Home ព័ត៌មានអន្តរជាតិ កងកម្លាំង​សន្...

កងកម្លាំង​សន្តិសុខ​នី​ហ្សេ​រី​យ៉ាង​សង្គ្រោះ​កុមារ​ជិត​៣៥០​នាក់ ដែល​ខ្មាន់កាំភ្លើង​ចាប់ពង្រត់​

ប្រែ​សម្រួល : កញ្ញា​ដា​លី​ស ៖ អភិបាលរដ្ឋ​កាត​ស៊ីណា​បាន​និយាយថា កាលពី​ថ្ងៃ​ព្រហស្បតិ៍​ទី​១៧​ធ្នូ កងកម្លាំង​សន្តិសុខ​នី​ហ្សេ​រី​យ៉ា​បាន​ជួយ​សង្គ្រោះ​ក្មេងប្រុស​សិស្សសាលា​ជិត ៣៥០​នាក់​ដែល​ត្រូវបាន​ចាប់​​ពង្រត់​នៅ​ភាគ​ពាយព្យ​ប្រទេស​ហើយ​នាំ​ចូល​ទៅ​ក្នុង​ព្រៃស្តុក ជាហេតុ​នាំ​ឱ្យ​គ្រួសារ​ជាច្រើន​អស់​ក្តីបារម្ភ​ទៀតហើយ​ឥឡូវនេះ​។​

​គេ​មិន​ទាន់​ដឹង​ច្បាស់​ថា​តើ​ក្មេងប្រុស​ដែល​បាត់​ខ្លួន​ទាំងអស់​ត្រូវបាន​រកឃើញ​វិញ​ទាំងអស់​ឬ​យ៉ាងណា​នោះ​ទេ​។​

​អភិបាលរដ្ឋ​កាត​ស៊ីណា លោក អា​មី​នូ បេឡូ ម៉ាសា​រី បាន​និយាយ​នៅក្នុង​បទសម្ភាសន៍​ជាមួយ​ទូរទស្សន៍​រដ្ឋ NTA ថា “​ខ្ញុំ​គិតថា​យើង​បាន​រកឃើញ​ក្មេងប្រុស​ភាគច្រើន​មក​វិញ​ហើយ​”​។​

​ប៉ុន្មាន​ម៉ោង​មុននេះ វីដេអូ​មួយ​បានចាប់ផ្តើម​ផ្សព្វផ្សាយ​តាម​អ៊ី​ន​ធឺ​ណេតដោយ​បង្ហាញ​ពួកស​កម្មប្រយុទ្ធ​អ៊ីស្លាម​មក​ពី​ក្រុម​បូកូ​ហា​រ៉ាម​នៅ​ជាមួយ​ក្មេង​ប្រុស​មួយចំនួន​។​ទីភ្នាក់ងារ​សារព័ត៌មាន​រ៉​យ​ទ័រ​​មិន​អាច​បញ្ជាក់​ភ្លាមៗ​អំពី​ភាពត្រឹមត្រូវ​នៃ​វីដេអូ ក្មេងប្រុស​ទាំង​នោះ ឬ អ្នក​ដែល​បាន​ចេញផ្សាយ​វីដេអូ​នោះទេ​។​

​ការចាប់​ពង្រត់​នេះ​បាន​អង្រួន​ប្រទេស​នេះ​ដែល​ញាំញី​រួច​ទៅ​ហើយ​ដោយ​កំហឹង​របស់​ប្រជាជន​អំពី​អសន្តិសុខ​និង​បាន​រំលឹក​ដល់​ការចាប់​ពង្រត់​ក្មេងស្រី​ជាង​២៧០​នាក់​ដោយ​ពួក​បូកូ​ហា​រ៉ាម​កាលពី​ឆ្នាំ ២០១៤ នៅ​ភាគ​ឦសាន​ទីក្រុង​ជី​បក់​។​

​កាលពី​យប់​ថ្ងៃ​សុក្រ​សប្តាហ៍​មុន ខ្មាន់កាំភ្លើង​បាន​វាយឆ្មក់​ចូល​សាលា​អនុវិទ្យាល័យ​វិទ្យាសាស្ត្រ​របស់​រដ្ឋាភិបាល​នៅ​រដ្ឋ​កាត​ស៊ីណា​ដោយ​ជិះ​ម៉ូតូ ហើយ​នាំ​ក្មេងប្រុស​ទាំង​នោះ​ចូលទៅ​ក្នុង​ព្រៃ​រូ​ហ្គូ​ដែល​ជា​ឧបទ្ទវ​​ហេតុ​ចាប់ពង្រត់​ធំ​បំផុត​នៅក្នុង​តំបន់​គ្មាន​ច្បាប់​នេះ​ក្នុង​ប៉ុន្មាន​ឆ្នាំ​ថ្មីៗ​នេះ​។​

​លោក​ម៉ា​សារី​បាន​និយាយថា ក្មេងប្រុស​សរុប​ចំនួន ៣៤៤ នាក់​ដែល​ឃុំខ្លួន​នៅក្នុង​ព្រៃ ត្រូវ​បាន​រំដោះ​នៅ​រដ្ឋ​ជិត​ខាង ហ្សា​មហ្វា​រ៉ា​។​លោក​មិន​បាន​បញ្ជាក់ថា​មាន​មនុស្ស​ប៉ុន្មាន​នាក់​បាន​បាត់​ខ្លួន​ឬ​ថា​តើ​​ពួកគេ​ត្រូវបាន​រំដោះ​យ៉ាងដូចម្តេច​នោះទេ​។

​លោក​បាន​និយាយថា “​យើង​អរគុណ​ព្រះ​ជា​ម្ចាស់​ដែល​ពួកគេ​បាន​ទទួល​យកដំបូន្មាន​របស់​យើង​ហើយ​មិន​មាន​ការបាញ់ប្រហារ​សូម្បី​មួយ​គ្រាប់​”​។​

​លោក​ម៉ា​សារី​និយាយ​ថា​ក្មេងប្រុស​ទាំង​នោះ​កំពុង​ធ្វើដំណើរ​ត្រឡប់​ទៅ​រដ្ឋ​កាត​ស៊ីណា​វិញ​ហើយ​នឹង​ត្រូវ​ពិនិត្យ​សុខភាព​និង​ជួបជុំ​ជាមួយ​ក្រុម​គ្រួសារ​វិញ​នៅ​ថ្ងៃ​សុក្រ​នេះ​៕

​សាលារៀន​ដែល ក្មេង​សិស្សសាលា ៣៤៤ នាក់​ត្រូវបាន​ចាប់ពង្រត់​

ទីតាំងផ្សាយពាណិជ្ជកម្ម

- Advertisment -

Most Popular