក្នុង​ភោជនីយដ្ឋាន​ក្នុង​ទីក្រុង​នេះ ដែល​ណែន​ទៅដោយ​មនុស្ស​គ្មាន​ម៉ាស់ ផ្គើន​ទៅនឹង​ការ​រឹតត្បិត​របស់​រដ្ឋ​។​

​ការតវ៉ា​នេះ​កើត​ឡើង​បន្ទាប់ពី​ក្រុង​នេះ​បាន​បោះឆ្នោត​ដោយ​មិន​រំពឹង​ទុក​កាលពី​ខែ​មុន​ដើម្បី​មិន​អើពើ​នឹង​ការ​រឹតបន្តឹង​អាជីវកម្ម​ទូ​ទាំង​រដ្ឋ​របស់​លោក​អភិបាលរដ្ឋ​វ៉ាស៊ីនតោន ឈ្មោះ ជេ អ៊ី​ន​ស្លេ ដើម្បី​បញ្ឈប់​ការរីក​រាលដាល​នៃ​វីរុស​កូរ៉ូណា​។​

​ការ​រឹតត្បិត​របស់​លោក​អ៊ី​ន​ស្លេគឺ​ហាមឃាត់​ភោជនីយដ្ឋាន​រង្គសាល​និង​កន្លែង​ហាត់ប្រាណ​មិនឱ្យ​ផ្តល់​សេវាកម្ម​នៅ​ខាងក្នុង​និង​កំណត់​ចំនួន​មនុស្ស​នៅក្នុង​ហាង​លក់រាយ​។​ច្បាប់​នេះ​ត្រូវបាន​អនុវត្ត​​ចំពោះ​គ្រប់​ទីក្រុង​នៅ​រដ្ឋ​វ៉ាស៊ីនតោន​ទាំងអស់​រហូត​ដល់​ថ្ងៃទី ៤ ខែ​មករា​។​

​អាជីវកម្ម ដែល​មិន​គោរព​តាម នឹងរង​ការពិន័យ​សរុប​រាប់សិប​ពាន់​ដុល្លារ​។​

​ប៉ុន្តែ​អភិបាលក្រុង​លោក រ៉ា​ន់​ដាល់ សាស​សឺ បាន​ចុះហត្ថលេខា​លើ​បទ​ប្បញ្ញត្តិ​មួយ​ដោយ​និយាយថា អាជីវកម្ម​អាច​នៅ​បើកទ្វារ​បាន ដោយ​ផ្គើន​នឹង​បទបញ្ជា​របស់​រដ្ឋ ព្រោះ​លោក​សម្អាងថា​មន្ត្រី​រដ្ឋ​បដិសេធ​​មិន​ផ្តល់​ទិន្នន័យ​អំពី​ចំនួន​ករណី​ឆ្លង​នៅក្នុង​ទីក្រុង ដែល​មាន​ប្រជាជន​រស់នៅ ៨០០ នាក់​នេះ​៕

​ទីក្រុង​ម៉ូ​ស​ស៊ី​រ៉ក់​នៅ​តែ​ឱ្យ​អាជីវកម្ម​នានា​បើក​ដំណើរការ​ធម្មតា​

ទីតាំងផ្សាយពាណិជ្ជកម្ម

- Advertisment -

Most Popular