Home ព័ត៌មានជាតិ សន្តិសុខ ប៉ូលិស​ស្រុក​...

ប៉ូលិស​ស្រុក​ព្រៃនប់ អំពាវនាវ​រក​គ្រួសារ​សព​បុរស​ម្នាក់ ដែល​ចាក់​សម្លាប់​ខ្លួនឯង

ដោយៈ វណ្ណៈ / ព្រះសីហនុៈ បុរស​ម្នាក់ ទំនងជា​បែក​ថ្នាំ ដៃ​កាន់​កូនកាំបិត​តូច​មួយ ខ្លួនប្រាណ​ពោរពេញ ដោយ​ឈាម ហើយ​ប្រជាពលរដ្ឋ បានឃើញ​ជននេះ ដើរ​ផង រត់​ផង និង​ចាក់ ក ខ្លួនឯង​ផង រហូតដល់​ស្លាប់​នៅនឹងកន្លែង ។ ហេតុការណ៍​នេះ បានកើត​ឡើង នៅវេលា​ម៉ោង ៨​និង​៣០​នាទី ព្រឹក​ថ្ងៃទី​១៨ ខែធ្នូ ឆ្នាំ​២០២០ នៅតាម​បណ្តោយ​ផ្លូវជាតិ​លេខ​៤ ត្រង់ចំណុច​ទីប្រជុំជន​ផ្សារ វាលរេញ ស្ថិតក្នុង​ឃុំ​វាលរេញ ស្រុក​ព្រៃនប់ ។

​សាក្សី​ដែល​បានឃើញ​ហេតុការណ៍​នេះ បាន​ឲ្យ​ដឹងថាៈ ជន​នោះ ប្រហែល​មាន​ទិសដៅ ទៅ​ភ្នំពេញ ដោយ​ដើរ​បណ្តើរ ហក់​តោង​រថយន្ត​បណ្តើរ បង្ករ​អោយមាន​ការភ្ញាក់ផ្អើល ឈានដល់​សម​ត្ត​កិច្ច​នគរបាល ចុះ​អន្តរាគមន៍​ភ្លាមៗ​។

​បើតាម​សម​ត្ត​កិច្ច បានបញ្ជាក់​ថាៈ បុរស​ខាងលើ មាន​កាន់​កាំបិត នៅ​នឹង​ដៃ ហើយ​បាន​ចាក់ ខ្លួនឯង ចំ​បំពង់ ក បណ្តាលអោយ​ហូរឈាម អស់ពី​ខ្លួន ស្លាប់​តែម្តង​។​

​សម​ត្ត​កិច្ច មិន​អាចជួយ​សង្គ្រោះបាន ព្រោះ​បុរស​នោះ បាន​រត់​បណ្តើរ ចាក់​ខ្លួនឯង​បណ្តើរ រហូត​ទៅ​លែងរួច ខ្សោះ​ឈាម ក៍​ដាច់ខ្យល់​ស្លាប់​តែម្តង ទោះបី​សមត្ថកិច្ច ខំ​ដឹក​ទៅ​សង្គ្រោះ ក៍ដោយ ។​

​គិត​ត្រឹម​ម៉ោង​ប្រហែលជា ១០ ព្រឹក ថ្ងៃ​ដដែល បុរស​នោះ នៅ​ពុំទាន់​ស្គាល់​អត្ត​ស​ញ្ណា​ណ នៅឡើយ ។ ជាមួយគ្នានេះ សមត្ថកិច្ច បាន​អំពាវនាវ បើ​មានគ្រួសារ​បាត់​សមាជិក ដូចខាងលើ អាច​ទំនាក់ទំនង មកកាន់​សមត្ថកិច្ច​ស្រុក​ព្រៃនប់ បាន​គ្រប់ពេល ។ សាកសព បុរស​រូបនោះ ត្រូវបាន​សម​ត្ត​កិច្ច ដឹក​យកទៅ​រក្សាទុក នៅ​វត្ត​សំរុង ស្រុក​ព្រៃនប់​រង់ចាំ ក្រុមគ្រួសារ មក​ទទួល​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular