Home ព័ត៌មានជាតិ សន្តិសុខ ម៉ូតូពីរគ្រឿង...

ម៉ូតូពីរគ្រឿង បុកគ្នាពេញទំហឹង បណ្តាលឱ្យ​ស្លាប់​ម្នាក់ និង​របួសធ្ងន់​ម្នាក់​

ដោយៈ ស​រិ​ទ្ធ​-​ចាន់តូ / ភ្នំពេញៈ យុវជន​ម្នាក់ បាន​ស្លាប់​ភ្លាមៗ នៅ​កន្លែងកើតហេតុ នៅពេល​បុរស​នោះ បាន​បើក​ម៉ូតូ​លឿន មិន​ប្រយ័ត្ន ជ្រុល​បុក​ម៉ូតូ​មួយគ្រឿង​ទៀត ចំ​ពីមុខ​ពេញទំហឹង កាលពី​ម៉ោង ១០​និង​២០ នាទី យប់​ថ្ងៃទី​១៩ ខែធ្នូ ឆ្នាំ​២០២០ នៅ​ចំណុច​ខាងមុខ អគ្គបញ្ជាការដ្ឋាន​កង​ទ័ពជើងគោក តាម​បណ្តោយ​ផ្លូវជាតិ​លេខ​៤ ក្នុងភូមិ​អង្គ សង្កាត់​ចោមចៅ​ទី​៣ ខណ្ឌ​ពោធិ៍​សែន​ជ័យ ។

​យុវជន​រងគ្រោះ​ដល់​ស្លាប់​នោះ ឈ្មោះ ហៀ​ង ច​ន អាយុ​២១​ឆ្នាំ មុខរបរ ធ្វើការ​រោងចក្រ នៅ​ម្តុំ​បែក​ចាន ស្នាក់​ភូមិ​ព្រៃ​ឥដ្ឋ ឃុំ​ពោធិ​អង្ក​ង ស្រុក​បរសេដ្ឋ ខេត្តកំពង់ស្ពឺ បើក​ម៉ូតូ​ម៉ាក ស៊ុយ​ហ្ស៊ុ​យ​គី លែ​ត ពណ៌​ស ពាក់​ស្លាក លេខ​តាកែវ 1T.2374 ។

​ចំណែក​អ្នករងរបួស​ធ្ងន់ ឈ្មោះ សោម សីហា ភេទ​ប្រុស អាយុ​៣២​ឆ្នាំ ស្នាក់នៅ​ភូមិ​ស្វាយប៉ាក សង្កាត់​ស្វាយប៉ាក ខណ្ឌ​ឬ​ស្សី​កែវ បើក​ម៉ូតូ ម៉ាក​ហុងដា ឌ្រី​ម សេ​១២៥ ស៊េរី​ឆ្នាំ​២០២០ ពណ៌​ខ្មៅ ពាក់​ស្លាក​លេខ ភ្នំពេញ​1HY.3247 ។

​តាម​ប្រភពព័ត៌មាន នៅ​កន្លែងកើតហេតុ បាន​ឲ្យ​ដឹងថា មុនពេល​កើតហេតុ គេ​បានឃើញ​ម៉ូតូ​ម៉ាក ហុងដា ឌ្រី​ម សេ​១២៥ ស៊េរី ២០២០ ពណ៌​ខ្មៅ ពាក់​ស្លាក​លេខ ភ្នំពេញ​1HY3247 បើកបរ​ដោយ​បុរស​ម្នាក់ ធ្វើដំណើរ​តាម​បណ្តោយ ផ្លូវជាតិ​លេខ​៤ ក្នុងទិសដៅ ពី​ខាងលិច ទៅខាង​កើត ក្នុង​ល្បឿន​លឿន ខណៈ​មកដល់​ចំណុចកើតហេតុ ក៏​ជ្រុល​បុក​ជាមួយ​ម៉ូតូ​ម៉ាក​ស៊ុយ​ហ្ស៊ុ​យ​គី លែ​ត ពណ៌​ស ពាក់​ស្លាក​លេខ តាកែវ 1T 2374 បើកបរ ដោយ​យុវជន​ម្នាក់ ធ្វើដំណើរ​ក្នុងទិសដៅ ពី​ខាងកើត ទៅខាង​លិច ក្នុង​ល្បឿន​លឿន ដូចគ្នា ហើយ​បាន​បុក​គ្នា ពេញទំហឹង បណ្តាល​ឲ្យ​ម្ចាស់​ម៉ូតូ ស៊ុយ​ហ្ស៊ុ​យ​គី លែ​ត​ស្លាប់​នៅ​កន្លែងកើតហេតុ ចំណែក​ភាគី​ម្ខាង​ទៀត រងរបួស​ធ្ងន់ ត្រូវ​បញ្ជូនទៅ​សង្គ្រោះ នៅ​មន្ទីរពេទ្យ​ភ្លាមៗ​។

​ក្រោយ​កើតហេតុ សមត្ថកិច្ច​មូលដ្ឋាន បាន​ចុះ​ទៅដល់​ចំណុចកើតហេតុ និង​ទំនាក់ទំនង​ទៅ​នគរបាល​ចរាចរណ៍​ជើងគោក រាជធានី​ភ្នំពេញ ដើម្បី​ចុះ​វាស់វែង​យក​ម៉ូតូ​ទាំង ២ គ្រឿង ទៅ​រក្សាទុក រង់ចាំ​ដោះស្រាយ​តាមច្បាប់​។ ចំណែក​សព​ជនរងគ្រោះ ត្រូវបាន​ប្រគល់ជូន ក្រុមគ្រួសារ​យកទៅ​ធ្វើបុណ្យ តាម​ប្រពៃណី​៕/V

ម៉ូតូ​បុក​ម៉ូតូ បណ្តាលឱ្យ​ស្លាប់​ម្នាក់ និង​របួសធ្ងន់​ម្នាក់​

ម៉ូតូ​បុក​ម៉ូតូ បណ្តាលឱ្យ​ស្លាប់​ម្នាក់ និង​របួសធ្ងន់​ម្នាក់​

ម៉ូតូ​បុក​ម៉ូតូ បណ្តាលឱ្យ​ស្លាប់​ម្នាក់ និង​របួសធ្ងន់​ម្នាក់​

ម៉ូតូ​បុក​ម៉ូតូ បណ្តាលឱ្យ​ស្លាប់​ម្នាក់ និង​របួសធ្ងន់​ម្នាក់​

ម៉ូតូ​បុក​ម៉ូតូ បណ្តាលឱ្យ​ស្លាប់​ម្នាក់ និង​របួសធ្ងន់​ម្នាក់​

ទីតាំងផ្សាយពាណិជ្ជកម្ម

- Advertisment -

Most Popular