Home ព័ត៌មានជាតិ សន្តិសុខ ឃុំខ្លួន​បុរស...

ឃុំខ្លួន​បុរស​ម្នាក់​ប្រើ​ហ្វេ​ស​ប៊ុ​ក​ក្លែងក្លាយ​ប្រមាថ​ព្រះមហាក្សត្រ​និង​ថ្នាក់ដឹកនាំ​នានា

ដោយៈ​ស​រិ​ទ្ធ​/​កំ​ពតៈ លោក សេង ម៉ា​ឡាប ចៅក្រម​ស៊ើបសួរ​សាលាដំបូង​ខេត្តកំពត កាលពី​ថ្ងៃទី​១៦ ខែធ្នូ ឆ្នាំ​២០២០ បានចេញ​ដីកាឃុំខ្លួន​បុរស​ម្នាក់​ដាក់ពន្ធនាគារ​ប​ណ្តោះ​អាសន្ន ពាក់ព័ន្ធ​ការបង្កើត​ហ្វេ​ស​ប៊ុ​ក​ក្លែងក្លាយ ប្រមាថ​ព្រះមហាក្សត្រ ថ្នាក់ដឹកនាំ អភិបាល និង​ស្នងការ​ខេត្ត​នានា ។

​យោងតាម​ដីកាឃុំខ្លួន គឺ តុលាការ​បានសម្រេច​ចោទប្រកាន់​បុរស​រូបនេះ ចំនួន​៥​បទល្មើស មានដូចជា បរិហារកេរ្តិ៍​ជា​សាធារណៈ​, ជេរប្រមាថ​ជា​សាធារណៈ​, ញុះញង់​អោយ​ប្រព្រឹត្ត​បទឧក្រិដ្ឋ​ជាអាទិ៍​, ប្រមាថ​ចំពោះ​អង្គ​ព្រះមហាក្សត្រ​, រូបភាព និង សម្ភារៈ​អាសអាភាស ។​

​បុរស​រូបនេះ មានឈ្មោះ ងិន ស៊ុយ​ទ្រី អាយុ​៣៥​ឆ្នាំ បាន​សារភាពថា ខ្លួន​មាន​ទំនាក់ទំនង​ស្នេហា​ជាមួយនឹង​នារី​ឈ្មោះ ទ្រី ស៊ា​ង​ម៉ី តាំងពី​ដើមឆ្នាំ​២០១៦ ។ ក្រោយមក​នាង​បាន​ផ្លាស់ប្ដូរ​មក​ធ្វើការ​នៅ​រាជធានី​ភ្នំពេញ តាំងពី​ពេលនោះ​មក​ទំនាក់ទំនង​របស់​ពួកគេ​បាន​ត្រូវ​ឃ្លាតឆ្ងាយ និង​ដោយសារ​នារី ទ្រី ស៊ា​ង​ម៉ី មាន​ទំនាក់ទំនង​ជាមួយ​បុរស​ជាច្រើន​ផ្សេងទៀត ធ្វើ​ឱ្យគេ​កើត​ចិត្ត​ប្រចណ្ឌ ហើយ​ក៏បាន​បង្កើត​គណ​នី​ក្លែង​ក្លាយជា​ឈ្មោះ​របស់​នារី ទ្រី ស៊ា​ង​ម៉ី ឪពុក និង​ជា​មិត្តភក្តិ​របស់​នាង​ជាច្រើន​ទៀត ដើម្បី​ធ្វើការ​វាយប្រហារ​ថ្នាក់ដឹកនាំ​កំពូលៗ ក្នុង​ចេតនា ដើម្បី​ទម្លាក់កំហុស​ឱ្យ​នាង ទ្រី ស៊ា​ង​ម៉ី ព្រមទាំង​មិត្ត​ភ​ក្កិ និង​ដៃគូ​ស្នេហា ក៏ដូចជា​គ្រួសារ​របស់​នាង​ផង​៕


ទីតាំងផ្សាយពាណិជ្ជកម្ម

- Advertisment -

Most Popular