Home ព័ត៌មានអន្តរជាតិ ទោះជា​ចាក់​វ៉...

ទោះជា​ចាក់​វ៉ាក់សាំង​មុនគេ ប្រជាជន​អាម៉េរិក​រស់នៅ​ក្នុងភាពភ័យខ្លាច​បំផុត !២៤​ម៉ោង​កន្លង​ទៅ​ស្លាប់​ដោយកូវី​ដ​ជាង​៣.៧០០​នាក់​និង​ឆ្លង​២៥​ពាន់​នាក់​នៅ​អាម៉េរិក​

​ប្រែ​សម្រួលៈ​វាសនា​៖ ទោះជា​អាម៉េរិក​ចាប់ផ្តើម​ចាក់​វ៉ាក់សាំង​ប្រឆាំង​កូវី​ដ​១៩​ជូន​ប្រជាជន​ខ្លួន ក៏​ប្រជាជន​អាម៉េរិក​កំពុងស្ថិត​នៅ​ក្នុង​ការភិតភ័យ​ព្រោះ​កាលពី​ថ្ងៃ​ពុធ​ទី​ទី​១៦​ធ្នូ (​ថ្ងៃ​១៧​ធ្នូ នៅ​អាស៊ី​)​ប្រទេស​​នេះ​ជួប​ព្រឹត្តិការណ៍​ភ័យរន្ធត់​ឌុប គឺ​មនុស្ស​ជាង​៣.៧០០​នាក់​បាន​លាចាក​លោក​ដោយ​ជំងឺ​ឆ្លងកូវី​ដ​១៩ និង​ជាង​២៥០.០០០​នាក់​ទៀត​ឆ្លង​វីរុស​បង្ក​ជំងឺ​នេះ​នៅ​២៤​កន្លងទៅ ។​

​ប្រទេស​នេះ​បាន​ជួប​កំណើន​នៃ​ការ​ឆ្លងកូវី​ដ​១៩​ខ្ពស់ជាង​២០​ម៉ឺន​នាក់​ក្នុង​មួយថ្ងៃ​អស់​ពេល​ជាង​១​ខែ​មក​ហើយ នាំ​អោយ​ចំនួន​ឆ្លង​នៅ​ទូទាំង​ប្រទេស​កើន​ជាង​១៧​លាន​នាក់​។​

​ការស្លាប់​កាលពី​ថ្ងៃ​ពុធ​ចំនួន​៣.៧៨៤​នាក់ កត់សំគាល់​លើក​ទី​៣​ក្នុង​រយៈពេល​១​សប្តាហ៍​មក​នេះ​ដែល​សហ​រដ្ឋ​អាម៉េរិក​មាន​អ្នកស្លាប់​ប្រចាំ​ថ្ងៃ​ដោយកូវី​ដ​១៩​ឡើង​ហួស​៣.០០០​នាក់​។​

​ពួក​អ្នកជំនាញការ​សុខភាព គិត​ថា​ការ​ឈប់សម្រាក​និង​ដើរ​លេង​ពេល​បុណ្យ​Thanksgiving នៅ​អាម៉េរិក​កាលពី​ចុង​ខែ​វិច្ឆិកា នាំអោយ​មាន​កំណើន​នៃ​ការឆ្លង​ខ្ពស់​ដូចនេះ ក្រោយ​ពី​ពលរដ្ឋ​អាម៉េរិក​​រាប់លាន​នាក់​បាន​ធ្វើដំណើរ​ទៅ​ចូលរួម​ជាមួយ​មិត្ត​ភ័ក្តិ​និង​ក្រុមគ្រួសារ​។​

​ឥឡូវ​បុណ្យ​គ្រី​សម៉ាស​(​ណូអែល​)​និង​ការអបអរ​ការ​ចូល​ឆ្នាំ​សកល​ថ្មី រឹតតែ​អោយ​អ្នកជំនាញ​មាន​ការព្រួយបារម្ភ​ខ្លាំង​ថែម​ទៀត​អំពី​ការផ្ទុះ​ជំងឺ​នេះ​កាន់តែ​ខ្លាំង​ឡើង​។​

​កាលពី​ថ្ងៃ​ចន្ទ អាម៉េរិក​ចាប់ផ្តើម​ចាក់​វ៉ាក់សាំង​របស់​Pfizer-BioNTech​ជូន​ពលរដ្ឋ​របស់​ខ្លួន តែ​អាជ្ញាធរ​ព្រមាន​ថា​វា​ត្រូវការ​ពេល​រាប់​ខែ​ទើប​ប្រជាជន​អាម៉េរិក​មួយ​ភាគ​ធំ​ទទួលបាន​វ៉ាក់សាំង​ការពារ​​ទល់​កូវី​ដ​១៩ ដូច្នេះ​ការពារ​ប្រើ​ជាង​ព្យ​បាល​៕

​ពេទ្យ​ព្យាបាល​អ្នកជំងឺ​កូវី​ដ​១៩ នៅ​ក្រុង​រ៉េណូ រដ្ឋ​ណេវ៉ា​ដា សហរដ្ឋ​អាម៉េរិក​នៅពេល​ចំនួន​អ្នកជំងឺ​កូវី​ដ​១៩​នៅក្នុង​មន្ទីរពេទ្យ​អាម៉េរិក​ឡើង​ដល់​ចំនួន​ខ្ពស់​បំផុត​ប្រមាណ ១១៣.០០០​នាក់​

ទីតាំងផ្សាយពាណិជ្ជកម្ម

- Advertisment -

Most Popular