អាម៉េរិក​អនុញ្ញាត​អោយ​ប្រើ​វ៉ាក់សាំង​កូវី​ដ​១៩Moderna

​ប្រែ​សម្រួលៈ​វាសនា​/​វ៉ាស៊ីនតោន​៖​វ៉ាក់សាំង​កូវី​ដ​១៩​ដំបូង​ផលិត​ដោយ​ក្រុមហ៊ុន​អាម៉េរិក Pfizer និង​ដៃគូ​អាឡឺម៉ង់​BioNTech​ត្រូវបាន​អាជ្ញាធរ​អាម៉េរិក​អនុញ្ញាត​អោយ​ប្រើ​ក្នុង​គ្រាអាសន្ន​កាលពី​ថ្ងៃ​១១​ធ្នូ​​និង​កាលពី​ថ្ងៃ​សុក្រ​ទី​១៨​ធ្នូ វ៉ាក់សាំង​ប្រឆាំង​កូវី​ដ​១៩​មួយទៀត​ផលិត​ដោយ​ក្រុមហ៊ុន​អាម៉េរិក​Moderna ក៏​ត្រូវ​បាន​អនុញ្ញា​អោយ​ប្រើ​ក្នុង​គ្រាអាសន្ន​ផងដែរ​សំរាប់​ពលរដ្ឋ​អាម៉េរិក​មាន​អាយុ​១៨​ឆ្នាំ​ឡើង​។​

​ប្រធាន​រដ្ឋ​បាន​ចំណីអាហារ​និង​ឳ​សថ​អាម៉េរិក​(FDA) លោក​ស្ទេ​ហ្វិន អ៊ឹម ហាន បាន​និយាយថា «​ឥឡូវ​ដោយមាន​វ៉ាក់សាំង​២​សំរាប់​បង្ការ​កូវី​ដ​១៩ FDA​បាន​ចាត់​វិធានការ​សំខាន់​មួយទៀត​នៅ​ក្នុងការ​​ប្រយុទ្ធប្រឆាំង​នឹង​ជំងឺឆ្លង​សកល​ដែល​នាំ​អោយ​មនុស្ស​ចូល​ដេកពេទ្យ​ដ៏​ច្រើនសន្ធឹក​និង​ការស្លាប់​មនុស្ស​រាប់ពាន់​នាក់​ក្នុង​មួយថ្ងៃៗ​»​។​

​ចំណែក​ប្រធានាធិបតី ដូ​ណា​ល់ ត្រាំ បាន​បាន​សរសេរ​សារ​បង្ហោះ​ដើម្បី​អបអរ​ការអនុញ្ញាតអោយ​ប្រើ​វ៉ាក់សាំង​Moderna នៅ​អាម៉េរិក ដោយ​លោក​បាន​សរសេរ​បង្ហោះ​ដូច្នេះ​ថា​« សូម​អបអរ វ៉ាក់សាំង​Moderna ចេញ​ប្រើ​ហើយ​ឥឡូវ​»​។​

​សូម​រំលឹក​ថា កាលពី​ថ្ងៃ​១១​ធ្នូ​វ៉ាក់សាំង​កូវី​ដ​១៩​របស់​Pfizer /BioNTech​ត្រូវបាន​អនុញ្ញាត​អោយ​ប្រើ​ក្នុង​គ្រាអាសន្ន​កាលពី​ថ្ងៃ​១១​ធ្នូ សំរាប់​ក្រុម​មនុស្ស​អាទិភាព​ខ្ពស់ រួមមាន​ក្រុម​គ្រូពេទ្យ​និង​មនុស្ស​ចាស់​​នៅតាម​មណ្ឌល​ឬ​ផ្ទះ​ថែ​ទាំង​មនុស្ស​ចាស់​។​

​កាលពី​ថ្ងៃ​សុក្រ អនុ​ប្រធានាធិបតី​អាម៉េរិក​លោក​ម៉ៃ ផេន​ស៍​និង​ភរិយា បាន​ចាក់​វ៉ាក់សាំង​នេះ​ដោយ​ផ្សាយ​បន្ត​ផ្ទាល់​តាម​ទូរទស្សន៍​ដើម្បី​ធានា​ដល់​ពលរដ្ឋ​អាម៉េរិក​ថា​វា​មាន​សុវត្ថិភាព​។​ប្រធានសភា​និង​​ប្រធានព្រឹទ្ធសភា​អាម៉េរិក​ក៏​ត្រូវ​រំពឹងថា​នឹង​ចាក់​វ៉ាក់សាំង​នេះ​ផង​ដែរ​នៅ​ប៉ុន្មាន​ថ្ងៃ​ខាងមុខ ខណៈ​ប្រធានាធិបតី​ជាប់ឆ្នោត ចូ បៃ​ដិន អាច​នឹង​ចាក់​នៅ​ថ្ងៃ​ចន្ទ​នេះ​៕

ទីតាំងផ្សាយពាណិជ្ជកម្ម

- Advertisment -



Most Popular