Home ព័ត៌មានជាតិ សេដ្ឋកិច្ច ក្នុង​ខណ្ឌទួល...

ក្នុង​ខណ្ឌទួលគោក មាន​ផ្លូវ ៧ខ្សែ ត្រូវ​ជួសជុល​ឡើងវិញ ក្រោយ​ខូចខាត​ដោយ​ជំនន់ទឹកភ្លៀង​

ដោយៈ រ៉ា​ម៉ន / ភ្នំពេញៈ លោក ឯក ឃុន​ដឿ​ន អភិបាលខណ្ឌ​ទួលគោក បានឱ្យដឹងថាៈ ផ្លូវ​លេខ​២៨៥ មាន​ប្រវែង ៤៩០ ម៉ែត្រ ទទឹង ៨ ម៉ែត្រ​កន្លះ ត​ភ្ជាប់​ពី​ផ្លូវ លេខ​៥១៦ ទៅ​ផ្លូវ លេខ​៦០៨ ក្នុង​សង្កាត់​បឹងកក់​ទី​១ ខណ្ឌទួលគោក ក្នុងចំណោម​ផ្លូវ​ទាំង ៧ ខ្សែ ក្នុង​ខណ្ឌ ដែល​លោក ឃួ​ង ស្រេង អភិបាល រាជធានី​ភ្នំពេញ បានសំរេច​ឲ្យ​ជួសជុល កែលម្អ​ឡើងវិញ ជាបន្ទាន់ ក្រោយ​ទទួលរង​ការខូចខាត ដោយ​ជំនន់​ទឹក ភ្លៀង ដើម្បី​សំរួលការ​ធ្វើដំណើរ របស់​ប្រជាពលរដ្ឋ​។​

​ក្នុងនាម​ប្រជាពលរដ្ឋ ក្នុង​ខណ្ឌទួលគោក លោក ឯក ឃុន​ដឿ​ន បាន​ថ្លែងអំណរគុណ​យ៉ាង ជ្រាលជ្រៅ ដល់​លោក ឃួ​ង ស្រេង អភិបាល​រាជធានី​ភ្នំពេញ ដែល​បាន​អនុវត្ត តាម​អនុសាសន៍ ដ៏​ខ្ពង់ខ្ពស់​របស់ សម្តេច​អគ្គមហាសេនាបតី​តេ​ជោ ហ៊ុន សែន នាយក រដ្ឋមន្ត្រី នៃ​ព្រះរាជាណាចក្រ​កម្ពុជា ដែល​បាន​ណែនាំ ឲ្យ​មានការ​ជួសជុល និង​ស្តារឡើងវិញ រាល់​ហេដ្ឋារចនាសម្ព័ន្ធ ដែល​ខូចខាត ក្រោយ​ជំនន់​ទឹកភ្លៀង តាម​បណ្តា​ខណ្ឌ ក្នុង​រាជធានី ភ្នំពេញ​។​

​លោក ឯក ឃុន​ដឿ​ន បាន​ឲ្យ​ដឹង​ទៀតថាៈ ផ្លូវ​លេខ ២៨៥ ដែល​ត្រូវ​ជួសជុល នាពេលនេះ គឺ​យើង​កាយ​គ្រឹះ​ចាស់ ដែល​ខូច​ចេញ ធ្វើ​គ្រឹះ​ជាថ្មី មុននឹង​អ៊ុត​កៅស៊ូ ទៅតាម​ស្តង់ដារ បច្ចេកទេស​។​

​លោក​អភិបាលខណ្ឌ ក៏បាន​សំណូមពរ​ដល់​ប្រជាពលរដ្ឋ ដែល​រស់នៅ​អម​សងខាង​ផ្លូវ ដែល​កំពុងតែ​ដំណើរការ ជួសជុល​នេះ ឲ្យ​មាន​ការចូល​រួមសហកា​រ អ្វីដែល​មាន​ផល ប៉ះពាល់ ទៅលើ​ផ្លូវ និង​ចិញ្ចើមផ្លូវ សុំ​បងប្អូន​រំកិល​ចូលក្នុង​ឲ្យ​ផុត ទុក​លទ្ធភាព​ឲ្យ​ដំណើរការ ការដ្ឋាន​ប្រព្រឹត្ត​ទៅដោយ​រលូន និង​បាន​រួចរាល់ តាម​ការគ្រោងទុក​។ ម្យ៉ាងទៀត កំណាត់ ផ្លូវ​នេះ ក៏​ជា​ផ្លូវ​សំខាន់ ក្នុងការ​រំដោះ​ចរាចរណ​៦ ពី​ផ្លូវ​លេខ​៧០ (​ទំនប់ទួលគោក​) និង​ផ្លូវ តំបន់​អភិវឌ្ឍន៍​បឹងកក់​។​

​លោក ឯក ឃុន​ដឿ​ន ក៏បាន​សុំ​ការយោគយល់​ពី សំណាក់​ប្រជាពលរដ្ឋ ជា​អ្នកដំណើរ ចំពោះ​ការបិទផ្លូវ នៅ​ទីតាំង​ជួសជុល​ផ្លូវ រយៈពេល​ខ្លី ដើម្បី​ឲ្យ​គ្រឿងចក្រ ងាយស្រួល ក្នុងការ​ចល័ត​កៀរ ឬ​កាយ​ដី ៕/V​-PC

ទីតាំងផ្សាយពាណិជ្ជកម្ម

- Advertisment -



Most Popular