Home ព័ត៌មានអន្តរជាតិ ក្រុង​តូ​ក្យូ...

ក្រុង​តូ​ក្យូនិយាយ​ថាកូ​វីដ​១៩​បាន​បន្ថែម​សម្ពាធ​ធ្ងន់ធ្ងរ​មកលើ​មន្ទីរពេទ្យ ខណៈ​បង្កើន​កម្រិត​អាសន្ន​ដល់​កាំ​ខ្ពស់បំផុត​

​ប្រែ​សម្រួល : កញ្ញា​ដា​លី​ស​/​តូ​ក្យូ ៖ ទីក្រុង​តូ​ក្យូរ​បស់​ជប៉ុន​បាន​និយាយ​នៅ​ថ្ងៃ​ព្រហស្បតិ៍​នេះ (១៧ ធ្នូ​) ថា ភាព​តានតឹង​មក​លើ​ប្រព័ន្ធ​វេជ្ជសាស្ត្រ​របស់​ខ្លួន​ពី​ជំងឺ​រាតត្បាត​កូវី​ដ​១៩ មាន​សភាព​កាន់តែ​ធ្ងន់ធ្ងរ ដោយ​នាំ​ឱ្យ​បង្កើន​កម្រិត​ប្រកាសអាសន្ន​ឈាន​ដល់​កម្រិត​ខ្ពស់​បំផុត​៤​កាំ ខណៈ​ចំនួន​ករណី​ឆ្លង​បាន​កើនឡើង​ដល់​កម្រិត​ខ្ពស់​បំផុត​ប្រចាំថ្ងៃ​គឺ ៨២២ នាក់​។​

​មន្ត្រី​សុខាភិបាល​ម្នាក់​បាន​និយាយថា ខ្លួន​មាន​ការលំបាក​ក្នុងការ​ថ្លឹងថ្លែង​ពី​ការថែរក្សា​អ្នកជំងឺ​កូវី​ដ​១៩ និង​អ្នកជំងឺ​ទូទៅ​ជា​ប្រចាំ ខណៈ​គ្រែ​មន្ទីរពេទ្យ​ពេញ​ណែន​អស់រលីង​ដោយ​នាំ​ឱ្យ​មន្ទីរពេទ្យប្រ​​កាស​អាសន្ន​ដល់​កម្រិត​ពណ៌​ក្រហម​សម្រាប់​ការត្រៀម​លក្ខណៈ​ផ្នែក​វេជ្ជសាស្ត្រ​ជា​លើកដំបូង​។​

​លោក​វេជ្ជបណ្ឌិត ម៉ាសា​កាតា​កា អ៊ីណូ​គូឈី អនុប្រធាន​សមាគម​វេជ្ជសាស្ត្រ​ទីក្រុង​តូ​ក្យូ​បាន​ប្រាប់​កិច្ចប្រជុំ​គណៈកម្មាធិការ​ត្រួតពិនិត្យ​ជំងឺ​កូវី​ដ ដែល​ចូលរួម​ដោយ​អភិបាលក្រុង​តូ​ក្យូ លោកស្រី យូ​រីកូ ក​យ​កេ យ៉ាង​ដូច្នេះ​ថា “​អ្នកផ្តល់​សេវា​វេជ្ជសាស្ត្រ​បាន​អស់​ធនធាន​បម្រុង​ហើយ​។ ការកាត់បន្ថយ​ចំនួន​អ្នកជំងឺ (​កូវី​ដ​១៩) គឺជា​មធ្យោបាយ​តែ​មួយគត់​ត្រូវធ្វើ​”​។​

​រដ្ឋបាល​ក្រុង​តូ​ក្យូនិយាយ​ថា អ្នក​ឆ្លង​វីរុស​កូរ៉ូ​ណា​មាន​ចំនួន ៨២២ នាក់​នៅ​ថ្ងៃ​ព្រហស្បតិ៍​នេះ ដែល​កើន​លើស​កំណត់ត្រា​មុន ៦៧៨ នាក់​កាលពី​ថ្ងៃ​ពុធ​៕

​ក្រុង​តូ​ក្យូប្រកាសអាសន្ន​កូវី​ដ​១៩​ដល់​កម្រិត​ក្រហម​កាំ​ទី​៤ ខណៈ​គ្រែ​មន្ទីរពេទ្យ​សម្រាប់​អ្នកជំងឺ​ពេញ​អស់ហើយ​

ទីតាំងផ្សាយពាណិជ្ជកម្ម

- Advertisment -

Most Popular