គណៈកម្មការ​មួយ​អនុម័ត​ប្រើ​វ៉ាក់សាំង​កូវី​ដ​១៩​របស់​Moderna សំរាប់​គ្រាអាសន្ន​

​ប្រែ​សម្រួលៈ​វាសនា​/​វ៉ាស៊ីនតោន​៖​ក្រុម​អ្នកជំនាញការ​អាម៉េរិក​មួយក្រុម​កាលពី​ថ្ងៃ​ព្រហស្បតិ៍​បាន​បោះឆ្នោត​អនុម័ត​អោយ​ប្រើ​វ៉ាក់សាំង​កូវី​ដ​១៩​របស់​ក្រុមហ៊ុន​Moderna​សំរាប់​គ្រាអាសន្ន ដែល​វា​បើកផ្លូវ​​សំរាប់​ការចាប់ផ្តើម​បញ្ជូន​ចេញ​វ៉ាក់សាំង​៦​លាន​ដូស នៅ​ចុង​សប្តាហ៍​នេះ​។​

​រដ្ឋបាល​ចំណីអាហារ​និង​ឳ​សថ​អាម៉េរិក ឥឡូវ​ត្រូវ​គេ​រំពឹងថា​នឹង​ចេញ​ការអនុញ្ញាត​ប្រើ​វ៉ាក់សាំង​នេះ​ក្នុង​គ្រាអាសន្ន​ភ្លាម​ផងដែរ ដែល​នឹង​ធ្វើអោយ​វ៉ាក់សាំង​របស់​Moderna​ក្លាយ​ជា​វ៉ាក់សាំង​ទី​២​ដែល​ត្រូវ​​ប្រទេស​លោកខាងលិច​មួយ​នេះ​ទទួលយក​មក​ប្រើ​។​

​ការជួប​ប្រជុំ​ដើម្បី​អនុម័ត​នេះ​កើត​ឡើង​នៅ​ពេល​ចំនួន​អ្នកជំងឺ​កូវី​ដ​១៩​ស្លាប់​នៅ​អាម៉េរិក​កើនឡើង​យ៉ាង​លឿន ជិត​ដល់​ចំនួន​៣១០.០០០​នាក់​និង​ជាង​១៧​លាន​នាក់​ឆ្លង​៕

​អាម៉េរិក​ដែលមាន​អ្នក​ស្លាប់​និង​ឆ្លងកូវី​ដ​១៩​ច្រើនជាងគេ ប្រហែល​នឹង​ក្លាយជា​ប្រទេស​ដំបូង​ដែល​អនុម័ត​ប្រើ​វ៉ាក់សាំង​របស់ Moderna ក្រោយ​ការ​សាក​ពិសោធន៍​នៅ​ដំណាក់កាល​ចុងក្រោយ​បង្ហាញថា​​វា​មាន​ប្រសិទ្ធភាព​៩៤,១​ភាគរយ​ការពារ​អ្នក​ចាក់​ទល់នឹង​វីរុស​កូរ៉ូណា​

 

 

ទីតាំងផ្សាយពាណិជ្ជកម្ម

- Advertisment -



Most Popular