Home ព័ត៌មានសំខាន់ៗ ការកែសម្រួល ក...

ការកែសម្រួល ការអនុវត្ត​វិធានការ សុខាភិបាល និង​ការធ្វើ​ច​ត្តា​ឡី​ស័ក ចំពោះ​អ្នកការទូត និង​មន្ត្រី​អង្គការ​អន្តរជាតិ ដែល​កាន់​ទិដ្ឋាការ​ការទូត​

ដោយៈ មុនី​រ័ត្ន / ភ្នំពេញៈ លោក ម៉ម ប៊ុនហេង រដ្ឋមន្ត្រី​ក្រសួងសុខាភិបាល និង​ជា​ប្រធាន​គណៈកម្មការ​អន្តរក្រសួង ដើម្បី​ប្រយុទ្ធ​នឹង​ជំងឺ​កូ​វីដ​-១៩ បានចេញ​សេចក្តីជូនដំណឹង​មួយ នៅ​ថ្ងៃទី​១៩ ខែធ្នូ ឆ្នាំ​២០២០ នេះ ស្តីពី​ការកែសម្រួល ការអនុវត្ត​វិធានការ សុខាភិបាល និង​ការធ្វើ​ច​ត្តា​ឡី​ស័ក ចំពោះ​អ្នកការទូត និង​មន្ត្រី​អង្គការ​អន្តរជាតិ ដែល​កាន់​ទិដ្ឋាការ​ការទូត (Visa A)​។​

​តាមរយៈ​សេចក្តីជូនដំណឹង​នេះ គណៈកម្មការ​អន្តរក្រសួង ដើម្បី​ប្រយុទ្ធ​នឹង​ជំងឺ​កូ​វីដ​-១៩ សូម​ជម្រាបជូន ស្ថាន​តំណាង​បរទេស ប្រចាំ​កម្ពុជា អង្គការ​អន្តរជាតិ និង​សាធារណជន ទាំងអស់​មេត្តា​ជ្រាបថា យោងតាម​ចំណារ​យល់ព្រម ដ៏​ខ្ពង់ខ្ពស់​របស់ សម្តេច​តេ​ជោ នាយករដ្ឋមន្ត្រី ចុះ​ថ្ងៃទី​១៨ ខែធ្នូ ឆ្នាំ​២០២០ លើ​លិខិត​លេខ ២៦០ សខល ចុះ​ថ្ងៃទី​១៨ ខែធ្នូ ឆ្នាំ​២០២០ របស់​ក្រសួងសុខាភិបាល ស្តីពី​ការកែសម្រួល ការអនុវត្ត​វិធានការ​សុខាភិបាល និង​ការធ្វើ​ច​ត្តា​ឡី​ស័ក រយៈពេល ១៤ ថ្ងៃ ពេញលេញ ចំពោះ អ្នកការទូត និង​មន្ត្រី​អង្គការ​អន្តរជាតិ ដែល​កាន់​ទិដ្ឋាការ​ការទូត (Visa A) ត្រូវ​៖

-​មាន​វិញ្ញាបនបត្រ​បញ្ជាក់​សុខភាព (Health Certificatc) ចេញ​ដោយ​អាជ្ញាធរ សុខាភិបាល ទទួលស្គាល់ ដោយ​ប្រទេស​សាមី បញ្ជាក់ថា គ្មាន​កូ​វីដ​-១៩ មាន​សុពលភាព រយៈពេល ៧២ ម៉ោង មុនពេល​ចេញដំណើរ ។ នៅពេល​មកដល់​កម្ពុជា អ្នក​ទាំងនោះ ត្រូវ​ឆ្លងកាត់ ការយក​សំណាក ទៅធ្វើ​តេស្ត ដោយ​ក្រុមគ្រូពេទ្យ​វិជ្ជាជីវៈ​កម្ពុជា​។​

-​ស្ថាន​តំណាង​បរទេស និង​ក្រុមការងារ អង្គការសហប្រជាជាតិ នៅ​កម្ពុជា ត្រូវ​ធានា​លើ​ការត្រួតពិនិត្យ ឲ្យ​បាន​ហ្មត់ចត់ ក្នុងការ​អនុវត្ត​រប​ស់ អ្នកទទួលបាន​ទិដ្ឋាការ ការទូត​កម្ពុជា (Visa A) ការធ្វើ​ច​ត្តា​ឡី​ស័ក ១៤ ថ្ងៃ ពេញលេញ​។ ក្នុងករណី​មាន​អ្នកដំណើរ​ណា​ម្នាក់ ដែល​ធ្វើតេស្ត​វិជ្ជមាន វីរុស​កូ​វីដ​-១៩ ក្រសួងសុខាភិបាល នឹង បញ្ជូន​អ្នក​វិជ្ជមាន​វីរុស​កូ​វីដ​-១៩ ទៅ​មន្ទីរពេទ្យ តាម​ការកំណត់​របស់ ក្រសួងសុខាភិបាល​។​

-​ធ្វើ​ច​ត្តា​ឡី​ស័ក ១៤ ថ្ងៃ ពេញលេញ នៅ​និវេសនដ្ឋាន របស់​ស្ថានទូត ឬ​គេហដ្ឋាន ដាច់ដោយឡែក​។ ក្នុងករណី អ្នកការទូត ដែល​មិន​ស្នាក់នៅ ក្នុង​និវេសនដ្ឋាន របស់​ស្ថានទូត ឬ​គេហដ្ឋាន ដាច់ដោយឡែក ត្រូវធ្វើ​ច​ត្តា​ឡី​ស័ក ១៤ ថ្ងៃ ពេញលេញ នៅ​សណ្ឋាគារ Himawari និង​ស្ថិតនៅក្រោម​ការត្រួតពិនិត្យ របស់​ស្ថានទូត អង្គការ​អន្តរជាតិ​សាមី និង​មន្ត្រី​សុខាភិបាល ដោយ​រាល់​ការចំណាយ​ទាំងអស់ ជា​បន្ទុក​របស់​សាមីខ្លួន​ផ្ទាល់​។

-​ក្នុងអំឡុង​ពេលធ្វើ​ច​ត្តា​ឡី​ស័ក រយៈពេល ១៤ ថ្ងៃ ពេញលេញ មិន​អនុញ្ញាត​ឲ្យ​ជួប​ភ្ញៀវ​ឡើយ​។​

-​ការធ្វើដំណើរ ពី​ព្រលានយន្តហោះ ទៅ​និវេសនដ្ឋាន​របស់​ស្ថានទូត ឬ​គេហដ្ឋាន ដាច់ដោយឡែក ត្រូវ​ប្រើប្រាស់ តែ​មធ្យោបាយ​ដឹកជញ្ជូន របស់​ស្ថានទូត ឬ​អង្គការ​អន្តរជាតិ ប៉ុណ្ណោះ​៕/V​

ទីតាំងផ្សាយពាណិជ្ជកម្ម

- Advertisment -

Most Popular