Home ព័ត៌មានអន្តរជាតិ ចាស់ៗ​នៅតាម​ម...

ចាស់ៗ​នៅតាម​មណ្ឌល​ថែទាំ​មនុស្ស​ចាស់​និង​គ្រូពេទ្យ​អាម៉េរិក​ចាប់ផ្តើម​ទទួល​វ៉ាក់សាំង​កូវី​ដ​១៩

​ប្រែ​សម្រួលៈ​វាសនា​/​ផ្លរីដា​៖​ការចាក់​វ៉ាក់សាំង​កូវី​ដ​១៩​ដំបូង​កំពុង​ត្រូវបាន​ធ្វើឡើង​នៅ​តាម​ផ្ទះ​ថែទាំ​មនុស្ស​ចាស់​នៅ​អាម៉េរិក កន្លែង​ដែល​វីរុស​កូរ៉ូណា​បាន​សម្លាប់​មនុស្ស​ជាង​១១០.០០០​នាក់ ប្រហែល​១​ភាគ​៣​នៃ​ចំនួន​ស្លាប់​ដោយកូវី​ដ​១៩​នៅ​អាម៉េរិក​។​

​ចំនួន​មនុស្ស​ស្លាប់​ដោយ​ជំងឺ​កូវី​ដ​១៩​នៅ​អាម៉េរិក​ឥឡូវ​កើន​ដល់​៣០៤.១៨៧​នាក់​។​កាលពី​ថ្ងៃ​អង្គារ អាម៉េរិក​មាន​អ្នកជំងឺ​កូវី​ដ​១៩​ស្លាប់​៣.១០២​នាក់ ដែល​ជា​ចំនួន​ស្លាប់​ប្រចាំថ្ងៃ​ខ្ពស់បំផុត និង​ជា​លើក​​ទី​៣​នៅក្នុងពេល​១​សប្តាហ៍​ដែល​ចំនួន​ស្លាប់​ឡើង​ហួស​៣​ពាន់​នាក់​ក្នុង​១​ថ្ងៃ​។​

​អាម៉េរិក​នៅ​ថ្ងៃ​ព្រហស្បតិ៍​នេះ​បាន​ពង្រីក​យុទ្ធនាការ​ចាក់​វ៉ាក់សាំង​កូវី​ដ​១៩​ទៅ​ដល់​ក្រុម​គ្រូពេទ្យ​ជួរ​មុខ​ដែល​កំពុង​ប្រយុទ្ធ​ទល់នឹង​ជំងឺឆ្លង​ដែល​បានសម្លាប់​ពលរដ្ឋ​អាម៉េរិក​ជាង​២.៥០០​នាក់​ក្នុង​មួយថ្ងៃ​។​

​នៅ​ពេល​ពួក​គ្រូពេទ្យ​ចាប់ផ្តើម​ទទួល​វ៉ាក់សាំង ពួក​សមាជិក​សភា​នៅ​វិមាន​កា​ពី​តូ​ល បាន​និយាយថា​ពួកគេ​ជិត​ឈាន​ដល់​កិច្ចព្រមព្រៀង​ដែល​អូសបន្លាយ​ពេល​មួយ​ស្តីពី​កញ្ចប់​ជំនួយ​សង្គ្រោះ​សេដ្ឋកិច្ច​ដែល​​រងគ្រោះ​ពី​កូវី​ដ​១៩​តំលៃ​៩០០​ពាន់​លាន​ដុល្លារ ដើម្បី​ជួយ​ដល់​បុគ្គល​និង​ស្ថាប័ន​ក្រុមហ៊ុន ព្រមទាំង​ជួយ​ដឹកជញ្ជូន​វ៉ាក់សាំង​ទៅកាន់​មនុស្ស​រាប់លាន​នាក់​។​

​សូមបញ្ជាក់​ថា អាម៉េរិក​បាន​និង​កំពុង​បញ្ជូន​ចេញ​វ៉ាក់សាំង​ក្រុម​ដំបូង​ចំនួន​២,៩​លាន​ដូសរ​បស់​ក្រុមហ៊ុន Pfizer / BioNTech​ទៅកាន់​កន្លែង​ចែកចាយ​៦៦​នៅ​ទូទាំង​ប្រទេស​។​

​ប្រធានាធិបតី​ជាប់ឆ្នោត ចូ បៃ​ដិន ដែល​បាន​និយាយថា​លោក​នឹង​ចាក់​វ៉ាក់សាំង​បង្ហាញ​ជា​សាធារណៈ​ដើម្បី​ផ្តល់​ទំនុកចិត្ត​ដល់​ពលរដ្ឋ​អាម៉េរិក​អំពី​សុវត្ថិភាព​នៃ​វ៉ាក់សាំង​នេះ ត្រូវ​រំពឹងថា​នឹង​ចាក់​វា​នៅ​​សប្តាហ៍​ក្រោយ​៕

​មនុស្ស​ចាស់​នៅ​មណ្ឌល​នៅ​រដ្ឋ​ផ្លរីដា ទទួល​វ៉ាក់សាំង​ប្រឆាំង​កូវី​ដ​១៩​កាលពី​ថ្ងៃ​ពុធ​

ទីតាំងផ្សាយពាណិជ្ជកម្ម

- Advertisment -

Most Popular