Home ព័ត៌មានជាតិ នយោបាយ សរុប​ព្រឹត្តិ...

សរុប​ព្រឹត្តិការណ៍​នៃ​សកម្មភាព​របស់​ប្រមុខ​រាជរដ្ឋាភិបាល​កម្ពុជា​ក្នុង​ឆ្នាំ ២០២០ ដែលជា​ឆ្នាំ​ប្រឈម​និង​ហានិភ័យ​ជាច្រើន​

ដោយៈ​តារា​រិ​ទ្ធ​/​ភ្នំពេញ​៖​ឆ្នាំ ២០២០​ក្នុង​បរិការណ៍​ដែល​ព្រះរាជាណាចក្រ​កម្ពុជា​បាននិង កំពុង​ទទួលរង​ផលប៉ះពាល់​ អវិជ្ជមាន​ពី​ជំងឺ​កូ​វីដ​-១៩ ដែល​ស្ថានភាព​នេះ​បាន​នាំមក​នូវ​បញ្ហា​ប្រឈម​និង​ហានិភ័យ​ជាច្រើន​ចំពោះ​តំបន់​និង​សកលលោក​ដោយបាន​ធ្វើឱ្យ​មនុស្ស​រាប់លាន​នាក់​លើ​ពិភពលោក​បាត់បង់​ការងារ​ប្រាក់ចំណូល​និង​ធ្លាក់ចុះ​ក្នុង ភាពក្រីក្រ ។ការ​រាតត្បាត​នៃ​ជំងឺ​កូ​វីដ​-១៩ មិន​ត្រឹមតែ​ធ្វើឱ្យ​ប្រទេស​កម្ពុជា​ទទួលរង​ផលប៉ះពាល់​ជា​អវិជ្ជមាន​ទៅ លើ​បញ្ហា​សុខភាព​និង​ជីវភាព​រស់នៅ​ប្រចាំថ្ងៃ​របស់​ប្រជាជន​និង​សមិទ្ធផល​សង្គម​-​សេដ្ឋកិច្ច​ដែល​កម្ពុជា​សម្រេចបាន​នាពេល​កន្លងមក​ដោយ​លំបាក​ប៉ុណ្ណោះ​ទេ​ប៉ុន្តែ​ថែមទាំង​ទាញ​បន្ថយល្បឿន​ដល់​ដំណើរការ​អភិវឌ្ឍ​រប​ស់ក​ម្ពុជាពិសេស​អាច​នឹង​ពន្យារពេល​នៃ​ការ​ឈានទៅ​សម្រេចបាន​នូវ​ចក្ខុវិស័យ​របស់​ក​ម្ពុ​ជា​ក្នុងការ​ប្រែក្លាយជា​ប្រទេស​មាន​ចំណូល​មធ្យម​កម្រិត​ខ្ពស់​នៅ​ឆ្នាំ​២០៣០​និង​ប្រទេស​មាន​ចំណូល​ខ្ពស់​នៅ​ឆ្នាំ​២០៥០​ផងដែរ ។ ​បន្ថែម​ដោយ​គ្រោះធម្មជាតិ​ដែល​បង្កឡើង​ដោយ​ទឹកភ្លៀង​បានធ្វើ​ឲ្យ​មាន​ជំនន់​ប៉ះពាល់​ធ្ងន់ធ្ងរ​ដល់​ខេត្ត​ចំនួន​៤ក្នុង​ចំនួន​រាជធានី ខេត្ត​ចំនួន១៩ ។ទោះបីជា​ប្រឈម​បញ្ហា​ជាច្រើន​ក៏ដោយចុះ​តែ​ប្រមុខ​រាជរដ្ឋាភិបាល​កម្ពុជា​មិនបាន​ព្រងើយកន្តើយ​ឬ​ដេកចាំ​សេចក្តីស្លាប់​នោះទេ​សម្តេច​អគ្គមហាសេនា​ប តី​តេ​ជោ ហ៊ុន សែន បាន​ប្រើ​អត់​លទ្ធភាព​និង​ដាក់ចេញ​នូវ​វិធានការ​ជាច្រើន​ដើម្បី​សង្គ្រោះ​សេដ្ឋកិច្ច​និង​ជួយ​ដល់​ប្រជាពលរដ្ឋ​ដែល​រងគ្រោះ​ដោយសារ​កូ​វីដ​១៩ និង ជំនន់ ទឹកភ្លៀង ។ ខាងក្រោម​គឺជា​សកម្មភាព​ការងារ​ជា​បន្តបន្ទាប់​របស់​ប្រមុខ​រាជរដ្ឋាភិបាល​កម្ពុជា​នៅក្នុង​ឆ្នាំ ២០២០ ដែល​រស្មី​កម្ពុជា​បាន​កត់ត្រា​មិន​ផ្លូវការ​៖​ ​ ​ ​ ​ ​

.​នៅ​ថ្ងៃទី​៣ ខែមករា​២០២០​ដែលជា​ថ្ងៃ​បើកឆាក​ឆ្នាំ​ថ្មី​ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ​ហ៊ុន សែន បាន​អញ្ជើញ​ទៅកាន់​ខេត្ត​កែប​ទាំងយប់​ដើម្បី ចូលរួម​ប្រតិ​ប​តិ្ត​ការរុករក​និង​សង្គ្រោះ​ជនរងគ្រោះ​ពី​គំនរ​អគារ ៧ ជាន់​នៅ​ខេត្ត​កែប។ក្នុង​រយៈពេល​ជាង ៤៣ ម៉ោង​តាំងពី​ពេលដែល​អគារ​កម្ពស់ ៧ ជាន់​បាន​ដួលរលំ​នៅ​ម៉ោងជាង ៤​រសៀល​ថ្ងៃទី​៣ខែមករា​នោះ​គឺ​សកម្មភាព​រុករ​ករប​ស់​ក្រុម​ជួយសង្គ្រោះ​ត្រូវបាន​បិទ​បញ្ចប់​នៅ​ម៉ោង ជាង​១២​ថ្ងៃត្រង់​ថ្ងៃទី​៥ ខែមករា​។ តុល្យការ​នៃ​ការរុករក​បាន​រកឃើញ​ជនរងគ្រោះ​សរុប ៥៩ នាក់​ដែល​ជាប់​នៅក្នុង​គំនរ​អគារ​ដួលរលំ​នៅ​ខេត្ត​កែប​នេះ​នៅ​ក្នុងនោះ​មនុស្ស ៣៦ នាក់​ស្លាប់បាត់​បង់ជីវិត​និង ២៣​នាក់​ទៀត​រងរបួស​។ សម្តេចនាយក​រដ្ឋមន្ត្រី ហ៊ុន សែន ដែល​បាន​ប្រចាំការ​នៅ​ទីនោះ​ពី​ដើម​រហូតដល់​បិទ​បញ្ចប់​ប្រតិបត្តិ​ការរុករក​ជន​រងគ្រោះ ។​

​សម្តេច​តេ​ជោ​នាយករដ្ឋមន្ត្រី​បាន​ឧបត្ថម្ភ​ថវិកា​ដល់​អ្នករងរបួស​ម្នាក់​១ ម៉ឺន​ដុល្លារ ។​ដោយឡែក​ករណី​ពិសេស​គឺ​ករណី​ដែល​អ្នក​រកឃើញ​នៅក្នុង​គំនរ​បាក់បែក​ចំនួន​៧ នាក់ ក្រោយ​គេ​បានទទួល​ម្នាក់ ២ ម៉ឺន​ដុល្លារ ។ សម្រាប់​សាកសព​គឺ​ក្នុង​ម្នាក់​ចំនួន​៥ ម៉ឺន​ដុល្លារ​និង​ប្រាក់​សម្រាប់​ធ្វើបុណ្យ​ម្នាក់ ១០ លាន​រៀល ៕

.​នៅ​ថ្ងៃទី​៧ ខែមករា​ឆ្នាំ​២០២០​ពិធី​មី​ទ្ទីង​រំឭក​ខួប​ទី ៤១​នៃ​ទិវា​ជ័យជម្នះ ៧​មករា ។ អង្គ​មហា​មី​ទ្ទិញ​បាន​ប្រារព្ធ​ធ្វើឡើង​នៅមុខ​សាល​មហោស្រព​កោះ​ពេជ្រ​ក្រោម​អធិបតី ភាព​ដ៏​ខ្ពង់ខ្ពស់​របស់​សម្ដេច​អគ្គមហាសេនាបតី​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា​និង​ជា​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​និង​សម្ដេច​អគ្គ​មហា ពញា​ចក្រី ហេង សំរិន ប្រធានកិត្តិយស​គណបក្ស​ប្រជាជន​កម្ពុជា​,​សម្តេច​អនុប្រធាន​គណបក្ស​។ មហាជន​ជាង​៣​ម៉ឺន​នាក់​នៅ​រាជធានី​ភ្នំពេញ​បាន​ជួបជុំគ្នា​ប្រារព្ធ​ខួប​លើក ទី​៤១​ទិវា​មហា​ជ័យជម្នះ​(៧​មករា​១៩៧៩-៧​មករា​២០២០) ជា​ប្រវត្តិសាស្ត្រ​ដែល​បាន​សង្គ្រោះ​អាយុជីវិត​ប្រជាជន​កម្ពុជា​រាប់លាន​នាក់​ឲ្យ​រួច​ផុតពី​ការកាប់សម្លាប់​នៃ​របបប្រល័យ ពូជសាសន៍ប៉ុល ពត ដ៏​សាហាវយង់ឃ្នង​បំផុត​និង​បាន​បើក​ឡើង​នូវ​សករាជ​ថ្មី​នៃ​កម្ពុជា​គឺ​ឯករាជ្យ សេរីភាព ប្រជា ធិបតេយ្យ និង​វឌ្ឍនភាព​សង្គម​។​

​ប្រជាជន​កម្ពុជា​បាន​ប្រសិទ្ធ​នាម​ជ័យជម្នះ ៧ មករា​ថា​ជា​ថ្ងៃកំណើត​ទី​ពីរ​របស់ខ្លួន​បើ​គ្មាន​ជ័យជម្នះ ៧ មករា​យើង​ពិតជា​គ្មានអ្វីៗ​ទាំងអស់​នៅថ្ងៃនេះ​។​ជ័យជម្នះ ៧ មករា ជា​របស់​ប្រជាជន​កម្ពុជា​គ្រប់រូប​និង​ជា​របស់​មនុស្សជាតិ​ទាំងមូល​ដែល​ស្រឡាញ់​សន្តិភាព​សេរីភាព​និង​យុត្តិធម៌​។​ នេះ​ជា​សច្ចធម៌​ប្រវត្តិសាស្ត្រ​។​ប្រជាជន​កម្ពុជា​បាន​ប្រសិទ្ធ នាម​ជ័យជម្នះ ៧ មករា​ថា​ជា​ថ្ងៃកំណើត​ទី​ពីរ​របស់ខ្លួន​បើ​គ្មាន​ជ័យជម្នះ ៧ មករា​យើង​ពិតជា​គ្មានអ្វីៗ​ទាំងអស់​នៅថ្ងៃនេះ ៕

.​នៅ​ថ្ងៃទី ១៤​ខែមករា ឆ្នាំ ២០២០ គឺជា​ពិធី​ជួបជុំ​លើក​ទី​៤​ជាមួយ​អ្នកសារព័ត៌មាន​ដែលជា​ជំនួប​ប្រចាំឆ្នាំ​រវាង​ប្រមុខ​ដឹកនាំ​រាជរដ្ឋាភិបាល​និង​សមា​ជីក​រាជរដ្ឋាភិបាល​ជា មួយក្រុម​អ្នកសារព័ត៌មាន​នៅ​កម្ពុជា​ដែល​ជំនួប​បែបនេះ​បានបង្ហាញ​ឲ្យ​ឃើញ​ពី​ការផ្តល់​កិច្ចសហការ​យ៉ាង​ជិតស្និទ​រវាង​រាជរដ្ឋាភិបាល​ជាមួយ​បណ្តាញសារព័ត៌មាន​នៅ​កម្ពុ ជា ។ ជំនួប​បែ​នេះ​ប្រហែលជា​មានតែ​នៅ​កម្ពុ​ជាមួយ​ប៉ុណ្ណោះ​សម្រាប់​ពិភពលោក​ទាំងមូល ។

​នៅក្នុង​ជំនួប​ដ៏​សំខាន់​នោះ​ប្រមុខ​រាជ​រដ្ឋា​ភិ​បាក​កម្ពុជា សម្តេច​អគ្គមហាសេនាបតី​តេ​ជោ ហ៊ុន សែន បានលើកឡើង​ទៅកាន់​អ្នកសារព័ត៌មាន​ទាំងអស់​ថា​៖​កិច្ចការ​ទី ១ ដែល​យើង​ត្រូវ​ប្រមូលផ្ដុំ​ធ្វើការ​បន្ត​នោះ​គឺ​ចូលរួម​រក្សា​សន្តិ ភាព​ដែលជា​កិច្ច​ការដែល​ត្រូវធ្វើ​ទាំងអស់គ្នា​។ មិនមែន​កិច្ចការ​ត្រឹមតែ​នាយករដ្ឋមន្ត្រី ហ៊ុន សែន ម្នាក់​ឬ​មនុស្ស ប៉ុន្មាន​នាក់​នៅក្នុង​រាជរដ្ឋាភិបាល​ឬ​ថ្នាក់រដ្ឋបាល​នោះទេ ។ អ្នកកាសែត​ក៏​ត្រូវការ​ដូចគ្នា​ទៅក្នុង​ការរក្សា​សន្តិភាព​។​ទី ២ ខ្ញុំ​សុំ​ស្នើ​គ្រប់​ស្ថាប័ន​ថ្នាក់ជាតិ និង​ថ្នាក់ក្រោម​ជាតិ ត្រូវមាន​យន្តការ​សម្រាប់​ការងារ​ព័ត៌មាន​មួយ​ច្បាស់លាស់​ដូចជា​អ្នកនាំពាក្យ​(​ឬ​)​គេហទំព័រ​ហ្វេ​ស​ប៊ុ​ក​ជាដើម​។​ទី ៣ ស្ថាប័ន​ព័ត៌មាន​ក៏ដូចជា​អ្នកយកព័ត៌មាន​ត្រូវបំពេញ តួនាទី​ជា​ស្ពាន​ចម្លង​ពី​រដ្ឋ​ទៅ​ប្រជាជន​ពី​ប្រជាជន​មករ​ដ្ឋ​វិញ​ទាំង​ផ្នែក​គោលនយោបាយ​ទាំង​ការអនុវត្ត​។​ទី​៤៖​ចូលរួម​ប្រយុទ្ធ​ជាមួយ​ភាព​អសកម្ម អំពើពុករលួយ ភាពមិន ប្រក្រតី​និង​ភាពអយុត្តិធម៌​ក្នុងសង្គម​។​ទី​៥៖ចូលរួម​ប្រយុទ្ធ​នឹង​ព័ត៌មាន​ក្លែងក្លាយ​តាមរយៈ​បញ្ជូន​ចេញ​នូវ​ព័ត៌មាន​ពិត​។ ទី៦៖ត្រូវ​ត្រៀមលក្ខណៈ​សម្បត្តិ​ដើម្បី​បញ្ចប់ការផ្សាយ​តាម​ប្រព័ន្ធAnalog​ទៅជា​ប្រព័ន្ធ​Digital​នៅ​ឆ្នាំ​២០២៣​នឹងត្រូវ​ខិតខំ​រៀបចំ​ច្បាប់​និង​លិខិតបទដ្ឋាន​ទាក់ទង​វិស័ យ​ព័ត៌មាន​ឱ្យ​រួចរាល់​នៅក្នុង​នីតិកាល​ទី​៦នេះ​។​ចំណុច​ទី ៧ ជា​ចំណុច​ចុងក្រោយ តែ​វា​ក៏​ជា​ចំណុច​សំខាន់​។ ខិតខំ​លើកកម្ពស់​បណ្តុះបណ្តាល​ធ​ន​ធាន​មនុស្ស ទាំង​ចំណេះដឹង ទាំង​ក្រមសីលធម៌​វិជ្ជាជីវៈ​៕

