ពិតជាពិសេសណាស់! នៅឆ្នាំ២០២១ អេស៊ីលីដា​ទាន់​ចិត្ត អភិវឌ្ឍទៅជាអេស៊ីលីដាម៉ូបាល ដោយប្រើប្រាស់មិនគិតថ្លៃសេវា

​ដោយៈ​សុផល​/​ភ្នំពេញ​៖ចាត់ទុកថាជាដំណឹងល្អនិងសាទរមួយគឺចាប់ពីឆ្នាំ២០២១តទៅ​អេស៊ីលីដា​ទាន់​ចិត្ត នឹង​អភិវឌ្ឍទៅជា អេស៊ីលីដាម៉ូបាល ដែលនឹងផ្ដល់ការប្រើប្រាស់ដោយឥតគិតថ្លៃសេវា។ ការអភិវឌ្ឍថ្មី នេះ​ត្រូវ​បាន​ធ្វើឡើងយ៉ាងល្អ ប្រកបដោយភាពច្នៃប្រឌិត ងាយស្រួលក្នុងការប្រើប្រាស់ និងមាន​សុវត្ថិភាពខ្ពស់​ដើម្បីចូល​រួម​គាំទ្ររាល់ដំណើរការអាជីវកម្មរបស់អតិថិជនឲ្យកាន់តែរីកចម្រើនទ្វេដង ។

លោក ស្រី សុខ សោភា នាយិកា​ប្រតិបត្តិ​ទីផ្សារ​ធនាគារ អេស៊ីលីដា មានប្រសាសន៍​ឱ្យដឹងថា​៖ App អេស៊ីលីដា​ទាន់​ចិត្ត បាន​បង្កើតឡើង​៤​ឆ្នាំ​មកហើយ ហើយ​វា​ក៏​ជា App ឌីជីថល ដែល​បាន​បង្កើតឡើង​ដំបូង​គេ​បំផុត​របស់​ធនាគារ អេស៊ីលីដា បម្រើ​ជូន​អតិថិជន​ក្នុង​វិស័យ​ហិរញ្ញវត្ថុ​។ ការអភិវឌ្ឍ​អេស៊ីលីដា​ទាន់​ចិត្ត ទៅជា អេស៊ីលីដា​ម៉ូ​បាល មាន​រូបរាង​ថ្មី​នៅ​ឆ្នាំ​ក្រោយនេះ​គឺជា​ការឆ្លើយតប​ទៅនឹង​ភាព​រីកចម្រើន​នៃ​បច្ចេកវិទ្យា​របស់​ពិភពលោក​និង​វឌ្ឍនភាព​របស់​ធនាគា​រ​ក្នុង​វិស័យ​ឌីជីថល​ក៏ដូចជា​តម្រូវការ​រប​ស់​អ្នកប្រើប្រាស់ ។​

លោក ស្រី សុខ សោភា នាយិកា​ប្រតិបត្តិ​ទីផ្សារ​ធនាគារ អេស៊ីលីដា

​លោកស្រី​បាន​ឲ្យ​ដឹង​ទៀតថា​ធនាគារ​អេស៊ីលីដា​បានរៀបចំ​ហេដ្ឋារចនាសម្ព័ន្ធ​បច្ចេកវិទ្យា​ជាមួយ​ជម្រើស​យ៉ាង​សម្បូរបែប​សម្រាប់​បម្រើ​ប្រតិ​ប​តិ្ត​ការ​ធនាគារ​តាមរយៈ​ម៉ាស៊ីន​ដក​-​ដាក់​ប្រា​ក់ជាង ៧០០​គ្រឿង នៅតាម​បណ្តា​ទីតាំង ៣៤០ ដោយ​ស្វ័យ​ប្រតិ​ប​តិ្ត​ការ ២៤​ម៉ោង​ក្នុង​មួយថ្ងៃ ៧​ថ្ងៃ​ក្នុង​មួយ​សប្តាហ៍ (​យើងខ្ញុំ​ស្តាប់​អតិថិជនដឹង​ពី​អ្វី​ដែល​លោក​ត្រូវការ ហើយ​យើងខ្ញុំ​បំពេញតម្រូវការ​ជូន​លោក​) ដូច្នេះហើយ​បានជា​ធនាគារ អេស៊ីលីដា ខិតខំ​អភិវឌ្ឍ​ផលិតផល​របស់ខ្លួន​ជាប្រចាំ ឲ្យ​សក្តិសម​នឹង​អតិថិជន​ដ៏​ឆ្លាត​វៃ ដែល​អាច​ចាត់ចែង​ពេលវេលា​ដោយ​ខ្លួន​ឯង​មិនចាំបាច់​មក​ធនាគារ​ដោយផ្ទាល់ ។​

​បច្ចុប្បន្ន​ធនាគារ អេស៊ីលីដាកំពុង​ធ្វើ​ឲ្យ​កាន់តែ​ទាន់សម័យ​នូវ​មុខងារ​បន្ថែមទៀត​ដើម្បី​បំពេញតម្រូវការ​អតិថិ​ជន​​ឲ្យ​កាន់តែ​សម្បូរបែប​ក្នុងការ​ប្រើប្រាស់​សេវាកម្ម​ជាច្រើន ដែលមាន​នៅក្នុង​អេ​ស៊ី​លី​ទាន់​ចិត្ត ដូចជា ស្កែ​ន​ទូទាត់​តាម​ឃ្យូ​អរ​កូដ​,​ផ្ទេរប្រាក់​មិន​អស់​កម្រៃ ,​សេវា​បញ្ចូល​ទឹកប្រាក់​ទូរស័ព្ទ​, បង់ថ្លៃ​វិក្កយបត្រ​អគ្គិសនី និង​វិក្កយបត្រ​ផ្សេងៗ ពិនិត្យមើល​សមតុល្យ​គណនី និង​របាយការណ៍​គណនី​សង្ខេប ដាក់​-​ដក​ប្រាក់បង់ប្រាក់ សំណើសុំ​ឥណ​ទាន និង​ការបើក​គណនី​មាន​កាលកំណត់ ជាដើម​។

​សូមបញ្ជាក់ថា គិត​មកទល់​ថ្ងៃទី៣០ខែវិច្ឆិកាឆ្នាំ​២០២០ធនាគារ​អេស៊ីលីដាមាន​អតិថិជន​ប្រមាណ​ជាង១​លាន ៧​សែន​នាក់​កំពុង​ប្រើប្រាស់​អេស៊ីលីដា​ទាន់​ចិត្តមាន​ម៉ាស៊ីន​អេ​ធី​អឹម​សម្រាប់​ដក​ប្រាក់​-​ដាក់​ប្រា​ក់នៅ​ទូទាំ​ងប្រទេ​ស​សរុប​៧២២​គ្រឿង​មាន​ម៉ាស៊ីន​ឆូត​កាត​ជិត​៤៣០០​គ្រឿង​និង​ប័ណ្ណ​ដក​ប្រាក់​អេស៊ីលីដា​មាន​ដល់​ទៅ​ជាង​១​លាន​ប័ណ្ណ ៕Ph

ទីតាំងផ្សាយពាណិជ្ជកម្ម

- Advertisment -

Most Popular