Home ព័ត៌មានជាតិ សង្គម ម៉ាស​សម្ដេច​ត...

ម៉ាស​សម្ដេច​តេ​ជោ ប្រមាណ ២​លាន​ម៉ាស​ហើយ ដែល​អាជ្ញាធរ​រាជធានី​ភ្នំពេញ ចែកជូន​ពលរដ្ឋ​និង​កងកម្លាំង​

ដោយៈ រ៉ា​ម៉ន / ភ្នំពេញៈ ម៉ាស​សម្ដេច​តេ​ជោ ចំនួន ៣ លាន​ម៉ាស អំណោយ​របស់​សម្ដេច តេ​ជោ​ហ៊ុន សែន ដែល​ផ្ដល់ឱ្យ​រដ្ឋបាល​រាជធានី​ភ្នំពេញ គិត​មកដល់ពេលនេះ អាជ្ញាធរ បាន​ចាត់ចែង​ដល់​ថ្នាក់មូលដ្ឋាន ចែកជូន​ប្រជាពលរដ្ឋ​ទូទៅ កងកម្លាំងប្រដាប់អាវុធ និង​ប្រជា​សហគមន៍ អស់​ប្រមាណ ២ លាន​ម៉ាស ហើយ​ចំនួន​ដែល​នៅ​សេសសល់ អាជ្ញាធរ​នឹង​បន្តសកម្មភាព ចែក​បន្ថែមទៀត​។​

​លោក ម៉េ​ត មាស​ភក្ដី អ្នកនាំពាក្យ​រដ្ឋបាល​រាជធានី​ភ្នំពេញ បានឱ្យដឹង​នៅ​ព្រឹក​ថ្ងៃទី​១៧ ធ្នូ​នេះ​ថាៈ អាជ្ញាធរ បាន​នឹង​កំពុង​ចាត់ចែង ផ្ដល់​ម៉ាស​ជូន​ប្រជាពលរដ្ឋ ជា​បន្តបន្ទាប់ បើ​គិត​មកដល់ពេលនេះ ម៉ាស​ប្រមាណ ២ លាន​ម៉ាស​ហើយ ដែល​រដ្ឋបាល​រាជធានី​ភ្នំពេញ បានផ្ដល់​ឱ្យទៅ​អាជ្ញាធរ​ខណ្ឌ ទាំង​១៤ សង្កាត់​ទាំង ១០៥ កងកម្លាំងប្រដាប់អាវុធ​ផ្សារ​រដ្ឋ ចំនួន ២៥ ផ្សារ ប្រជា​សហគមន៍ និង​ប្រជាពលរដ្ឋ​ទូទៅ រួមទាំង​អ្នកដំណើរ​ផងដែរ​។​

​អ្នកនាំពាក្យ​ដដែល បាន​បន្ថែមថាៈ សម្រាប់​ម៉ាស ដែល​នៅសល់​ប្រមាណ ១​លាន​ម៉ាស​នោះ រដ្ឋបាល​រាជធានី​ភ្នំពេញ នឹង​បន្ត​ផ្ដល់​ទៅ​ខណ្ឌ​ទាំង​១៤ និង​កងកម្លាំង​បន្ថែមទៀត ដើម្បី​យក ទៅ​ចែកជូន ដល់​ពលរដ្ឋ នៅតាម​មូលដ្ឋាន ក៏ដូចជា តាម​សហគមន៍ និង​អ្នកដំណើរ​បន្តទៀត ដូចដែល​បានធ្វើ​សកម្មភាព ចែក​កន្លងមក​នោះ​៕PC​

ទីតាំងផ្សាយពាណិជ្ជកម្ម

- Advertisment -

Most Popular