.​ថ្ងៃទី​១៧ ខែមករា​២០២០ ពិធី​លាង​សាយ​ភោ​ជ​អបអរសាទរ​ពិធីបុណ្យ​ចូលឆ្នាំ​ប្រពៃណីជាតិ​វៀតណាម​ឆ្នាំ​២០២០ ។ ក្នុងនាម​រាជរដ្ឋាភិបាល​និង​ប្រជាជន​កម្ពុជា​សម្តេច អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នស​ព្រះរាជាណាចក្រ​កម្ពុជា​បាន​សម្ដែង​នូវ​ការអបអរសាទរ​ចំពោះ​ការរីកចម្រើន​យ៉ាង​ឆាប់រហ័ស​លើ​គ្រប់​វិស័យ​របស់ មិត្ត​វៀតណាម​ជាពិសេស​ការសម្រេចបាន​នូវ​កិច្ចព្រមព្រៀង​ពាណិជ្ជកម្ម​សេរី​រវាង​វៀតណាម​និង​សភាព​អឺរ៉ុប​ដែល​នឹង​ជម្រុញឱ្យមាន​កំណើនសេដ្ឋកិច្ច​ពាណិជ្ជកម្ម​និង​ទេស ចរណ៍​ជាមួយនឹង​លំហូរ​វិនិយោគ​បរទេស​ក្នុងប្រទេស​វៀតណាម ក៏ដូចជា​បណ្ដា​ប្រទេសជិតខាង​ក្នុង​តំបន់​រួមទាំង​កម្ពុជា​ផងដែរ​ដែលជា​ការរួម​ចំណែក​ក្នុងការ​លើកកម្ពស់ កំណើនសេដ្ឋកិច្ច ជាពិសេស​ការលើកស្ទួយ​ជីវភាព​រស់នៅ​របស់​ប្រជាជន​នៃ​ប្រទេស​យើង​ទាំងពីរ ៕

.​ថ្ងៃទី​៣០ ខែមករា ២០២០ សន្និសីទកាសែត​ស្តីពី​ជំងឺ​រលាក​ផ្លូវដង្ហើម​ថ្មី​កូ​រ៉ូ​ណា (new coronavirus) សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​កម្ពុជា​នៅក្នុង​សន្និសីទ​សារព័ត៌​មាននៅ​វិមាន​សន្តិភាព​បាន​អំ ពាវនាវ​ទៅកាន់​ជនរួមជាតិ ពី​ជំងឺ​រលាក​ផ្លូវដង្ហើម​ថ្មី​កូ​រ៉ូ​ណា (Coronavirus) ដែល​កន្លងទៅ​ថ្មីៗ​នេះ​មាន​ព័ត៌មាន​ជា ច្រើន​បាន​ផ្សព្វផ្សាយ​មាន​ទាំង​ព័ត៌មាន​បំភ្លៃ​ដែល​បាន​បង្ក​ឲ្យ​មានការ​ភ័យខ្លាច​នៅក្នុង​ចំណោម​ជនរួមជាតិ​ជាពិសេស​ចំពោះ​បងប្អូន​ប្រជាពលរដ្ឋ​ដែល​មិនបាន​ពិចារណា​ថា​ព័ត៌មាន​ពិត​ឬ​មិន​ពិត ។​

​ជា​សារ​ទៅកាន់​ជនរួមជាតិ​សម្តេចនាយក​រដ្ឋមន្ត្រី​បានធ្វើការ​អំពាវនាវ​ចំនួន​៨​ចំណុច​រួមមាន​៖​ទី​១.​ត្រូវ​បញ្ចៀស​ការឆ្លង​មេរោគ​គ្រប់​ប្រភេទ​តាមរយៈ​អនាម័យ​ការរស់នៅ​ការ ទទួលទាន​ការធ្វើដំណើរ​ការធ្វើការ​ងារ​។​ល​។ ត្រូវ​យល់ដឹង​អំពី​ការការពារ​សុខភាព​តាមរយៈ​អនាម័យ ។ ទី​២.​ត្រូវ​ផ្សព្វផ្សាយ​ព័ត៌មាន​បញ្ជូន​ជូន​ប្រជាពលរដ្ឋ ។ ទី​៣.​ត្រូវ​ដំណើ​រ​ការធម្មតា​នៅ​ស្ថាប័នរដ្ឋក្រុមហ៊ុន​ឯកជន រោងចក្រ សហគ្រាសផ្សារ​លក់ដូរវត្ត​ព្រះពុទ្ធសាសនាវិហារ​សាសនា​អ៊ីស្លាម​ ក៏ដូចជា​វិហារ​គ្រិស្ត​។​ល​។​ទី​៤.​សាលារៀន​គឺជា​គោលដៅ​ដែល​ត្រូវ​យកចិត្តទុកដាក់​គឺ​ត្រូវ​ផ្ដល់​ទំនុកចិត្ត​ដល់​សិស្ស​និស្សិ ត​មាតាបិតា​អាណាព្យាបាល​បញ្ជូន​កូន​មក​រៀន​ធម្មតា​និង​រៀបចំ​អនាម័យ​ឱ្យបាន​ល្អ​តាម​គ្រឹះស្ថានសិក្សា​គ្រប់​កម្រិ ត​ក្រសួង​អប់រំ​ត្រូវ​សហការ​ជាមួយ​ក្រសួងសុខាភិបាល​ចុះ​អប់រំ​តាម​សាលា ។ ទី​៥. ត្រូវមាន​ម៉ាស់​ការពារ​នៅ​កន្លែង​ចាំបាច់​ហេតុ​អី្វ​បាន​ខ្ញុំ​និយាយថា​ត្រូវមាន ម៉ាស​ការពារ​នៅ​កន្លែង​ចាំបាច់​? ។ ទី​៦.​អ្នកលក់​ម៉ាស់​កុំ​ឆ្លៀត​ដំឡើងថ្លៃ​ត្រូវ​ជួយ​គ្នា​ក្នុង​គ្រាក្រ​កុំ​ឆ្លៀត​កេងចំណេញ​ពេល​មាន​តម្រូវការ​សោកស្ដាយ​ដោយ​រយៈពេល​កន្លងទៅនេះ​គឺ​អ្នកលក់​ម៉ាស​មួយចំនួន​ក៏បាន​ដំឡើងថ្លៃ​។​ទី​៧.​ត្រូវ​ដំណើរការ​ផ្នែក​សេវា​ជាធម្មតា​ដោយ​គ្មាន​ការរើសអើង​ដូចជា​សេវា​ទេស ចរណ៍​ការដឹកជញ្ជូន​ផ្លូវអាកាស​ការដឹកជញ្ជូន​ផ្លូវទឹក ផ្លូវគោក​ដែល​វា​ទាក់ទង​សំខាន់​ទៅនឹង​ព្រលានយន្តហោះ​កំ ពង់ផែ សណ្ឋាគារ​និង​សេវា​ដឹកជញ្ជូន​។​ទី​៨.​អ្នកការទូត​និង​និស្សិត​កម្ពុជា​ដែល​កំពុងធ្វើការ​និង​រៀនសូត្រ​នៅ​ប្រទេ ស​ចិន​រាប់ទាំង​នៅ​ទីក្រុង​វូ​ហាន​ត្រូវ​បន្ត​ឋិត​នៅ​ទីនោះ​និង​ចូលរួម​ជាមួយ​ប្រជាជន​ចិន​ដើម្បី​ប្រយុទ្ធ​ជាមួយ​ខ្ញុំ​នូវ​ជំងឺ​នេះ​កុំ​រត់ចោល​ប្រជាជន​ចិន​ក្នុង​គ្រា​ដ៏​លំបាក​នេះ​ស្រឡាញ់គ្នា​ក្នុង​គ្រាក្រ​ស្គាល់​មិត្ត​ល្អ​ក្នុង​គ្រា​លំបាក​នេះ​ជា​ពាក្យស្លោ ករបស់​កម្ពុជា​យើង​តាំងពី​ដូនតា​មក ៕

.​ថ្ងៃទី​៣១​ខែមករា​២០២០​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ជា​អធិបតីភាព​បិទ​សន្និបាត​ប្រចាំឆ្នាំ​របស់​ក្រ សួង​ការបរទេស​និង​សហ​ប្រតិ​ប​តិ្ត​ការ​អន្តរជាតិ និង ពិធី​ប្រកាស​ជា​ផ្លូវការ​នៃ​ការធ្វើជា​ម្ចាស់ផ្ទះ​រៀបចំ​កិច្ចប្រជុំ​កំពូល​អាស៊ី​-​អឺរ៉ុប លើក​ទី​១៣​ឆ្នាំ​២០២០ ។​

 

​ប្រមុខ​រាជរដ្ឋាភិបាល​កម្ពុជា​បានប្រកាស​នូវ​ការប្រកាន់យក​នយោបាយ​ការបរទេស​មួយ​ដែល​បម្រើ​លើកស្ទួយ​និង​ការពារ​ផលប្រយោជន៍​គោល​របស់​ជាតិ​ដោយ​ប្រមូល​ផ្គុំ​លើ​ការងារ​ធំ​ចំនួន​៥​ដូចតទៅ​៖​ ទី​១​គឺ​ការពារ​ឯករាជ្យអធិ បតេយ្យ បូរណភាព​ទឹកដី អ​ព្យា​ក្រឹត្យ​ភាព រក្សា​ការពារ​ឱ្យបាន​គត់​ម៉ុ​ត​នូវ​សន្តិភាព សន្តិសុខ​ស្ថិរភាព​សណ្តាប់ធ្នាប់​និង ឯកភាព​សង្គម​។​ទី​២.​គឺ​អនុវត្តតាម​ទិស​ស្លោក​«​បង្កើន​មិត្ត​ខាងក្រៅ​ដោយ​ឈរលើ​ស្មារតី​ឯករាជ្យ​ជាតិ​» ។​ទី​៣.​គឺ​ជំរុញ​ការងារ​ការទូត​សេដ្ឋកិច្ច​ដើម្បី​រួមចំណែក​ជាមួយ​ស្ថាប័ន ជំនាញ​ក្នុងការ​ទាក់ទាញ​ទុនវិនិយោគ​ពី​បរទេស​ធ្វើ​ពិពិធ​កម្ម​ប្រភព​វិនិយោគ​ពង្រីក​ទីផ្សារ​នាំ​ផលិតផល​កម្ពុជា​ទៅ​ក្រៅប្រទេស ​ទាក់ទាញ​ទេសចរណ៍ ​និង ​លើកស្ទួយ​វប្បធម៌​ជាតិ​លើ​ឆាក​អន្តរជាតិ​។​ ទី​៤.​គឺ​បន្ត​គាំទ្រ​និង​ពង្រឹង​ពហុភាគី​និយម​នៅក្នុង​ការចាត់ចែង​កិច្ចការ​ពិភព លោក​និង​រួមចំណែក​ក្នុង​កិច្ចប្រឹងប្រែង​ជាស​កល​ក្នុងការ​ដោះស្រាយ​បញ្ហា​ការ​ប្រឈម​និង​គ្រោះថ្នាក់​នានា​ដែល​គំរាមកំហែង​ដល់​សន្តិភាព សន្តិសុខ របៀបរបប​អន្តរជាតិ​មួយ​ដែល​ផ្អែកលើ​ច្បាប់និង​ការអភិវឌ្ឍ​ប្រកបដោយ​ចីរភាព ។​ការងារ​ចុង ក្រោយ​គឺ​ការលើក​កំពស់​គុណភាព​ប្រសិទ្ធិភាព​ការងារ​និង​ការអភិវឌ្ឍ​សមត្ថភាព​មន្ត្រីការទូត ៕

.​ថ្ងៃទី​៣ ខែ កុម្ភៈ​២០២០​ក្នុង​ដំណើរ​ទស្សនកិច្ច​ទៅកាន់​សាធារណៈរដ្ឋ​កូរ៉េដើម្បី​ចូលរួម​កិច្ចប្រជុំ​កំពូល​ពិភពលោក​ឆ្នាំ ២០២០ នៃ​អង្គការ​សហព័ន្ធ​សន្តិភាព​សកល​សម្តេច អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរា ជាណាចក្រ​កម្ពុជា​ដែល​តែងតែ​ឆ្លៀត​ពេលវេលា​ដើម្បី​ជួប​ជាមួយ​បងប្អូន​ប្រជាពលរដ្ឋ​ខ្មែរ​ដែល​រស់នៅ​ក្រៅ​ប្រ​ទេស​ដើម្បី​សឹង​ពី​សុខទុក្ខ​និង​សំដែង​ការ​នឹករលឹក​ក្នុងនាម​ជា​ជាន​រួម​ជាតិ ។ សម្តេច​បាន​ជួបជុំ​សំណេះសំណាល​ជាមួយ​ប្រជាពលរដ្ឋ​ពលករ​និង​និស្សិត​ខ្មែរ កំពុងស្នាក់នៅ​,​ធ្វើ ការ​និង​សិក្សា​នៅ​សាធារណរដ្ឋ​កូរ៉េ ។​

