Home ព័ត៌មានជាតិ សេដ្ឋកិច្ច ត្រី​សម្រាប់ធ...

ត្រី​សម្រាប់ធ្វើ​ប្រហុក​ចាប់ផ្តើម​ត្រូវមាន​ចំនួន​កើនឡើង​នៅ​ភ្នំពេញ​

​ដោយៈ​ប​.​ខុន​/​ភ្នំពេញៈថ្ងៃនេះ​ត្រី​សម្រាប់ធ្វើ​ប្រហុក ផ្អក​តាម​គន្លង​ដាយ​ក្នុង​ទន្លេសាប​នៅក្នុង​ភូមិ សាស្ត្រ​រាជធានី​ភ្នំពេញ​ចាប់ផ្តើម​ត្រូវមាន​ចំនួន​កើនឡើង ដោយ​លើក ឌុ​ក​ម្តង​ក្នុង​រយៈពេល​ពី​៣០​ទៅ​៣៥​នាទី បាន​ត្រី​ពី​១០០​ទៅ​២៥០​គីឡូក្រាម និង ១ គីឡូក្រាម​មានតម្លៃ​ពី​២.៥០០​ទៅ​៣.០០០​រៀល​។ ព្រម​ពេល​ជាមួយគ្នានេះ រដ្ឋបាល ជលផល​ក៏បាន​ជូនដំណឹង​ដល់​សាធារណជន ដែលមាន​បំណង​ធ្វើ​ប្រហុក​ផ្អក​ឱ្យ ទៅ រក​ទិញ​ត្រី​ដែល​កំពុង​ចាប់បាន​ច្រើន​នៅតាម​គន្លង​ដាយ​នេសាទ​នានា​។​

​លោក​ម៉ូត ហូ​សាន់ អ្នកធ្វើអាជីវកម្ម​នេសាទ​តាម​គន្លង​ដាយ​ត្រី ជួល​ពីរ​ដ្ឋ បាល​ជលផល​បាន​ប្រាប់​ឱ្យ​រស្មី​កម្ពុជា​ដឹង នៅ​រសៀល​ថ្ងៃទី​១៧ ខែធ្នូ ឆ្នាំ​២០២០​ថា ត្រី​សម្រាប់ធ្វើ​ប្រហុក​(​ត្រី​រាល​) ដែល​ចាប់បាន មិនសូវ​ធំ​ទេ និង ចំនួន​ប្រមាណ​ជា​៧០​ភាគរយ ជា​ត្រី​រាល សម្រាប់ធ្វើ​ប្រហុក លក់ ចេញ​បាន​ក្នុងតម្លៃ​២.៥០០​រៀល​ក្នុង​គីឡូក្រាម​។ នៅ​ផ្នែក​ខាងក្រោម​នេះ​ទឹក​ហូរ​ខ្លាំង​គ្រាន់បើ ទើប​ចាប់​ត្រី​បាន​ច្រើន តែ​នៅ​ខាងលើ​ក្នុង​ខេត្តកណ្តាល​គេ​ថា​ទឹក​ហូរ​ខ្សោយ​ហើយ​។​

​លោក​ងិន ឌី នាយ​ខណ្ឌ​រដ្ឋបាល​ជល​ផលរាជ​ធានី​ភ្នំពេញ​បាន​ប្រាប់​ឱ្យ​រស្មី កម្ពុជា​ដឹង​នៅ​ថ្ងៃទី​១៧​ខែធ្នូ​ថា គន្លង​ដាយ​ត្រី​ដែល​គេ បាន​ជួល​ធ្វើ​អាជីវកម្ម​ក្នុងឆ្នាំនេះ​មាន​ចំនួន​១០​គន្លង​ដាយ ។ គន្លង​ដាយ​នៅ​រាជ​ធា នី​ភ្នំពេញ​មាន​ចំនួន​សរុប​២២ តែដោយសារ​ទឹក​ក្នុង​រដូវវស្សា​នេះ​ឡើង​យឺត​ពេល និង​មា​នក​ម្ព ស់ទាប​កាលពី​ក្នុងពេល​ដេញថ្លៃ ធ្វើឱ្យ​គន្លង​ដាយ​ចំនួន​១២​អត់​មាន​អ្នក​ជួល​។​

​រដ្ឋបាល​ជលផល​នៃ​ក្រសួងកសិកម្ម​រុក្ខាប្រមាញ់​និង​នេសាទ​កាលពី​ថ្ងៃទី​១៥ ខែធ្នូ ឆ្នាំ​២០២០ បាន​ជូនដំណឹង​ដល់​សាធារណជន​ថា ក្នុង​រដូវវស្សា​ឆ្នាំ​២០២០-២០២១​នេះ បន្ទាប់ពី​បានធ្វើ​ការសង្កេត​តាមដាន​លើ​កម្ពស់​ទឹក​ដែល​ហូរ​ចេញពី​បឹង​ទន្លេសាប​រួច​ឃើញថា គន្លង​ដាយ​នៅតាម​ដង​ទន្លេសាប​ក្នុងភូមិ​សាស្ត្រ​រាជធានី​ភ្នំពេញ និង ខេត្តកណ្តាល អាច​នេសាទ​ត្រី​បាន​ច្រើន​នៅក្នុង​ខែបុស្ស​នេះ គឺ ចាប់ពី​ថ្ងៃ​៦​កើត ដល់​ថ្ងៃ​១២​កើត ត្រូវ​នឹង​ថ្ងៃទី​២០ រហូតដល់ ថ្ងៃទី​២៦ ខែធ្នូ ប្រសិនបើ មេឃ​ស្រឡះ​ល្អ​គ្មាន​ភ្លៀង​កក់ខែ ឬ​ទទួលរង​ឥទ្ធិពល​ព្យុះ​៕

ទីតាំងផ្សាយពាណិជ្ជកម្ម

- Advertisment -

Most Popular