Home ព័ត៌មានជាតិ សង្គម លោក សុខ សំ ជូ...

លោក សុខ សំ ជូនដំណឹង​ពី​ការលុប​កិច្ចសន្យាលក់​-​ទិញ​

លោក សុខ សំបាន​ជម្រាប​ទៅ​លោក​ហម ​រ៉​ ន​និង​លោក​វន ​វណ្ណៈ​ ថា​លោក​បានសម្រេច​រំលាយចោល​នូវ​កិច្ចសន្យាលក់ និង​ទិញ​ដី​មួយកន្លែង ដែល​ធ្វើឡើង​កាលពី​ថ្ងៃទី​២៨ ខែឧសភា ឆ្នាំ​២០២០ ដោយហេតុថា លោក ហម រ៉​ន និង​លោក វន វណ្ណៈ បាន​អនុវត្ត​ផ្ទុយ​នឹង​កិច្ចសន្យា​។​

​ក្នុង​លិខិត​ជូនដំណឹង​ស្តីពី​ការរំលាយ​កិច្ចសន្យា​ដែល​ធ្វើឡើង​នៅ​ថ្ងៃទី​៩ ខែធ្នូ ឆ្នាំ​២០២០ លោក សុខ សំ បានឱ្យដឹងថា នៅ​ថ្ងៃទី​២៥ ខែវិច្ឆិកា​ឆ្នាំ​២០២០​រូបលោក​ជាមួយ​លោក​ហម​រ៉​ន​និង​លោក​វ​វណ្ណៈ​បាន​ព្រមព្រៀងគ្នា​ជា​លើកចុងក្រោយ​នៅ​ចំពោះមុខ​មេធាវី​ទាំងសងខាង​កំណត់​យក​ថ្ងៃទី​០៧ ខែធ្នូ ឆ្នាំ​២០២០ ជា​ថ្ងៃ​ទទួល និង​ប្រគល់​ថវិកា​ដំណាក់កាល​ទី​៤ ចំនួន ១៥​ម៉ឺន​ដុល្លារ​។​

​តែ​រហូតដល់​ថ្ងៃទី​៩ ខែធ្នូ លោក ហម រ៉​ន និង​លោក វន វណ្ណៈ ពុំបាន​អនុវត្ត​កាតព្វកិច្ច​បង់ប្រាក់​តាម​កិច្ចសន្យា​ទិញ​-​លក់​ឡើយ ដែលជា​ការបំពាន​កិច្ចសន្យា​។ ព្រោះតែ​ហេតុនេះ លោក សុខ សំ ក៏បាន​សម្រេច​រំលាយ​កិច្ចសន្យា​នេះ​៕​សរន

ទីតាំងផ្សាយពាណិជ្ជកម្ម

- Advertisment -

Most Popular