​សម្តេច​តេ​ជោ​នាយករដ្ឋមន្ត្រី​បាន​ថ្លែងថា​៖​ទំនាក់ទំនង​ខាង​នយោបាយ​ការទូត​ទំនាក់ទំនង​សេដ្ឋកិច្ច​ពាណិជ្ជកម្ម និង​ផ្នែក​ដទៃទៀត​នាំមក​នូវ​ការរីកលូតលាស់​សម្រាប់​កម្ពុ ជា​។ កម្ពុជា​ទទួលផល​ច្រើនជាង​នៅក្នុង​ការដាក់​ទំនាក់ទំនង​ការទូត​រវាង​កម្ពុជា​និង​កូរ៉េខាងត្បូង​។​សម្តេច​សប្បាយរីករាយ​នៅត្រង់ថា​ក្នុងឋានៈ​ជា​អ្នក​ដែល​ជម្នះ​ឧបសគ្គ ដើម្បី​ធ្វើឱ្យ​ខាងតែបាន​នូវ​ទំនាក់ទំនង​រវាង​កម្ពុ​ជា​និង​កូរ៉េខាងត្បូង​គឺមាន​មោទនភាព ។ សម្តេច​តេ​ជោ ហ៊ុន សែន បាន​ថ្លែង​ដោយ​មោទនភាព​ថាស​ម្តេច​ជា​ជន​ជោគជ័យ ម្នាក់​នៅក្នុង​នយោបាយ​នេះ ៕

.​ថ្ងៃទី​៤ កុម្ភៈ​២០២០​ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​និង​ជា​ប្រធាន​ស្ថាបនិក​កិត្តិយស​នៃ​ក្រុមប្រឹក្សា​អាស៊ី​បាន​ថ្លែងទៅកាន់​មហាសន្និបាត​នៃ​កិច្ចប្រជុំ​កំពូល​ពិភពលោក​គម្រប់​ខួប១០០ ឆ្នាំ​និង​កិច្ចប្រជុំ​កំពូល​អន្តរជាតិ​នៃ​ក្រុមប្រឹក្សា​សម្រាប់​សន្តិភាព​ក្រោម​ប្រធានបទ «​សន្តិភាព សន្តិសុខ និង​ការអភិវឌ្ឍ​មនុស្ស នៅ​រដ្ឋធានី​សេ​អ៊ូ​ល​, សាធារណរដ្ឋ​កូរ៉េ ៕

 

.​ថ្ងៃទី ០៥ ខែកុម្ភៈ ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ទៅកាន់​ប្រទេស​ចិន​ក្នុង​ដំណើរ​ទស្សន​កិច្ចការងា​រត​ប​តាម​ការអញ្ជើញ​របស់លោក លី ខឺ​ឈាំ​ង នាយករដ្ឋមន្ដ្រី​ចិន​។ តាមរយៈ​ដំណើរ​ទស្សនកិច្ច​របស់​សម្ដេច​តេ​ជោ ហ៊ុន សែន​នៅ​ប្រទេស​ចិន​នៅពេលនេះ​គឺ​បង្ហាញ​ពី​ការគាំទ្រ ដ៏​ខ្លាំងក្លា​ចំពោះ​ប្រទេស​ចិន​ក្នុង​គ្រា​លំបាក​ដែល​កំពុង​ប្រឈមមុខ​និង​កូ​វីដ​១៩ ។

​មេដឹកនាំ​ចិន​បានចាត់ទុក​ដំណើរ​ទៅកាន់​ប្រទេស​ចិន​របស់​សម្តេច​តេ​ជោ ហ៊ុន សែន​ថា​៖​ជា​មេដឹកនាំ​លើ​លោក​លើកទីមួយ​ដែល​ធ្វើដំណើរ​ទៅ​ប្រទេស​ចិន​គ្រា​ដែល​ផ្ទុះ​វីរុស កូ​រ៉ូ​ណា ។ លោក លី ខឺ​ឈាង បាន​អះអាង​ដែរ​ថា​បច្ចុប្បន្ននេះ​រដ្ឋាភិបាល​និង​ប្រជាពលរដ្ឋ​ចិន​កំពុងតែ​ប្រយុទ្ធប្រឆាំង​ជាមួយនឹង​រូប​ថ្មី​ហើយ​សង្ឃឹម​ជឿជាក់ថា​ចិន​នឹង​អាច ប្រយុទ្ធប្រឆាំង​ជាមួយនឹង​ជំងឺ​មួយ​នេះ​ប្រកបដោយ​ជោគជ័យ ។ នៅ​ទីនោះ​សម្តេច​តេ​ជោ​នាយករដ្ឋមន្ត្រី​ក៏បាន​ជួប​ជាមួយ លោក ស៊ី ជីន​ពីង ប្រ​ធានា​ធិ​ប​តិ​ចិន​ផង ដែរ ។ តាមពិត​គោលដៅ​សម្តេច​ទៅកាន់​ប្រទេស​ចិន​នេះ​ក្នុង​គោលបំណង​ទៅកាន់​ទីក្រុង​វូ​ហាន ដើម្បី​សួរសុខទុក្ខ​ដល់​និស្សិត​កម្ពុជា​ដែល​កំពុង​សិក្សា​នៅ​ទីនោះ​ដែលជា កន្លែង​ផ្ទុះ ឡើង​នូវ​មេរោគ​កូ​រូ​ណា តែ​ត្រូវបាន​ភាគី​ចិន​ហាមឃាត់​ដោយ​ខ្លាច​ប៉ះពាល់​សុ​វត្តិភាព​របស់​មេដឹកនាំ​កម្ពុជា ៕

 

.​នៅ​ព្រឹក​ថ្ងៃទី ១១ ខែកុម្ភៈ ២០២០​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណា ចក្រ​កម្ពុជា​បាន​អញ្ជើញ​ជា​អធិបតីភាព​ដ៏​ខ្ពង់ខ្ពស់​ក្នុង​កម្មវិធី​បើក​ការដ្ឋាន​គម្រោង​ធ្វើ​ឲ្យ​ប្រសើរ​ឡើងវិញ​កំណាត់​ផ្លូវជាតិ​លេខ​២​និង​ផ្លូវជាតិ​លេខ​២២​សរុប​ប្រវែង​៧២,១៧​គីឡូម៉ែត្រ​ចាប់ពី​រង្វង់​មូល​តាខ្មៅអូរ​ចំបក់​ទៅដល់​អង្គ​តា សោម​ក្រោម​ហិរញ្ញប្បទាន​ពី​រដ្ឋាភិបាល​នៃ​សាធារណរដ្ឋ​កូរ៉េ​ស​និង​ថវិកាបដិភាគ​របស់​រា​ជ​រដ្ឋាភិបាល​កម្ពុ​ជាស​រុ​ប ៥៦.១ លាន​ដុល្លារ​អាមេរិក ៕

.​ថ្ងៃទី ១៤ ខែកុម្ភៈ​២០២០​នៅ​កំពង់ផែ​អន្តរជាតិ​ខេត្ត​ព្រះសីហនុ​ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេ នាបតី​តេ​ជោ ហ៊ុន សែន បាន​អញ្ជើញ​ទៅ​ស្វាគមន៍​បងប្អូនទេសចរ​ចំនួន​៤១សញ្ជាតិ​នៅលើ​នាវា Westerdam ដែល​ត្រូវបាន​ជាប់គាំង​នៅលើ​នាវា​អស់​រយៈ​ពេក​ជិត​២​សប្តាហ៍​បន្ទាប់ពី​ប្រទេស​ចំនួន ៥ និង កោះ ១ មិន​អនុញ្ញាត​ឲ្យ​ចូល​ចត​ហើយ​ត្រូវបាន​សម្តេច​អនុញ្ញាត​ឲ្យ​ចូល​ចត​នា​ថ្ងៃទី ១៣ ខែកុម្ភៈ​ដើម្បី​បន្តដំណើរ​តាម​យន្តហោះ​ទៅកាន់​គោលដៅ​បន្ត ។

​សម្តេច​តេ​ជោ​នាយករដ្ឋមន្ត្រី​បាន​ថ្លែងថា​៖«​ខ្ញុំ​មកកាន់​ទីនេះ​ក៏​ចង់​បញ្ជាក់​បងប្អូន​ប្រជាពលរដ្ឋ​កម្ពុជា​ឱ្យបាន​ជ្រាបថា​ថ្ងៃនេះ​ប្រសិនបើ​ខ្ញុំ​មក​ទទួល​ប្រជាពលរដ្ឋ​នៃ​បណ្តា​ប្រ ទេស​រហូតដល់​៤១​សញ្ជាតិ​នៅទីនេះ​បែរជា​គ្រោះថ្នាក់​ដល់​ខ្លួន​ខ្ញុំ​វា​ក៏​សក្តិសម​នឹ​ពលិកម្ម​ដែល​ខ្ញុំ​ធ្វើ​ដើម្បី​មនុស្សជាតិ​ផងដែរ​។​សម្តេច​បានលើកឡើង​ថា​តើ​ឱ្យ​យើង​និយាយ អំពី​ការគោរព​សិទ្ធិមនុស្ស​អ្វី​ទៅ​ប្រសិនបើ​សិទ្ធិ​រស់រានមានជីវិត​មិនបាន​គោរព​ផង​នោះ ៕

.​ថ្ងៃទី ១៨ ខែកុម្ភៈ ២០២០ សម្តេច​អគ្គមហាសេនាបតី​តេ​ជោ ហ៊ុន សែន បាន​អញ្ជើញ​ជា​អធិបតីភាព​ចែក​សញ្ញា បត្រ​ដល់​អធិកា​រ​អប់រំ និស្សិត គរុ​និស្សិត និង គរុ​សិស្ស នៃ​វិទ្យាស្ថាន​ជាតិ​អប់រំ ចំនួន ១៩៧៧ នាក់​។ នេះ​ជា​លើក​ទី ២២ ចាប់តាំងពី​ឆ្នាំ ១៩៩៦ មក​គឺ​វត្តមាន​របស់​សម្តេច​តេ​ជោ ហ៊ុន សែន មាន​ជា​រៀងរាល់ឆ្នាំ ៕

.​ថ្ងៃទី ២០ ខែកុម្ភៈ ២០២០​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​បិទ​សន្និបាត​ត្រួតពិនិត្យ​លទ្ធផល​ការងារ ឆ្នាំ​២០១៩​និង​លើក​ទិសដៅ​ការងារ​ឆ្នាំ ២០២០ របស់​ក្រសួងមហាផ្ទៃ។​នៅក្នុង​សន្និបាត​នេះ​សម្តេច​តេ​ជោ ហ៊ុន សែន បានដាក់​ចេញ​នូវ​ទិសដៅ​ជា​យុទ្ធសាស្ត្រ​សំខាន់ៗ ៤ ដែល​ត្រូវ​ពុះពារ​សម្រេច​ឱ្យបាន​គឺ​៖​ទី​១·​បន្ត​ប្តូរផ្តាច់​ការពារ​និង​ថែរក្សា​ឱ្យបាន​នូវ​សុខសន្តិភាព​,​ឯករាជ្យ​,​អធិបតេយ្យ​ជាតិ​និង​បូរណភាព​ទឹកដី​, សន្តិសុខ សណ្តាប់ធ្នាប់ សង្គម​និង​ស្ថិរភាព​ម៉ាក្រូសេដ្ឋកិច្ច​ព្រមទាំង​លើកស្ទួយ​នូវ​សិទ្ធិសេរីភាព​គ្រប់យ៉ាង​របស់​ប្រជាពលរដ្ឋ​ស្របតាម​រដ្ឋធម្មនុញ្ញ​និង​ច្បាប់​នានា​ជាធរ​មាននៅ​កម្ពុជា​។​ទី​២· បន្ត​ជំរុញ លើកកម្ពស់​ដំណើរការ​លទ្ធិប្រជាធិបតេយ្យ​សេរី​ពហុបក្ស​តាមរយៈ​ការធានា​ឱ្យបាន​នូវ​សុខសន្តិភាព​និង​ការអភិវឌ្ឍ​ប្រទេសជាតិ​ប្រកបដោយ​ចីរភាព​អត្តសញ្ញាណ​ជាតិ​សេចក្តីថ្លៃថ្នូ​ប្រពៃណី​ទំនៀម​ទំលាប់​ដ៏​ល្អ​របស់​ជាតិ​និង​ការកសាង​ភាពសុខ ដុមរមនា​ជាមួយ​គ្រប់​ជាតិ​សាសន៍​នៅក្នុង​សង្គមជាតិ​យើង​។​ទី​៣·​បន្ត​អប់រំ​ប្រជាជន​ឱ្យ​យល់ដឹង​ច្បាស់​ពី​ការអនុវត្ត​និង​ការប្រើប្រាស់​សិទ្ធិសេរីភាព​តាមរយៈ​ការរួម​គ្នា​ការពារ​រដ្ឋធម្មនុញ្ញ​ការពារ​ព្រះមហាក្សត្រ​ការពារ​របបរាជានិយម​ឤ​ស្រ័យ​រដ្ឋធម្មនុញ្ញ​និង​ប្រព័ន្ធ​នយោបាយ​នៅ កម្ពុជា​ត្រូវ​ពង្រឹង​និង​ជំរុញ​ការអនុវត្ត​ច្បាប់​ឱ្យបាន​ម៉ឺងម៉ាត់​និង​ស្មើភាព​គ្នា​។​ទី​៤·​លើកកម្ពស់​ប្រសិទ្ធភាព​នូវ​ការកែទម្រង់​លើ​គ្រប់​វិស័យ​ឱ្យ​កាន់តែ​ស៊ីជម្រៅ​ស្របតាម​បាវចនា «​កែទម្រង់​ខាងក្នុង បង្កើន​មិត្ត​ខាងក្រៅ ក្នុង​ស្មារតី​ឯករាជ្យ​» និង​អភិក្រម «​ឆ្លុះកញ្ចក់ ងូតទឹក ដុសក្អែល ព្យាបាល​និង​វះកាត់​»៕

.​ថ្ងៃទី ២៥ ខែកុម្ភៈ​២០២០​ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ជា​អធិបតីភាព​ក្នុង​ពិធី​ចែក​សញ្ញាបត្រ​សញ្ញា ប​ត្រ​និង​វិញ្ញាបនបត្រ​ចំនួន ៥៧៥ នាក់​ក្នុងនោះ​សិស្ស​មន្ត្រី​ក្រមការ​ចំនួន ២ នាក់ ដែលជា​ជនពិការភ្នែក​២ នាក់ នៃ​សាលា​ភូមិណ្ទ​រដ្ឋបាល ៕

.​ថ្ងៃទី​២៦ ខែ កុម្ភៈ ឆ្នាំ​២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ជា​អធិបតីភាព​ក្នុង​ពិធី​សម្ពោធ​ដាក់ឱ្យប្រើប្រាស់​នូវ​ផ្លូវជាតិ​លេខ ៥៨ ប្រវែង ១៧៤ គីឡូម៉ែត្រ​ដែល​ត​ភ្ជាប់​ពី​ក្រុង​ប៉ោយប៉ែត​ខេត្តបន្ទាយមានជ័យ​ទៅដល់​ក្រុង​សំរោង​ខេត្ត​ឧ​ត្ត​រ​មានជ័យ​ក្រោម​ហិរញ្ញប្បទាន​នៃ សាធារណរដ្ឋ​ប្រជាមានិត​ចិន​និង​ថវិកាបដិភាគ​របស់​រា​ជ​រដ្ឋាភិបាល​កម្ពុ​ជាមាន​ទឹកប្រាក់​ប្រមាណ​ជាង ១២២.៩៨ លាន​ដុល្លារ ៕

