Home ព័ត៌មានជាតិ សង្គម សង្កាត់​ចំនួន...

សង្កាត់​ចំនួន​៣​ក្នុង​ក្រុង​សៀមរាប ធ្វើការ​សម្អាត​បរិស្ថាន ប្រមូល​សំរាម​នៅតាម​ទីសាធារណៈ

​ដោយ​:​គូលែន​/​សៀមរាប​: សង្កាត់​ចំនួន​៣​ក្នុង​ក្រុង​សៀមរាប រួមជាមួយ​ប្រជា​ការពារ និង​បងប្អូន​ប្រជាពលរដ្ឋ និង​សហការ​ជាមួយ​ក្រុមហ៊ុន​ប្រមូល​សំរាម បាននាំគ្នា​ធ្វើការ​សម្អាត​បរិស្ថាន ប្រមូល​សំរាម និង​កាកសំណល់​ផ្លា​ស្ទិ​ក ដែល​នៅតាម​ទីសាធារណៈ នៅក្នុង​មូលដ្ឋាន រៀងៗ ខ្លួន នា​ថ្ងៃទី​១៥ និង​ទី​១៦ ខែធ្នូ ឆ្នាំ​២០២០​នេះ ។

​ការសម្អាត​បរិស្ថាន​នេះ ក្នុង​គោលបំណង​អប់​រំជា​សាធារណៈ ទៅដល់​មហាជន​ឱ្យបាន​ជ្រួតជ្រាប អំពី​តម្លៃ​នៃ​បរិស្ថាន​ស្អាត និង​ដើម្បី​រួមចំណែក​លើក កម្ពស់​សោភ័ណភាព​ក្នុង​មូលដ្ឋាន​នៃ​សង្កាត់​នីមួយៗ​។​

​មន្ត្រី​មួយរូប​នៅ​រដ្ឋបាល​សៀមរាប បាន​និយាយថា សង្កាត់​ចំនួន​៣​ក្នុង​ក្រុង​សៀមរាប គឺមាន​រដ្ឋបាល សង្កាត់​សៀមរាប សង្កាត់​ជ្រាវ និង​សង្កាត់​ចុង​ឃ្នៀ​ស បាន​សហការ​ជាមួយ​ក្រុមហ៊ុន ប្រមូល​សំរាម ធ្វើការ​សម្អាត​បរិស្ថាន ប្រមូល​សំរាម កាកសំណល់​ផ្លា​ស្ទិ​ក ដែលមាន​នៅតាម​ទីសាធារណៈ នៅក្នុង​មូលដ្ឋាន រៀងៗ​ខ្លួន ។ ហើយ សំរាម ដែល​ប្រមូល​យកចេញ​ទាំងនេះ គឺជា​សំរាម​ដែល​បងប្អូន​ប្រជាពលរដ្ឋ​មួយចំនួន បាន​យកមក​បោះចោល ដោយ​គ្មាន​ភាព​ទទួលខុសត្រូវ និង មិន​គោរព​តាម​ការណែនាំ របស់​រដ្ឋបាល​សង្កាត់​៕-R


ទីតាំងផ្សាយពាណិជ្ជកម្ម

- Advertisment -

Most Popular