Home ព័ត៌មានជាតិ នយោបាយ ​សម្តេច​តេ​ជោ...

​សម្តេច​តេ​ជោ ហ៊ុន សែន ផ្ញើ​សារលិខិត​អបអរសាទរ​ចំពោះ​ការជាប់ឆ្នោត​ក្លាយជា​ប្រធានាធិបតី​អាមេរិក​ទី ៤៦ របស់ លោក ចូ បៃ​ដិ​ន​

ដោយៈ​តារា​រិ​ទ្ធ​/​ភ្នំពេញ​៖សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បា ន​ផ្ញើលិខិត​មួយ​ជូន លោក ចូ បៃ​ដិ​ន​ប្រធានាធិបតី​ជាប់ឆ្នោត​ថ្មី​របស់​សហរដ្ឋអាមេរិកដោយ​សម្តែង​ការអបអរសា ទរ​ចំពោះ​ការជាប់ឆ្នោត​ក្លាយជា​ប្រធានាធិបតី​ទី៤៦ របស់​សហរដ្ឋអាមេរិក​កាលពីពេល​ថ្មីៗ​នេះ​។

​នៅក្នុង​សារលិខិត​របស់​សម្តេច​អគ្គមហាសេនាបតី​តេ​ជោ ហ៊ុន សែន ផ្ញើ​ទៅកាន់ លោក បៃ​ឌិន ចុះ​ថ្ងៃទី​១៥ ខែធ្នូ ឆ្នាំ​២០២០ សម្តេច​តេ​ជោ​នាយករដ្ឋមន្ត្រី ហ៊ុន សែន​ បានបញ្ជាក់ថា​៖«​តាងនាម​ឱ្យ​រាជរដ្ឋាភិបាល​និង​ប្រជាជន​កម្ពុ ជា​ខ្ញុំ​មាន​កិត្តិយស​ដ៏​ធំធេង​និង​សេចក្ដីសោមនស្ស​រីករាយ​ឥតឧបមា​សូម​សម្ដែង​នូវ​អំណរ​សាទរ​ជូន​ចំពោះ​ឯកឧត្តមដែល​បាន​ជាប់ឆ្នោត​ជា​ប្រវត្តិសាស្ត្រ​ជា​ប្រធានាធិបតី​សហរដ្ឋអាមេរិក​ទី​៤៦»​។​

​សម្តេច​តេ​ជោ​នាយករដ្ឋមន្ត្រី​បាន​បន្តថា​៖«​បទពិសោធ​ដ៏​ធំធេង​និង​ភាពជា​អ្នកដឹកនាំ​ដ៏​វៀងវៃ​របស់​ឯកឧត្តម​គឺជា​កត្តា​សត្យានុម័ត គឺជា​កត្តា​សត្យានុម័ត​ក្នុងការ​ទទួលបាន​នូវ ទំនុកចិត្ត​ពី​ប្រជាជន​អាមេរិក​។ ខ្ញុំ​មាន​ជំនឿ​ជឿជាក់​យ៉ាង​មុតមាំ​ថា​ក្រោម​ការដឹកនាំ​របស់​ឯក​ឧ​ត្ត​ម​ជា​ប្រធានាធិបតី​សហរដ្ឋអាមេរិក​នឹង​បន្ត​រីកចម្រើន​ទៅមុខ​និង​រួម ចំណែក នាំឱ្យ​ពិភពលោក​មាន​ស្ថិរភាព និង​វិបុលភាព​កាន់តែ​ល្អប្រសើរ​ថែមទៀត​»​។​

​សម្តេច​តេ​ជោ​នាយករដ្ឋមន្ត្រី​បាន​បន្តទៀតថា​៖ «​រាជរដ្ឋាភិបាល​និង​ប្រជាជន​កម្ពុជា តែងតែ​ផ្តល់​សារៈសំខាន់​យ៉ាង​ធំធេង​ដល់​ការពង្រឹង​និង​ពង្រីក​នូវ​ទំនាក់​ទំនងជា​មិត្តភាព ដ៏​យូរអង្វែង​រវាង​ប្រទេស​ទាំងពីរ​ដែល​នៅក្នុង​ឆ្នាំនេះ យើង​កំពុងតែ​ប្រារព្ធ​ខួប​លើក​ទី​៧០​។​ខ្ញុំ​សូម​គូសបញ្ជាក់ថា​រាជរដ្ឋាភិបាល​របស់ខ្ញុំ​បាន​ប្តេជ្ញាចិត្ត​យ៉ាង​ពេញលេញ​ក្នុងការ ធ្វើ​ការងារ​ជាមួយ​រដ្ឋបាល​របស់​ឯក​ឧ​ត្ត​ម​ដើម្បី​ជំរុញ​ទំនាក់ទំនង​ទ្វេភាគី​ឱ្យ​កាន់តែ​ល្អប្រសើរ​បន្ថែមទៀត​»​។​

​ក្នុងឱកាស​ដ៏​ម​ហាន​ក្ខ​ត្ក​ឬ​ក្ស​នេះ​ខ្ញុំ​សូម​ជូនពរ​ឯកឧត្តម​ប្រធានាធិបតី​ជាប់ឆ្នោត​និង​រដ្ឋាភិបាល​របស់​ឯក​ឧ​ត្ត​ម​សូម​ទទួលបាន​ជោគជ័យ​ដ៏​ត្រចះត្រចង់​ក្នុងការ​បំពេញភារកិច្ច​ជា​ប្រវត្តិសាស្ត្រ​របស់​ឯកឧត្តម​ក្នុង​ការដឹកនាំ​ប្រជាជាតិ​អាមេរិក​។​

​សូមបញ្ជាក់ថា​ជាង​មួយខែ​ក្រោយ​ការបោះឆ្នោត​ប្រធានាធិបតី​អាមេរិក​ថ្ងៃទី​៣​វិច្ឆិកា​គឺ​នៅ​ថ្ងៃ​ចន្ទ​ទី​១៤​ធ្នូ ២០២០​នេះ អង្គ​បោះឆ្នោត​ត្រូវ​ជួបប្រជុំគ្នា​បោះឆ្នោត​ជា​ផ្លូវការ​ជ្រើសរើស លោក ចូ បៃ​ដិ​ន ជា​ប្រធានាធិបតី​ប្រធានាធិប តី​អាមេរិក​ថ្មី​។​តាម​លទ្ធផលលោកចូ​បៃ​ដិ​ន​បានទទួល​អង្គ​បោះឆ្នោត​៣០៦​រូប​ទល់នឹង​លោក​ដូ​ណា​ល់​ត្រាំ ២៣២​រូប​៕

 

ទីតាំងផ្សាយពាណិជ្ជកម្ម

- Advertisment -

Most Popular