Home ព័ត៌មានជាតិ សង្គម បឹង​សំរោង​ត្រ...

បឹង​សំរោង​ត្រូវបាន​ការពារ​ដោយ​ខ្នង​ទំនប់​ធ្វើ​ពី​បេតុង​៩​ព័ទ្ធជុំវិញ​

ដោយ​: ប​.​ខុន / ភ្នំពេញ​: ការសាងសង់​ផ្លូវ​ថ្មើ​ជើង​ពី​បេតុង​លើ​ខ្នង​ទំនប់​ព្រំដី​បឹង​សំរោង ក្រុមការងារ​បោះ​ព្រំ​បឹង​ធ្វើបាន​៩​គីឡូម៉ែត្រ នៃ​ប្រវែង​សរុប​១៤​គីឡូម៉ែត្រ​នោះ​ហើយ បន្ទាប់ពី​បាន​កាយ​ដី​កំណត់​ព្រំ​រួច​។​

ប្លង់​បង្ហាញ​ស្តីពី​ការសាងសង់​ផ្លូវ​និង​សួនច្បារ​ជុំវិញ​បឹង​សំរោង​តាម​ព្រំ​កំណត់ដោយ​អនុក្រឹត្យ

​លោក​ស៊ឹម សុ​ផង់ នាយក​រដ្ឋបាល​សាលាខណ្ឌ​ព្រែក​ព្នៅ រាជធានី​ភ្នំពេញ បាន​ប្រាប់​ឱ្យ​រស្មី​ដឹង​នៅ​ថ្ងៃទី​១៦​ខែធ្នូ​ឆ្នាំ​២០២០​ថា ព្រំដី​បឹង​សំរោង បាន​លើក​ទំនប់​ព័ទ្ធជុំវិញ​រួច​ទៅតាម​ចំណុច​មានកំណត់​ក្នុង​អនុក្រឹត្យ​នោះ​ហើយ​។​ក្រុមការងារ​បាន នឹង​កំពុង​បន្ត​ចាក់​បេតុង នៅលើ​ខ្នង​ទំនប់​ព្រំដី​សម្រាប់​ផ្លូវ​ថ្មើ​ជើង​បន្តទៀត​។​

​នាយក​រដ្ឋបាល​ខណ្ឌ​ខាងលើ​បាន បញ្ជាក់ថា​ទំនប់​ព័ទ្ធជុំវិញ​បឹង​សំរោង​ដែល មាន ប្រវែង​ប្រមាណ​ជា ១៤​គីឡូម៉ែត្រ​បាន ចាក់​បេតុង​រួច ប្រវែង​៩​គីឡូម៉ែត្រ​ហើយ​តែ​មិនមែនជា​ផ្លូវ​បេតុង​សម្រាប់​រថយន្ត​ទេ គឺ​ផ្លូវ​ថ្មើ​ជើង​ជុំវិញ​បឹង ។ បញ្ហា​ស៊ង​ចិញ្ចឹម​ត្រី​ក៏ដូចជា​ការលក់​ទិញ​ដី​បឹង​ដែល​ការពារ​ដោយ​អនុក្រឹត្យ​នេះ​ត្រូវបាន​បញ្ឈប់​តែ​ការដោះស្រាយ ចំពោះ​អ្នក​តវ៉ា​ដែល​អះអាងថា​មាន​លិខិត​ផ្សេងៗ​ពាក់ព័ន្ធ​ការកាន់កាប់​ដី​បឹង​នេះ​មិនទាន់​ដោះស្រាយ​ចប់​ទេ​។​

​ផ្លូវ​បេតុង​សម្រាប់​ថ្មើ​ជើង​ដែល​ទើបបាន​ចាក់​រួច​

​រំលឹក​ឱ្យដឹងថា​បឹង​សំរោង​ត្រូវបាន​កំណត់ដោយ​អនុក្រឹត្យ​មាន​ទំហំ ៣៣៦​ហិកតា ស្ថិតនៅក្នុង​សង្កាត់​សំរោង និង​សង្កាត់​ព្រែក​ព្នៅ ខណ្ឌ​ព្រែក​ព្នៅ រាជធានី ភ្នំពេញ ត្រូវបាន​គេ​ទន្ទ្រាន​កាន់កាប់​គ្មាន​សល់​ដោយ​ចាក់ដី​លុប ធ្វើ​ទំនប់​ហំ​ព័ន្ធ យក បង្កើត​បែរ​ត្រី​ជា​ព្រំ ស្រះ​ចិញ្ចឹម​ត្រី​និង​សង់​សំណង់​រឹងមាំ​។​

​ពាក់ព័ន្ធ​បឹង​នេះ​រដ្ឋបាល​រាជធានី​ភ្នំពេញ​បាន​ចាត់វិធានការ ដណ្តើមយក​ដី បឹង​សំរោង​មកវិញ ដោយ​ធ្វើ​ការបោះ​បង្គោលព្រំ​ទៅតាម​ការកំណត់​នៃ​អនុក្រឹត្យ និង​កាយ​ទំនប់ ធ្វើជា​ព្រំ​និង​ពេលនេះ​ឈានដល់​ដំណាក់កាល​សាងសង់​ផ្លូវ​បេតុង និង​សួនច្បារ​ព័ទ្ធជុំវិញ ដើម្បី​ការពារ​កុំឱ្យ​មានការ​ទន្ទ្រាន​ជាថ្មីទៀត​៕

ទីតាំងផ្សាយពាណិជ្ជកម្ម

- Advertisment -

Most Popular