Home ព័ត៌មានអន្តរជាតិ បន្ទាប់​ពី​ប្...

បន្ទាប់​ពី​ប្រធានាធិបតី​បារាំង ឥឡូវ​នាយករដ្ឋមន្ត្រី ស្លូ​វ៉ាក កើតកូ​វីដ​១៩ ក្រោយ​ពួកលោក​ចូលរួម​ជំនួប​កំពូល​អឺរ៉ុប​

​ប្រែ​សម្រួលៈ​វាសនា​៖​នាយករដ្ឋមន្ត្រី ស្លូ​វ៉ាក លោក​អ៊ី​ហ្គ័​រ ម៉ា​តូ​វិក បាន​និយាយ​កាលពី​ថ្ងៃ​សុក្រ​ថា​លោក​បាន​ធ្វើតេស្តិ៍​វិជ្ជមាន​កូវី​ដ​១៩ ក្រោយ​ចូលរួម​ជំនួប​កំពូល​របស់​សហភាព​អឺរ៉ុប​នៅ​ស្នាក់ការ​សហភាព​អឺរ៉ុប​​នៅ​ក្រុង​ព្រុច​សែល​កាល​ពី​មួយ​សប្តាហ៍​មុន​។​

​ជំនួប​កំពូល​នេះ ត្រូវ​គេ​ជឿ​ថា ជា​កន្លែង​ដែល​ប្រធានាធិបតី បារាំង​លោក អេម​ម៉ានុយ​អែល ម៉ា​ក្រុង​បាន​ឆ្លងកូវី​ដ​១៩ នាំ​អោយ​ពួក​មេដឹកនាំ​អឺរ៉ុប​ដទៃ​ទៀត​និង​មន្ត្រី​កំពូលៗ​របស់​បារាំង​បាន​រួសរាន់​​ទៅ​ដាក់ខ្លួន​នៅ​ដាច់​ពី​គេ​។​

​ភ្ជាប់​ជាមួយ​សារ​ជា​អត្ថបទ​ស្តីពី​លទ្ធផល​ធ្វើតេស្តិ៍ លោក ម៉ា​តូ​វិក បាន​សរសេរ​បង្ហោះ​ក្នុង​ទំព័រ​ហ្វេ​សប៊ុក​របស់​លោកថា «​ថ្ងៃនេះ ខ្ញុំ​ក៏​ជា​មនុស្ស​ម្នាក់​ក្នុងចំណោម​អ្នក​រាល់គ្នា ។​អស់​ពេល​៩​ខែ​មកនេះ ខ្ញុំ​បាន​ខិត​​ខំ​ប្រឆាំង​មនុស្ស​ដែល​ញុះញង់​ប្រជាជន​ប្រឆាំង​នឹង​វិធានការ​ទប់ស្កាត់​កូវី​ដ​១៩​របស់​រដ្ឋាភិបាល​។​ឥឡូវ វា​ហាក់ដូចជា​ការ​ឈប់សម្រាក​មួយ​ផ្សេង​»​។​

​ម៉ា​តូ​វិក បាន​និយាយ​ទៅកាន់​ប្រធាន​ស្នងការ​អឺរ៉ុប​លោក​ស្រី អឺ​ស៊ូ​ឡា វ៉ុន ដឺ ឡេ​យេន នៅ​ជំនួប​កំពូល​សហភាព​អឺរ៉ុប​នៅ​ក្រុង​ព្រុច​សែល​កាលពី​ថ្ងៃ​១០​ធ្នូ​

​ក្រោយ​ប្រកាសថា​លោក​ឆ្លង​វីរុស​កូរ៉ូណា លោក​ម៉ា​ក្រុង​លោក​ត្រូវបាន​គេ​រាយការណ៍​ថា បាន​ឡើង​ក្តៅខ្លួន ក្អក និង​ល្ហិតល្ហៃ​កាលពី​ថ្ងៃ​សុក្រ​ហើយ​វេជ្ជបណ្ឌិត​យោធា​ម្នាក់​នៅ​ប្រចាំការ​ជាប់​ខ្លួន​លោក​នៅ​​ក្រុង​ម៉ា​សី​។​

​ប្រធានាធិបតី​បារាំង វ័យ​៤២​ឆ្នាំ​រូប​នេះ កំពុងស្នាក់នៅ​គេហដ្ឋាន​La Lanterne​ក្រោយ​ធ្វើតេស្តិ៍​ឃើញកូ​វីដ​១៩ បន្ទាប់​ពី​ទៅ​ចូលរួម​កិច្ចប្រជុំ​នៅ​ព្រុច​សែល​ជាមួយ​មេដឹកនាំ​សហភាព​អឺរ៉ុប​ដទៃទៀត​។​

​កាសែត​Le Parisien​បាន​និយាយថា ប្រធាន​គ្រូពេទ្យ​ប្រចាំ​វិ​មានអេ​លីហ្សេ លោក​ហ្សង់ គ្រី​ស្តូប ពែរ​រ៉ូ​ចុន កំពុង​នៅ​ជាមួយ​លោក​ម៉ា​ក្រុង​ក្នុងអំឡុងពេល​ច​ត្តា​ឡីស័​ក​របស់​លោក ខណៈ​លោកជំទាវ ​ប្រ៊ី​ហ្គី​ត ម៉ា​ក្រុង វ័យ​៦៧​ឆ្នាំ ដាក់​ខ្លួន​នៅ​ដោយឡែក​នៅ​ក្រុងប៉ារីស​៕

​ម៉ា​ក្រុង ឡើង​ក្តៅខ្លួន ក្អក​និង​ល្ហិតល្ហៃ កាលពី​ថ្ងៃ​សុក្រ

ទីតាំងផ្សាយពាណិជ្ជកម្ម

- Advertisment -

Most Popular