Home ព័ត៌មានជាតិ អប់រំ បេក្ខជន​ចុះឈ្...

បេក្ខជន​ចុះឈ្មោះ​ប្រឡង​ឌី​ប្លូ​ម​និង​បាក់​ឌុប ត្រូវបាន​ប្រកាស​ឲ្យ​ជាប់​ជា​ស្ថាពរ​ដោយ​មិន​កំណត់​និទ្ទេស​

ដោយៈ​បូព៌​ព្រឹក្ស​,​ដេ​ប៉ួ​/​ភ្នំពេញៈជា​ព័ត៌មាន​គួរ​ជាទី​ត្រេកអរ​សម្រាប់​សិស្សានុសិស្ស មាតាបិតា អាណាព្យាបាល​សិស្ស​ដោយ​ក្រសួង​អប់រំ យុវជន និង​កីឡា បានសម្រេច​ឱ្យ​បេក្ខជន​ចុះឈ្មោះ​ប្រលង​សញ្ញាបត្រ​មធ្យមសិក្សា​បឋមភូមិ (​ឌី​ប្លូ​ម​)​និង​សញ្ញាបត្រ​មធ្យ​សិក្សា​ទុតិយភូមិ (​បាក់​ឌុប​) ឆ្នាំ​សិក្សា​២០១៩-២០២០ ឲ្យជាប់​ជា​ស្ថាពរ​ដោយ​គ្មាន​ការកំណត់​និទ្ទេស​។​បើ​យោងតាម​សេចក្តីជូនដំណឹង​ចុះ​ថ្ងៃទី​១៦ ខែធ្នូ ឆ្នាំ​២០២០​នេះ​។​

​សេចក្តីជូនដំណឹង​ដែល​បាន​ផ្សព្វផ្សាយ​នៅ​ព្រលប់​ថ្ងៃទី​១៦​ខែធ្នូ​នេះ​ក្រសួង​បាន​បញ្ជាក់ថា​ការសម្រេច​បែបនេះ​ធ្វើឡើង​តាម​អនុសាសន៍​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា​។​

​ក្រសួង​អប់រំបាន​បញ្ជាក់ថា​បេក្ខជន​ដែល​បានដាក់​ពាក្យ​ប្រឡង​សញ្ញាបត្រ​មធ្យមសិក្សា​ទុតិយភូមិ (​បាក់​ឌុប​) ឆ្នាំ​២០២០​នេះ មាន​ចំនួន​ជាង​១២១.១០៨​នាក់ (​ស្រី​៦៣.៩០៨​នាក់​)​។ ក្នុងចំណោម​នោះ បេក្ខជន​ថ្នាក់​វិទ្យាសាស្ដ្រ ៤០.៧៤៦​នាក់ (​ស្រី​២៣.៦២៩​នាក់​) និង​ថ្នាក់​វិទ្យាសាស្ដ្រ​សង្គម ៨០.៣៦២​នាក់ (​ស្រី​៦៦.៣៥​នាក់​)​។ ដោយឡែក​ចំនួន​មណ្ឌល​វិញ មាន​២១០​មណ្ឌល (​កើន​៨​មណ្ឌល​) និង​ចំនួន​បន្ទប់ ៤.៨៨៧​បន្ទប់ ក្នុងនោះ​ថ្នាក់​វិទ្យាសាស្ដ្រ មាន​៧០​មណ្ឌល ១.៦៥៤​បន្ទប់ និង​ថ្នាក់​វិទ្យា​សស្ដ្រ​សង្គម មាន​១៤០​មណ្ឌល ៣.២៣៣​បន្ទប់​។​
​តាម​កាលបរិច្ឆេទ​សិស្ស​ប្រឡង​បាក់​ឌុប​នឹង​ចាប់ផ្តើម​នៅ​សប្តាហ៍​ក្រោយ​។​ប៉ុន្តែ​ដោយសារ​ការបង្ការ​ជំងឺ​កូ​វីដ​១៩ សម័យ​ប្រឡង​ត្រូវ​លើក​ពេល​ទៅ​ខែមករា​ឆ្នាំ​២០២១​។​

​​សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា​ក្នុងឱកាស​ថ្លែង​សារ​ពិសេស​ពាក់ព័ន្ធ​ស្ថានភាព​ជំងឺ​កូ​វីដ​១៩ នៅក្នុង​ប្រទេស​កម្ពុជា​នៅ​ថ្ងៃទី​១៥ ខែធ្នូ បាន​ផ្តល់យោបល់​ទៅ​រដ្ឋមន្ត្រីក្រសួង​អប់រំ យុវជន និង​កីឡា លោក ហង់​ជួន ណា​រ៉ុ​ន ឱ្យ​សិស្ស​ថ្នាក់​ទី​១២ ឆ្នាំ​សិក្សា​២០១៩-២០២០ ឱ្យ​ជាប់​សញ្ញាបត្រ​មធ្យមសិក្សា​ទុតិយភូមិ​ដោយ​មិនបាច់​ប្រឡង​។ សម្តេច​តេ​ជោ លើកឡើង​បែបនេះ​ដោយសារតែ​បារម្ភ​ខ្លាច​ការរីក​រាតត្បាត​ជំងឺ​កូ​វីដ​១៩៕សរន

បេក្ខជន​ចុះឈ្មោះ​ប្រឡង​ឌី​ប្លូ​ម​និង​បាក់​ឌុប ត្រូវបាន​ប្រកាស​ឲ្យ​ជាប់​ជា​ស្ថាពរ​ដោយ​មិន​កំណត់​និទ្ទេស​(រូបឯកសារ)បេក្ខជន​ចុះឈ្មោះ​ប្រឡង​ឌី​ប្លូ​ម​និង​បាក់​ឌុប ត្រូវបាន​ប្រកាស​ឲ្យ​ជាប់​ជា​ស្ថាពរ​ដោយ​មិន​កំណត់​និទ្ទេស​(រូបឯកសារ)

ទីតាំងផ្សាយពាណិជ្ជកម្ម

- Advertisment -

Most Popular