Home ព័ត៌មានជាតិ សន្តិសុខ តុលាការ​សាកសួ...

តុលាការ​សាកសួរ​ជនជាតិ​ចិន​បីនាក់​ករណី​កាន់កាប់​និង​ប្រើប្រាស់​អាវុធ​ខុសច្បាប់​

ដោយ​:​ស​រិ​ទ្ធ មុនីរ័ត្ន/ ភ្នំពេញ​: បុរស​ជនជាតិ​ចិន​២​នាក់ និង​នារី​ជនជាតិ​ចិន​ម្នាក់ ដែល​ជាប់​ពាក់ព័ន្ធ​ករណី​កាន់កាប់​និង​ប្រើប្រាស់​អាវុធ​ខុសច្បាប់ បាន​ត្រូវ​កង​អាវុធហត្ថ​រាជធានី​ភ្នំពេញ បញ្ជូនមក​តុលាការ នៅ​រសៀល​ថ្ងៃទី​១៦ ខែធ្នូ ឆ្នាំ​២០២០​ដើម្បី​ចាត់ការ​តាមច្បាប់​។​

​លោក ស៊ិត វណ្ណៈ ព្រះរាជអាជ្ញារង​អម​សាលាដំបូង​រាជធានី​ភ្នំពេញ កំពុងធ្វើការ​សាកសួរ​បុរស​ជនជាតិ​ចិន​២​នាក់ និង​នារី​ជន​ជាតិចិន​ម្នាក់នេះ​។ ចំពោះ​អត្តសញ្ញាណ​ជនជាតិ​ចិន​ទាំង​៣​នាក់​នេះ មិនទាន់មាន​ប្រភព​ណា​បញ្ជាក់​ឲ្យ​ដឹង​នៅឡើយ​ទេ​។​

​កម្លាំង​មូលដ្ឋាន​កងរាជអាវុធហត្ថ​ខណ្ឌចំការមន​បាន ឃាត់ខ្លួន​បុរស​ជនជាតិ​ចិន​២​នាក់​និង​នារី​ជនជាតិ​ចិន​ម្នាក់នេះ នៅ​ចំណុច​ផ្សារ​ផ្លា​ហ្សា​បឹងត្របែក ផ្លូវ​៤៦៦ សង្កាត់​បឹងត្របែក ខណ្ឌចំការមន រាជធានី​ភ្នំពេញ ដោយ​ដកហូត​វត្ថុតាង អាវុធ​វែង​១​ដើម​ម៉ាក​អ៊ឹម ១៦​មួយ​ដើម មាន​បង់​ចំនួន​២ និង​គ្រាប់​ចំនួន​៥៤​គ្រាប់​៕

ជនសង្ស័យជា ជនជាតិចិន០៣នាក់ ត្រូវបាន អាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ នារសៀល ថ្ងៃទី១៦ ខែធ្នូ ឆ្នាំ២០២០  ពាក់ព័ន្ធករណីកាន់កាប់អាវុធខុសច្បាប់បន្ទាប់ពីត្រូវបាន កម្លាំងមូលដ្ឋាន កងរាជអាវុធហត្ថខណ្ឌចំការមន ឃាត់ខ្លួន នៅចំណុចផ្សារផ្លាហ្សាបឹងត្របែក ផ្លូវ៤៦៦ សង្កាត់បឹងត្របែក ខណ្ឌចំការមន រាជធានីភ្នំពេញ ដោយដកហូតវត្ថុតាងអាវុធវែង១ដើមម៉ាកM16 មានបង់ចំនួន២ គ្រាប់ចំនួន៥៤គ្រាប់។

លោក ស៊ិត វណ្ណៈ ព្រះរាជអាជ្ញារង អម សាលាដំបូង រាជធានី ភ្នំពេញ ធ្វើការសាកសួរ បុរសជនជាតិ ចិន នាក់ និង នារី ជន ជាតិចិន ម្នាក់នេះ ជនសង្ស័យជាជនជាតិចិនទាំង០៣នាក់មានឈ្មោះ

ទី១ ឈ្មោះ CHEN MAO DUN ភេទប្រុស អាយុ២៦ឆ្នាំ មានមុខរបរ អ្នកបើកបររថយន្តទីលំនៅបច្ចុប្បន្ន ផ្ទះលេខ៩៧ ភូមិដំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យ។

ទី២ ឈ្មោះ YANG XIAO LONG ភេទប្រុស អាយុ២៤ឆ្នាំ មានមុខរបរ កម្មករសំណង់ ទីលំនៅបច្ចុប្បន្ន ស្នាក់នៅខុនដូស្តារស៊ីធី បន្ទប់លេខ៣១៣ ខណ្ឌសែនសុខ។

ទី៣ ឈ្មោះ ZHANG WEN LI ភេទស្រី អាយុ២៤ឆ្នាំ មានមុខរបរមិនពិតប្រាកដ ទីលំនៅបច្ចុប្បន្ន ក់នៅខុនដូស្តារស៊ីធី បន្ទប់លេខ៣១៣ ខណ្ឌសែនសុខ។

ជនសង្ស័យបានសារភាពថា អាវុធនេះ គេបានមកពីមេរបស់ពួកគេ   ហើយមេរបស់គេបានទៅប្រទេសចិនវិញហើយ។ ចំពោះករណីនេះ សមត្ថកិច្ចជំនាញកំពុងធ្វើការស្រាវជ្រាវរកមេខ្លោង៕

 

ទីតាំងផ្សាយពាណិជ្ជកម្ម

- Advertisment -

Most Popular