Home ព័ត៌មានអន្តរជាតិ រន្ទះបាញ់​ភ្ន...

រន្ទះបាញ់​ភ្នំភ្លើង​!

​ប្រែ​សម្រួល : កញ្ញា​ដា​លី​ស ៖ ពពក​ផេះភ្នំភ្លើង​បាន​ព្រួស​ឡើង​លើ​មេឃ​ដោយសារ​រន្ទះបាញ់​ក្នុងអំឡុង​ការផ្ទុះ​ភ្នំភ្លើង​មួយ​កាលពី​ថ្ងៃ​ព្រហស្បតិ៍​ទី​១៧​ធ្នូ​ដោយ​បំភ្លឺ​ផ្ទៃមេឃ​ពេល​រាត្រី​នៅ​ជប៉ុន​ជាមួយ​​នឹង​ការបង្ហាញ​ផ្កាភ្លើង​ពណ៌​ទឹកក្រូច​ភ្លឺ​ចិញ្ចាច​និង​ចរន្តអគ្គិសនី​ក្តៅ​ពណ៌​ស​។​

​ភ្នំភ្លើង​គួរឱ្យខ្លាច​ឈ្មោះ សាគូ​រ៉ា​ជី​ម៉ា ដែល​ជា​ភ្នំភ្លើង​សកម្ម​មួយ​នៅក្នុង​ខេត្ត​កាហ្គោ​ស៊ីម៉ា បាន​ផ្ទុះឡើង​នៅ​សប្តាហ៍​នេះ​ដោយ​មាន​រន្ទះបាញ់​ពីលើ​។ ទោះជា​យ៉ាងណា​នេះ​មិនមែន​ជា​លើក​ទី​មួយ​ទេ​ដែល​ភ្នំ​​ភ្លើង​នេះ​ត្រូវ​រន្ទះបាញ់​។ បាតុភូត​ដូចគ្នានេះ​បាន​កើត​ឡើង​ចំពោះ​ភ្នំភ្លើង​សាគូ​រ៉ា​ជី​ម៉ា​ម្តង​ដែរ​កាលពី​ឆ្នាំ ២០១៨ ក្នុង​អំឡុងពេល​នៃ​ការផ្ទុះ​ជា​ហូរហែ​របស់​វា​។​

​រន្ទះបាញ់​ភ្នំភ្លើង​ត្រូវបាន​ប្រទះឃើញ​ជាច្រើន​ដង​នៅ​តាម​តំបន់​ផ្សេងៗ​នៃ​ពិភពលោក​ប៉ុន្តែ​មូលហេតុ​ពិតប្រាកដ​នៃ​បាតុភូត​ដ៏​អស្ចារ្យ​នេះ​គឺ​ពិបាក​សម្រាប់​អ្នកវិទ្យាសាស្ត្រ​ធ្វើការ​ស្រាយ​បំភ្លឺ​ណាស់​។ ទោះយ៉ាងណា វា​ជា​ផ្ទាំងទស្សនីយភាព​មួយ​គួរ​ឱ្យ​ចង់​គយគន់​៕

​រន្ទះបាញ់​ភ្នំភ្លើង​សាគូ​រ៉ា​ជី​ម៉ា​កាលពី​ថ្ងៃ​ព្រហស្បតិ៍

ទីតាំងផ្សាយពាណិជ្ជកម្ម

- Advertisment -

Most Popular