Home ព័ត៌មានជាតិ សន្តិសុខ ចាប់ខ្លួន ជនជ...

ចាប់ខ្លួន ជនជាប់ចោទ​ម្នាក់​តាម​ដីការ​តុលាការ​ពីបទ​លួច​លក់​អចលនទ្រព្យ​អ្នកដទៃ​

​ដោយៈ​ស​រិ​ទ្ធ​/​កណ្តាល​: នគរបាល​ស្រុក​មុខកំពូល បាន​ចាប់ខ្លួន ជនជាប់ចោទ​ម្នាក់​តាម​ដីកា​របស់​តុលាការ​ពីបទ​លួច​លក់​អចលនទ្រព្យ​របស់​អ្នកដទៃ កាលពី​រសៀល ថ្ងៃទី​១៧ ខែធ្នូ ឆ្នាំ​២០២០ នៅ​ចំណុច​ភូមិ​ជ្រែ​មួយរយ ឃុំ​សំបួរមាស ស្រុក​មុខកំពូល ខេត្តកណ្តាល ។​

ជនជាប់ចោទ​ឈ្មោះ យឹម សំអុល ភេទ​ប្រុស អាយុ​៤១​ឆ្នាំ មុខរបរ កសិករ ទីលំនៅ​បច្ចុប្បន្ន ភូមិ​ជ្រែ​មួយរយ ឃុំ​សំបួរមាស ស្រុក​មុខកំពូល ខេត្តកណ្តាល ត្រូវ​ចាប់ខ្លួន​យោងតាម​ដីកា​បង្គាប់​ឲ្យ​ចាប់ខ្លួន​លេខ​៩១៥​ដកប​ចខ ចុះ​ថ្ងៃទី​២៧ ខែវិច្ឆិកា ឆ្នាំ​២០២០ របស់លោក អាត ច័ន្ទ​ដា​រា ចៅក្រម​ស៊ើបសួរ នៃ​សាលាដំបូង​ខេត្តកណ្តាល ពីបទ លួច​លក់​អចលនទ្រព្យ​របស់​អ្នកដទៃ ប្រព្រឹត្ត​នៅ​ភូមិ​ថ្មី ឃុំ​ស្វាយ​អំពារ ស្រុក​មុខកំពូល ខេត្តកណ្តាល កាលពី​អំឡុង​ឆ្នាំ​២០១៨ បទល្មើស​ព្រហ្មទណ្ឌ​ដែលមាន​ចែង​ឲ្យ​ផ្តន្ទាទោស​តាម​បញ្ញត្តិ​មាត្រា ២៥៥​នៃ​ច្បាប់​ភូមិបាល​។​

លោក​ចៅក្រម អាត ច័ន្ទ​ដា​រា បានសម្រេច បង្គាប់​ឲ្យ​ចាប់ខ្លួន​ជន​ត្រូវ​ចោទ​ឈ្មោះ យឹម សំអុល និង​បញ្ជា​ដល់​ប្រធាន​ពន្ធនាគារ​ខេត្តកណ្តាល ឬ​មណ្ឌល​ឃុំខ្លួន​ខេត្តកណ្តាល ឲ្យ​ទទួល​និង​ឃុំខ្លួន​បុគ្គល​នេះ ដើម្បី​អនុវត្ត​បន្ត​តាម​នីតិវិធី​៕

ទីតាំងផ្សាយពាណិជ្ជកម្ម

- Advertisment -

Most Popular