Home ព័ត៌មានជាតិ សង្គម ​រដ្ឋមន្ត្រី​...

​រដ្ឋមន្ត្រី​កសិកម្ម ស្នើ​ដល់​គ្រប់​អភិបាលខេត្ត ឱ្យ​តម្លើង​នាយ​ខណ្ឌ​រដ្ឋបាល​ព្រៃឈើ និង​ជលផល ជា​អនុប្រធាន​មន្ទីរ​

ដោយៈ ប​.​ខុន / ភ្នំពេញៈ រដ្ឋមន្ត្រី​ក្រសួងកសិកម្ម រុក្ខាប្រមាញ់ និង​នេសាទ ស្នើ​ដល់​គ្រប់​អភិបាលខេត្ត ធ្វើការ​តែងតាំង នាយ​ខណ្ឌ​រដ្ឋបាល​ព្រៃឈើ និង​នាយ​ខណ្ឌ​រដ្ឋបាល​ជលផល ជា​អនុប្រធាន​មន្ទីរ​កសិកម្ម រុក្ខាប្រមាញ់ និង​នេសាទ ដើម្បី​ជាការ​លើកទឹកចិត្ត​។​

​ក្រសួងកសិកម្ម រុក្ខាប្រមាញ់ និង​នេសាទ ជម្រាបជូន​ដល់​អភិបាលខេត្ត​ទាំងអស់ តាមរយៈ​លិខិត​លេខ ១០៤៦៩ កសក ចុះ​ថ្ងៃទី​២៧ ខែវិច្ឆិកា ឆ្នាំ​២០២០ ស្តីពី​កម្មវត្ថុ ករណី​លើកទឹកចិត្ត ក្នុងការ​តែងតាំង នាយ​ខណ្ឌ​រដ្ឋបាល​ព្រៃឈើ និង​នាយ​ខណ្ឌ​រដ្ឋបាល​ជលផល ជា​អនុប្រធាន​មន្ទីរ​កសិកម្ម រុក្ខាប្រមាញ់ និង នេសាទ​។​

​នៅក្នុង​លិខិត ដែល​ចុះហត្ថលេខា ដោយ​លោក វេ​ង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់ និង​នេសាទ បានសរសេរថាៈ ” ខ្ញុំ (​វេ​ង សាខុន​) សូមបញ្ជាក់​ជូន ឯកឧត្តម លោកជំទាវ អភិបាល នៃ​គណៈ​អភិបាលខេត្ត ជ្រាបថា ខ្លឹមសារ​លិខិត លេខ ១០២៤៩ កសក ចុះ​ថ្ងៃទី​២៣ ខែវិច្ឆិកា ឆ្នាំ​២០២០ របស់​ក្រសួងកសិកម្ម រុក្ខា ប្រមាញ់ និង​នេសាទ គឺ​ក្នុងន័យ​លើកទឹកចិត្ត ដល់​នាយ​ខណ្ឌ​រដ្ឋបាល​ព្រៃឈើ និង​នាយ​ខណ្ឌ​រដ្ឋបាល​ជលផល ដែលមាន​ឋានានុក្រម ស្មើនឹង​អនុប្រធាន​មន្ទីរ ហើយ​នោះ ទើប​ក្រសួងកសិកម្ម រុក្ខាប្រមាញ់ និង​នេសាទ ស្នើសុំ​ឯកឧត្តម លោកជំទាវ មេត្តា​ពិនិត្យ​លទ្ធភាព ក្នុង​តែងតាំង​នាយ​ខណ្ឌ​ទាំង ២ អង្គភាព ជា​អនុប្រធាន​មន្ទីរ​កសិកម្ម រុក្ខាប្រមាញ់ និង​នេសាទ បន្ថែម​លើ​មុខងារ​បច្ចុប្បន្ន​។​