.​ថ្ងៃទី​២៨ ខែកុម្ភៈ​ឆ្នាំ​២០២០ ​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុ ជា​បាន​អញ្ជើញ​ស្រោចស្រព​ព្រះ​សុគន្ធវារី​ប្រគេន​សម្តេច ព្រះ​នាយករង ៣ ព្រះអង្គ​ដែល​ព្រះមហាក្សត្រ​ទើប​ត្រាស់បង្គាប់​តែងតាំង​ថ្មី។ពិធី​ស្រោចស្រព​ព្រះ​សុគន្ធវារី​ត្រូវបាន​ប្រារព្ធ​ធ្វើឡើង​នៅ​វត្ត​មុនី​សុវណ្ណ​ហៅ​វត្ត​ចំពុះក្អែក។សម្តេចព្រះ​សង្ឃនាយករ​ង​ទាំង​៣​ព្រះអង្គ​ដែល​បានទទួល​ស្រោចស្រព​ព្រះ​សុគន្ធវារី​នៅថ្ងៃនេះ​រួមមាន​៖១.​សម្តេចព្រះ​ពោធិ វ័ង្ស អំ លីម​ហេង សម្តេចព្រះ​សង្ឃនាយករ​ង ទី​១ , ២.​សម្តេចព្រះ​វ័ន​រ័​ត ណ​យ ច្រឹ​ក សម្តេចព្រះ​សង្ឃនាយករ​ង​ទី​២ និង ៣. សម្តេចព្រះ​ឧ​ត្ត​ម​វង្សា មួង រ៉ា សម្តេចព្រះ​សង្ឃនាយករ​ង​ទី​៣ ៕

 

.​ថ្ងៃទី ២ ខែ​មិនា ឆ្នាំ​២០២០ សម្តេច​តេ​ជោ ហ៊ុន សែន បាន​អញ្ជើញ​ជា​អធិបតីភាព​ចែក​សញ្ញាបត្រ​ដល់​និស្សិត​នៃ​សាកលវិទ្យាល័យ អាស៊ី​-​អឺរ៉ុប​ចំនួន ១៥៨៩​នាក់​នៅ​វិទ្យា ស្ថាន​ជាតិ​អប់រំ ៕

.​ថ្ងៃទី​៣ ខែ​មិនា ឆ្នាំ ២០២០ សម្តេច​តេ​ជោ ហ៊ុន សែន បាន​អញ្ជើញ​ជា​អធិបតីភាព​ក្នុង «​ទិវា​វប្បធម៌​ជាតិ ៣ មីនា លើក ទី​២២ ឆ្នាំ ២០២០»ក្រោម​ប្រធានបទ «​យុវជន ដើម្បី​វប្បធម៌​ជាតិ​»​បូករួម​ជាមួយ​សកម្ម​ភាព​អបអរ​ចំនួន​៣​ទៀត​គឺ «​ពិធី​បិទ​មហោស្រព​សិល្បៈ​យុវជន​ទូទាំងប្រទេស​ឆ្នាំ​ទី ៦» «​កម្មវិធី​ប្រកួតប្រជែង​សមត្ថភាព​លើ​ចំណេះ ដឹង​ផ្នែក​វប្បធម៌​» និង​«​ពិធី​ជួបជុំ​សិល្បករ​ទូទាំងប្រទេស​លើក​ទី​៣» នៅ​កោះ​ពេជ្រ ។ ដើម្បី​បន្តការងារ​អភិរក្ស​និង​អភិវឌ្ឍ​វប្បធម៌​ជាតិ​រូបី​និង​អរូបី​ប្រកបដោយ​តម្លាភាព​ក្នុងនាម​រាជរដ្ឋាភិបាល​សម្តេច​បា​ន​ផ្តល់​អនុសាសន៍ ​ណែនាំ​ដល់​ក្រសួង​វប្បធម៌​និង​វិចិត្រសិល្បៈ​និង​ភាគី​ពាក់ព័ន្ធ​ទាំងអស់​ដូចខាងក្រោម ៖

​ទី​១· ក្រសួង​វប្បធម៌​និង​វិចិត្រសិល្បៈ រួមជាមួយ​ក្រសួង ស្ថាប័ន​ពាក់ព័ន្ធ និង​ឤ​ជ្ញា​ធរ​ដែនដី​គ្រប់​ជាន់ថ្នាក់​ត្រូវ​បន្ត​យកចិត្តទុកដាក់​ថែរក្សា​ការពារ​និង​បង្ក្រាប​រាល់​បទល្មើស ឱ្យបាន​ទាន់ពេលវេលា​និង​ប្រកបដោយ​ប្រសិទ្ធភាព​នៅតាម​ទីតាំង​តំបន់​ប្រាសាទ​រមណីយដ្ឋាន​ប្រវត្តិ​ស្រា​ស្ត វត្ត​ឤ​រាម សំណង់​ប្រវត្តិសាស្ត្រ និងសំណង់​ដែលមាន​ឤ​យុកាល​រាប់រយឆ្នាំ​នៅតាម​មូលដ្ឋាន​នៅ​ទូទាំងប្រទេស​។ទី​២·​ត្រូវ​រួមគ្នា​បន្តការងារ​អភិរក្ស​បេតិកភណ្ឌ​វប្បធម៌​អរូបី​ទាំងឡា យ​របស់​ជាតិ​ដែល​បាន​បាត់បង់​និង​ត្រូវយក​ចិត្ត​ទុកដាក់​ស្វែងរក​មរតក​មនុស្សរ​ស់​បន្ថែមទៀត​ដែលជា​ឃ្លាំង​ចំណេះដឹង​ក្នុងការ​បន្តវេន​ទៅ​យុវជន​ជំនាន់​ក្រោយ​។ ទី​៣·​ត្រូវ​បន្ត​កិច្ចសហការ​ជាមួយ​ក្រសួងទេសចរណ៍​ធ្វើការ ផ្សព្វផ្សាយ​នូវ​សក្តានុពល​ទេសចរណ៍វប្បធម៌​ជាតិ​ឱ្យបាន​កាន់តែ​ទូលំទូលាយ​ក្នុង​គ្រប់​រូបភាព​សម្រាប់​ទេស​ចរ​ជាតិ​និង​អន្តរ ជា តិ​ដើម្បី​លើក​តម្លៃ​វប្បធម៌​ជាតិ​រួមចំណែក​ជំរុញ កំណើនសេដ្ឋកិច្ច​ជាតិ​និង​កាត់បន្ថយ​ភាពក្រីក្រ ។ ទី​៤·​ខ្ញុំ​សូម​គាំទ្រ​ចំពោះ​កិច្ចសហការ​របស់​ក្រសួង​វប្បធម៌​និង​វិចិត្រសិល្បៈ​និង​ក្រសួង​ព័ត៌មាន​ដែល​បានធ្វើឱ្យ​វិស័យ​ភាពយន្ត​ភាគ​ខ្មែរ​បាននិងកំពុង​មាន​ភាព​រីកចម្រើន​គួរឱ្យកត់សម្គាល់​តាមរ​យៈ​ការកំណត់​ម៉ោង​មាស​សម្រាប់ធ្វើ​ការចាក់ផ្សាយ​ភាពយន្ត​ភាគ​ខ្មែរ​នាពេល​កន្លងមក​។​ទី​៥·​ត្រូវ​បន្តកិច្ចសហការ​ជាមួយ​ក្រសួងការបរទេស​និង​សហប្រតិបត្តិការ​អន្តរ ជាតិ​បំផុសសកម្មភាព​គ្រប់​ស្ថានទូត​និង​ស្ថាន​កុងស៊ុល​កម្ពុជា​ប្រចាំ​នៅ​បរទេស​រៀបចំ​ព្រឹត្តិការណ៍​វប្បធម៌ខ្មែរ​ឱ្យបា ន​ទៀងទាត់​ជា​រៀងរាល់ឆ្នាំ​ដើម្បី​ផ្សព្វផ្សាយ​វប្បធម៌​ជាតិ​ជាមួយនឹង​ការពង្រឹង​នយោបាយ​វប្បធម៌​ការទូត​ហើយ​ត្រូវ​បំផុស​ឱ្យ​សហគមន៍​ខ្មែរ​នៅ​បរទេស​ចូលរួម​រៀបចំ កម្មវិធី​ទិវា​វប្បធម៌​ជាតិ​ឱ្យបាន​អធិកអធម​និង​ទូលំទូលាយ​។​ទី​៦·​ត្រូវ​រួមគ្នា​សហការ​យ៉ាង​ជិតស្និទ្ធ​ជាមួយ​ឤ​ជ្ញា​ធរ​ដែនដី​តាម​មូលដ្ឋាន​នានា​ថែរក្សា​ការពារ​នូវ​ប្រពៃណី​ទំនៀម ទម្លាប់​និង​ទីតាំង​គោរពបូជា​របស់​បងប្អូន​ជនជាតិដើម​ភាគតិច​ដែលជា​ផ្នែក​មួយ​នៃ​វប្បធម៌​ដ៏​យូរលង់​របស់​ប្រជាជាតិ​យើង​ប្រកបដោយ​ប្រសិទ្ធភាព​។​ទី​៧·​ត្រូវ​បន្ត​សហការ​ជាមួយ​ក្រសួង​ប្រៃសណីយ៍​និង​ទូរគមនាគមន៍​ជាពិសេស​ជាមួយ​នាយកដ្ឋាន​ប្រឆាំង​បទល្មើស​បច្ចេកវិទ្យា​នៃ​ក្រសួងមហាផ្ទៃ​ដើម្បី​ទប់ស្កាត់​ការបំពានច្បាប់​ស្តីពី​សិទ្ធិ​អ្នកនិពន្ធនិង​សិទ្ធិ​ប្រហាក់ប្រហែល​តាមរយៈ​ការយក​ស្នាដៃ​វប្បធម៌​ចាស់ៗ​យកមក​ក្លែងបន្លំ​ជាមួយនឹង​ការបញ្ចូល​រូប​ភាពមិន​សមរម្យ​នានា​ដោយ​ពុំមាន​ច្បាប់​អនុញ្ញាត​។​ទី​៨·​ខ្ញុំ​សូម​អំ ពា​វ​នាវ​ដល់​ជនរួមជាតិ​ទាំងអស់​ជាពិសេស​បងប្អូន​កូនក្មួយ​សិល្បករសិល្បការិនី​និង​អ្នកនិពន្ធ​ស្នាដៃ​នានា​ត្រូវ​បញ្ឈប់​ជាបន្ទាន់​នូវ​គ្រប់​ទម្រង់​នៃ​ការរំលោភបំពាន​យ៉ាង​ធ្ងន់ធ្ង​រ លើ​ច្បាប់​ស្តីពី​សិទ្ធិ​អ្នកនិពន្ធនិង​សិទ្ធិ​ប្រហាក់ប្រហែល​តាមរយៈ​ការយក​ស្នាដៃ​ចម្រៀង ស្នាដៃ​ភាពយន្ត ស្នាដៃ​រូបភាព ស្នាដៃ​អក្សរសាស្ត្រ ស្នាដៃ​អក្សរ​សិ​ល្បិ៍​និង​ស្នាដៃវប្បធម៌​ដទៃៗ​ទៀត​ទាំង​ស្នាដៃ​ដែលមាន​មរតកសាសន៍ និង គ្មាន​មរ តកសាសន៍​មក​ផលិតឡើង​វិញ​ដោយ​ពុំបាន​សុំ​ការអនុញ្ញាត​ពី​ម្ចាស់​សិទ្ធិ​ឬ​ពី​ក្រសួង​វប្បធម៌និង វិចិត្រសិល្បៈ ។​ទី​៩· ខ្ញុំ​សូម​ថ្លែង​នូវ​ការកោតសរសើរ​ចំពោះ​ការចូលរួម​របស់​សប្បុ​រស​ជន​ជាច្រើន​ទៀត​ដែល​បាន​បរិច្ចាគ​ធនធាន​ថវិកា​ផ្ទាល់ខ្លួន​រួមចំណែក​ជាមួយ​ក្រសួង​វប្បធម៌ និង​វិចិត្រសិល្បៈ​ដើម្បី​អភិរក្ស​ប្រាសាទ​និង​ព្រះវិហារ​បុរាណ​មួយចំនួន​នាពេល​កន្លងមក​ ៕

.​ថ្ងៃទី ៤ ខែ​មិនា ឆ្នាំ ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុ ជា​បាន​អញ្ជើញ​ជា​អធិបតីភាព​បិទ​សន្និបាត​សុខាភិបាលលើក​ទី​៤១ដើម្បីឱ្យ​គុណភាព​សេវា​សុខភាព​សាធារណៈ​បាន ​ពង្រីក​ការ​គ្របដណ្តប់​និង​កែលម្អ​កាន់តែ​ល្អប្រសើរ​ស្របតាម​តម្រូវការ​សេវា​សុខភាព​កំណើនប្រជាជន​ការវិវត្តប្រជា​ ស្រា​ស្ត​ការប្រែប្រួល​សណ្ឋាន​ជំងឺ​និង​ជីវភាព​រស់នៅ​របស់​ប្រជាជន​,​សម្តេច​តេ​ជោ​ហ៊ុនសែន​បានផ្តល់​នូវ​ការណែនាំ​មួយចំនួន​ដល់​ក្រសួងសុខាភិបាល​និង​ស្ថាប័ន​ពាក់ព័ន្ធ​ដូចខាងក្រោម​៖

