Home ព័ត៌មានអន្តរជាតិ ប្រេ​ស៊ីល​កត់...

ប្រេ​ស៊ីល​កត់ត្រា​ករណី​ឆ្លងកូវី​ដនិង​ស្លាប់​ខ្ពស់​បំផុត​មិន​ធ្លាប់មាន​ក្នុង​ការផ្ទុះ​ជំងឺ​នៅ​រលក​ទី​២

ប្រែ​សម្រួល : កញ្ញា​ដា​លី​ស​/​រី​យ៉ូ ដឺ​ហ្សា​នេ​រ៉ូ ៖ ប្រេ​ស៊ីល​បាន​កត់ត្រា​ឃើញ​ករណី​ឆ្លង​វីរុស​កូរ៉ូណា​ចំនួន​ជាង​៧០.០០០ ករណី​កាលពី​ថ្ងៃ​ពុធ​ទី​១៦​ធ្នូ​ដែល​ជា​ចំនួន​ឆ្លង​ប្រចាំ​ថ្ងៃ​ខ្ពស់បំផុត​ដោយ​ធ្វើ​ឱ្យ​ចំនួន​អ្នក​​ឆ្លង​វីរុស​កូរ៉ូ​ណា​សរុប​កើនឡើង​លើស​ពី ៧ លាន​នាក់ ខណៈ​រលក​ទី​២​នៃ​មេរោគ​កំពុង​វាយប្រហារ​ប្រទេស​អាម៉េរិក​ខាងត្បូង​មួយ​នេះ​។​

​ប្រេ​ស៊ីល​មាន​ករណី​ផ្ទុះ​វីរុស​អាក្រក់​បំផុត​ជាង​គេ​បំផុត​ទី​២​លើ​ពិភពលោក​ដោយ​ចាញ់​តែ​សហរដ្ឋ​អាម៉េរិក​មួយ​ប៉ុណ្ណោះ និង​មាន​អ្នកស្លាប់​ជា​ង ១៨០.០០០ នាក់​ដោយសារ​វីរុស​ផ្លូវដង្ហើម​ដែល​ឆ្លង​ខ្លាំង​មួយ​នេះ​។ ចំនួន​ឆ្លង​បំបែក​ឯតទគ្គ​ក​ម្មកាល​ពី​ថ្ងៃ​ពុធ​កើតឡើង​សូម្បី​តួលេខ​ឆ្លង​ប្រចាំ​ថ្ងៃ​ពុំទាន់​បាន​រាយការណ៍​ផង​ទេ​ពី​រដ្ឋ​សៅ​ប៉ូ​ឡូ ដែល​មាន​ចំនួន​ប្រជាជន​ច្រើន​បំផុត​នៅក្នុង​ប្រទេស​នេះ​។​

​នៅក្នុង​សេចក្តីថ្លែងការណ៍​មួយ រដ្ឋបាល​នៃ​រដ្ឋ​សៅ​ប៉ូ​ឡូ​បាន​និយាយថា ខ្លួន​មិន​អាច​អាប់​ឡូត​ទិន្នន័យ​បានទេ ដោយសារ​បញ្ហា​បច្ចេកទេស​។​

​បន្ទាប់​ពី​ឈានដល់​ចំណុចកំពូល​នៅ​ចុងខែ​កក្កដា ករណី​ឆ្លង​វីរុស​កូរ៉ូណា​និង​ការស្លាប់​ប្រចាំ​ថ្ងៃនៅ​ប្រេ​ស៊ីល​បាន​ធ្លាក់ចុះ​ជា​លំដាប់​រហូតដល់​ដើម​ខែ​វិច្ឆិកា​។ ប៉ុន្តែ​កាលពី​ខែ​មុន​ករណី​ឆ្លង​និង​ស្លាប់​បាន​កើនឡើង​យ៉ាង​ខ្លាំង​។​

​អ្នកឯកទេស​ខាង​រោគ​រាតត្បាត ដែល​បាន​ពិគ្រោះ​យោបល់​ដោយ​ទីភ្នាក់ងារ​សារព័ត៌មាន​រ៉​យ​ទ័រ បាន​ស្តីបន្ទោស​រលក​ទី ២​ទៅលើ​ការបន្ធូរបន្ថយ​វិធានការ​រក្សា​គម្លាត​សង្គម​និង​ការថយចុះ​ការប្រើប្រាស់​​ម៉ាស់​ក្នុងចំណោម​ប្រជាជន​ប្រេ​ស៊ីល​៕

ទីតាំងផ្សាយពាណិជ្ជកម្ម

- Advertisment -

Most Popular