Home ព័ត៌មានអន្តរជាតិ អ្នក​បំរើការ​...

អ្នក​បំរើការ​លើ​យន្តហោះ​អូស្ត្រាលី​១៣​នាក់​ត្រូវ​ពិន័យ​ម្នាក់ៗ​១​ម៉ឺន​ដុល្លារ ដោយសារ​លួច​ចេញពី​កន្លែង​ធ្វើ​ចត្តា​ឡី​ស័ក​ទៅដើ​រលេងយប់​

​ប្រែ​សម្រួលៈ​វាសនា​/​ស៊ីដ​នី​៖​គេ​ទើប​ទម្លាយ​អោយដឹង​នៅ​ថ្ងៃនេះ​ថា សមាជិក​អ្នក​បំរើកា​រលើ​យន្តហោះ​(​អូ​តេស​)​អូស្ត្រាលី​ចំនួន​១៣​នាក់ បាន​ចាក​ចេញពី​សណ្ឋាគារ​ដែល​ពួកគេ​ធ្វើ​ចត្តា​ឡី​ស័ក​ដើម្បី​ចេញ​​ទៅ​ដើរ​ស៊ីផឹក​សប្បាយ​នៅ​ទីប្រជុំជន​មួយ​កាល​ពី​កន្លះ​ខែ​មុន​។​

​អភិបាលរដ្ឋ​ញូ​វ​សោត​វេលស៍ របស់​អូស្ត្រាលី បាន​និយាយ​កាលពី​ថ្ងៃ​សុក្រ​ទី​១៨​ធ្នូ​នេះ​ថា ពួក​សមាជិក​បំរើការ​លើ​យន្តហោះ​មួយក្រុម​បាន​ទៅ​ចូលរួម​ពិធី​នៅ​កន្លែង​ជាច្រើន ក្រោយ​បាន​រំលោភ​ច្បាប់​ដាក់ខ្លួន​​នៅ​ដាច់​ពី​គេ​កាលពី​ប៉ុន្មាន​សប្តាហ៍​មុន​។​តែ​សភាពការណ៍​ឥឡូវ​វា​អាក្រក់​ជាង​ពេល​នោះ​។​

​ប៉ូលិស​បាន​និយាយថា អ្នក​បំរើការ​លើ​យន្តហោះ​ទាំងនោះ​បាន​វិល​មក​ពី​អាម៉េរិក​ខាងត្បូង និង​បាន​ចូល​ធ្វើ​ចត្តា​ឡីស័​កនៅ​សណ្ឋាគារ​នៅក្រុង​ម៉ាស្កុ​ត​កាលពី​ថ្ងៃ​៥​ធ្នូ​។​ក្រោយ​សាកសួរ​ផ្នែក​គ្រប់គ្រង​សណ្ឋាគារ​ គេ​រកឃើញ​ថា​សមាជិក​បំរើការ​លើ​យន្តហោះ​១៣​នាក់​បាន​រំលោភ​វិធាន​ដាក់ខ្លួន​នៅ​ដាច់​ពី​គេ​ហើយ​ត្រូវ​ពិន័យ​ប្រាក់​ម្នាក់ៗ​១០.០០០​ដុល្លារ​។​

​សូមបញ្ជាក់​ថា នៅ​ថ្ងៃ​សុក្រ​នេះ​អាជ្ញាធរ​រដ្ឋ​ញូ​វ​សោត​វេលស៍ ជា​ពិសេស​ក្រុង​ស៊ីដ​នី កំពុង​ខិតខំ​រក​វិធី​ទប់ស្កាត់​ការរីក​រាលដាល​នៃ​ការផ្ទុះ​ជំងឺ​កូវី​ដ​១៩​ជា​ចង្កោម​ដែល​រហូត​ដល់​ពេល​នេះ​កើន​ដល់​២៨​នាក់​។​

​ការផ្ទុះ​ជំងឺ​ជា​ចង្កោម​នេះ​បាន​ចេញពី​ការ​ស៊ីផឹក​នៅ​រង្គសាល​នៅ​ក្រុង​អាវ៉ា​ឡុន ហើយ​អ្នកជំនាញ​កំពុង​តាមរ​កដាន​និង​កំណត់​ថា​តើ​វា​បណ្តាល​មកពី​អ្នក​បំពាន​ចត្តា​ឡី​ស័ក​ក្នុង​សណ្ឋាគារ ឬ​មក​ពី​បុគ្គលិ​កបំ​​រើ​ការ​លើ​យន្តហោះ​អន្តរជាតិ​៕

​កន្លែង​ធ្វើ​ចត្តា​ឡីស័​កអ្នក​បំរើការ​លើ​យន្ត​ហោះ នឹង​ត្រូវបំព្រួញ​ពី​២៥​កន្លែង​ដូច​បច្ចុប្បន្ន​មក​នៅ​២​កន្លែង ក្រោយ​ហេតុការណ៍​លួច​ចេញទៅ​ស៊ីផឹក​ពេលយប់​នេះ​

ទីតាំងផ្សាយពាណិជ្ជកម្ម

- Advertisment -

Most Popular