១·​ក្រសួងសុខាភិបាល​ត្រូវអនុវត្ត​ឱ្យបាន​គ្រប់​ជ្រុងជ្រោយ អំពី​គោលនយោបាយ​សុខាភិបាល​សំខាន់ៗ​ដោយ​ផ្តោត លើ​គ្រប់​ទិដ្ឋភាព​នៃ​ការពង្រឹង​ប្រតិបត្តិការ​ប្រព័ន្ធ​សុខា​ភិបាល​រួមមាន​ការធ្វើ​វិមជ្ឈការ​ប្រព័ន្ធ​សុខាភិបាល​ការវិនិ យោគ​លើ​ហេដ្ឋារចនាសម្ព័ន្ធ​រូបវ័ន្ត​និង​បច្ចេកវិទ្យា​វេជ្ជសាស្ត្រ ការផ្តល់សេវា​សុខភាព ការ​ផ្ត​ត់​ផ្គង់​ឱសថ​និង​បរិក្ខារ​សុខា ភិ​បាល​ការពង្រឹង​គុណភាព​សេវា​អភិបាលកិច្ច​គ្លីនិក ការពង្រឹង​គុណភាព​នៃ​ការបណ្តុះបណ្ដាល ការផ្តល់​ហិរញ្ញប្បទាន សម្រាប់​ប្រព័ន្ធ​សុខាភិបាល​ការ​លើ​កម្ពស់​ប្រព័ន្ធ​គាំ ពារ​សុខភាព សង្គមកិច្ច​ និង​ ភាពជា​ដៃគូ​រវាង​សុខាភិបាល​សាធារណៈ និង​ឯកជន​។ ២·​ចំពោះ​ការផ្ទេរ​មុខងារ​គ្រប់គ្រង​ធនធាន និង​ ផ្តល់​សេវា​សុខាភិបាល​ពី​ក្រសួង​សុខា ភិ​បាល​ទៅឱ្យ​រដ្ឋបាល​ថ្នាក់ក្រោម​ជាតិ​ចាប់ពី​ដើមឆ្នាំ ២០២០ គឺជា​ការកែទម្រង់​ប្រកបដោយ​តម្លាភាព​ក្នុង​វិស័យ​សុខាភិបាល​ដែល​ឆ្លើយតប​ទៅនឹង​តម្រូវការ​អភិវឌ្ឍ​តាម បែប​ប្រជាធិបតេយ្យ​នៅ​ថ្នាក់ក្រោម​ជាតិ​ក្នុង​គោលបំណង​លើកកម្ពស់​ប្រសិទ្ធភាព​និង​គុណភាព​សេវា​សុខាភិបាល​លើកស្ទួយ​ការអភិវឌ្ឍ​នៅ​មូលដ្ឋាន​បង្កើន​គណនេយ្យ​ភាពនិង​អភិបាលកិច្ច​ល្អ​នៅ​មូលដ្ឋាន​ជាពិសេស​ធ្វើឱ្យ​សម្រេចបាន​នូវ​ការផ្តល់សេវា​សុខាភិបាល​ប្រកប ដោយ​គុណភាព​និង​តម្លាភាព​ហើយ​កាន់តែ​ជិតស្និទ្ធ​និង​កៀក​ទៅនឹង​ប្រជា ជន​។​៣·​រដ្ឋបាល​រាជធានី​-​ខេត្ត​ទាំងអស់​ត្រូវ​សហការ​ជាមួយ​ក្រសួង​-​ស្ថាប័ន​និង​ភាគី​ពាក់ព័ន្ធ​ដើម្បី​រៀបចំ​កែសម្រួល​ឡើងវិញ​នូវ​រចនាសម្ព័ន្ធ​ស្ថាប័ន​តួនាទី​និង​មុខងារ​នៃ​អង្គភាព​សុខាភិបាល​នៅ​ថ្នាក់ក្រោម​ជាតិ​ហើយ​ត្រូវ​រក្សា​កិច្ចដំណើរការ​ងារ​អង្គភាព​សុខាភិ បាល​រាជធានី​-​ខេត្ត​ដូច​ធម្មតា​ជាពិសេស​មិនត្រូវ​ឱ្យមាន​ការ​រ​ឤ​ក់រ​អួល​ដល់​ដំណើរការ​ផ្តល់ សេវា​សុខភាព ដែល​ធ្វើឱ្យប៉ះពាល់​ដល់​ការប្រើប្រាស់​សេវា​សុខភាព​របស់​ប្រជាជន។​៤·​ក្រសួងសុខាភិបាល​ត្រូវ​ពិនិត្យ​កែសម្រួល​និង​កំណ ត់​តួនាទី​និង​មុខងារ​របស់ ក្រសួង​និង​អង្គភាព​សុខាភិបាល​ក្រោម​ឱវាទ​នៅ​ថ្នាក់ជាតិ​ដើម្បី​អនុវត្ត​ប្រកបដោយ​តម្លាភាព​និង​មាន​គណនេយ្យភាព​រវាង​ថ្នាក់ជាតិនិងថ្នាក់ក្រោម​ជាតិ​ជាមួយនឹង​ស្មារតីទទួលខុសត្រូវ​ខ្ពស់​។​៥·​រដ្ឋ បាល​រាជធានី​-​ខេត្ត​ត្រូវខិតខំ​ផ្សព្វផ្សាយ​កៀរគរ​ការគាំទ្រ​ថវិកា​សម្ភារ​និង​បច្ចេកទេស​ពី​ស្ថាប័ន​និង​ភាគី​ពាក់ព័ន្ធ​នានា​ដោយ​ប្រើប្រាស់​ធនធាន​ឆន្ទា នុ​សិទ្ធិ​របស់​រដ្ឋបាល​រាជធានី​-​ខេត្ត​ដើម្បី​ផ្តល់​សេវា​សុខាភិបាល​ជូន​ប្រជាជន​តាម​មូលដ្ឋាន​ក្នុង​ដែន​សមត្ថកិច្ច​រៀងៗ​ខ្លួន​ឱ្យបាន​ទាន់ពេលវេលា​និង​មាន​ប្រសិទ្ធភាព​៕

.​ថ្ងៃទី ៦ ខែ​មិនា​ឆ្នាំ ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជាបាន​អញ្ជើញ​ជា​អធិបតីភាព​ក្នុង​ពិធី​មី​ទ្ទីង​អបអរសាទរខួប​ទី១០៩ទិវា​អន្តរជាតិ​នារី ៨ មីនា ឆ្នាំ ២០២០ ។

ក្នុងនាម​រាជរដ្ឋាភិបាល​សម្តេច​តេ​ជោ ហ៊ុន សែន បានស្នើ​សុំ​ឲ្យ​ក្រសួង​ស្ថាប័ន​ពាក់ព័ន្ធ​ដៃគូ​អភិវឌ្ឍន៍​សង្គម​ស៊ីវិល វិស័យ​ឯកជន​ព្រមទាំង​ប្រជាព​រដ្ឋ​គ្រប់រូប​សូម​រួមគ្នា​ផ្តោត​ការយកចិត្តទុកដាក់​ទៅលើ​ចំណុច​សំខាន់ៗ​មួយចំនួន​ដូចខាងក្រោម​៖១.​គ្រប់​ថ្នាក់ដឹកនាំ​ក្រសួង​ស្ថាប័ន​ត្រូវ​បន្ដបង្កើន​ចំនួន​ស្ដ្រី​ក្នុងតួនាទី​ជា​ថ្នាក់ដឹកនាំ​នៅ​គ្រប់​កម្រិត​។​២.​ត្រូវ​រួមគ្នា​ទប់ស្កាត់​និង​អន្តរាគមន៍​ឱ្យបាន​ទាន់ពេលវេលា​នូវ​គ្រប់​ទិដ្ឋភាព​នៃ​អំពើហិង្សា​ដែល​ទាក់ទង​នឹង​បញ្ហា​យេនឌ័រ ជា​ពេ​សិស​ការប្រើប្រាស់​ប្រព័ន្ធ​អ៊ី​ន​ធ័​រ​ណិ​ត​ពាក់ព័ន្ធ​នឹង​ការជួញដូរ​ផ្លូវភេទ ។ ៣.​ក្រសួង​អប់រំ​យុវជន​និង​កីឡា​ត្រូវ​ណែនាំ​ដល់​គ្រប់​គ្រឹះស្ថានសិក្សា​ទាំងអស់​ឱ្យ​ពង្រឹង ការអនុវត្ត​វិន័យ​និង​មាន​ទំនាក់ទំនង​ជាមួយ​ឪពុកម្តាយ​និង​អ្នក​ឤ​ណា​ព្យាបាល​សិស្ស​ឱ្យបាន​ជាប្រចាំ ។​៤.​ត្រូវ​បន្ត​វិនិយោគ​លើ​ការសិក្សា​របស់​ក្មេងស្រី​នៅ​គ្រប់​កម្រិតសិក្សា ជាពិសេស​ក្នុង​មុខជំនាញ​វិទ្យាសាស្ត្រ បច្ចេកវិទ្យា វិស្វកម្ម សិល្បៈ​ច្នៃប្រឌិត និង​គណិតវិទ្យា (STEAM) ដើម្បី​ដើរ​ឱ្យទាន់​ចរន្ត​នៃ​ការរីកចម្រើន​ផ្នែក​វិទ្យាសាស្ត្រ បច្ចេកវិទ្យានិង​នវានុវត្តន៍​នេះ​។​៥.​ក្រសួង​វប្បធម៌​និង​វិចិត្រសិល្បៈ​ក្រសួ ង​ព័ត៌មាន​និង​បណ្តាញ​ផ្សព្វផ្សាយ​ទាំងអស់​ទាំង​រដ្ឋ​និង​ឯកជន​ត្រូវ​បន្ត​ពង្រឹង​និង​លើកកម្ពស់​សីលធម៌​សង្គម​តម្លៃ ស្ត្រី និង គ្រួសារ​ខ្មែរ​ព្រមទាំង​បង្កើន​កម្មវិធី​អប់រំ​ល្អៗ​ដែល​ឆ្លុះបញ្ចាំង​ពី​តម្លៃ​ស្ត្រី​ប្រពៃណី​និង​វប្បធម៌​ខ្មែរ​ឱ្យបាន​កាន់ តែ​ទូលំទូលាយ​ថែមទៀត​និង​ត្រូវ​ពិចារណា​អំពី​ផល​ប៉ះ ពាល់​និង​សេចក្តីថ្លៃថ្នូរ​របស់​មនុស្ស​ពិសេស​តម្លៃ​ស្ត្រី​និង​ក្មេងស្រី។ ៦.​ត្រូវ​រួមគ្នា​បង្ការ​ទប់ស្កាត់​ការចម្លង​មេរោគ​អេដស៍​ថ្មី​និង​សុំ​កុំឱ្យ​មានការ​រើសអើង​ជាពិសេស​ចំពោះ​ស្ត្រីផ្សព្វ ផ្សាយ​ស្រា​បៀរ​រួមទាំង​អ្នក​ស្រឡាញ់​ភេទ​ដូចគ្នា​។​៧.​ខ្ញុំ​នៅតែ​បន្ដ​អំពាវនាវ​ដល់​បងប្អូន​ជនរួមជាតិ​នៅ​ទូទាំងប្រទេស​ទាក់ទង​នឹង​បញ្ហា​វីរុស​កូ​វីដ​១៩​ទោះបី​នៅ​ប្រទេស​កម្ពុជា​យើង​ពុំទាន់​មាន​កើតឡើង​នូវ​បញ្ហា​នានា​ដែល​ទាក់ទង​នឹង​វីរុស​នេះ​ក៏ដោយ​ក៏ប៉ុន្ដែ​សុំ​បងប្អូន​ប្រជាពលរដ្ឋ​ចេះ​ការពារ​ខ្លួ​ដើម្បី​ទទួលបាន​សុខភាព​ល្អប្រសើរ​ជាជាង​ការភ័យខ្លាច ​៕

.​នៅ​ថ្ងៃទី ៩ ខែ​មិនា​ឆ្នាំ​២០២០ សម្តេច​អគ្គមហាសេនាបតី​តេ​ជោ ហ៊ុនសែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ជា​អធិបតីភាព​សម្ពោធ​ដាក់ឱ្យ​ប្រើប្រាស់នូវ​ផ្លូវជាតិ​លេខ​ ៥៥ និង​ប្រកាស​បើក​ការដ្ឋាន​ផ្លូវជាតិ​លេខ​១០ ប្រវែង​១៩៨ គីឡូម៉ែត្រ​ភ្ជាប់​ពី​ខេត្តបាត់ដំបង​ទៅកាន់​ខេត្តកោះកុង ។ នេះ​ជា​សមិទ្ធផល​ថ្មី​មួយទៀត​សម្រាប់ ព្រះរាជាណាចក្រ​កម្ពុជា​និយាយ​ជារួម​និង​សម្រាប់​បងប្អូន​ដែល​រស់នៅក្នុង​តំបន់​នេះ​និយាយ​ដោយឡែក ៕

.​ថ្ងៃទី ១០ ខែ​មិនា ឆ្នាំ ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ជា​អធិបតីភាព​ពិធី​ចែក​សញ្ញាបត្រ​ដល់និស្សិត​នៃ​វិទ្យាស្ថាន​វ៉ាន់ដា​ចំនួន ៣ ៤៥៨ នាក់ នៅ​វិទ្យាស្ថាន វ៉ាន់ដា ដែល​នេះ​គឺជា​ផ្នែក​ដ៏​សំខាន់​មួយ​នៃ​ការអភិវឌ្ឍ​ធនធានមនុស្ស ៕

