Home ព័ត៌មានជាតិ សេដ្ឋកិច្ច ដោះស្រាយ​វិវា...

ដោះស្រាយ​វិវាទ​រវាង​អា​ជីករ​លក់ដូរ​និង​ភ្នាក់ងារ​ភាស៊ី​នៅ​វិថី​ម្ហូបអាហារ នៃ​សួន​មានជ័យ​ក្រុង​សិរីសោភ័ណ​

ដោយ​: ប​.​ជ័យ / បន្ទាយមានជ័យ​: មន្ត្រី​ក្រុមការងារ​ខេត្តបន្ទាយមានជ័យ កាលពី​ល្ងាច​ថ្ងៃទី​១៦​ខែធ្នូ​ឆ្នាំ​២០២០ បាន​ដឹកនាំ​ក្រុមការងារ​ចុះ​សម្របសម្រួល ដោះស្រាយ​វិវាទ ក៏ដូចជា​សំណូមពរ​រវាង​អា​ជីករ​លក់ដូរ​និង​ភ្នាក់ងារ​សន្តិសុខ ហើយក៏​ជា​អ្នក​ហូត​ភាស៊ី​នៅ​វិថី​ម្ហូបអាហារ​ប៉ែក​ខាងកើត នៃ​សួន​មានជ័យ ឬ​វេទិកា​ខេត្ត នា​កណ្តាល​ក្រុង​សិរីសោភ័ណ ខេត្តបន្ទាយមានជ័យ ។​

​លោក ដុំ វណ្ណឌី អនុប្រធាន​មន្ទីរ​ពាណិជ្ជកម្ម​ខេត្តបន្ទាយមានជ័យ និង​ជា​តំណាង​អាជ្ញាធរខេត្ត​លើ​ការគ្រប់គ្រង​វិថី​ម្ហូបអាហារ​របស​សួន​មានជ័យ បាន​ឲ្យ​ដឹង​កាលពី​ល្ងាច​ថ្ងៃទី​១៦​ខែធ្នូ ឆ្នាំ​២០២០ ថា​៖ ក្រោយពី​មាន​បាតុភាព​វិវាទ​គ្នា​រវាង​អាជីវករ​លក់​គ្រឿងក្លែម និង​ភ្នាក់ងារ​ស​ន្តុ​សុខ និង​ក៏​អ្នក​ហូត​ភាស៊ី​នៅ​វិថី​ម្ហូបអាហារ ដូចខាងលើ​ប៉ុន្មាន​ថ្ងៃ ជាប់​គ្នាៗ​មក លោក​និង​មន្ត្រី​ក្រុមការងារ​ខេត្ត​បាន​ចុះ​ដល់ទី​តាំង​សម្របសម្រួល​ដោះស្រាយ ។​

​អាជីវករ​លក់​គ្រឿងក្លែម​ចោទប្រកាន់ថា​៖ ភ្នាក់ងារ​សន្តិសុខ​បាន​បង្ក​ការលំបាក រករឿង​កោសរូស​ខ្លួន ហើយ​ទីបំផុត​ក៏​បង្វែរ​ទៅជា​ថា​ត្រូវ​បើក​ច្រក​ផ្លូវ​ថ្មី​និង​ធ្វើ​រនាំង​សងខាង ជាហេតុ​ធ្វើអោយ​ខ្លួន​បាត់បង់​កន្លែង​លក់ដូរ ប្រកប​របរ​ដើម្បី​ចិញ្ចឹម​ក្រពះ​។ អាជីវក​រថា បាតុភាព​នេះ​អាច​ផ្តើមចេញពី​ទារលុយ​បន្ថែម​មិនបាន ហើយ​បែរជា​បើក​ច្រក​ដើម្បីអោយ​អ្នកថ្មី​មក​លក់​ពីក្រោយ​។​

​ប៉ុន្តែ​ខាង​ភ្នាក់ងារ​សន្តិសុខ​និង​ហូត​ភាស៊ី​ថា​៖ ករណីនេះ ទាក់ទិន​ការរៀបចំ​សណ្តាប់ធ្នាប់ សោភ័ណភាព​។ ហើយ អាជីវករ​រូបនេះ មិន​សហការ ការប៉ះទង្គិច​សំដី​គ្នា​និង​ការចាក់​សម្លេង​បំពង​ឮ​រំខាន​គេឯង​ហួស​ម៉ោង​កំណត់ ។ ហើយ​បន្ថែម​លើ​នោះ ទីនោះ ជួន​ជា​ត្រូវ​រៀបចំ​ជា​ច្រក​ផ្លូវ​ថ្មី​បន្ថែម​ផង ។​

​លោក ដុំ វណ្ណឌី បានអោយដឹងថា​៖ ជា​លទ្ធផល​នៃ​ការសម្របសម្រួល ដោះស្រាយ​វិវាទ​នេះ គឺ​ទី​១ ត្រូវបាន​បើក​ច្រក​ផ្លូវ​១​ទៀត សម្រួល​ដល់​ភ្ញៀវ​ក្នុងការ​ចេញចូល​។ ទី​២ រក​ទីតាំង​ថ្មី​ជូន​អាជីវករ​ចាស់​ដែល​បាត់បង់​កន្លែង​លក់ ដែល​អាច​ទទួលយកបាន​និង​សមស្រប​។ ទី​៣ បង្កើន​ការថែរក្សា​សណ្តាប់ធ្នាប់ អនាម័យ សន្តិសុខ សោភ័ណភាព ។ ទី​៤ សម្រួល លើកទឹកចិត្ត​ដល់​ពលរដ្ឋ​មក​ប្រកប​របរ​រកស៊ី​លក់ដូរ​ម្ហូបអាហារ វត្ថុ​អនុស្សាវរីយ៍ និង​ក៏​រក្សា​តម្លៃ ឱជា​រស​ការពារ​សិទ្ធិ​អ្នកប្រើប្រាស​ជាដើម …​។​

​សូម​រំលឹកថា វិថី​ម្លូ​ប​អាហារ បាន​បង្កើតឡើង​តាម​ការផ្តួចផ្តើម​របស់​ថ្នាក់ដឹកនាំ​ក្រុមការងារ​ថ្នាក់ជាតិ​ចុះជួយ​ខេត្តបន្ទាយមានជ័យ និង​លោក អ៊ំ រាត្រី អភិបាលខេត្ត​ពីថ្ងៃ​ទី​២៤​ខែកក្កដា​ឆ្នាំ​២០២០ មក ។
​គឺ​តំណាលគ្នា​នឹង​បង្កើត​ផ្សារ​សហគមន៍​ផលិតផល​ខ្មែរ ដែល​ស្តិ​ត​នៅក្បែរនោះ ។​

​មកទល់ពេលនេះ វិថី​ម្ហូបអាហារ​មាន​ជាង​៥០​តូប ដែល​ស្ទើរ​ទាំងអស់​ជា​ម្ហូបអាហារ ៕​

ទីតាំងផ្សាយពាណិជ្ជកម្ម

- Advertisment -

Most Popular