Home ព័ត៌មានសំខាន់ៗ ឃាតករ​ដែល​បាញ...

ឃាតករ​ដែល​បាញ់សម្លាប់​បុរស​ម្នាក់ ជា​អ្នក​គួ​ក​ជេរ​ដី និង​ម៉ូតូ ត្រូវ​សមត្ថកិច្ច ចាប់បាន​ហើយ​

ដោយៈ សម្បត្តិ / ភ្នំពេញៈ កម្លាំង​នគរបាល​ព្រហ្មទណ្ឌ នៃ​ស្នងការដ្ឋាន​ខណ្ឌ​កំបូល បាន​ឃាត់ខ្លួន​ឃាតករ ដែល​បាញ់សម្លាប់​បុរស​ម្នាក់ ជា​អ្នក​គួ​ក​ជេរ​ដី​និង​ម៉ូតូ បាន​ហើយ កាលពី​រសៀល ថ្ងៃទី​១៩ ខែធ្នូ ឆ្នាំ​២០២០ នៅ​ផ្លូវ​វេ​ង​ស្រេង សង្កាត់​ចោមចៅ​ទី​២ ខណ្ឌ​ពោធិ៍​សែន​ជ័យ ។​

​ជនដៃដល់​ឈ្មោះ សុខ ហេង​សំបូរ ភេទ​ប្រុស អាយុ ៣១ ឆ្នាំ ស្នាក់នៅ​ភូមិ​ស្រែ​ញរ សង្កាត់​ពងទឹក ខណ្ឌដង្កោ ហើយ​សមត្ថកិច្ច បាន​ដកហូត​កាំភ្លើង ម៉ាក​សេ​ហ្សិត ( CZ ) ដែល​ជនដៃដល់ ប្រើ​សម្រាប់ធ្វើ​សកម្មភាព​បទល្មើស​នោះ ។​

​ចំណែក​ជនរងគ្រោះ ឈ្មោះ នៅ ចំណាន ភេទ​ប្រុស អាយុ ៤៥ ឆ្នាំ មុខរបរ​គួ​ក​ជេរ​ដី រថយន្ត ម៉ូតូ ព្រមទាំង​ចងការ​ប្រាក់ មាន​លំនៅ នៅក្នុង​ភូមិ​ព្រៃ​ព្រីង​ត្បូង សង្កាត់​ចោមចៅ​៣ ខណ្ឌ​ពោធិ៍​សែន​ជ័យ​។​

​សូម​រំលឹកថា កាលពី​វេលា​ម៉ោង ៣ រសៀល ថ្ងៃទី​១៧ ខែធ្នូ កន្លងទៅ ស្ថិតនៅតាម​ផ្លូវលំ ភូមិ​ទួល​កី សង្កាត់​ភ្លើង​ឆេះ​រទេះ ខណ្ឌ​កំបូល មាន​ករណី​ខ្មាន់កាំភ្លើង បាន​បាញ់ប្រហារ បុរស​ម្នាក់ ចំនួន ៤ គ្រាប់ បណ្តាល​ឲ្យ​ស្លាប់ ពេល​បញ្ជូន​ទៅដល់​មន្ទី​រ​ពេទ្យ ហើយ​ជនដៃដល់ ក៏​គេចខ្លួនបាត់​។ រហូតមកដល់​រសៀល ថ្ងៃទី​១៩ ខែធ្នូ នេះ កម្លាំង​នគរបាល​ព្រហ្មទណ្ឌ ខណ្ឌ​កំបូល សហការ​ជាមួយ​កម្លាំង​នគរបាល​ព្រហ្មទណ្ឌ ក្រសួងមហាផ្ទៃ បាន​ឃាត់ខ្លួន​ជនដៃដល់ បានតែ​ម្តង​។

​នៅ​ចំពោះមុខ​សមត្ថកិច្ច ជនដៃដល់ បាន​សារភាពថាៈ ខ្លួន​ពិតជា​បាន​បាញ់សម្លាប់​ជនរងគ្រោះ ពិតប្រាកដ​មែន ព្រោះតែ​រឿង​ជំពាក់​លុយ​។

​បច្ចុប្បន្ន ជនសង្ស័យ ត្រូវបាន​កម្លាំង​នគរបាល​ព្រហ្មទណ្ឌ ខណ្ឌ​កំបូល កំពុង​សួរចម្លើយ​បន្ថែម និង​រៀបចំ​កសាង​សំណុំរឿង បញ្ជូនទៅ​តុលាការ ដើម្បី​ចាត់ការ​តាមច្បាប់​៕/V​

ជនដៃដល់​ឈ្មោះ សុខ ហេង​សំបូរ  អាយុ ៣១ ឆ្នាំ

ជនរងគ្រោះ ឈ្មោះ នៅ ចំណាន អាយុ ៤៥ ឆ្នាំ

ជនរងគ្រោះ ឈ្មោះ នៅ ចំណាន អាយុ ៤៥ ឆ្នាំ

ជនរងគ្រោះ ឈ្មោះ នៅ ចំណាន អាយុ ៤៥ ឆ្នាំ

ជនរងគ្រោះ ឈ្មោះ នៅ ចំណាន អាយុ ៤៥ ឆ្នាំ

ទីតាំងផ្សាយពាណិជ្ជកម្ម

- Advertisment -

Most Popular