.​ថ្ងៃទី​១៤ ខែ​មិនា​ឆ្នាំ​២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុ ជា​បាន​អញ្ជើញ​ជា​អធិបតីភាព​ពិធី​បើក​បុណ្យ​ទន្លេ​លើកទី​៦​ក្រោម​ប្រធានបទ​«​ទន្លេ​នៃ​សន្តិភាព​ទន្លេ​នៃ​វិបុលភាព​»​នៅ​ខេត្តបាត់ដំបង​។​ដើម្បី​ជំរុញ​កំណើន​ទេសចរណ៍​តាម​ដង​ទន្លេ​កម្ពុជា​ដែលជា​ប្រភពទឹក​សម្រាប់​ការចិញ្ចឹម​ជីវិត ឱ្យក្លាយ​ទៅជា​គោលដៅ​ទេសចរណ៍​ប្រកបដោយ​ឧត្តមភាព​ស្របតាម​ប្រធានបទ​«​ទន្លេ​នៃ​សន្តិភាព​ទន្លេ​នៃ​វិបុលភាព​»​រួមជាមួយ​ពាក្យស្លោក​«​បាត់ដំបង​ជាទី​ក្រុង​ទេសចរណ៍​បេតិកភណ្ឌ​វប្បធម៌​និង​ធម្មជាតិ​»ក្នុងនាម​រាជរដ្ឋា ភិបាល​សម្តេច​តេ​ជោ ហ៊ុន សែន បាន​ផ្តល់នូវ​អនុសាសន៍​ណែនាំ​មួយចំនួន​ដូចតទៅ​៖​ទី​១·​ត្រូវ​រួមគ្នា​រក្សា​ឱ្យបាន​នូវ វត្តមាន​ជា​អចិន្ត្រៃយ៍​នៃ​សន្តិភាព​ទោះ​ក្នុងតម្លៃ​ណាក៏ដោយ​គ្មាន​សន្តិភាព​គ្មាន​ការអភិវឌ្ឍ​គ្មាន​ការគោរព​សិទ្ធិមនុស្ ស​និង​ប្រជាធិបតេយ្យ​ពោលគឺ​គ្មានអ្វីៗ​ទាំងអស់​។​ ទី​២·​ត្រូវ បន្តធ្វើ​ការអភិវឌ្ឍ​ក្រុង​បាត់ដំបង​ប្រកបដោយ​ស្មារតី​ទទួលខុសត្រូវ​ខ្ពស់​ជាពិសេស​ត្រូវ​រក្សា​ឱ្យបាន​នូវ​អត្តសញ្ញាណ​ទីក្រុង​បេតិកភណ្ឌ​ដែល​នឹង​គ្រោង​ដាក់បញ្ចូល​ក្នុង​បញ្ជី​ទី ក្រុង​បេ​ត​តិក​ភណ្ឌ​របស់​អង្គការ​យូណេស្កូ ។​​​  ទី​៣·​ត្រូវ​បន្ត​កសាង​ហេដ្ឋារចនាសម្ព័ន្ធ​ចាំបាច់​ដែល​បម្រើឱ្យ​វិស័យ​ទេសចរណ៍​រួមមាន​ឤ​កាស​យានដ្ឋាន ផ្លូវ​រថភ្លើង ផ្លូវថ្នល់ ទឹក ស្អាត អគ្គិសនី សណ្ឋាគារ​និង​រមណីយដ្ឋាន​ផ្សេងៗ​តាមរយៈ​ការតភ្ជាប់​ពី​តំបន់​មួយ​ទៅ​តំបន់​មួយ​តាមផ្លូវ​គោក ផ្លូវដែក​និង​ផ្លូវ​ឤ​កាស ហើយ​ត្រូវធ្វើ​ការពិនិត្យ​លទ្ធភាព​ក្នុង ការរៀបចំ​ព្រលានយន្តហោះ​បាត់ដំបង​ឡើងវិញ​ដោយ​ជំរុញ​ឱ្យ​សមត្ថកិច្ច​ជំនាញ​ពិនិត្យ​ឱ្យបាន​ហ្មត់ចត់​លើ​ការងារ​ដ៏​មាន​សារៈសំខាន់​នេះ ​។​ ទី​៤.​ត្រូវ​បន្ត​រក្សា​ឱ្យបាន​សន្តិសុខ សណ្តាប់ធ្នាប់​សង្គម​គ្រប់​តំបន់​ទេសចរណ៍​តាម​បណ្តា​ខេត្ត​ជាប់​បឹង​ទ​នេ្ល​ស្លាប​ត្រូវខិតខំ​រក្សា​ឱ្យបាន​នូវ​សន្តិសុខ​សណ្តាប់ធ្នាប់​សង្គម​បង្ការ​ទប់ស្កាត់​បញ្ហា​គ្រឿងញៀន​ការជួញដូរ​មនុស្ស​និង​ឧក្រិដ្ឋកម្ម​ឆ្លងដែន​ក្រុម​បងតូច​បងធំ​និង​ការ​លួច​ឆក់​នានា​ដើម្បី​ធានា​សុវត្ថិភាព​ភ្ញៀវទេស ចរ​ក្នុង​និង​ក្រៅប្រទេស ​។​ ទី​៥·​ត្រូវ​ជំរុញ​ការផលិត​ក្នុងស្រុក​ដើម្បី​ផ្គត់ផ្គង់​ទេសចរ​ដែលជា​គោលដៅ ​«​នាំចេញ​នៅ នឹងកន្លែង​»​។ ទី​៦·​ជាមួយនឹង​សភាពការណ៍​វិ​វ​ឌ្ឍ​ថ្មីៗ​នៃ​ការរីក​រាលដាល​នៃ​ជំងឺ​កូ​វីដ​១៩ នៅក្នុង​តំបន់​និង​ពិភព​លោក​ខ្ញុំ​នៅតែ​បន្ត​អំពាវនាវ​ដល់​បងប្អូន​ជនរួមជាតិ​សូម​រក្សា​នូវ​ភាព​ស្ងៀមស្ងាត់​ការពារ​សុខភាព​ធ្វើ​អនាម័យ​ជាប្រចាំ​ដើម្បី​សុខភាព​ខ្លួនឯង​ផ្ទាល់​និង​ក្រុមគ្រួសារ​ហើយ​ឤ​ច​ការពារ​បាននូវ​ជំងឺ​គ្រប់​ប្រភេទ ៕

.ថ្ងៃទី​១៤ ខែ​មិនា ឆ្នាំ​២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុ ជា​បាន​អញ្ជើញ​ជា​អធិបតីភាព​នៅក្នុង​ពិធី​សំណេះ​សំណា​ល​ជាមួយ​មន្ត្រី​ប្រមាណ​ជា២,៦០០នាក់ក្នុង​ខេត្តបាត់ដំបង ​ដោយ​សម្តេច​បាន​លើកយក​បញ្ហា ២ សំខាន់​មក​ធ្វើការ​ពិនិត្យ​។​ទី​១.​ខិតខំ​រៀបចំ​ដើម្បី​កសាង​ផ្លូវ​ត​ភ្ជាប់ រវាង​ខេត្តបាត់ដំបង​ជាមួយនឹង​ខេត្តសៀមរាប ដែល​ផ្លូវ​នោះ​នឹង​អាច​កាត់បន្ថយ​ចំងាយ​នៃ​ការធ្វើដំណើរ​ដែល​មុននេះ​(​ត្រូវ​)​ធ្វើដំណើរ​ពី​បាត់ដំបង​ទៅ​បន្ទាយមានជ័យ​ទើប ទៅកាន់​ខេត្តសៀមរាប ។ ប្រៀបធៀប​នឹង​ផ្លូវ​ថ្មី​អាច​ចំណេញ​ទៅ ដល់ ៦៩ គីឡូម៉ែត្រ​ដែលជា​ការតភ្ជាប់​ក្នុងចំណោម​ការតភ្ជាប់​ខាង​ផ្នែក​គមនាគមន៍​របស់​យើង​។​ចំណុច​នេះ ស្ថិតក្នុង​បេក្ខភាព​គម្រោង​នៅ​ឆ្នាំ ២០២១ ៕

.​នៅ​ថ្ងៃទី​២៥ ខែ មិនា​ឆ្នាំ​២០២០​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ជា​អធិបតីភាព​ជួប​សំណេះសំណាលជាមួយ​ក្រុមគ្រូពេទ្យ​ស្ម័គ្រចិត្ត​ប្រយុទ្ធប្រឆាំង​ជំងឺ Covid-19 នៅ​វិមាន​សន្តិភាព​ចំនួន​៤២២​នាក់​។ ក្នុងជំនួប​នោះ​សម្តេច​តេ​ជោ ហ៊ុន សែន បាន​លើកឡើងថា​៖​កិច្ច​ការដែល ត្រូវធ្វើ​នៅក្នុង​ដំណាក់កាល​នេះ​គឺ​៖​ទី​១.​ត្រូវ​បន្តធ្វើ​យ៉ាងម៉េច​ទប់ស្កាត់​ការនាំ​ជំងឺ​ចូល​ពី​ខាងក្រៅ ​។ តាម​ព្រលានយន្តហោះ​ដែល​នៅមាន​ការហោះហើរ​ត្រូវតែ​បាន​ពិនិត្យ​ឱ្យ បាន​ហ្មត់ចត់​។​កិច្ចការ​ទី​២.​បន្ត​រុករក​អ្នក​ឆ្លង​មិនទាន់បាន​ពិនិត្យ​មក​ដាក់​នៅ​កន្លែង​ព្យាបាល​ឬ​ដាក់​ដោយឡែក​១៤​ថ្ងៃ​។​កិច្ចការ​ទី​៣.​ខិតខំ​ព្យាបាល​អ្នក​ឆ្លង​ឱ្យ​ជាសះស្បើយ​៕

.​នៅ​ថ្ងៃទី ៧​ខែមេសា​ឆ្នាំ​២០២០​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ធ្វើ​សន្និសីទកាសែត​អំពី​បច្ចុប្បន្នភាពនៃ​ជំងឺ Covid-19 ។​សម្តេច​តេ​ជោ ហ៊ុន សែន បានប្រកាសថា​សង្គ្រាម​នេះ​គឺ​គ្រាន់​តែមាន​ត្រឹម​កម្រិត​ទប់ទល់​ហើយ​គ្មានទេ​អ្វីដែល​ហៅថា​ឈ្នះ​គឺ​មានតែ​ការខាតបង់​គ្រាន់តែ ខាត​តិច​ឬ​ខាត​ច្រើន​។ សង្គ្រាម​ប្រឆាំងនឹង Covid-19 នេះ​យើង​ត្រូវដាក់​ទៅក្នុង​ក្របខណ្ឌ​យុទ្ធសាស្ត្រ​រយៈពេល​វែង​ព្រោះ​ជំងឺឆ្លង​នេះ​មិនទាន់​ឃើញ​សញ្ញា​ថយចុះ​នៅឡើយ ទេ​ហើយក៏​មិនទាន់មាន​ថ្នាំ​ព្យាបាល​ដែរ​។ ដូច្នេះហើយ​បានជា​យើង​ត្រូវដាក់​បញ្ហា​ការប្រយុទ្ធ​ប្រឆាំងនឹង Covid-19 នេះ​ទៅក្នុង​យុទ្ធសាស្ត្រ​នៃ​ការតស៊ូ​រយៈពេល​វែង​មិនមែន ត្រឹម​ពីរ​អាទិត្យ បី​អាទិត្យ​ឬមួយ​ខែ​ពីរ​ខែ​ទេ ។ បញ្ហា​ស្ថិត​នៅត្រង់ថា​យើង​មិនដឹងថា​ជំងឺ​នេះ​វា​នឹង​រីក​រាលដាល​ដល់​កម្រិត​ណា​ហើយ​វា​នឹង​អូសបន្លាយ​ដល់ពេល​ណា​៕

.​នៅ​ថ្ងៃទី​១៤ ខែ មេសា​ឆ្នាំ ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណា ចក្រ​កម្ពុជា បាន​អញ្ជើញ​ថ្លែង​ក្នុង​កិច្ចប្រជុំ​កំពូល​អាស៊ានពិសេស​ស្ដីពី​កូ​វីដ​-១៩ តាមរយៈ​ប្រ​វីដេអូ​៕

 

​សម្តេច​តេ​ជោ ហ៊ុន សែន បាន​ចែករំលែក​នូវ​ទស្សនៈ​មួយចំនួន​ដូចខាងក្រោម​៖​ទី ១.«​ការចែករំលែក​បទពិសោធ​ន៍​» គឺជា​គន្លឹះ ក្នុងការ​គ្រប់គ្រង​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩​។​ទី​២.«​សុវត្ថិភាព​អាយុជីវិត​ជា​ចម្បង​»៖​យើង​ត្រូវ​បង្កើន​យន្តការ​រូ​ម​មួយ​ដើម្បី​លើកកម្ពស់​ការចែករំលែក​បច្ចេក ទេស​បទពិសោធន៍​និង​ចំណេះដឹង​ពាក់ព័ន្ធ​នឹង​វេជ្ជសាស្ត្រ​អំពី​ជំងឺ​នេះ​សំដៅ​ការពារទប់ស្កាត់ វិនិច្ឆ័យព្យាបាល​និង​តាមដាន​ជាពិសេស​សម្រាប់​ក្រុមមនុស្ស​ដែល​ ងាយ​រង គ្រោះថ្នាក់​នឹង​ជំងឺ​នេះ​ដូចជា​ក្រុមមនុស្ស​វ័យចាស់​និង​ក្រុមគ្រូពេទ្យ​ជួរមុខ​ដែល​កំពុង​ប្រយុទ្ធ​នឹង​ជំងឺ​នេះ​ផ្ទាល់​។​ទី​៣.«​កាត់បន្ថយ​ហានិភ័យ​សេដ្ឋកិច្ច​»៖​ត្រូវ​លើកកម្ពស់​ការ សម្របសម្រួល​និង​កិច្ចសន្ទនា​ឱ្យ​កាន់តែ​ជិតស្និទ្ធ​ដើម្បី​ពិនិត្យ​ដាក់ចេញ​នូវ​វិធាន​ការរួម​ដែល​អាច​បញ្ចៀស​ផលប៉ះពាល់​ធ្ងន់ធ្ងរ​ទៅលើ​សង្វាក់​ផលិតកម្ម សកម្មភាព​សេដ្ឋ កិច្ច និង​ពាណិជ្ជកម្ម​ក្នុង​តំបន់ ដោយ​ប្រកាន់យក​គោលការណ៍​បន្ត​បើកចំហ​សេដ្ឋកិច្ច ពាណិជ្ជកម្មនិងការវិនិយោ គ​និង​រក្សា​ឱ្យបាន​រលូន​នូវ​លំហូរ​នៃ​ការដឹកជញ្ជូន​ទំនិញ​ឆ្លងដែន​ទាំង​ផ្លូវអាកាស ផ្លូវគោក​និង​ផ្លូវទឹក​។ ទី​៤.អាស៊ី​បូព៌ា​គឺជា​តំបន់​មួយ​ដែលមាន​សក្ដានុពល​សេដ្ឋកិច្ច​និង​ពាណិជ្ជកម្ម​ខ្ពស់​ដោយ​សេដ្ឋកិច្ច​មាន​ទំហំ​ប្រមាណ​ជាង ២៣,៥ ទ្រី​លាន​ដុល្លារ​អាមេរិក​និង​ប្រជាជន​សរុប​ជាង​២​ពាន់​លាន​នាក់​ជាមួយនឹង​ការបន្ត​កើនឡើង​នូវ​ប្រាក់ចំណូល​។​ទី​៥.«​ពង្រឹង​ការតភ្ជាប់​ផ្នែក​ឌីជីថល​»៖​ក្នុង​បរិការណ៍​នៃ​ការ អនុវត្ត​គោលការណ៍ «​រក្សា​ចម្ងាយ​សង្គម​» ដើម្បី​ចៀសវាង​ការឆ្លង​ទំនៀមទម្លាប់​និង​ឥរិយាបទ​រស់នៅ​ប្រចាំថ្ងៃ​មួយចំនួន​របស់​ប្រជាជន​យើង​ត្រូវបាន​ផ្លាស់ប្ដូរ​ផងដែរ​ដូចជា របៀប​ធ្វើការ​ការរៀនសូត្រ​ការប្រជុំ ។​ល​។ ៕

.​ថ្ងៃទី​១ ខែមិថុនា ឆ្នាំ ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ជា​អធិបតីភាព​ជួប​សំណេះសំណាលជាមួយនឹង​មន្ត្រីរាជការ​និង​ក្រុមការងារ​បច្ចេកទេស​ស្ថា បនា​ហេដ្ឋារចនាសម្ព័ន្ធ​ផ្លូវ​ក្រុង​ក្នុង​ខេត្ត​ព្រះសីហនុ​ចំនួន​៣៤​ខ្សែ ។​គិតពី​ខែវិច្ឆិកា ២០១៩​រហូតមកដល់​ពេលនេះ​ដើម ខែ មិថុនា ២០២០ គឺមាន​រយៈពេល ៧ ខែ​ជាង​ការស្ថាបនា​ផ្លូវ​នេះ​សម្រេចបាន ៩៤% ៕