​សំណើ​ខាងលើ បានធ្វើ​ឡើង ដោយ​យោងតាម​លិខិត​លេខ ១០២៤៩ កសក ដែល​ចុះហត្ថលេខា ដោយ​លោក វេ​ង សាខុន​រដ្ឋមន្ត្រី​ក្រ​សួ​កសិកម្ម រុក្ខាប្រមាញ់​និង នេសាទ​ចុះ​ថ្ងៃទី​២៣​ខែវិច្ឆិកា​ឆ្នាំ​២០២០ ដែល​បាន​ជម្រាបជូន​ដល់​អភិ បា ល ខេត្ត ទាំងអស់​អំពី​កម្មវត្ថុ​ស្តីពី បាយ​ការណ៍​បូកសរុប ស្តីពី​លទ្ធផល​ជួប ពិភាក្សា​ការងារ ជាមួយ​ថ្នាក់ដឹកនាំ​មន្ទីរ​និង​ជួបពិភាក្សា​ការងារ​ជាមួយ​ថ្នាក់ដឹកនាំ​រដ្ឋបាលខេត្ត​និង របាយការណ៍​របស់លោក នុត ច័ន្ទ​សុខា រដ្ឋលេខាធិការ​ប្រចាំការ ចុះ​ថ្ងៃទី​២៨ ខែ តុលា​ឆ្នាំ​២០២០​។​

​លោក​វេ​ង សាខុន​បាន​សរសេរ​នៅក្នុង​លិខិត​លេខ​១០២៤៩​ថា​ក្រសួង ក​សិ កម្ម រុក្ខាប្រមាញ់​និង​នេសាទ សម្រេច​ស្នើសុំ​ឯកឧត្តម លោកជំទាវ ពិនិត្យ​លទ្ធភាព តម្លើង​និង​តែងតាំង នាយ​ខណ្ឌ​រដ្ឋបាល​ព្រៃឈើ និង នាយ​ខណ្ឌ រដ្ឋបាល​ជលផល ជា​អនុប្រធាន​មន្ទីរ​កសិកម្ម រុក្ខាប្រមាញ់ និង​នេសាទ ដើម្បី​ជាការ​លើកទឹកចិត្ត ដោយ​ផ្អែកលើ​ឧបនិស្ស័យ គ្រប់គ្រាន់ ក្នុងការ​តែងតាំង ជា​អនុប្រធាន​មន្ទីរ ដែលជា​សិទ្ធិ សម្រេច​របស់​អភិបាលខេត្ត​។​

​ក្នុង​លិខិត បានបញ្ជាក់​ថាៈ នីតិវិធី​តែងតាំង ត្រូវអនុវត្ត តាម​ខ្លឹមសារ​អនុក្រឹត្យ​លេខ ២៤០ អនក្រ​.​បក ចុះ​ថ្ងៃទី​២៧ ខែធ្នូ ឆ្នាំ​២០១៧ ស្តីពី​ការ​ប្រតិភូកម្ម​សិទ្ធិអំណាច ទៅឱ្យ​គណៈ​អភិបាល​រាជធានី ខេត្ត ក្រុង ស្រុក ក្នុងការ​គ្រប់គ្រង បុគ្គលិក​បំពេញការងា​រ នៅ​ថ្នាក់ក្រោម​ជាតិ និង​សេចក្តីណែនាំ​លេខ ៧៨៨ ម​ស​.​ស​ណន ចុះ​ថ្ងៃទី​២២ ខែកុម្ភៈ ឆ្នាំ​២០១៨ ស្តីពី​គោលការណ៍ និង​នីតិវិធី នៃ​ការតែងតាំង និង​បញ្ចប់​មុខតំណែង គ្រប់គ្រង​មន្ត្រីរាជការ​ស៊ីវិល នៃ​មន្ទីរ អង្គភាព និង ការិយាល័យ​ជំនាញ​នានា នៃ​ក្រសួង ដែល​បំពេញការងារ នៅ​ថ្នាក់ក្រោម​ជាតិ​៕/V​

លោក វេ​ង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់ និង​នេសាទ

ទីតាំងផ្សាយពាណិជ្ជកម្ម

- Advertisment -

Most Popular