.​ថ្ងៃទី ២២ ខែ មិថុនា ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ពិនិត្យមើល​ការដ្ឋាន​សាងសង់​អាកាសយានដ្ឋាន អន្តរជាតិ​ភ្នំពេញ​ថ្មី ស្ថិតនៅ​ក្នុងស្រុក​កណ្តាល​ស្ទឹង ខេត្តកណ្តាល ។ សម្តេច​តេ​ជោ ហ៊ុន សែន បានចាត់ទុក​ការកសាង​ព្រលានយន្តហោះ​នេះ​ជាការ​ឆ្លុះបញ្ចាំង​ឲ្យ​ឃើញ​អំពី ចក្ខុវិស័យ​សម្រាប់​ឆ្នាំ ២០៥០ ដែលជា​ដំណាក់កាល​ចុងក្រោយ​នៃ​ការអភិវឌ្ឍ​ព្រលានយន្តហោះ​នេះ ៕

.​ថ្ងៃទី ២៤ ខែមិថុនា ឆ្នាំ​២០២០ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​អធិបតីភាព​ប្រកាស​ជា​ផ្លូវការ​នូវ « កម្មវិធី​ឧបត្ថម្ភសាច់ប្រាក់​ជូន​គ្រួសារ​ក្រីក្រ​និង​ងាយ​រងគ្រោះ​ក្នុងអំឡុ ងពេល​ប្រយុទ្ធ​នឹង​ជំងឺ​កូ​វីដ​-១៩»​។​សម្តេច​តេ​ជោ ហ៊ុន សែនបាន​លើកឡើងថា​៖​ក្នុង​គោលដៅ​ជួយ​ដល់​ស្រទាប់​ប្រជា ពលរដ្ឋ​ក្រីក្រ​និង​ងាយ​រងគ្រោះ​ដែល​រង​ផល់ប៉ះពាល់​ធ្ងន់ធ្ងរ​រាជរដ្ឋាភិបាល​បានសម្រេច​បង្កើត​និង​ដាក់ឱ្យ​ដំណើរការ​នូវ​កម្មវិធី​ជំនួយ​សង្គម​ថ្មី​មួយ​ដែលជា​កម្មវិធី​ជំនួយ​សង្គម ពិសេស​សំដៅ​ជួយ​ដល់​ជនក្រីក្រ​ដែលមាន​ប័ណ្ណ​សមធម៌​(​ក្រ​-១ និង​ក្រ​២)​នោះ​គឺ​៖«​កម្មវិធី​ឧបត្ថម្ភ​សាច់ប្រាក់​ជូន​គ្រួសារ​ក្រីក្រ​និង​ងាយ​រងគ្រោះ​ក្នុងអំឡុងពេល​ជំងឺ​កូ​វីដ​-១៩»​។ គោលបំណង​ធំ​របស់​រាជរដ្ឋាភិបាល​ក្នុងការ​ដាក់ចេញ​នូវ​កម្មវិធី​នេះ​គឺ​ជួយ​សម្រួល​ដល់​ជីវភាព​របស់​ប្រជាពលរដ្ឋ​ដែលមាន​ជីវភាព​ក្រីក្រ និង ទទួលរង​ផលប៉ះពាល់ ដោយសារ​ជំងឺ​កូ​វីដ​-១៩ដោយ​រួមបញ្ចូល​ផងដែរ​នូវ​អ្នក​បាត់បង់​ការងារ​ឬ​អ្នក​បាត់បង់​ចំណូល​ដែល​ត្រូវ​ធ្លាក់ខ្លួន​ចុះទៅ​ក្នុង​ភាព​ទីទាល់​ក្រីក្រ​ឡើងវិញ​។ ការដាក់ចេញ​នូវ​កម្ម វិធី​នេះ​សបញ្ជាក់​ឱ្យឃើញ​យ៉ាងច្បាស់​ថា​រាជរដ្ឋាភិបាល​បើ «​ហ៊ាន​និយាយ គឺ​ហ៊ាន​ធ្វើ​» ហើយ​ធ្វើ​ដោយ​ម៉ត់ចត់​ច្បាស់លាស់ និង​ប្រុងប្រយ័ត្ន​បំផុត​៕

.​ថ្ងៃទី​២៦​ខែមិថុនា​ឆ្នាំ ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ថ្លែង​សុន្ទរកថា​ក្នុង​កិច្ចប្រជុំ​កំពូល​អាស៊ាន​(​កិច្ចប្រជុំ​ពេញអង្គ​) លើក​ទី ៣៦ តាមរយៈ​ប្រព័ន្ធ​វីដេអូ ក្រោម​ប្រធានបទ “​ភាព​ស្អិតរ​មួ​ត​និង​ការឆ្លើយតប​” ៕

.​ថ្ងៃទី ១៤ ខែ កក្កដា ២០២០ .​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ទស្សនកិច្ច​មជ្ឈមណ្ឌល​ស្រាវជ្រាវ​និងអភិវឌ្ឍន៍​ពូជ​ត្រី​បាទី​និង​ជួប​សំណេះសំណាល​ជាមួយនឹង​កសិករ​នៅ ក្នុង​ឃុំ​ពាម​រក៍ ស្រុក​ពាម​រក៍ ខេត្តព្រៃវែង របស់​រដ្ឋបាល​ជលផល​។​មជ្ឈមណ្ឌល​ស្រាវជ្រាវ​និង​អភិវឌ្ឍន៍វារីវប្បកម្ម​ទឹកសាប​មាន​ផ្ទៃដី​សរុប​ចំនួន​១៦,០០០​ម៉ែត្រក្រឡា​ចែកចេញជា​សះ​ត្រី​ចំនួន​៦៩​ស្រះ​(​បេតុង​១៥ និង ស្រះ​ដី​៥៥ ស្រះ​នីមួយៗ​មាន ៣០0 ទៅ ២០០០​ម៉ែត្រ ការ៉េ​) រោង​ឬ​អាង​បង្កាត់​ភ្ញាស់​ចំនួន​៣ ,​រោង​ផលិត​ចៃ​ទឹក​១,​អគារ​បណ្តុះបណ្តាល​(​ខូចខាត​មិនអាច​ប្រើប្រាស់​បាន​)​អគារ​ការិយាល័យ​១, មន្ទីរពិសោធន៍​១ និង​អគារ​ស្នាក់ អាច​នួន​២​កន្លែង ។​មជ្ឈមណ្ឌល​ស្រាវជ្រាវ​និង​អភិវឌ្ឍន៍​វារីវប្បកម្ម​ទឹកសាប​មាន​ប្រភពទឹក​ផ្គត់ផ្គង់​ចំបង​៣​គឺ​ទឹកទន្លេ​មេគង្គ ,​ទឹក​ក្រោម​ដី​និង​ទឹកភ្លៀង ៕

.​ថ្ងៃទី ២១ ខែ កក្កដា​២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុ ជា​អញ្ជើញ​ពិធី​បង្ហាញ​ទំណើបកម្ម​ផលិតកម្ម​ដំណាំ​ស្រូវ ជាមួយ​ប្រជាកសិករ នៅ​ភូមិ​សេដ្ឋី និង ភូមិ​ពន្លក ក្នុង​ឃុំ​បាន​កាម ស្រុក​ព្រៃកប្បាស ខេត្តតាកែវ ។ នៅ​ទីនោះ​សម្តេច​នឹង​អញ្ជើញ​បញ្ជា​គ្រឿងយន្ត​កសិកម្ម​ធ្វើការ​ភ្ជួរ​រាស់​ដី ម៉ាស៊ីន​ព្រោះស្រូវ ដាំ​ស្រូវ​និង​ស្ទូងស្រូវ​ដែល​ស្ថិតនៅ​ភូមិ​សេដ្ឋី​ដែលមាន​ចំងាយ​ប្រមាណ​ជាង៦០ គីឡូម៉ែត្រ​ពី​រាជធានី​ភ្នំពេញ។​សម្តេច​តេ​ជោ ហ៊ុន សែន និង​សហការី​និង​បន្តដំណើរ​ទៅកាន់​ភូមិ​ពន្លក​ដែល​នៅ​ទីនោះ​សម្តេច​នឹង​អញ្ជើ ញ​បញ្ជា​គ្រឿងយន្ត​កសិកម្ម​ធ្វើការ​ច្រូតកាត់​ស្រូវ​និង​សំណេះសំណាល​ជាមួយ​ប្រជាកសិករ​នៅ​ទីនោះ​ផង ដែរ ៕

.​ថ្ងៃទី​៩​ខែសីហា​ឆ្នាំ​២០២០​ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​អញ្ជើញ​ថ្លែង​សារ​វីដេអូ​ទៅក្នុង​មហាសន្និបាត​នៃ​ក្ដីសង្ឃឹមក្រោម​ប្រធានបទ​៖ «​ការកសាង​និង​បង្កើត​ជាតិ​យើង​នៅក្នុង​ពិភពលោក​ក្រោយ​វិបត្តិ​កូ​វីដ​១៩៖​ការ​ពឹងពាក់​អាស្រ័យ​គ្នា​ទៅវិញទៅមក​វិបុលភាព​ទៅវិញទៅមក​និង​គុណ​តម្លៃ សកល​» ៕

.​នៅ​ថ្ងៃទី ១៦​ខែសីហា​ឆ្នាំ​២០២០ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​អញ្ជើញ​ជា​អធិបតីភាព​បើក​ដំណើរការ​សាកល្បង សួន​ទឹក​កំសាន្ត Garden City Water Park នៅ​រាជ ធានី​ភ្នំពេញ ។ សួន​ទឹក​នេះ​ត្រូវបាន​សាងសង់​ឡើងលើ​ផ្ទៃដី​ជាង៨ ហិកតា​ដោយ​ចាប់ផ្តើម​ដំណើរការ​សាងសង់​នៅ​ថ្ងៃទី​២៨ ខែឧសភា ឆ្នាំ​២០១៨​ហើយ​បញ្ចប់​ការសាងសង់​ទាំង ស្រុង​នៅ​ខែកក្កដា​ឆ្នាំ​២០២០ ។ សួន​ទឹក​ហ្គា​ឌិន​ស៊ី​ធី​មាន​ឧបករណ៍​សម្រាប់​លេង​កម្សាន្ត​ទាំងអស់​ចំនួន ៣៨ ដែល​ទាន់សម័យ​និង​មានគុណ​ភាពល្អ​ដោយបាន នាំចូល​ពី​សហរដ្ឋអាមេរិក​និង​សហគមន៍​អឺរ៉ុប​។ ឧបករណ៍​លេង​កម្សាន្ត​ទាំងនេះ​ត្រូវបាន​រចនា​ឡើង​សម្រាប់​មនុស្ស​គ្រប់​វ័យ​ទាំង​វ័យ​កុមារជំទង់​យុវវ័យ​និង​វ័យ​ចំណាស់​ផងដែរ​។​ស្ថិតនៅ​សង្កាត់​ព្រែក​តាសេក ខ័​ណ្ឌ​ជ្រោយចង្វារ រាជធានី​ភ្នំពេញ​សួន​ទឹក «Garden City Water Park » ត្រូវបាន បោះទុន​វិនិយោគ​សរុប​ជាង​៤៤​លាន​ដុល្លារ​អាមេរិក ៕

.​ថ្ងៃទី ២៤ ខែសីហា ឆ្នាំ ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​ថ្លែង​ក្នុង​កិច្ចប្រជុំ​កំពូល​នៃ​កិច្ចសហប្រតិបត្តិការមេគង្គ​-​ឡាន​ឆាង​លើក​ទី ៣ តាម​ប្រព័ន្ធ​វីដេអូ ៕

.​ថ្ងៃទី ៥ ខែកញ្ញា​ឆ្នាំ ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុ ជា​បាន​ថ្លែង​សុន្ទរកថា​គន្លឹះ​តាម​ប្រព័ន្ធ​វីដេអូ​ក្នុង​កិច្ចប្រជុំកំពូល​កម្មន្តសាល​និង​ឧស្សាហូបនីយកម្ម​សកលឆ្នាំ ២០ ២០(GMIS 2020)​ក្រោម​ប្រធានបទ​“​ការស្តារ​ឡើងវិញ​នូវ​វិបុលភាព​ក្នុង​ពិភពលោក​ក្រោយពី​ជំងឺឆ្លង​រាតត្បាត​”៕

.ថ្ងៃទី ២១ ខែ កញ្ញា ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ថ្លែង​សុន្ទរកថា​ក្នុង​កិច្ចប្រជុំ​ជាន់ខ្ពស់​រំលឹក​ខួប​លើក​ទី ៧៥ នៃ​អង្គការសហប្រជាជាតិ​ក្រោម​មូលបទ​៖«​អនាគត​ដែល​យើងទាំងអស់គ្នា​ចង់បាន​សហប្រជាជាតិ​ដែល​យើង​ត្រូវការ​៖​ធានា​ឡើងវិញ​កិច្ចប្រឹងប្រែង​រួម​ដើម្បី​ពហុភាគី និយម​» ៕

.​ថ្ងៃទី ២២​ ខែកញ្ញា​២០២០ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ថ្លែង​សុន្ទរកថា​គន្លឹះ​ក្នុង​កិច្ចប្រជុំ​កំពូល​ឆ្នាំ ២០២០ នៃ​វេទិកា​សេដ្ឋកិច្ចពិភពលោក​ស្ដីពី​ផលប៉ះពាល់​លើ​ការអភិ វឌ្ឍ​ប្រកបដោយ​ចីរភាព​ក្រោម​ប្រធានបទ​៖«​ការកសាង​ឆ្ពោះទៅមុខ​ប្រកបដោយ​ចីរភាព​នៅក្នុង​ប្រទេស​ដែលមាន​សេដ្ឋកិច្ច​កំពុង​រីកចម្រើន​» (​តាម​ប្រព័ន្ធ​វីដេអូ​)៕

.​នៅ​ថ្ងៃទី​២៣ ខែកញ្ញា​២០២០ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានចេញ​សេចក្ដីថ្លែងការណ៍​ក្នុងឱកាស​កិច្ចពិភាក្សាទូទៅ​នៃ​មហាសន្និបាត​អង្គការសហប្រជាជាតិ​លើក​ទី ៧៥មហាសន្និបាត​នៅ​ឆ្នាំនេះ។គឺជា​ព្រឹត្តិការណ៍​ដ៏​ពិ​សេសមួយ​ដែល​មិន​ធ្លាប់មាន​នៅក្នុង​ប្រវត្តិ​របស់​អង្គការ​សហ ប្រ ជាជាតិ​ដោយសារ​មហាសន្និបាត​នេះ​មិន​គ្រាន់តែ​ត្រូវបាន​រៀបចំ​ឡើងជា​លើកដំបូង​តាមរយៈ​ប្រព័ន្ធ​វីដេអូ​ប៉ុណ្ណោះ ​ទេ​ប៉ុន្តែ​ប្រព្រឹត្តទៅ​ក្នុងអំឡុង​ពេលដែល​ពិភពលោក​បាន និង​កំពុង​គ្របដណ្តប់​ដោយ​វិបត្តិ និ​ង​ភាពមិនប្រាកដប្រជា​ច្រើន ៕

.​ថ្ងៃទី ២៩ ខែកញ្ញា ឆ្នាំ ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ថ្លែង​សុន្ទរកថា​ក្នុង​កិច្ចប្រជុំ​ប្រមុខ​រដ្ឋាភិបាលស្ដីពី «​ហិរញ្ញប្បទាន​របៀបវារៈ​ការអភិវឌ្ឍ​ដោយ​ចីរភាព​ឆ្នាំ ២០៣០ ក្នុង​កាលៈទេសៈ​កូ​វីដ​-១៩ និង​ពេលខាងមុខ​» ៕

 

.​ថ្ងៃទី ៧ ខែ តុលា ២០២០ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ជា​អធិបតីភាព​សម្ពោធ​មជ្ឈមណ្ឌល​កំសាន្ត ព្រី​នស៍ម៉ា​ណ័​រ (Prince Manor), កៀនស្វាយ​, កណ្ដាល ។ មជ្ឈមណ្ឌល​កម្សាន្ត«​ព្រី​នស៍ ម៉ា​ណ័​រ​»គឺជា​គម្រោង​សួន​កម្សាន្ត​ខ្នាត​អន្ដរជាតិ ។មជ្ឈមណ្ឌល​កម្សាន្ត​នេះគ្របដណ្តប់​ លើ​ផ្ទៃដី​ទំហំ​ជាង​១៣​ហិកតា​ជាមួយ​គម្រប​រុក្ខជាតិ​បៃតង​ចំនួន​៨៨​ភាគរយ ។​មជ្ឈមណ្ឌល​កម្សាន្ត​«​ព្រី​នស៍ ម៉ា​ណ័​រ​»​មាន​គម្រោង​កម្សាន្ត​ដូចជា​ការកម្សាន្ត​បែបផ្សងព្រេង​រំភើប​កក់ក្តៅ​និង​ពោរពេញ​ដោយ​មនោសញ្ចេតនា ។​ មជ្ឈ មណ្ឌល​កម្សាន្ត​នេះ​ក៏មាន​កង​វិល​កម្ពស់​៨៨​ម៉ែត្រ​ដែល​ប្រៀបដូចជា​ភ្នែក​នៃ​ទីក្រុង​ភ្នំពេញ​រួមជាមួយ​ពិភពទឹក​កម្សាន្ត​ព្រី​នស៍​ដែលមាន​ទំហំ​ប្រមាណ​១​ហិកតា​ទីវាល​ប្រណាំង​ឡាន​ប្រកបដោយ​ស្តង់ដារ​និង​សួន​រុក្ខជាតិ​អេកូឡូស៊ី​ជាដើម​។​ជាមួយគ្នានេះ​មជ្ឈមណ្ឌល​កម្សាន្ត​«​ព្រី​នស៍ ម៉ា​ណ័​រ​»​មាន​សេវាកម្ម​កម្សាន្ត​ដូចជា​ឧបករណ៍​ជិះ​ទម្លាក់​កៅអី​វិល​ហោះហើរ សេះ​វិល ទូក​ចោរ​សមុទ្រ រថយន្តបុក​គ្នា ឌី​ស្ក​ក្រឡាប់ចាក់​រថយន្ត​ប្រណាំង​កន្ត្រ​កវិល និង សួន​ទឹក​ជា ដើម​។​ក្រៅតែពី​ផ្តល់នូវ​ការកម្សាន្ត​ដ៏​សម្បូរបែប​ហើយ​នោះ​មជ្ឈមណ្ឌល​កម្សាន្ត​«​ព្រី​នស៍​ម៉ា​ណ័​រ​»​ដែល​វិនិយោគ​ដោយ​ក្រុមហ៊ុន​ចិន​នេះ​ក៏បាន​រួមចំណែក​ផ្តល់​ការ ងារ​ជូន​ប្រជាពលរដ្ឋ​ខ្មែរ​រហូតដល់​ប្រមាណ​១៩០​នាក់​ផងដែរ ៕

.​ថ្ងៃទី ៧ ខែ តុលា ២០២០ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ថ្លែង​សុន្ទរកថា​ក្នុង​កិច្ចប្រជុំ «​វេទិកា​ភាព​ងាយ​រងគ្រោះ​នៃ​អាកាសធាតុ​» តាម​ប្រព័ន្ធ​វីដេអូ​៕

.​ថ្ងៃទី ១៥ ខែតុលា ២០២០ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​ពិនិត្យ​ស្ថានការណ៍​និង​សួរសុខទុក្ខ​ពលរដ្ឋ រងគ្រោះ​ដោយ​ជំនន់​ទឹកភ្លៀង​,ខណ្ឌដង្កោ​,រាជធានី​ភ្នំពេញ ៕

.​ថ្ងៃទី ២១​ខែតុលា​ឆ្នាំ​២០២០ សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុ ជា​បាន​អញ្ជើញ​ជួប​សំណេះសំណាល​និង​ចែក​អំណោយដល់​ប្រជាពលរដ្ឋ​ដែល​រង​ផលប៉ះពាល់​ដោយសារ​ទឹកជំនន់​ប្រ មាណ​ជាង​១០,០០០​គ្រួសា​នៅលើ​ផ្លូ​វេ​ជាតិ​ដែល​ជម្រក​ទីទួល​សុ​វត្តិភាព​ស្តិ​ត​ក្នុងភូមិ​បត់​ត្រង់​ឃុំ​បត់​ត្រង់​ស្រុកមង្គល បុរី​និង​ក្រុង​សិរីសោភ័ណ​និង​គោលដៅ​ទី​២​នៅ​នៅ​ផ្សារ​ធំថ្មីបូរី​ជ័យ​IIចំការ​តា​ដោកភូមិ​ចំការ​តា​ដោក ឃុំ​ឫស្សី​ក្រោក ស្រុក​មង្គល​បូរី ៕

.​ថ្ងៃទី ២២ ខែតុលា​ឆ្នាំ​២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​សួរសុខទុក្ខ​ប្រជាពលរដ្ឋ​ដែល​រង​ផល ប៉ះពាល់​ដោយសារ​ទឹកជំនន់​ក្នុងស្រុក​ថ្មពួក​ខេត្តបន្ទាយមានជ័យ​ចំនួន​ជាង ៥,០០០​គ្រួសារ​និង​បន្ត​អញ្ជើញ​ជួប​សួរសុខទុក្ខ​និង​ផ្តល់ជំនួយ​ឧបត្ថម្ភ​ជូន​ប្រជាពលរដ្ឋ​រងគ្រោះ ដោយ​ទឹកជំនន់​ក្នុង​ក្រុង​ប៉ោយប៉ែត​ខេត្តបន្ទាយមានជ័យ​ចំនួន​ជាង ៥,០០០ គ្រួសារ​បន្ទាប់ពី​សម្តេច​បាន​ចែក​អំណោយ​ដល់​ពលរដ្ឋ​រងគ្រោះ​នៅ​ស្រុក​ថ្មពួក​នេះ​ជា​ថ្ងៃទី ២ នៃ​បេសកកម្ម​ជួយសង្គ្រោះ​ប្រជាពលរដ្ឋ​របស់​ប្រមុខ​រាជរដ្ឋាភិបាល​កម្ពុជា​នៅ​ខេត្ត​ជាប់​ព្រំដែន​ភាគ​ខាងលិច​នៃ​ប្រទេស​កម្ពុជា ៕

.​ថ្ងៃទី ២៤​ខែតុលា​ឆ្នាំ​ ២០២០ ​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អញ្ជើញ​សំណេះសំណាល​និង​ចែក​ជំនួយ​ឧបត្ថម្ភ ដល់​ពលរដ្ឋ​រងគ្រោះ​ចំនួន​៥០០០​គ្រួសារ​នៅ​ស្រុក​អូជ្រៅ​ដែលជា​គោលដៅ​ទី​១,​បន្ទាប់មក​សម្តេច​តេ​ជោ​នាយករដ្ឋមន្ត្រី​នឹង​បន្ត​ជួប​ជាមួយ​ប្រជាពលរដ្ឋ​ដែល​ត្រូវ​ទទួល​ជំនួ យ​ឧបត្ថម្ភ​ពីស​ម្តេច​តេ​ជោ​ហ៊ុនសែន​នៅ​ទីតាំង​ក្នុងស្រុក​ម៉ាឡៃ​មាន​ចំនួន​៥ ពាន់​គ្រួសារ​ទៀត ។​ក្នុងនោះ​ពលរដ្ឋ ៤,៥០០​គ្រួសារ​ជា​ពលរដ្ឋ​រងគ្រោះ​ដោយ​ទឹកជំនន់​ក្នុងស្រុក ម៉ាឡៃ​ផ្ទាល់​និង​៥០០​គ្រួសារ​ជា​ពលរដ្ឋ​រងគ្រោះ​ដោយ​ទឹកជំនន់​នៅក្នុង​ក្រុង​ប៉ោយប៉ែត ៕

.​ថ្ងៃទី ២៦ ខែ តុលា ២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុ ជាបាន​អញ្ជើញ​បើក​ការដ្ឋាន​សង់ស្ពាន​ភ្ជាប់​ពី​កោះ​ពេជ្រ ទៅ​កោះនរា​និង​ពី​កោះនរា​ទៅ​ផ្លូវជាតិ​លេខ​១ ។ យោងតាម​របាយការណ៍​របស់​ក្រុមហ៊ុន​វិនិយោគទុន​អណិកជន​កម្ពុជា​(OCIC)​ដែល​ទទួលបាន​សិទ្ធិ​សាងសង់​ស្ពាន​បានឱ្យ ដឹងថា​សម្រាប់​ស្ពាន​ត​ភ្ជាប់​ពី​កោះ​ពេជ្រ​ទៅ​កោះនរា​មាន​ប្រវែង ៨២៤​ម៉ែត្រ មាន​ទទឹង ២៤,៥០​ម៉ែត្រ ។ ស្ពាន​នេះ​គ្រោង​ចំណាយពេល​សាងសង់ ៣៥ ខែ​ដោយ​ចំណាយ ថវិកា​៣៨​លាន​ដុល្លារ ។ ដោយឡែក​ស្ពាន​ភ្ជាប់​ពី​ក្រុង​រណប​កោះនរា​ទៅកាន់​ផ្លូវជាតិ​លេខ ១ មាន​ប្រវែង​៦០ ម៉ែត្រ​ទទឹង ២១​ម៉ែត្រ គ្រោង​ចំណាយពេល​សាងសង់​១២​ខែ និង​ចំណាយ​ថវិកា​១,៦០៦,៣៥៣ ដុល្លា​អាម៉េរិក​,​ស្ពានបេតុង​ខ្សែ​កា​ប្លិ៍​ជា​ប្រវត្តិសាស្ត្រ​១​ខ្សែ​នេះ​នៅពេល​សាងសង់​រួច​ត្រូវបាន​រំពឹងថា​នឹងចូលរួម​ចំណែក​ជួយ​សម្រួល​ការធ្វើ ដំណើរ​របស់​ប្រជាពលរដ្ឋ​ពី​រាជធានី​ភ្នំពេញ​ឆ្ពោះទៅកាន់​ផ្លូវជាតិ​លេខ​១ ជាពិសេស​ជួយ​កាត់បន្ថយ​ការកកស្ទះ​នៅ​ស្ពាន​ព្រះមុនីវង្ស​៕

.​ថ្ងៃទី ៣០ ខែ វិច្ឆិកា ២០២០ សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុ ជា​អ​ញ្ចើ​ញ​ជា​អធិបតីភាព​ក្នុង​ពិធីបើកការដ្ឋាន​ស្ថាបនាហេដ្ឋារចនាសម្ព័ន្ធ​ផ្លូវថ្នល់​ទាំង​៣៨ ខ្សែ​នៅ​ក្រុង​សៀមរាប ។គម្រោង​ផ្លូវ​មេ​ចំនួន​៣៨​ខ្សែ​សរុប​ប្រវែង​ប្រមាណ​៩៨,៣៤​គីឡូម៉ែត្រ​ក្នុងនោះ​រួមមាន​ផ្លូវ២ គន្លង​មាន​ប្រវែង​ប្រមា​ណ​៤៤​គីឡូម៉ែត្រ​និង​ផ្លូវ​៤​គន្លង​មាន​ប្រវែង​ប្រមាណ​៥៤​គីឡូម៉ែត្រ​។​លាតសន្ធឹង​ក្នុង​សង្កាត់​ទាំង​១២ របស់​ក្រុង​សៀម រាប​និង​មួយផ្នែក​ស្ថិតនៅ​ស្រុក​បាគង​ក្នុង​គម្រោង​អភិវឌ្ឍន៍​ហេដ្ឋារចនាសម្ព័ន្ធ​ក្នុង​ក្រុង​សៀមរាប។​គំរោង​នេះ​គ្រោ ង​ចំណាយ​ថវិកា​១៥០​លាន​ដុល្លារ​អាមេរិក​។​មាន​រយៈពេល​១៣​ខែ​គ្រោង​បញ្ចប់​នៅ​ចុងឆ្នាំ​២០២១ ៕

.​នៅ​ថ្ងៃទី ០៩ ខែធ្នូ ២០២០ ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ ហ៊ុន សែន បាន​អញ្ជើញ​ដឹកនាំ​កិច្ចប្រជុំ​កំពូល ACMECS លើក​ទី​៩​និង​ចូលរួម​កិច្ចប្រជុំ​កំពូល CLMV​លើក​ទី​១០​និង CLV DTV លើក​ទី​១១ តាមរយៈ​វីដេអូ ៕

.​នៅ​ថ្ងៃទី​១៥ ខែធ្នូ ២០២០ សម្តេច​តេ​ជោ​នាយករដ្ឋមន្ត្រី​បាន​អញ្ជើញ​ថ្លែង​សារ​ពិសេស​ដែលមាន​រយៈពេល​ជិត​៤​ម៉ោង​ពាក់ព័ន្ធ​ស្ថានភាព​កូ​វីដ​១៩ (​ព្រឹត្តិការណ៍​សហគមន៍ ២៨ វិច្ឆិកា ) និង​ការទិញ​វ៉ាក់សាំង​កូ​វីដ​១៩ ដើម្បី​ចាក់​ជូន​ប្រជាពលរដ្ឋ​ដោយ​ឥតគិតថ្លៃ ៕

 

 

 

 

 

 

ទីតាំងផ្សាយពាណិជ្ជកម្ម

- Advertisment -

Most Popular